༸གོང་ས་མཆོག་ལ་ཨོ་སི་ཊི་རི་ཡའི་ཁལ་གེན་ཕཌ་དང་ཁོར་རིན་ཐི་ཡ་གྲོང་ཁྱེར་གཉིས་ཀྱི་གསེར་གྱི་རྟཊ་མ་འབུལ་བཞེས་གནང་ཡོད་ཅིང་། ཕྱི་ཚེས་ ༢༦ ཉིན་༸གོང་ས་མཆོག་གིས་ཡུལ་དེར་ཡུ་རོབ་ཁུལ་གྱི་བོད་མི་ ༡༠༠༠༠ ལྷག་ལ་བོད་དོན་ཐོག་བཀའ་སློབ་སྩོལ་རྒྱུ་རེད།
༸གོང་ས་མཆོག་གིས་དབྱིན་ཡུལ་དང་སི་ལོ་ཝེ་ནི་ཡའི་མཛད་འཕྲིན་ཁག་ལེཊ་པར་གྲུབ་རྗེས། ཕྱི་ཚེས་ ༡༧ ཉིན་ཨོ་སི་ཊི་རིའི་གྲོང་ཁྱེར་ཧ་ཌ་ཏན་བྷག་ (Hüttenberg) ནང་འབྱོར་སྐབས་༼བོད་ནང་ལོ་བདུན་༽ཞེས་པའི་དཔེ་དེབ་རྩོམ་པ་པོ་ཧན་རིག་ཧེ་རར་དམ་པའི་སྐུ་ཟླ་ཀཱ་རི་ནཱ་ (Carina) ལཊ་དང་། གྲོང་སྡེའི་སྤྱི་ཁྱབ་བཅས་ཀྱིས་ཕེབས་བསུ་ཞུས་ཡོད་ཅིང་། སྐབས་དེར་༸གོང་ས་མཆོག་གིས་ཧན་རིག་དང་༸ཁོང་གཉིས་བར་ཐོག་མའི་འབྲེལ་བ་བྱུང་ཚུལ་ནས་མཐར་སྐུ་མ་གྲོངས་བར་གྱི་ལོ་རྒྱུས་ངོ་སྤྲོད་དང་། ཨོ་སི་ཊི་རིའི་གཞུང་མང་གཉིས་ཀྱིས་བོད་དོན་ཐོག་ཡུན་རིང་རྒྱབ་སྐྱོར་གནང་བར་བསྔཊ་བརྗོད་གནང་དང་འབྲེལ། ཁུལ་དེའི་བོད་ཀྱི་ཐེབས་རྩ་ (Tibet Centre) ཁང་གསར་འཛུགས་ཆེད་ཨ་སྒོར་ ༡༥༠༠༠༠ ཞལ་འདེབས་གནང་ཡོད།
ཕྱི་ཚེས་ ༡༨ ཉིན་༸གོང་ས་མཆོག་གིས་ཨོ་སི་ཊི་རི་ཡའི་ཁལ་གེན་ཕཌ་གྲོང་ཁྱེར་ཚོགས་ཁང་ཆེན་མོའི་ནང་། ས་གནས་མི་མང་སྟོང་ཕྲག་མང་པོར་ཤེས་རབ་སྙིང་པོའི་བཀའ་ཆོས་བསྩལ་ཡོད་འདུག་ལ། གསུང་ཆོས་མགོ་འཛུགས་མ་གནང་གོང་། གྲོང་ཁྱེར་སྤྱི་ཁྱབ་དང་གྲོང་སྡེ་སྤྱི་ཁྱབ་གཉིས་ཀྱིས། མང་ཚོགས་ལ་༸གོང་ས་མཆོག་གི་མཛད་རྣམ་སྙིང་བསྡུས་ཤིག་ངོ་སྤྲོད་དང་། གཟེངས་རྟགས་འབུལ་དགོས་པའི་དམིགས་ཡུལ་སྐོར་ངོ་སྤྲོད་གནང་སྟེ། ཁལ་གེན་ཕཌ་གྲོང་ཁྱེར་གསེར་གྱི་རྟགས་མའི་བྱ་དགའ་དེ་༸གོང་ས་མཆོག་ལ་འབུལ་ལམ་ཞུས་ཡོད།
དེའི་རྗེས་༸གོང་ས་མཆོག་གིས་ཆེ་བསྟོད་གཟེངས་གནང་བར་བཀའ་དྲིན་ཞུས་རྗེས། མང་ཚོགས་ལ་འཇིག་རྟེན་བཀོད་པ་པོ་ཁས་བླངས་མིན་ལ་མ་ལྟོས་པར། རང་རང་ལྟ་གྲུབ་ཀྱི་ཐོག་རང་གཅེས་འཛིན་གྱི་བསམ་པ་ཆུང་དུ་གཏོང་ཐབས་དང་། བྱམས་བརྩེ་དང་བཟོད་བསྲན། ཆོས་ལུགས་མཐུན་སྒྲིལ་སོགས་འཇིག་རྟེན་ཀུན་ཁྱབ་རིན་ཐང་རྣམས་གོང་མཐོར་གཏོང་དགོས་པའི་བཀའ་སློབ་བསྩལ་དོན“ སེམས་ཚོར་ཐོག་ང་ཚོ་ཚང་མ་བདེ་བ་འདོད་ཅིང་སྡུག་བསྔལ་མི་འདོིད་པའི་འགྲོ་བ་མི་ཡིན་པ་གཅིག་མཚུངས་ཡིན། གལ་སྲིད་ང་རང་ཨེ་ཤ་ཡའི་མི་རིཊ་ཤིག་དང་བོད་པ་ཞིག ཡང་ན། ནང་པ་ཞིག་ཡིན་བསམ་ན་ང་ཚོ་རང་བཞིན་གྱིས་ཐག་རིང་དུ་འགྲོ་ཡི་རེད་ ” ཅེས་གསུངས་ཡོད།
ཉིན་རྒྱབ་གྲོང་ཁྱེར་སྤྱི་ཁྱབ་དང་༸གོང་ས་མཆོག་ཐུན་མོང་ཐོག་གསར་འགོད་གསལ་བསྒྲཊ་ཤིག་སྤེལ་སྐབས། ༸གོང་ས་མཆོག་གིས་གསར་འགོད་པ་ཚོར། གསར་འགོད་པ་ནི་མི་དམངས་ལ་གོ་རྟོགས་སྤེལ་མཁན་ཡིན་སྟབས། གལ་སྲིད་ཆབ་སྲིད་པ་དང་ཚན་རིག་པ། ཆོས་པ་ཚོས་ནོར་འཁྲུལ་གྱི་ལས་ཀ་སོགས་བྱེད་སྐབས་གསར་འགོད་པར་ནོར་འཁྲུལ་ཐེར་འདོན་བྱ་རྒྱུའི་འགན་ཡོད་པ་མ་ཟད། གསར་འགོད་པ་ཚོར་གླང་ཆེན་གྱི་སྣ་བུག་ལྟ་བུའི་རྒྱབ་མདུན་གནས་ཚུལ་རྟོགས་རྒྱུའི་ནུས་པ་དགོས་པ་མ་ཟད། གནས་ཚུལ་བཟང་ངན་ཅི་རིཊ་ཕྱོགས་ལྷུང་མེད་པར་སྤེལ་དགོས་ཀྱི་ཡོད་སྐོར་གསུངས་ཡོད།
གསར་འགོད་ལྷན་ཚོཊ་ཐོག་གྲོང་ཁྱེར་སྤྱི་ཁྱབ་དང་༸གོང་ས་མཆོག་རྣམ་གཉིས་ཀྱིས། བོད་དང་ཨོ་སི་ཊོ་རི་ཡའི་རྒྱལ་དར་གནམ་ལ་གཡུག་གཡུག་གནང་རྗེས། ༸གོང་ས་མཆོག་གིས་མུ་མཐུད་དུ་གསུངས་དོན། “ངོས་རང་འདི་གར་ཐོག་མར་འབྱོར་སྐབས། མི་མང་པོ་ཞིག་གིས་བོད་ཀྱི་རྒྱལ་དར་ཁྱེར་ཏེ་དགའ་བསུ་གནང་སོང་། བོད་ཀྱི་རྒྱལ་དར་འཕྱར་མཁན་ལ་རྒྱ་གཞུང་གིས་སྐྱོན་བརྗོད་བྱེད་ཀྱི་ཡོད་ཀྱང་། ༡༩༥༤ ལོར་ངོས་རང་རྒྱ་ནག་ཏུ་སྐྱོད་སྐབས། ཉིན་གཅིག་མའོ་ཙེ་ཏུང་གིས་ཁྱེད་ཚོར་རྒྱལ་དར་ཞིག་ཡོད་པ་རེད་པས་ཞེས་དྲིས་པའི་ལན་དུ། ངོས་ཀྱིས་ང་ཚོར་རྒྱལ་དར་ཡོད་ཅེས་བཤད་སྐབས། ཁོང་གིས་རྒྱལ་དར་དེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་དར་དང་མཉམ་དུ་བསྒྲེང་ན་འགྲིག་གི་རེད་ཅེས་བརྗོད་བྱུང་། དེར་བརྟེན་མ་འོངས་པར་རྒྱ་གཞུང་གིས་བོད་ཀྱི་རྒྱལ་དར་འཕྱར་ཆོག་གི་མ་རེད་ཅེས་རྙོག་དྲ་བཤད་ན། མའོ་ཀྲུའུ་ཞིས་ཏཱ་ལའི་བླ་མར་བོད་ཀྱི་རྒྱལ་དར་བསྒྲེང་ཆོག་པའི་ཆོག་མཆན་སྤྲད་ཡོད་བཤད་ན་འགྲིག་གི་ཡོད་ ” ཅེས་གསུངས་ཡོིད།
ཕྱི་ཚེས་ ༢༠ ཉིན་༸གོང་ས་མཆོག་ཨོ་སི་ཊི་རི་ཡའི་ས་གནས་ (Klagenfurt) སུ་ཆིབས་བསྒྱུར་བསྐྱངས་སྐབས། ཡུལ་དེའི་ཁོར་རིན་ཐི་ཡ (Corinthia) མངའ་སྡེ་བློན་ཆེན་མཆོག་གིས། ༸གོང་ས་མཆོག་ལ་གྲོང་ཁྱེར་དེའི་གསེར་གྱི་རྟགས་མའི་བྱ་དགའ་འབུལ་བཞེས་གནང་འདུག་ལ། སྐབས་དེར་༧གོང་ས་མཆོག་གིས་མང་ཚོགས་ལ་བཀའ་སློབ་བསྩལ་ཡོད་པ་མ་ཟད། ཆོས་ལུགས་འདྲ་མིན་གྱི་ཚོགས་འདུ་ཞིག་ཏུ་ཆིབས་བསྒྱུར་བསྐྱངས་ཡོད། སྐབས་དེར། ༸གོང་ས་མཆོག་གིས་ཡུ་རོབ་ས་གནས་འདྲ་མིན་ནས་བཅར་བའི་བོད་མི་ ༤༠༠ ཙམ་ལ། བོད་ཀྱི་རིག་གཞུང་གི་རིན་ཐང་དང་སྐད་ཡིག་སྲུང་སྐྱོབ། ཆབ་སྲིད་སྐུ་དབང་རྩིས་སྤྲོད་གནང་ཕྱོགས། བོད་མི་ནང་ཁུལ་ཆབ་སྲིད་ལངས་ཕྱོགས་རྩོད་རེས་མི་གནང་བའི་བཀའ་སློབ་བཅས་བསྩལ་ཡོད།
ཟླ་འདིའི་ཕྱི་ཚེས་ ༢༦ ཉིན་ཨོ་སི་ཊི་རི་ཡའི་ནང་ཡུ་རོབ་གནས་སྡོད་བོད་མི་ ༡༠༠༠༠ ལྷག་འདུ་འཛོམ་གནང་སྟེ། ༸གོང་ས་མཆོག་དང་བཀའ་ཁྲི་བློ་བཟང་སེང་གེ་རྣམ་གཉིས་གཙོས་ཡུ་རོབ་ཁུལ་གྱི་སྲིད་དོན་པ་དང་། ཆབ་སྲིད་བཙོན་པ་ཚོས་བོད་ཀྱི་གནད་དོན་ཐོག་གཏམ་བཤད་སྤེལ་རྒྱུ་དང་། ཡུ་རོབ་ཀྱི་གཞས་པ་གྲཊ་ཅན་ཁག་ཅིག་གིས་བོད་དོན་རྒྱབ་སྐྱོར་གྱི་གླུ་གཞས་ཀྱང་གཏོང་འཆར་ཡོད་འདུག འདུ་འཛོམ་དེའི་ཐད་༸གོང་ས་མཆོག་གིས་གསར་འགོད་པའི་བཅར་འདྲི་དང་ལེན་སྐབས། བོད་མི་འདུ་འཛོམ་དེ་གལ་ཆེན་པོ་ཡིན་ཚུལ་གསུངས་ཏེ། “བོད་ཀྱི་གནས་སྟངས་ཧ་ཅང་ཐབས་སྐྱོ་བོ་ཆཊ་ཡོད་ཀྱང་། འཛམ་གླིང་སྤྱི་ཡོངས་ལ་དུས་ད་ལྟ་ཡང་ཁ་གསལ་པོ་ཆགས་ཐུབ་མེད་སྟབས། ཐེངས་འདིའི་བོད་མི་འདུ་འཛོམ་དེ་རྒྱལ་སྤྱིའི་སྟེང་བོད་དོན་ཤེས་རྟོགས་ཡོང་རྒྱུར་ཕན་ཐོགས་ཆེན་པོ་” ཅེས་གསུངས་ཡོད།
ལས་འགུལ་གོ་སྒྲིག་པ་སུད་སིར་གནས་བཞུཊ་བཀྲས་མཐོང་བདེ་སྐྱིད་གཡང་འཛོམས་ལགས་ཀྱིས་བརྗོད་ན། ཐེངས་འདུའི་འདུ་འཛོམས་དེ་ནི་ཡུ་རོབ་གནས་སྡོད་བོད་པ་དང་བོད་དོན་རྒྱབ་སྐྱོར་བ་ཚོས། བོད་ནང་དཀའ་སྡུག་མྱོང་བཞིན་པའི་བོད་མི་ཚོར་གདུང་སེམས་མཉམ་སྐྱེད་དང་རྒྱབ་སྐྱོར་མཚོན་ཐབས་ཀྱི་འདུ་འཛོམ་ལས་འགུལ་ཞིག་ཡིན་ཚུལ་དང་། འདུ་འཛོམ་སྐབས་ཀྱི་ལས་རིམ་གཙོ་བོ་༸གོང་ས་མཆོག་དང་བཀའ་ཁྲི་བློ་བཟང་སེང་གེ་རྣམ་གཉིས་ཀྱིས་བོད་ནང་གི་གནས་སྟངས་དང་། ཨོ་སི་ཊི་རི་ཡ་གཙོས་ཡུ་རོབ་སྲིད་དོན་པ་དང་ཆབ་སྲིད་བཙོན་པ་ཁག་ཅིག་གིས་བོད་དོན་རྒྱབ་སྐྱོར་གྱི་གཏམ་བཤད་སྤེལ་རྒྱུ་དང་། ཡུ་རོབ་གཞས་པ་གྲཊ་ཅན་ཁ་ཤས་ཀྱིས་དོན་དོན་རྒྱབ་སྐྱོར་གྱི་གླུ་གཞས་གཏོང་རྒྱུ་སོགས་ཡིན་འདུག
ཕྱི་ཚེས་ ༢༤ ཉིན་༸གོང་ས་མཆོག་གིས་བྷེལ་ཇམ་དུ་ས་གནས་མི་མང་སྟོང་ཕྲག་བརྒལ་བར་སྤྱི་ཚོགས་བཟང་པོ་སྐྲུན་ཐབས་ཀྱི་འཆར་སྣང་ཞེས་པའི་བརྗོད་གཞིའི་སྟེང་བཀའ་སློབ་བསྩལ་རྒྱུ་ཡིན་འདུག
གསར་འགོད་པ། དཔལ་ལྡན།
ཆོས་ཤེས་བཀྲ་ཤིས་བཀྲ་ཤིས་འབྱུང་།
བཀྲ་ཤིས་ཀུན་གྱི་བཀྲ་ཤིས་པ།
སྐུ་ཚེ་ཡུན་བརྟན་བཀྲ་ཤིས་པ།
གྲགས་པའི་བཀྲ་ཤིས་སྙན་གྲགས་དགེ
བོད་ཀྱིས་བདེན་པ་རྒྱལ་འགྱུར་ཅིག
ཐུགས་བྱམས་བརྩེ་འི་འོད་སྣང་ཅི་ཡང་བཀྲ་ །
ཞལ་འཛུམ་མདང་མེ་ཏོག་རྣམ་པར་བཀྲ་ །
གསུང་སྙན་མོ་ཐོས་འཛིན་བརྒྱན་དུ་བཀྲ་ །
ས་འདི་ལ་ཞི་བདེ་དར་ལྕོག་འཛུམས ༎
རྗེ་ཉིད་ཀྱིས་འགྲོ་དོན་ཁོ་ན་བཞེད༎
མགོན་ཁྱེད་ཀྱིས་བདེ་དོན་འབའ་ཞིག་སྨྲས༎
འགྲོ་ཀུན་ལ་བདེ་སྐྱིད་གསར་པ་བསྐྲུན༎
མགོན་ཁྱེད་ཀྱིས་བཀའ་དྲིན་མི་སེམས་ཅི༎
རྗེ་ཉིད་ཀྱི་མཛད་འཕྲིན་ཁོ་ན་ལས༎
བོད་བཙན་བྱོལ་བླ་སྤྲུལ་དགེ་འདུན་རྣམས།
མགོ་ཅུད་ཟད་གྱེན་དུ་བཏེགས་པ་ཡང།།
མགོན་བླ་མ་ཁྱེད་ཀྱི་བཀའ་དྲིན་ཡིན།།
བོད་སྲིད་པ་ཆགས་ནས་ད་ལྟ་བར༎
ཞྭ་དཀར་ནག་བཞེས་པའི་བླ་སྤྲུལ་དང་༎
སྐྲ་བརྒྱན་དུ་འཆང་བའི་གྲུབ་ཐོབ་སོགས༎
བོད་བསྟན་སྲིད་སྐྱོང་བའི་ལོ་རྒྱུས་མེད༎
ཧེ་ཧེ་ཀུ་རེའི་ཚུལ་དུ་ཐལ་ལོ༎
འགྱུར་མེད་བསྟན་འཛིན་ལ་ཞུ་རྒྱུར།
རྒྱལ་ཁབ་ཁག་དང་ཚོགས་པ་ཁག་གིས་༸་གོང་ས་མཆོག་ལ་གཟེངས་རྟགས་ཕུལ་བའི་མཛད་སྒོའི་ཐོག་གཟེངས་རྟགས་དེ་དག་གི་མཚོན་དོན་དང་ངོ་བོ་གང་ཡིན་ཇི་མ་ཇི་
བཞིན་སྒྲོན་སྦྱངས་ཞུ་བཞིན་ཡོད།འོན་པ་དང་ལོག་བ་དབང་པོ་ཚན་མིན་གྱིས་མ་
རྟོགས་པ་དང་མ་ཤེས་ཡོད་སྲིད་མོད། གཞན་དོགས་འཆར་དེ་འདྲ་ཡོང་དོན་ཡེ་ནས་མེད།ཡིན་ན་ཡང་རྒྱུ་མཚན་དང་
དམིགས་ཡུལ་ངན་པ་ཞིག་ལ་བརྟེན་ནས་དེ་ལྟ་བུའི་དོགས་པ་ཡོད་ཁུལ་བྱས་མཁན་ནི་རྒྱ་དམར་གཞུང་ཙམ་རེད། རེད་དེ་ཁྱོད་ཀྱིས་མ་ཤེས་པ་ནི་མིག་སེར་ཅན་གྱིས་གངས་རི་སེར་པོ་མཐོང་བ་དང་
གཅིག་མཚུངས་རེད།ནང་ཆོས་ནས་གསུངས་པའི་མིག་སེར་བསེལ་བའི་གསོལ་སྨན་མཆོད་ན་གཟེངས་རྟགས་དེ་དག་གི་ངོ་བོ་དང་མཚོན་དོན་ཤེས་རྒྱུའི་རེ་བ་ཡོད།
ཡོན་ཏན་ལྡན་ཞིང་ཡོན་ཏན་ཤེས།།
ཆོས་ཤེས་བཀྲ་ཤིས་བཀྲ་ཤིས་འབྱུང་།།
བཀྲ་ཤིས་ཀུན་གྱི་བཀྲ་ཤིས་པ།།
གྲགས་པའི་བཀྲ་ཤིས་སྙན་གྲགས་དགེ། ཞེས་སངས་རྒྱས་ཀྱིས་མཚན་ཡང་དག་བརྗོད་པའི་མདོ་ལས་ལུང་དུ་བསྟན་པ་ལྟར་བཀྲིས་པ་ཀུན་གྱིས་ནང་ནས་ས་སྟེང་འདིར་བཀྲ་ཤིས་ཤོས་དེ་མཚན་སྙན་པར་གྲགས་པའི་བོད་དང་འཛམ་གླིང་གི་སྤྱི་ནོར་༸ གོང་ས་སྐྱབས་མགོན་ཐམས་ཅད་མཁྱེད་ཅིང་གཟིགས་པ་ཆེན་པོ་༸གོང་ཏྰ་ལའི་བླ་མ་ཁོ་ན་ཉིད་ཡིན།།
མདའ་མཚོན་གོ་ཆ་མ་བཟུང་བར།།
རང་ཉིད་གཅིག་པུས་བྱེ་བའི་བདུད།།
མ་ལུས་ཕམ་མཛད་གཡུལ་གྱིས་ལས།།
ཁྱེད་ལས་གཞན་པ་སུ་ཞིག་མཆིས།། ཞེས་བོད་ཀྱི་རླབས་ཆེན་རྗེ་ཙོང་ཁ་པས་བསྟོད་པ་ལྟར་མདའ་དང་མཚོན་སོགས་ཅི་ཡང་མི་མངའ་བའི་སྐྱབས་མགོན་ཏྰ་ལའི་བླ་མ་མཆོག་གང་ཉིད་ཀྱིས་དམག་དཔུང་དང་། མེ་མདེལ། རྡུལ་མཚོན་སོགས་ཡོད་པའི་རྒྱ་ནག་དམར་པོའི་ཏང་ཤོག་གི་རྩ་འཛུགས་འདི་ཡང་ཕམ་པར་མཛད་པའི་ཚུལ་བསྟན་བཞིན་པ་ལྟར་ཡིན།
སྐུ་ཚེ་ཞབས་པད་ཡུན་རིང་བརྟན་པའི་སྨོན་ལམ་ཞུའོ།།
ངའི་བླ་མ་ཡིད་བཞིན་ནོར་བུ་ཡིན།།
སྐུའི་མཛད་པ་འཛམ་གླིང་ཉི་མ་ཡིན།།
ཐུགས་གཤིས་རྒྱུད་བྱང་ཆུབ་སེམས་དཔའ་ཡིན།།
ཁོང་སྐུ་ཚེ་བརྟན་པའི་སྨོན་ལམ་འདེབས།།
སྐུ་མེ་ཏོག་མདོ་སྨད་ཡུལ་ནས་བཞད།།
ཆོས་ཟབ་མོ་དབུས་ཡུལ་ཞིང་ནས་བསླབ།།
སྐུ་མཛད་འཕྲིན་གོ་ལའི་ཁྱོན་ལ་ཁྱབས།།
ཁོང་སྐུ་ཚེ་བརྟན་པའི་སྨོན་ལམ་འདེབས།།
ཚེ་འདི་ཕྱི་གཉིས་ཀྱིས་སྐྱབས་གནས་ཡིན།།
བོད་ཆོལ་གསུམ་དད་པའི་བླ་མ་ཡིན།།
དུས་སྨྱུག་མའི་སྐབས་གིས་སངས་རྒྱས་ཡིན།།
ཁོང་སྐུ་ཚེ་བརྟན་པའི་སྨོན་ལམ་འདེབས།།
ས་ཆེན་ལ་ཤོང་དཀའ་བའི་ས་ཐོག་སངས་རྒྱས་ཀྱི་མཛད་པ་གྲངས་མང་ཞིང་ཡིད་རངས་ཞུ།
འོན་ཀྱང་ནུབ་ཕྱོགས་མགོ་སེར་འདི་ཚོས་གཟེངས་རྟགས་འདི་ཚོའི་ངོ་བོ་ངོ་མ་དེ་གང་འདྲ་ཡིན་མིན་ད་དུང་ཡང་གསལ་པོ་ཤེས་མེད།
དྲ་གྲོགས་ཚོ། དེ་ལས་ཀྱང་ཞིབ་ཅིང་ཕྲ་བ་ཀློག་འདོད་ན་བོད་ཀྱི་བང་ཆེན་ནང་བཀོད་འདུག
རང་ཅག་ལྷ་མི་ཀུན་གྱི་མངའ་བདག་༸སྐྱབས་མགོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་སྐུ་ཚེ་བསྐལ་བརྒྱར་བརྟན་པ་དང། བོད་དོན་བདེན་མཐའ་མྱུར་དུ་སེལ་བའི་སྨོན་འདུན་ཤུགས་དྲག་བཅས།།
༄་། མགོན་༧ སྐྱབས་མགོན་ལྷ་མིའི་རྣམ་འདྲེན་གྱིས།།
གསུངས་བྱིན་རླབས་འཛམ་གླིང་ཡོངས་སུ་འཇུག།།
ཡུལ་འདུལ་བྱའི་ཉོན་མོང་ཀུན་གྲོལ་ནས།།
བློ་ཆོས་སུ་འགྲོ་བ་བྱིན་གྱིས་རློབ།།
ཡོ་རོབ་ནང་བོད་པ་ཚང་ནས་ལས་དོན་འདི་ལྟར་སྤེལ་བ་ཧ་ཅང་གི་དུས་མཚམས་རེད། ཐུགས་རྗེ་ཆེ། དགྲ་བོ་བྱིས་སྐད་ཤོར་བ་ཡང་རྒྱུ་འདི་ལ་བརྟེན་ནས་བྱུང་བས་ད་ལས་དོན་འདི་རིགས་གང་མང་སྤེས་དགོས་པ་གལ་ཆེ། བོད་ཚོགས་འགོ་ཁྲིད་དང་། མང་ཚོགས་ལ་སྙིང་དབུས་དགའ་བསུ་ཞུ་ལ་བདེ་སྐྱིད་བཀྲས་མཐོང་ལགས་དང་། བོད་རིགས་སྤྱི་མཐུན་ཚོགས་པ་རྣམས་སུ་སླར་ཡང་ཐུགས་རྗེ་ལན་བརྒྱར་ཆེ་ཞུ།།།