དེ་རིང་གཟའ་པ་སངས་ཉིན་གྱི་ཞོགས་པར་མདོ་སྨད་གཅན་ཚ་རྫོང་ཐོག་ཏུ་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་འདུག
དེ་རིང་ཕྱི་ཚེས་ ༡༥ ཉིན་གྱི་བོད་ནང་གི་ཞོགས་པའི་ཆུ་ཚོད་ ༦།༣༠ ཡས་མས་སུ། མདོ་སྨད་གཅན་ཚ་རྫོང་གཅན་ཚ་ཐང་ཞང་ལོ་བ་སྡེ་བའི་རང་ལོ་ ༤༠ ཡིན་པའི་བོད་མི་རྟ་མགྲིན་ཐར་ཞུ་བ་ཞིག་གིས། གཅན་ཚ་རྫོང་དྲག་ཆས་ཉེན་རྟོག་ལས་ཁུངས་ཀྱི་སྒོ་འགྲམ་དུ་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཡོད་འདུག མེར་བསྲེགས་བཏང་སྟེ་ཅང་མ་འགོར་བར་ས་གནས་དམག་མིས་མེ་བསད་དེ་བཙན་འཁྱེར་བྱས་འདུག ད་ནངས་ཞོགས་པར་ས་གནས་མང་ཚོགས་ཀྱིས་རྟ་མགྲིན་ཐར་ཕྱིར་རྩིས་སྤྲོད་བྱེད་དགོས་པའི་རེ་འདུན་བཏོན་སྟེ་ངོ་རྒོལ་བྱས་སྟབས། ས་གནས་ཉེན་རྟོག་པས་དེ་རིང་སྔ་དྲོའི་ཆུ་ཚོད་ ༡༡ སྟེང་ཁོང་ཕྱིར་ནང་མིར་རྩིས་སྤྲོད་བྱ་རྒྱུ་ཡིན་ཚུལ་བརྗོད་ཡོད་ཀྱང་། ད་ལྟའི་ཆར་ཁོང་གྲོངས་ཡོད་མེད་ཀྱི་ཞིབ་ཕྲའི་གནས་ཚུལ་ཤེས་རྟོགས་ཐུབ་ཀྱི་མི་འདུག
ད་ལྟའི་ཆར་རྒྱ་ནག་གཞུང་གིས་མདོ་སྨད་རྨ་ལྷོ་ཁུལ་གཅན་ཚ་རྫོང་ཐོག་ཏུ་དམག་མི་འགྲེམས་འཇོག་གིས་ས་གནས་མི་མང་ལ་དམ་དྲག་ཤུགས་ཆེར་བྱེད་ཀྱི་ཡོད་འདུག
ས་གནས་མང་ཚོགས་༼ གཅན་ཚ་རྫོང་མི་དམངས་སྲིད་གཞུང༽ གི་མདུན་དུ་འཛོམས་ཏེ་རེ་སྐུལ་ཞུ་བཞིན་པ།
གསར་འགོད་པ། དོན་གོ
ཀླ་ཀློ་དཔུང་གི་བསམ་སྦྱོར་ངན་པའི་སྡེར་མོའི་མཆེ་བ་གཙིགས་ན་ཡང་།།
གཞི་ལུས་བོད་མིས་ལ་རྒྱའི་དར་ཆ་མེ་དཔུང་དམར་བོས་དགུངས་ལ་བཏགས།།
གངས་ཅན་ལྗོངས་ནས་གདོང་དམར་ཚང་གི་སྐྱོ་སྡུག་འཁྱམས་རོམ་མཐུག་ན་ཡང་།།
བདེན་པའི་སྲོག་རྕ་མེ་ལ་བསྲེག་སྟེ་གདོང་དམར་ཁྱིམ་གཞི་དྲོད་ཀྱིས་གསོས།།
བྱེས་སྡོད་བོད་མིས་རིགས་ཞེན་ལ་རྒྱ་དགོས་རབས་བཤད།།
འཚེ་མེད་བདེན་པ་ཁོ་ཚོའི་དམ་བཅའ་ཡིན་རབས་བཤད།།
རང་རིགས་དོན་དུ་ཅི་ཞིག་ཡིན་རུང་ཐུབ་རབས་བཤད།།
ཁ་ལག་འགལ་བའི་བོད་མིའི་རྩ་དོན་སྒྲུབ་ལུགས་འདི།།
ཁྱེད་ཚོའི་མིག་མཆི་ང་ཚོའི་མཆི་མ་ཡིན་རབས་བཤད།།
ཁྱེད་ཚོའི་སྡུག་བསྔལ་ང་ཚོའི་ལུས་ཀྱི་མྱོང་རབས་བཤད།།
ཁྱེད་ཚོ་སྡུག་ན་ང་ཚོ་སྐྱིད་པོ་མེད་རབས་བཤད།།
དགའ་དགའ་སྤྲོ་སྤྲོ་སྐྱིད་གཉིད་བྱས་ནས་སྡོད་ལུགས་འདི།།
《མདོ་སྨད་གཅན་ཚ་ནས་རང་ལུས་མེར་བསྲེགས་གནང་མཁན་རྟ་མགྲིན་ཐར་ལགས། འདས་གྲོངས་སུ་ཕྱིན་ཡོད་པའི་སྐོར་རྒྱ་ནག་གཞུང་གིས་ངོས་ལེན་བྱས་འདུག》
A person died of self-immolation Friday morning in Jianzha county of Huangnan Tibetan autonomous prefecture of northwest China’s Qinghai province, government sources said.
http://www.china.org.cn/china/2012-06/15/content_25657298.htm
http://www.china.org.cn
ངོ་མ་ཡིད་སྐྱོ་པའི་གནས་ཚུལ་རེད་རྒྱལ་གཅེས་དཔའ་བོ་ཁོང་གི་དམིགས་འདུན་འགྲུབ་པའི་སྨོན་འདུན་ཞུ། བཙན་བྱོལ་ནས་ཡང་ལམ་དང་ལུགས་སྲོལ་ལྟ་བུའི་མར་མེ་ཁྲོམ་ཞིག་འཚོགས་ན་འགྲིག་སོང་བ་།
ཨོཾ་མ་ཎི་པདྨེ་ཧྰུཾ། ཨོཾ་མ་ཎི་པདྨེ་ཧྰུཾ། ཨོཾ་མ་ཎི་པདྨེ་ཧྰུཾ། ཨོཾ་མ་ཎི་པདྨེ་ཧྰུཾ།
དུས་བབ་ཚང་གི་དྲ་རྒྱ་དོ་དམ་པར་ཞུ་རྒྱུ་ཞིག་ལ། དུས་བབ་དྲ་བར་ནད་འབུ་ཧ་ཅང་མང་པོ་ཞིག་འཛུལ་འདུག་པས་དྲ་ཚིགས་མ་ལག་གཙང་བཟོ་བྱེད་མ་ཐུབ་ཚེ་ཀློག་པ་པོ་མང་པོ་ཞིག་ལ་དཀའ་ངལ་བཟོ་རྒྱུ་རེད། མ་ལག་གཙང་བཟོ་བྱེད་རྒྱུ་དེ་ཧ་ཅང་གི་ལས་སླ་བོ་ཡིན་པས་དེ་དོན་ཐུགས་ལ་འཛིན་པར་འཚལ།།
བོད་རྒྱལ་ལོ་དཔའ་བོ་ཁོང་རྒྱལ་ལོ་བདེན་པ་རྒྱལ་ལོ།
ཨ་ཧ་བོ། ཡང་རྒྱལ་ཞེན་གྱི་གློ་སྙིང་མཁྲེག་པའི་བོད་ཀྱི་སྐྱེས་ཆེན་ཞིག་ཚར་སོང་བ་ཡིན་ནམ། ཨོཾ་མ་ཎི་པདྨེ་ཧྰུཾ།ཨོཾ་མ་ཎི་པདྨེ་ཧྰུཾ།ཨོཾ་མ་ཎི་པདྨེ་ཧྰུཾ།
ཨོཾ་མ་ཎི་པདྨེ་ཧྰུཾ། ཡང་བོད་མི་གཅིག་
དུས་བབས་ཚང་གི་གསར་འགྱུར་བྱ་ལས་མྱུར་འདུག