བྷར་ཛིལ་དུ་ཚོགས་པའི་འཛམ་གླིང་ཁོར་ཡུག་ཚོགས་ཆེན་སྟེང་། དབུས་བོད་མིའི་སྒྲིག་འཛུཊ་ཁོར་ཡུག་ཚན་པའི་སྐུ་ཚབ་མཉམ་ཞུགས་གནང་ཡོད་འདུག
འཛམ་གླིང་མཉམ་འབྲེལ་རྒྱལ་ཚོགས་ཀྱི་གོ་སྒྲིག་འོག ཟླ་འདིའི་ཕྱི་ཚེས་ ༡༨ ཉིན་བྷར་ཛིལ་རྒྱལ་ས་རིའོ་ཌི་ཇི་ནི་རིའོ་ (Rio de Janeiro) ནང་། གོ་ལའི་ཁོར་ཡུག་དང་མཐུན་པའི་དཔལ་འབྱོར་འཛུཊ་སྐྲུན་ཞེས་པའི་རྒྱལ་སྤྱིའི་ཁོར་ཡུག་ཚོཊ་ཆེན་ཞིག་སྐོང་ཚོགས་གནང་ཡོད་འདུག་ལ། བགྲོ་གླེང་ཚོགས་ཆེན་དེར་འཛམ་གླིང་རྒྱལ་ཁབ་འདྲ་མིན་ནས་གཞུང་དང་གཞུང་འབྲེལ་མིན་པའི་ཚོཊ་པ་ཁག་གི་སྐུ་ཚབ་མང་པོ་ཞིག་བཅར་ཡོད་འདུག
ཐེངས་འདིའི་བགྲོ་གླེང་སྐབས་དབུས་བོད་མིའི་སྒྲིག་འཛུཊ་ཀྱི་ཕྱི་དྲིལ་ཁོར་ཡུག་ཚན་པའི་ལས་བྱེད་བསྟན་པ་རྒྱལ་མཚན་ལགས་ཀྱིས། བོད་མཐོ་སྒང་གི་ཁོར་ཡུག་གནས་སྟངས་སྤྱི་དང་། བྱེ་བྲག་ད་ཆར་རྒྱ་གཞུང་གིས་བཙན་ཤེད་ཐོག་བོད་ཀྱི་འབྲོག་པ་རྣམས་གཞིས་སྤོ་བྱེད་དུ་བཅུག་པའི་ཛ་དྲག་གནས་སྟངས་སྐོར་ངོ་སྤྲོད་གནང་ཡོད།
ཐེངས་འདིའི་ཚོགས་ཆེན་གྱི་སྐབས་དང་བསྟུན་ཏེ། ཕྱི་དྲིལ་ལས་བྱེད་བསྟན་པ་རྒྱལ་མཚན་ལགས་ཀྱིས། བྷར་ཛིལ་ཡུལ་གྱི་ཁོར་ཡུག་བློན་ཆེན་ལྕམ་སྐུ་ཨི་ས་བྷེལ་ལ་ (Izabella Teixeira) མཆོག་དང་། མཉམ་འབྲེལ་རྒྱལ་ཚོཊ་དཔལ་འབྱོར་འཛུཊ་སྐྲུན་ལྷན་ཚོཊ་ཀྱི་སྤྱི་ཁྱབ་དྲུང་ཆེ་རྒྱ་རིཊ་སྐུ་ཞབས་ཧྲ་ཊུ་ཁང་ ( Sha Zhukang) ལགས་རྣམ་གཉིས་ལ་ཐུག་འཕྲད་གནང་སྟེ། བོད་ཀྱི་ཁོར་ཡུག་གནས་སྟངས་སྐོར་གྱི་དཔེ་དེབ་རེ་འབུལ་ལམ་ཞུས་ཡོད་པ་མ་ཟད། སྐབས་དེར་ཁེ་ཎ་ཌ་དང་བྷར་ཛིལ་བཅས་ཀྱི་ཁྲིམས་རྩོད་པ་ཁག་ཅིག་ལའང་ཐུག་འཕྲད་གནང་སྟེ། བོད་ཀྱི་ཁོར་ཡུག་གནས་སྟངས་ངོ་སྤྲོད་བྱས་ཡོད་འདུག
