ཁྱེད་ཅག་ད་ལོ་བོད་ལ་ཕེབས་མཁན་ཡིན་ནམ་་་་་་་
འོན་ཀྱང་། ཁྱེད་ཚོ་ཕར་འབྱོར་དུས། ང་ཚོ་གཙང་ཕྱགས་བྱས་ཚར་ཡོད་པ་རེད། ཤུལ་ན་གྲོག་ཚང་ཁ་ཕྱེ་བ་བཞིན་སྔོ་ཤུར་ཤུར་གདུ་བཞིན་པ་དེ་དག་ནི་ཁོང་ཚོ་རེད། ཕལ་ཆེར་ཁོང་ཚོ་རྐྱང་རྐྱང་ཡིན་སྲིད། ཁོང་ཚོ་ནི་ལོ་རྒྱུས་སྟེང་ང་ཚོས་ནམ་ཡང་བརྗེད་མ་མྱོང་ལ། རྗེས་མ་ཡང་གཏན་ཏུ་བརྗེད་མི་སྲིད་པ་དེ་དག་རེད།
ཕྱི་ཚེས་ ༢༠ རྗེས་ནས་ཕར་འབྱོར་དུས། ཁྱེད་ཅག་གིས་ལྷ་སའི་ཁྲོམ་ནས་གཟུགས་སྟོབས་ཆེ་ཞིང་། མགོ་ལ་ཅ་ལ་དམར་པོ་དཀྲིས་མཁན་དང་། ལུས་ལ་བདེ་མྱུར་དང་མིག་གི་ནང་དུ་གཟི་མདངས་འཕྲོ་བའི་བོད་པ་མང་པོ་ཞིག་མི་མཐོང་བ་སྲིད། གང་ཡིན་ཟེར་ན། ཁམས་པ་དང་ཨ་མདོ་བ་རྣམས་ལྷ་སའི་གླིང་ནས་ཕྱིར་འབུད་བྱས་ཟིན་པ་རེད།
ཨ་རབ་དང་འཛམ་གླིང་གི་དཔྱིད་ཉི་རིང་མོ་གཉིས་རྫོགས་རྗེས། ཁྱེད་ཅག་ལ་ལམ་ཁ་ཕྱེ་བ་རེད། དེའི་ཆེད་དུ། ཟླ་ཤས་སྔོན་འདིར་ཡང་རྒྱ་གཞུང་གིས་ལྷ་སའི་སྲང་ལམ་རེ་རེ་དང་། བོད་པའི་ཁྱིམ་ཚང་རེ་རེ། དགོན་པའི་གྲྭ་ཤག་རེ་རེ། ཟ་ཁང་དང་མགྲོན་ཁང་རེ་རེ། བོད་པ་ལམ་འགྲོ་བ་རེ་རེའི་རྒྱབ་ཁུག་དང་རུམ་ཁ་བསྔོག་ནས་ཞིབ་བཤེར་བྱས་པ་རེད། དེ་ནས་རིམ་པ་བཞིན་བཙོན་འཇུག་དང་། བཙན་འཁྲིད། ཕྱིར་འབུད། ཉེན་བརྡ་སོགས་བཏང་སྟེ་ཏག་ཏག་བཟོས་པ་རེད། ལྕགས་སྒྲོག་གིས་བཅིངས་ནས་མུན་ཁང་ལ་བཅུག་པ་རེད། མེ་མདས་དེད་དེ་རི་བོ་དང་ཆུ་བོ་མང་པོ་ཞིག་གི་ཕ་རོལ་ལ་བདའ་བ་རེད། ད་ནི་ལྷ་སའི་གླིང་ཁྱེད་ཚོར་ཡང་ཐོབ་འདུག
ཕྱི་ཚེས་ ༢༠ རྗེས། ཁྱེད་ཅག་ལྷ་སར་འབྱོར་དུས་ཧ་ཅང་ཁུ་སིམ་པོ་ཡིན་སྲིད། འོན་ཀྱང་། ཁུ་སུམ་པོ་ནི་སྐྱིད་དྲག་པ་དང་། ལྷིང་འཇགས་ནི་བདེ་འཇགས་ཀྱི་གོ་དོན་ནམ་ཡང་མིན་པ་ཁྱེད་ཅག་ལ་ཞུ་ག་ལ་དགོས། ཡང་མིན་ན། བོད་ཆས་གྱོན་པའི་སྤུན་གྲོགས་འགའ་རེས་ཁྱེད་ཅག་ལ་གང་ནས་ཐུག་ན་འཛུམ་སྟོན་སྲིད་པ་རེད། གཞས་གཏོང་སྲིད་པ་རེད། བྲོ་ཡང་འཁྲབ་སྲིད་པ་རེད། ཅི་ཧ་ལས། ཁོང་ཚོའི་འཛུམ་མདངས་དེའི་ཤ་སྐྱིའི་བར་དང་། ངག་གི་འགྱུར་ཁུག ལུས་ཀྱི་སྟངས་སྟབས་གང་སར་རྒྱ་གཞུང་གི་མདེའུ་དང་སོ་གྲི་སྦས་ཡོད་པ་རེད།
ངས་འདི་ལྟར་ཡང་སེམས། ཁྱེད་ཅག་ཁོ་ནར་ད་ལོའི་དབྱར་ཁ་འདི་གཅིག་པུར་རང་དབང་གི་ལྷ་ས་དང་། དེའི་ཕན་གྱི་ས་ཁུལ་འགའ་ཤས་དབང་བ་འདྲ། གང་ཡིན་ཟེར་ན། ཁྱེད་ཅག་ཕར་མགྲོན་འབོད་དང་མཉམ་དུ། ང་ཚོ་ཕྱི་ལ་བདའ་བ་རེད། ཁྱེད་ཅག་ལྷ་སར་འབྱོར་དུས་ཡིག་ཆ་གཅིག་རང་གཅིག་སྟེ། ཐོངས་མཆན་ཡོད་ན་འགྲིག་གི་ཡོད་པ་རེད། ང་ཚོར་ཉུང་མཐར་ཡིག་ཆ་ལྔ་ཚང་དགོས་པ་རེད། ཁྱེད་ཅག་ཕར་འབྱོར་དུས། ལྷ་སའི་གླིང་ན་ཡིག་ཆ་ལྔ་བཟུང་མེད་པའི་བོད་པ་ཞིག་མཐོང་སྲིད་གི་མ་རེད། དེ་ལ་རྒྱུ་མཚན་མེད་རུང་གནས་ལུགས་དེ་ག་རང་དུ་གྱུར་བ་རེད།
ཕྱི་ཚེས་ ༢༠ ཉིན་ནས་བཟུང་ཁྱེད་ཅག་བོད་ལ་ཕེབས་མཁན་ཡིན་ན། ཡང་མིན་ན་འདི་ལྟར་དུ་ཕེབས་རོགས། ཨ་མདོ་རྔ་པ་ལ་ཕེབས་རོགས། ཁམས་དཀར་མཛེས་ལ་ཕེབས་རོགས། དེ་ལྟར། མདོ་སྨད་རྨ་ལྷོ་དང་། མགོ་ལོག བླ་བྲང་། ཁམས་བྲག་མགོ་དང་ལི་ཐང་། ཡུལ་ཤུལ་རྫ་སྟོད་སོགས་མདོ་སྟོད་སྨད་ཀྱི་ས་ཁུལ་ལ་ཡང་ཕེབས་རོགས། གང་ཡིན་ཟེར་ན། ན་ནིང་ད་ལོ་ཡི་བོད་པ་ཤི་གསོན་མང་པོ་ཞིག་གིས་ཁྱེད་ཅག་ཕེབས་པ་མཐོང་འདོད་ཡོད་པ་རེད། ད་དུང་དེང་རབས་ཀྱི་བོད་ངོ་མ་དེ་བོད་པའི་བཤད་ལུགས་ལྟར་ཁྱེད་ཅག་ལ་བཤད་གི་རེད།
ཡང་མིན་ན། ཁྱེད་ཅག་ད་ལོ་བོད་ལ་མ་ཕེབས་རོགས། མདོ་དབུས་ཁམས་གསུམ་གྱི་མི་ཚང་མ་ཡོང་མི་ཆོག་སའི་ལྷ་སའི་གླིང་ལ་ཁྱེད་ཅག་ཕེབས་ནས་ཅི་བྱ། ད་དུང་། མདོ་དབུས་ཁམས་གསུམ་གྱི་ས་ཁུལ་ཚང་མར་ཕེབས་མི་ཆོག་ན་ཁྱེད་ཅག་ལྷ་སའི་ཁྲོམ་གཅིག་པུར་ཕེབས་ནས་ཅི་བྱ། དེ་མིན་ན། དབྱིན་ཇི་དང་ཀོ་རི་ཡ། ནོར་ཝེ་སོགས་རྒྱལ་ཁབ་སྐོར་ཞིག་གི་ཡུལ་སྐོར་བ་ཕེབས་མི་ཆོག་ས་ནས་ཁྱེད་ཅག་རྔ་མོང་ནོག་རྡང་གི་ཚུལ་དུ་ཁྲིད་ཕྱིན་ཀྱང་ཅི་ཕན། གང་ལྟར། ཁྱེད་ཅག་ལ་ལམ་ཁ་ཕྱེ་ཆེད། ང་ཚོ་ནི་ཉི་མ་ལྷ་སའི་ཉེ་འཁྲིས་ཙམ་ལ་ཡང་ཡོང་མི་ཆོག་པ་བཟོས་སོང་།
མཆན། དེ་རིང་ཕྱི་ཚེས་ ༢༠ ཉིན་ནས་བོད་རང་སྐྱོང་ལྗོངས་ཕྱི་རྒྱལ་གྱི་ཡུལ་སྐོར་བར་སྒོ་ཕྱེ་བ་དང་། བོད་ནང་གི་བོད་མི་རྣམས་ཀྱི་གནས་སྟངས་སྔར་ལས་ཇེ་སྡུག་དང་། རང་ས་ནས་འདུག་པའི་རང་དབང་ཙམ་ཡང་མེད་པ་བསམ་ནས་ཐོལ་བྱུང་གི་བསམ་ཚུལ་འདི་བཀོད་པ་ཡིན།
ངོ་མ་བོད་ལ་མ་སོང་ན་བཟང་གི དེ་ན་ཁྱོད་ལ་ས་ཆ་ཉལ་ས་ཙམ་ཡོད་དམ། དེ་ན་ཁྱོད་ལ་སེམས་ཀྱི་དམར་དམར་པོ་ཤོད་མཁན་ཡོད་དམ། དེ་ན་རང་དབང་གི་གླུ་ཞིག་ལེན་དབང་ཡང་ཡོད་དམ། དེ་ནས་རང་གི་རྩ་བའི་བླ་མ་ལ་ཕྱག་གསུམ་འཚལ་ཆོག་གམ།
ཁྱོད་བོད་ལ་མ་མ་འགྲོ། དེ་ན་མིག་ཆུ་འདོན་མཁན་མང། དེ་ན་ལྕགས་སྒྲོག་གོན་མཁན་མང། དེ་ན་རང་ལུས་སྒྲོན་མཁན་མང། ཁྱོད་ཀྱིས་དེ་དག་ཐུབ་བམ།
བོད་ལ་འགྲོ་མི་ཉན། ཏང་གི་ཟོར་བ་སྐེ་ལ་བཞག་ན་ཅི་བྱེད། ལྕགས་ཀྱི་ཐོ་བ་མགོ་ལ་ཕྱར་ན་ཅི་བྱེད། ཐ་ན་སྨྲ་སྒོའི་ཚིག་རེ་ལ་ཁྲིམས་རེ་བཅད་ན་་་
ཡ་ཡ། ད་ཡིན་ན་ནི་ཁྱེད་ཚོ་ཁ་བྲོ་བཀྲ་ཤིས། ཉི་མ་ཁ་ཤས་རྗེས་ནས་བཅར་འདྲི་ཞིག་ཡོང་ཨེ་ཐུབ་ལྟ་གི་ཡོད། གལ་སྲིད་མཐུན་རྐྱེན་གྱིས་མ་འགྲིག་ན་ཡོང་མི་ཐུབ་ཀྱང་སྲིད། དེ་དུས་དགོངས་དུག་ཞུ་ངེས་ཡིན།
ངས་བསྐྱར་དུ་སྐད་ཆ་ཚིག་འགའ་བཤད་འདོད། དེ་ནི་ལུང་རིག་རྒྱལ་གྱི་རྩོམ་ཡིག་དང་དེའི་མཆན་བུའི་སྐོར་རེད།
སྤྱིར་དྲ་ངོས་སར་བོད་ཡིག་འབྲི་མཁན་མང་པོ་ཞིག་གིས་བསམ་གཟས་ནས་མིང་རྫུས་བཀོལ་བཞིན་མི་སྒེར་བ་དང་མིའི་མི་གཞི་ལ་དམའ་འབེབས་བྱེད་ཅི་ཐུབ་བྱས་དང་བྱེད་བཞིན་པའི་སྐོར་ལ་རིག་འབྱུང་དོན་གྲུབ་བཀྲ་ཤིས་དང་ཨ་རིག་འགྱུར་མེད་གཉིས་གཙོས་དྲ་གྲོགས་མང་པོས་བསམ་ཚུལ་བཤད་ཡོད་པ་དེ་ལྟར་གུས་ཀྱང་འདོད།
གོང་དུ་མཆན་བུ་བཀོད་པ་ལས་རེ་འགས་རྩོམ་ལ་བལྟས་ནས་མཆན་བུ་བཀོད་པ་དང་། ཡང་ང་དང་ང་ལྟ་བུ་འགའ་རེས་མཆན་བུ་ལ་བལྟས་ཏེ་མཆན་བུ་བཀོད་ཡོད་པས་ན། འདིར་ཡིག་གེ་ཤེས་མིན་དང་དོན་གོ་ལོན་མིན་ཀྱི་སྐད་གདངས་སྦོམ་པོ་དེ་འདྲ་མི་གསུང་བའི་རེ་བ་ཞུ་འདོད་བྱུང་།
རྒྱུ་མཚན་གཞན་མེད་དེ་གོང་གི་མཆན་བུ་ཚང་མར་བལྟས་ན་བོད་མི་རིགས་རིག་གཞུང་དང་རྒྱལ་ཞེན་ཅན་ཏག་ཏག་རེད་ཨང་སྙམ་པས་སོ།།
ཡང་མཆན་བུ་བ་དག་གིས་ལུང་རིག་གི་རྩོམ་དོན་གོ་མེད་པ་དང་གཏིང་ཟབ་པའི་གོ་བ་རྒྱ་ཆེན་པོ་ཞིག་མཆིས་ན་དོན་འགྲེལ་ཡང་འགྲེལ་བྱས་ཏེ་ཀློག་མཁན་དག་གི་དགོས་འདུན་བསྐང་རྒྱུའང་བོད་མི་རིགས་རིག་གནས་དང་གང་ལྟར་རང་རིགས་ལ་ཞེན་པ་ཅན་ཞིག་ཡིན་ཚེ་ལས་དེ་འདྲ་ཡང་དོན་ལྡན་ཞིག་ལོས་ཡིན་སྙམ།
དུས་བབ་མཆན་འདེབས་པའི་ཁྲོད་ན་བོད་ཡིག་ཡག་པོ་ཀློག་ཤེས་མཁན་ག་ཚོད་ཡོད། ཀློག་ཤེས་ཀྱང་དོན་གོ་མཁན་ག་ཚོད་ཡོད་པ་རེད། དེ་རིང་མི་ནག་ཚང་གི་རྩོམ་ཡིག་འདིའི་དོན་གོ་མཁན་ཕལ་ཆེར་གཅིག་ཀྱང་ཡོད་ས་མ་རེད། གཏན་ནས་མི་གོ་བ་ཡིན་ན། འོག་གི་མཆན་ལ་ཐེངས་གཅིག་བལྟས་ནས། ཡང་བསྐྱར་རྩོམ་ཡིག་དེ་ལ་ཞིབ་འདངས་ཤིག་རྒྱོབས་དང་། དོན་དག་ཅིག་གོ་ཡོང་ངེས། གཞན་ང་བོད་ལ་འགྲོ་གི་ཡིན་དང་། ཕྱི་རྒྱལ་ལ་ཁྱོད་བུད་སོང་བ་དེ་སྡུག་ཆགས་རེད་ཟེར་བ་སོགས་ནི་ཕྲུ་གུ་ཞིག་གི་སྐད་ཆ་ལྟ་བུ་ལས་ཀྱང་གཙོག་པ་འདུག
བོད་ལ་ལོག་འགྲོ བོད་ནང་གི་བོད་མི་ཚོས་རྒྱ་དམར་པོའི་མེ་མདའི་འོག་ན་རང་ས་གོར་མོ་དེ་ཤུགས་ཀྱིས་བཟུང་ཡོད་པས་ང་ཚོ་བོད་ལ་ལོག་འགྲོ
བོད་ལ་ལོག་འགྲོ བོད་ནང་གི་བོད་མི་ཚོས་བོད་མི་རིགས་ཀྱི་ཆེད་དུ་རང་གི་གཅེས་པའི་སྲོག་ཀྱང་ཕངས་མེད་དུ་བཏང་དང་གཏོང་བཞིན་ཡོད་པས་ང་ཚོ་བོད་ལ་ལོག་འགྲོ
བོད་ལ་ལོག་འགྲོ བོད་ནང་ན་རྒྱས་གདུབ་རྩུབ་དྲག་པོས་དུས་ཡུན་སྐད་ཅིག་ཙམ་ཡང་མི་གློད་མི་ས་སྟོད་སྨད་བར་གསུམ་འཚོ་བའི་རྒན་དར་བྱིས་གསུམ་དང་སྐྱ་སེར་ཕོ་མོ་མེད་པར་བསད་བཟུང་བཅུག་གསུམ་གྱིས་མནར་གཅོད་གཏོང་བཞིན་ཡོད་པས་ང་ཚོ་བོད་ལ་ལོག་འགྲོ
བཙན་བྱོལ་དུ་ཡོད་པའི་བོད་མི་ཚང་མ། བོད་ལ་ལོག་འགྲོ གང་ནས་ཡོང་བའི་གནས་དེར་ལོག་འགྲོ རང་ས་རང་གིས་འཛིན་དུ་ལོག་འགྲོ རང་རིགས་རང་གིས་སྐྱོང་དུ་ལོག་འགྲོ ཤི་ན་རང་ས་ནས་ཤི་འོས་ལ་གསོན་ནའང་རང་ས་ནས་འཚོ་ཐུབ་ན་ཅི་འདྲའི་མི་སྐྱིད་ཨང་། རུས་བ་ཅན་ཚོ་བོད་ལ་ལོག་དགོས། དུས་ཚོད་ཀྱི་སྔ་ཕྱི་བར་གསུམ་ནས་བོད་ལ་ལོག་དགོས། བོད་མི་གཅིག་གི་ཤོང་སའང་རྒྱ་ལ་ཤོར་མི་རུང་། ཁྱོད་རང་གང་ནས་ཡོང་ས་དེ་ད་དུང་སྟོང་བར་ལུས་འདུག་པས་བོད་ལ་ལོག་དགོས། བོད་ལ་ལོག་དགོས། བོད་ལ་ལོག་དགོས། བོད་ལ་ལོག་དགོས།
ང་བོད་ལ་འགྲོ་མཁན་རྒྱུ་མཚན་ནི་ངའི་ནུབ་ཕྱོགས་གི་གྲུ་སྣེ་རེ་རེ་ན་བོང་བུའི་སྐྱེས་བ་ལེན་བཞིན་པའི་བོད་པ་ཚོ་སྙིང་རྗེ་བའི་ཡིན།
ང་བོད་ལ་འགྲོ་མཁན་ཡིན་རྒྱུ་མཚན་ནི་ང་མེ་དམར་བོ་ཞིག་རྣམ་ཤེར་རུམ་ཀྱིན་ཀ་ཁ་སུམ་བླ་སྲོག་འཚཽལ་དུ་འགྲོ་བ་ཡིན།
ང་བོད་ལ་འགྲོ་བ་ཡིན་རྒྱུ་མཚན་ནི་ངའི་ལོ་ན་རྒས་ཀྱིན་བླ་མ་ཞིག་ཕ་ཡུལ་ལ་གདན་འདྲེན་ཞུ་བཞིན་ཕུ་ནུ་མིང་སྲིང་དག་གི་མིག་ཆུ་འཐུང་འདོད་པའི་ཡིན
ང་བོད་ལ་འགྲོ་མཁན་ཡིན་རྒྱུ་མཚན་ནི་ངའི་མི་གཞི་བོར་ཀྱིན་པའི་བོད་པའི་སྨྱུག་ཐོག་པ་མང་པོ་ཕྱི་ལོགས་སྒོར་མོའི་གཡོག་དུ་རྒྱུགས་བཞིན་པའི་ཡིན
ང་བོད་ལ་འགྲོ་མཁན་ཡིན་རྒྱུ་མཚན་ནི་ང་ལ་གངས་ཅན་པའི་རུས་བ་ཡོད་ལ་ང་ལས་གངས་ཅན་པའི་ཁ་ལྕེ་ཡོད་པའི་ཡིན
ང་བོད་ལ་འགྲོ་མཁན་ཡིན་རྒྱུ་མཚན་ནི་ངའི་ཨ་མའི་མིག་ཆུ་དང་ཨ་ཕའི་རྒས་གཉེར་དག་སྒོར་མོ་ལ་བརྗེས་མ་ཐུབ་པའི་ཡིན
རེད།་རེད།
ངེད་ཅག་བོད་དུ་འགྲོ་མཁན་མིན། ཁྱེད་ཅག་གིས་ལམ་དཀྱུས་བསྟན་པ་བཞིན་ནུབ་གླིང་དུ་མགྱོགས་མྱུར་ཡོང་ངེས་ཡིན།
དེ་ནས་དུས་ཚོད་གང་ཁོམ་ཚོད་དུ་རྩོམ་ཡིག་སྤེལ་ངེས་ཡིན།
མྱི་ནག་གིས་ལེགས་པོ་བྲིས་པར་བསྟོད་དོ།།
དུས་ནས་དུས་སུ་བཀུར་འོས་པའི་བོད་ཀྱི་རྩོམ་པ་པོ་མྱི་ནག་ཚང་ལ་སྙིང་ནས་བཀའ་དྲིན་ཆེ་ཞུ། ཟླ་ངོ་གང་མང་ཞིག་གི་རིང་ལ་བོད་ཀྱི་དུ་བབ་དྲྭ་ཚིགས་ཀྱི་ནང་དུ་འདི་འདྲའི་རྩོམ་ཡིག་ཅིག་ཡོང་མ་སོང་། སྐུ་ཉིད་ལ་དུས་ཚོད་ཡོད་ན་རྩོམ་ཡིག་དེ་བཞིན་གང་མང་དྲྭ་ཐོག་ཏུ་འགོད་རོགས། ཁྱེད་ཀྱི་རྩོམ་གཤིས་ལ་ཧ་ཅང་དགའ་བའི་རྐང་གསུམ་ནས།
ཁ་ཞེ་གཉིས་མེད་ཀྱིས་བོད་དང་བོད་ནང་གི་བོད་མི་ལ་གདུང་སེམས་མཉམ་བསྐྱེད་ཡོད་ན་ཕ་ཡུལ་ཕྱོགས་འགྲོ་དགོས་པ་རེད།
མགོ་བདེ་དྲན་འཕྲུལ་ཅན་ཚོས་གནད་འགག་གི་སྐབས་སུ་བདེ་ས་དང་སྐྱིད་ས་ཤིག་འཐེན་འགྲོ་གི་རེད།
རང་ས་རང་ཡུལ་ཕན་པ་བྱུང་ན་བྱས་རྗེས་ཟེར།
མཆན་ཇི་ལྟར་བཏབ་ཀྱང་ཆོག་གི། ངའི་རེ་བ་གཙོ་བོ་ནི་ཡུལ་སྐོར་བ་དེ་དག་ལ་བརྡ་འཕྲོད་འདོད་པ་དེ་ཡིན། རྒྱ་གཞུང་གིས་བོད་ལ་ཡོང་ཆོག་པའི་གོ་བརྡ་སྤྲད་མཁན་རྒྱལ་ཁབ་འདི་དག་ནི་རྒྱ་དམར་ལ་དགའ་མཁན་དང་། དེ་མིན་རུང་། རྒྱ་ནག་གི་ཤུགས་རྐྱེན་འོག་ན་ཡོད་པ་གསལ་བོར་བསྟན་པ་རེད། རྒྱ་ནག་གི་ཁ་གཏད་སུ་ཡིན་ན་དེའི་མི་སེར་གཅིག་ཀྱང་བོད་ལ་ཡོང་ཆོག་གི་མེད་ཅེས་པ་དེ་རེད། གནོན་ཤུགས་སྤྲོད་ཀྱིན་པའི་ཁུལ་རེད། དེས་ན་གནོན་ཤུཌ་ཀྱི་ཁ་གཏད་དུ་གྱུར་བའི་རྒྱལ་ཁབ་དང་དེའི་མི་དམངས་ལ་ང་ཚོས་ཀྱང་གནས་སྟངས་ངོ་མ་གསལ་བཤད་བྱ་ལོས་ཆོག
ཁྱེད་ཅག་བོད་ལ་ཕེབས་མཁན་ཡིན་ནམ་ཟེར་ན། མིན་ཟེར་རྒྱུ་ཡིན། གང་ཡིན་ཞེ་ན་མི་ནག་ཚང་ཡང་བོད་ལ་མ་ཕེབས་པར་ཁ་ན་ཌ་ལ་ཕེབས་སོང་བ་རེད།
ཁྱེད་ཅག་བོད་ལ་ཕེབས་མཁན་ཡིན་ཟེར་ན། མིན་ཟེར་རྒྱུ་ཡིན། གང་ཡིན་ཞེ་ན་ང་ཡང་ཨ་རིར་ཕེབས་མཁན་གྱི་གྲས་ཤིག་ཡིན།
ཁྱེད་ཅག་བོད་ལ་ཕེབས་མཁན་ཡིན་ཟེར་ན། མིན་ཟེར་རྒྱུ་ཡིན། གང་ཡིན་ཞེ་ན་ང་ཚོའི་བོད་མི་མིག་གིས་མཐོང་ཚད་ཚང་མ་བེལ་ཇམ་དང་། ཕོ་རང་སི། ཇར་མན་ནི་སོགས་ནུབ་ཕྱོགས་སུ་ཕེབས་མཁན་ཤ་སྟག་རེད།
ཁྱེད་ཅག་བོད་ལ་ཕེབས་མཁན་ཡིན་ཟེར་ན། མིན་ཟེར་རྒྱུ་ཡིན། གང་ཡིན་ཞེ་ན་བོད་ལ་ཕེབས་མཁན་ཚང་མ་རྒྱ་ནག་དམར་ཤོག་གི་ཏང་ཨུའི་འགོ་འཁྲིད་དང་ལས་བྱེད་ཚོ་རེད།
ཁྱེད་ཅག་བོད་ལ་ཕེབས་མཁན་ཡིན་ཟེར་ན། མིན་ཟེར་རྒྱུ་ཡིན། གང་ཡིན་ཞེ་ན་བོད་ལ་ཕེབས་མཁན་ཚང་མ་རྒྱ་ནག་ནང་སའི་རྒྱ་མི་ཤ་སྟག་བོད་ལ་ཕེབས་མཁན་རེད།
ཁྱེད་ཅག་བོད་ལ་ཕེབས་མཁན་ཡིན་ཟེར་ན། མིན་ཟེར་རྒྱུ་ཡིན། གང་ཡིན་ཞེ་ན་་་་་་་ད་དུང་དྲི་རྩད་དང་། ཚ་འདྲི། བཅར་བརྡུང་། མཐོང་ཆུང་། ཁྱད་གསོད། ཉེས་རྡུང་། མནར་གཅོད། བཙན་ཤེད། འཇིགས་སྐུལ། དམའ་འབེབས། བཙོན་འཇུག ཁྲིམས་གཅོད། སྡུག་སྦྱོང་སོགས་ཚད་ལས་འདས་པ་ཞིག་གཏོང་དང་གཏོང་མུས་ཡིན།
ཁྱེད་ཅག་བོད་ལ་ཕེབས་མཁན་ཡིན་ཟེར་ན། མིན་ཟེར་རྒྱུ་ཡིན། གང་ཡིན་ཞེ་ན་ད་དུང་ལྷ་སའི་སྐྱི་ཆུ་སྔོན་མོ་དེ་ཁྲག་གིས་བསྒྱུར་བའི་ལྷ་སའི་སྐྱི་ཆུ་དམར་པོ་ཅན་དུ་གྱུར་ཡོད།
ཁྱེད་ཅག་བོད་ལ་ཕེབས་མཁན་ཡིན་ཟེར་ན། མིན་ཟེར་རྒྱུ་ཡིན། གང་ཡིན་ཟེར་ན་ད་དུང་མདོ་སྟོད་སྨད་གཉིས་སུ་མི་སོན་པོ་མེ་ཕུང་གི་དབུས་སུ་བསྲེགས་ཏེ་ཚིག་དྲི། རྣག་དྲི། ཤ་དྲི། བོད་དྲི་ངན་པ་ཤ་སྟག་གང་སར་རླུང་བུས་འཁྱེར་བཞིན་འདུག
ཁྱེད་ཅག་བོད་དུ་ཕེབས་མཁན་ཡིན་ཟེར་ན། མིན་ཟེར་རྒྱུ་ཡིན། གང་ཡིན་ཟེར་ན་བོད་ལྗོངས་སྐྱིད་པའི་ལྷ་ཡུལ་སུམ་རྩོན་ཕོ་བྲང་མི་ཡུལ་དུ་ཕོས་པ་འདྲ་བའི་ཕོ་བྲང་པོ་ཏྰ་ལ་ཡང་མི་གསོད་ལག་དམར་བ། ཁྲག་དམར་བ། དར་དམར་བ། དམར་ཤོག་བ། ཏང་དམར་བ། འདྲེ་དམར་བ། རྒྱ་དམར་བ་སྤྱང་ཀིའི་ཁྱུ་ཚོགས་ཅན་གྱིས་མཐའ་ནས་ཡོངས་སུ་བསྐོར་ནས་ཁྱི་སྐད་དང་། སྤྱང་སྐད། འདྲེ་སྐད། གདོན་སྐད། སྡུག་སྐད་སོགས་ཀྱི་སྐད་སྒྲས་ཁེངས་པའི་ཡུལ་ལུང་ཞིག་ཏུ་གྱུར་ནས་འདུག
འདི་ལྟ་བུའི་འཇིགས་རུང་སྲིན་བུའི་བོད་གླིང་དུ་ཕེབས་མཁན་སུ་ཞིག་ཨེ་ཡོད་དམ། གལ་ཏེ་ཡོད་ན་དེ་ནི་ཆེས་ཇི་འདྲའི་གླེན་པ་ཞིག་མ་ཡིན་ནམ། ད་དུང་་་་་་
རྣམ་པ་གཉིས་ཀྱིས་གདེངའཇོག་གནང་བར་ཐུགས་རྗེ་ཆེ།
རྒྱ་ནག་གཞུང་ཁོ་ནས་འཛམ་བུའི་གླིང་ལ་དོན་དག་གང་ཅིའི་ཐད་ནས་སྔོན་འགྲོའི་ཆ་རྐྱེན་འདོན་གི་ཡོད་པ་རེད། བོད་ནང་ཡུལ་སྐོར་ལ་ཡོང་མཁན་ཚོར་ཡང་ཐ་ན་རྒྱལ་ཁབ་རིམ་པ་དང་། ཚོགས་པ་དང་མི་སྒེར་ཚུན་ཆད་སྔོན་འགྲོའི་ཆ་རྐྱེན་ཞིག་གི་འོག་ནས་མ་གཏོགས་ཡོང་ཆོག་གི་ཡོད་པ་མ་རེད། རྒྱ་ནག་གི་བྱེད་སྟངས་དེ་ཕར་ཡང་བྱ་ཐུབ་ན་ཅི་མ་རུང་སྙམ་པ་ཡིན།
མྱི་ནག་ཚང་ཡིན་ན། མགོ་ནག་ཚང་གི་ཡིན་ན་གང་ལྟར་བོད་དོན་ཐད་འབྲེལ་གྱི་རྩོམ་ཡིག་རྟབ་རྟབ་པོ་ཞིག་བྲིས་འདུག ཕལ་ཆེར་དགའ་ཁས་ཁྱེར་ནས་སྐད་འདི་བཞག་པའོ།།
རྒན་མྱི་མག་ཚང་གི་རྩོམ་ཀློག་རྗེས། ནམ་རྒྱུན་དུས་བབ་ཚང་གི་རྩོམ་ཐར་ཐོར་དེ་ཚོ་རྩོམ་ངོ་མ་ཞིག་ཡིན་མིན་ལ་དོགས་པ་སྐྱེ་བཅུག་གི་འདུག དངོས་གནས་རྩོམ་སྟངས་དེ་ཐུན་མིན་གྱི་ཁྱད་ཆོས་ཤིག་ཡོད་ཀི། རྒྱུན་དུ་ཕེབས་རོགས་ཞུ། ང་ཚོ་ཀློག་པ་པོ་ཚོའི་ཆེད་དུ།