མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

༸པཎ་ཆེན་སྐུ་ཕྲེང་བཅུ་བའི་མ་ཡུམ་སྐུ་གཤེཊ་པ།

བོད་ཀྱི་དུས་བབ།
༢༠༡༢/༠༦/༢༩
Share on FacebookShare on TwitterShare on EmailShare on Whatsapp

༸པཎ་ཆེན་སྐུ་ཕྲེང་བཅུ་བའི་མ་ཡུམ་བསོད་ནམས་སྒྲོལ་མ་མཆོག་དེ་རིང་ཞོགས་པར་རྒྱ་ནག་གི་རྒྱལ་ས་པེ་ཅིན་དུ་སྐུ་གཤེཊ་འདུག

དེ་རིང་ཕྱི་ཚེས་ ༢༩ ཉིན་གྱི་ཞོགས་པའི་ཆུ་ཚོད་ ༨ པ་ཡས་མས་སུ་ ༸ཀུན་གཟིགས་པཎ་ཆེན་སྐུ་ཕྲེང་བཅུ་བ་བློ་བཟང་འཕྲིན་ལས་ལྷུན་འགྲུབ་ཆོས་ཀྱི་རྒྱལ་མཚན་མཆོག་གི་མ་ཡུམ་བསོད་ནམས་སྒྲོལ་མ་མཆོག རྒྱ་ནག་གི་རྒྱལ་ས་པེ་ཅིན་དུ་སྐུ་གཤེགས་ཡོད་པ་དང་། ད་ལོ་དགུང་ལོ་ ༩༧ ཡིན་འདུག  

དེ་རིང་ཞོགས་པར་གནས་ཚུལ་བྱུང་རྗེས་ཁོང་གི་སྐུ་ཕུང་པེ་ཅིན་ནས་ཟི་ལིང་དུ་གདན་འདྲེན་ཞུས་ཡོད་འདུག་ལ། གནས་ཚུལ་གོ་འཕྲལ་ཁོང་གི་འཁྲུངས་ཡུལ་མཚོ་སྔོན་མཚོ་ཤར་ས་ཁུལ་ཡ་རྫི་རྫོང་བིས་མདོ་ཞང་མ་རུ་སྡེ་བ་དང་བིས་མདོ་དགོན་ཆེན། དེ་བཞིན། རྡོ་སྦིས་དང་བསེ་ཆང་། ཀ་རིང་། རྐང་ཚ་བཅས་ཞང་བཞིའི་དགོན་གྲོང་གཉིས་ཀྱིས་བསྔོ་སྨོན་མཆོད་འབུལ་གནང་བཞིན་ཡོད་འདུག

མ་ཡུམ་བསོད་ནམས་སྒྲོལ་མ་མཆོག་གིས། ད་ལྟའི་བར་རྒྱལ་ཡོངས་སྲིད་གྲོས་ཀྱི་ཨུ་ཡོན་དང་བོད་རང་སྐྱོང་ལྗོངས་ཀྱི་འགན་འཛིན་གཞོན་པ་བཅས་ཀྱི་འགན་བཞེས་ཡོད་པ་མ་ཟད། ༸པཎ་ཆེན་སྐུ་ཕྲེང་བཅུ་བ་མཆོག་དང་ཁོང་གི་ཡབ་གུར་མགོན་ཚེ་བརྟན་རྣམ་གཉིས་དགོངས་པ་ཆོས་དབྱིངས་སུ་འཐིམས་རྗེས། ༸པཎ་ཆེན་སྐུ་ཕྲེང་བཅུ་བ་མཆོག་གིས་ཐུགས་རྗེ་བཀའ་དྲིན་ལ་རྟེན་ནས་བོད་ལྗོངས་དང་མཚོ་སྔོན། ཟི་ཁྲོན། ཀན་སུའུ། ཡུན་ནན་བཅས་སུ་གསར་འཛུགས་གནང་ཡོད་པའི་སློབ་གྲྭ་ཁག་དང་། དགོན་སྡེ་ཁག  དེ་བཞིན། ཁོང་གི་འཁྲུངས་ཡུལ་ (ཡ་རྫི་) རྫོང་ཞོན་ཧྭ་བོད་ཡིག་སློབ་འབྲིང་དང་བིས་མདོ་དགོན་ཆེན་བཅས་ཀྱི་འཛུགས་སྐྲུན་དང་། ས་གནས་མང་ཚོགས་ཀྱི་བདེ་སྡུག་སོགས་ཕྱོགས་ཡོངས་ལ་ཐུགས་ཁུར་ཟབ་བཞེས་གནང་ཡོད་འདུག

གསར་འགོད་པ། དོན་གོ

མཆན། 16

  1. འཁྱམས་པོ་ says:
    ལོ་ 11 སྔོན།

    ཁྱོད་ལྟ་བུའི་གཟུགས་མེད་ཀྱི་བུ་ཡུག་ལ་བརྩོད་རིན་མིན་འདུག་། ང་མཐོང་ཐོས་ཆུང་བས་ཁྱོད་ལྷག་པ་གང་འཁྱེར་བཞིན་སླེབས་ནི་མ་རེད་། དེ་ལས་བདེ་བའི་གཉིད་ལ་བཞུགས་ན་ལེགས་། ཧཧཧཧ ཀྲ་ཀྲ་

    Reply
  2. བུ་ཡུག says:
    ལོ་ 11 སྔོན།

    འཁྱམས་པོ་ནི་འཁྱམས་པོ་རང་རེད་རྒྱ་ཡིག་ཆ་ཀ་ཡ་རྡུབ་ཞིག་བྲིས་ནས་ད་དུང་ཡིན་མདོག་མདོག་བྱས་དེ་ལས་བོད་ཡིག་ཁམས་གཙང་ཞིག་ཕྲིས་དང་དེས་དགའ་ས་རེད། ཁྱོད་ལ་མཐོང་ཐོས་ཀྱི་འཁོར་ཡུག་ཆུང་བ་ཁྱོད་ཀྱི་བྲིས་པའི་རྡོ་ཆག་རྐང་བསྒྲིགས་ཀྱི་ཚིག་དུམ་འདི་ཚོའི་ར་སྤྲོད་བྱེད་ཀྱི་འདུག་ད་དུང་གར་སྟེགས་འདིའི་སྟེང་དུ་འབུད་རྒྱོ་སྔ་ཚོད་རེད་

    Reply
  3. འཁྱམས་པོ་ says:
    ལོ་ 11 སྔོན།

    བུ་ཡུག་ཁོ་རེ་ཁྱོད་ཀྱི་ངའི་མིག་ཡ་གཅིག་ལ་སྐྱོན་ཡོད་ཟེར་ན་། ཁྱོད་རང་མིག་གཉིས་ལ་སྐྱོན་ཡོད་པ་ཡིན་ནམ་ཡང་ན་བོད་ཡིག་ཡག་པོ་ཤེས་ཀྱི་མེད་ནམ་ཧ་མི་གོ་། མ་ཡུམ་གི་ཕྱག་ལས་ག་རེ་གནང་མིན་གོང་གི་གསར་འགོད་ནས་གསལ་ཐག་ཆོད་བྲིས་ཡོད་པ་ཁྱོད་ཀྱི་མི་མཐོང་ངམ་། ཡག་པོ་ཞིག་བལྟ་ཀློག་རྒྱབ་ནས་བསམ་བློ་མཐོང་ཞིག་།། མ་གཞི་ནས་ཁྱོད་བོད་ནས་ད་ལྟ་རང་སླེབས་པ་ཡིན་ཟེར་ནས་ 中央政协委员西藏自治区副主任 དགུང་ལོ་ ༩༧ལ་སླེབས་པ་ཞིག་ལ་ལས་ཀ་ག་རེ་བྱེད་དགོས་པའི་རེ་བ་རྒྱབ་གི་ཡོད་དམ་།
    如果你是藏族人,不要忘了曾今为我们流过血汗的这些老人。

    Reply
  4. མལ་གྲོའི་བཙུན་པ་ says:
    ལོ་ 11 སྔོན།

    ཁྱེད་སྐུ་གཤེགས་པར་སེམས་གཏིང་ནས་མྱ་ངན་བཞུ་བཞུ།།

    Reply
  5. བུ་ཡུག says:
    ལོ་ 11 སྔོན།

    འཁྱམས་པོ་གླེན་པ་ཁྱོའི་ཉོན་ངས་མ་ཡུམ་གྱིས་ཕྱག་ལས་ཅི་ཞིག་གནང་ཡོད་མེད་མ་ཤེས་ཟེར་བ་མ་གཏོགས་པཎ་ཆེན་ཁོང་གིས་གང་ཞིག་གནང་ཡོད་མེད་ལ་དོགས་པ་མི་དགོས། མིག་ཡ་གཅིག་ལ་སྐྱོན་ཤོར་ཡོད་ན་མ་གཏོགས་ལེགས་པར་གཟིགས་ན་ཡག། ཁྱོད་ཀྱིས་ང་ལ་བོད་ཡུལ་མཐོང་མྱོང་ཡོད་ས་མ་རེད་ཟེར་བའི་གཏམ་དེས་ང་དགོད་ཁ་ཡང་ཡང་ཤོར་སོང་ང་བོད་ནས་སླེབས་ནས་ལོ་གཅིག་ལས་ལྷག་འགྲོ མ་སོང་་་ཧ་ཧ་ཧ་སྙིང་རྗེ་་་་

    Reply
  6. ཡུལ་གྱར་བ། says:
    ལོ་ 11 སྔོན།

    དྲ་གྲོགས་འཁྱམས་པོས་གོ་ནོར་ཐེབས་པ་འདྲ། བུ་ཡུག་ཟེར་བས་ཡུམ་ཆེན་འདིས་བོད་སྤྱི་བའི་དོན་ལ་ཕྱག་ལས་ཅི་ཞིག་གནང་ཡོད་མེད་ད་བར་ཏུ་གོ་རྒྱུ་མ་བྱུང་ཟེར་བ་ལས་པན་ཆེན་ཐམས་ཅད་མཁྱེན་པའི་སྐོར་ལ་གང་ཡང་བཤད་མི་འདུག་པས་ཐུགས་ལྷོད་བཞུགས།།

    Reply
  7. ནད་པ says:
    ལོ་ 11 སྔོན།

    ལོ་གསུམ་གྱིས་མ་གཏོགས་ལོ་བརྒྱ་འཚོ་ཞིང་སྟོན་བརྒྱ་མཐོང་བའི་མི་ལུས་ཞིག་བླངས་པ་རེད། སྐུ་ངོ་ང་ཕོད་ངག་དབང་འཇིགས་མེད་མཆོག་ཡང་ལོ་བརྒྱ་འཚོ་བ་དང་སྟོན་བརྒྱ་མཐོང་མྱོང་བའི་མི་ལུས་ཞིག་རེད།

    ཡུམ་ཆེན་འདིས་པཎ་ཆེན་སྐུ་འཕྲེང་བཅུ་པ་དང་། བཅུ་གཅིག་པ་པཎ་ཆེན་ཆོས་ཀྱི་རྒྱལ་པོ་ཡང་མཇལ། པཎ་ཆེན་དགེ་འདུན་ཆོས་ཀྱི་ཉི་མ་མཇལ་མྱོང་ཡོད་མེད་མི་ཤེས་ནའང་གོ་མྱོང་བ་རེད།

    ཡུམ་ཆེན་གཅིག་གིས་པན་ཆེན་ཁག་གསུམ་གྱི་གནས་སྟངས་མཐོང་ཐོས་བྱུང་བ་དེ་ཡང་ལས་སླ་པོ་གཅིག་ག་ནས་ཡིན།

    གང་ལྟར་བཀའ་དྲིན་རྗེས་དྲན་དང་མྱ་ངན་ཞུ། ཨོཾ་མ་ཎི་པདྨེ་ཧུཾ།

    Reply
  8. རས་པ། says:
    ལོ་ 11 སྔོན།

    བཀུར་འོས་གསར་འགོད་པ་ལགས། མ་དང་ཡུམ་གཉིས་ཞེ་ས་དང་ཞེ་ས་མ་ཡིན་པའི་ཁྱད་པར་ཡིན་པས་མ་ཡུམ་ཞུ་བ་ལས། ཡུམ་ཆེན་ཞུས་ན་ཡག་པོ་མེད་དམ།

    Reply
  9. ཨ་ལ་ལ says:
    ལོ་ 11 སྔོན།

    ༸པཎ་ཆེན་རིན་པོ་ཆེ་དང་ཡབ་ཡུམ་རྣམ་པར་བཀའ་དྲིན་རྫེས་དྲན་ཞུ།
    གསར་འགོད་པ་ལགས། ཡབ་མགོན་པོ་ཚེ་བརྟན་བྲིས་འདུག་པས་ཡབ་གུར་མགོན་ཚེ་བརྟན་རེད། མགོན་པོ་ཚེ་བརྟན་ནི་རིན་པོ་ཆེ་མཆོག་གི་ཐོག་མའི་མཚན་རེད། རྗེས་ཕྱོགས་གསར་འགྱུར་སྤེལ་དུས་ཐུགས་གཟབ་གནང་རོགས་འབོད་སྐུལ་ཞུ་རྒྱུ་ཡིན།

    Reply
  10. གཙང་ཞོལ་བདེ་གསལ། says:
    ལོ་ 11 སྔོན།

    ཀུན་གཟིགས་བཀའ་དྲིན་ཅན་གྱི་མ་ཡུམ་ལགས་སྐུ་གཤེགས་པར་སེམས་གཏིང་ནས་མྱ་ངན་ཞུ།

    Reply
  11. sangkye says:
    ལོ་ 11 སྔོན།

    པན་ཆེན་སྐུ་འཕྲེང་བཅུ་བ་མཆོག་གི་མ་ཡུམ་བསོད་ནམས་སྒྲོལ་མ་དམར་ཕྱོགས་རྒྱལ་ས་པེ་ཅེན་ནས་སྐུ་གྲོང་འདུག། ཉིད་གྱིས་ངོས་ནས་མྱ་ངན་གུས་འདུན་ཞུ། ཨོཾ་མཎི་པདྨེ་ཧཱུཾ་། ཨོཾ་མཎི་པདྨེ་ཧཱུཾ་། ཨོཾ་མཎི་པདྨེ་ཧཱུཾ་། ཨོཾ་མཎི་པདྨེ་ཧཱུཾ་།

    Reply
  12. ཀརྨ་རྡོ་རྗེ། says:
    ལོ་ 11 སྔོན།

    ༸པཎ་ཆེན་སྐུ་ཕྲེང་བཅུ་པའི་མ་ཡུམ་གཤེགས་པར་མྱ་ངན་གུས་དུད་ཞུ།

    Reply
  13. འཁྱམས་པོ་ says:
    ལོ་ 11 སྔོན།

    བུ་ཡུག་ཞེས་པའི་ཀླ་ཀློ་ཁྱོད་ཉོན་ཞིག་། ད་ལྟ་རྒྱལ་ཡུམ་ཁོང་སྐུ་ཚེའི་ཕན་པ་རྫོགས་ནས་དུས་ཚོད་ཕྲན་བུ་ལས་མ་སོང་བར་ཁྱོད་ཀྱི་ཁོང་དང་པན་ཆེན་ཁོང་གི་དཀའ་དྲིན་བརྗེད་པ་ནི་ང་བོད་མི་ཚང་གི་ངོ་ཚ་རེད་། མ་གཞི་ནས་ཀླ་ཀློ་ཁྱོད་ནི་བོད་ཡུལ་མཐོང་མྱོང་མེད་པར་ཀླ་ཀློའི་ཡུལ་དུ་སྐྱེས་པའི་ན་ལེ་ཞིག་ཡིན་པ་འདྲ་།

    Reply
  14. བསང་ཆུ་འབྲུག་བྷེ། says:
    ལོ་ 11 སྔོན།

    བོད་གངས་ཅན་ལྗོངས་ལ་བཀའ་དྲིན་བསམ་གྱི་མི་ཁྱབ་པའི་སྐྱེས་ཆེན་དམ་པ།མི་རིགས་ཀྱི་དཔའ་བོ་པན་ཆེན་སྐུ་ཕྲེང་བཅུ་བའི་མ་ཡུམ་ཨ་མ་བསོད་ནམས་སྒྲོལ་མ་སྐུ་གཤེགས་པར་སེམས་གཏིང་ནས་མྱ་ངན་ཞུ།

    Reply
  15. རྒྱང་མིག says:
    ལོ་ 11 སྔོན།

    དོན་གོ་ལགས། བིས་མདོ་ཞང༽ ཞེས་བིས་མདོ་ཡུལ་ཚོ་ཞེས་བཀོད་ན་མི་བདེ་འམ། ཞང་ཞེས་པ་རྒྱ་སྐད་མ་རེད་དམ། བོད་སྐད་གཙང་མའི་ཐོག་ནས་དུས་བབ་ཚང་ལ་ཅུང་གདེངས་འཇོག་བྱེད་ཀྱིན་ཡོད་པས་ཡིན། དགོངས་འགལ་མེད་པར་ཞུ། གཞན་བཏགས་ནོར་ཁ་ཤས་འདུག་བཅོས་རོགས།

    Reply
  16. བུ་ཡུག says:
    ལོ་ 11 སྔོན།

    གོ་གནས་ཧ་ཅང་མཐོ་ས་རེད་ཡིན་ནའང་བོད་སྤྱི་བའི་དོན་ལ་ཕྱག་ལས་ཅི་ཞིག་གནང་ཡོད་མེད་ད་བར་ཏུ་གོ་རྒྱུ་མ་བྱུང་ད་གང་ལྟར་ཞིང་གཞན་དུ་གཤེགས་ཚར་བ་རེད་་་་མ་ཎི་རེ་འདོན་རྒྱུ་ལས་གཞན་ཅི་ཡོད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist