ཁ་སང་༸གོང་ས་མཆོག་གི་སྐུའི་འཁྲུངས་སྐར་དང་སྟབས་བསྟུན་ཏེ། རྒྱ་གར་ལྷོ་ཕྱོགས་ཀོ་ཅི་རུ་བོད་མི་མང་སྤྱི་འཐུས་ཀྱི་སྣེ་ཁྲིད་འོག་བདེན་པའི་མེ་ལྕེ་སྐོར་སྐྱོད་མགོ་འཛུགས་གནང་འདུག
ཁ་སང་སྐུའི་འཁྲུངས་སྐར་ཉིན་མོར་རྒྱ་གར་ལྷོ་ཕྱོགས་ཀོ་ཅི་(Kochi)ས་གནས་སུའང་སྤྱི་འཐུས་ཀརྨ་ཡེ་ཤེས་ལཊ་ཀྱི་སྣེ་ཁྲིད་འོག བདེན་པའི་མེ་ལྕེ་སྐོར་སྐྱོད་ཀྱི་ལས་འགུལ་དེ་མགོ་འཛུཊ་གནང་ཡོད་ཅིང་། དཔལ་འབར་སྐོར་སྐྱོད་དབུ་འབྱེད་སྐབས་རྒྱ་གར་དབུས་ཆེས་མཐོའི་ཁྲིམས་ཁང་གི་ཁྲིམས་དཔོན་ཟུར་པ་དང་། ཀེ་ར་ལ་མངའ་སྡེའི་བློན་ཆེན་ཟུར་པ། རྒྱ་གར་གཟེངས་རྟཊ་གྲཊ་ཅན་ (Padma Vibhushan) ཐོབ་མྱོང་མཁན་སྐུ་ཞབས་ (V. R. Krishna Iyer) ལཊ་བཅས་མཉམ་ཞུགས་གནང་ཡོད་འདུག
སྐབས་དེར་རྒྱ་གར་དབུས་གཞུང་གི་ཁྲིམས་དཔོན་ཟུར་པ་སྐུ་ཞབས་ (V. R. Krishna Iyer) ལཊ་ཀྱིས་གསར་འགོད་པའི་དྲི་བར་ལན་འདེབས་གནང་སྐབས། སྟོན་པ་ཤཀྱཱ་ཐུབ་པ་ནི་དཀོན་མཆོག་ནས་འགྲོ་བ་མིར་བྱིན་གྱིས་རླབས་པ་ཞིག་དང་། བོད་དང་བོད་མིའི་རིག་གཞུང་གིས་སྟོན་པ་ཤ་ཀྱཱ་ཐུབ་པ་མཚོན་གྱི་ཡོད། ༸ཏླ་ལའི་བླ་མ་མཆོག་གིས་འགྲོ་བ་མིའི་རིན་ཐང་དང་བྱམས་བརྩེ། འགྲོ་བ་མིའི་ཐོབ་ཐང་དང་འགྲོ་བ་མིའི་རིག་གཞུང་བཅས་ཀྱི་ཆེད་སྐུ་ལས་སྐྱོན་བཞིན་ཡོད་སྟབས། ངས་ཁོང་གི་མཚན་སྙན་འཛམ་གླིང་ཧྲིལ་པོར་རྒྱས་ཐུབ་པའི་སྨོན་འདུན་ཞུ་རྒྱུ་ཡིན། ༸ཏཱ་ལའི་བླ་མཆོག་ནི་གང་ཟག་ཞིག་དང་། རྒྱལ་ཁབ་ཅིག་གི་དབུ་ཁྲིད་ཙམ་མིན་པར། ཁོང་ནི་གོ་ལ་ཧྲིལ་པོ་འདིའི་རིག་གཞུང་ཐོག་སྐུ་ལས་སྐྱོན་མཁན་གྱི་འགྲོ་བ་མི་སྤྱི་ཡོངས་ཀྱི་སྐྱེས་བུ་ཞིག་ཆཊ་ཡོད། དེང་སྐབས་བོད་ནང་བོད་མི་རྣམས་སྡུག་སྔལ་གྱིས་མནར་ཏེ་འདས་གྲོངས་སུ་འགྲོ་དང་འགྲོ་མུས་ཡིན་ལ། བོད་མི་རྣམས་ད་ལྟའི་དུས་ཚོད་འདིར་བྲན་གཡོག་ལྟ་བུའི་ངང་གནས་ཡོད་དུས། ང་ཚོས་དེ་ལྟར་འགྱུར་དུ་འཇུག་རྒྱུ་ཡོད་པ་མ་རེད། བོད་མི་ཚོར་རང་དབང་ཆ་ཚང་གི་བདག་དབང་ཡོད། ང་ཚོས་དེར་ཐོག་རྒྱབ་སྐྱོར་བྱ་དགོས་པ་རེད། བོད་མིའི་རིག་གཞུང་སྲུང་སྐྱོབ་དང་རང་དབང་རང་བཙན་ལ་རྒྱབ་སྐྱོར་བྱ་ དགོས་ཞེས་བརྗོད་ཡོད།
ཕྱི་ཚེས་ ༥ ཉིན་སྤྱི་འཐུས་ཀརྨ་ཡེ་ཤེས་ལཊ་ཀྱིས་ས་གནས་གསར་འགོད་པ་ ༢༠ ཙམ་ལ་བདེན་པའི་མེ་ལྕེ་སྐོར་བསྐྱོད་ཀྱི་དམིཊ་ཡུལ་དང་རྒྱབ་ལྗོངས་དང་། ད་ལྟའི་བོད་ནང་གི་གནས་སྟངས། ལས་འགུལ་གྱི་དགོས་འདུན་ཁག་ངོ་སྤྲོད་དང་། མཇུག་ཏུ་མང་ཚོགས་ཀྱི་སྣེ་ཁྲིད་དེ་གྲོང་ཁྱེར་ནང་དཔལ་འབར་སྐོར་གནང་འདུག
བདེན་པའི་མེ་ལྕེ་སྐོར་སྐྱོད་ཀྱི་དགོས་འདུན་ཁག་ནི། ཕྱི་ལོ་༡༩༥༩ ལོ་དང་། ༡༩༦༡། ༡༩༦༥ ལོ་བཅས་སུ་འཛམ་གླིང་མཉམ་འབྲེལ་རྒྱལ་ཚོགས་ཀྱི་བོད་དོན་ཐོག་བཞག་པའི་གྲོས་ཆོད་ཁག་སླར་ཡང་རྒྱལ་ཚོགས་ནས་གླེང་སློང་དང་ལག་བསྟར་མཇུག་གནོན་དགོས་པ། གཉིས། བོད་ནང་ད་ལྟའི་ཛ་དྲག་གནས་སྟངས་རྟོག་ཞིབ་སླད་རང་དབང་ཅན་གྱི་རྒྱལ་སྤྱིའི་སྐུ་ཚབ་ཁག་ཅིག་འཕྲལ་གཏོང་དགོས་པ། གསུམ། བོད་ནང་གི་བོད་མིའི་མངོན་འདོད་བསྒྲུབ་རྒྱུར་མཉམ་འབྲེལ་རྒྱལ་ཚོགས་ཀྱིས་དམིགས་བསལ་འགན་འཁུར་བཞེས་དགོས་རྒྱུ་བཅས་ཡིན་འདུག
གསར་འགོད་པ། དཔལ་ལྡན།
བདེན་པའི་མེ་ལྕེ་གཞི་ལུས་བོད་མིས་སྦར།།
རྫུན་མའི་མེ་ལྕེ་བཙན་བྱོལ་བོད་མིས་སྦར།།
བདེན་པས་རང་ལུས་དམར་པོའི་མེ་ལ་སྒྲོན།།
རྫུན་མས་མེ་སྟག་ཆུང་ཆུང་ལག་ཏུ་འཁུར།།
སྤྱི་འཐུས་ནང་གི་མགོ་བདེ་ཤོས་དང་། དེ་ལས་ངན་མེད་པ་དེ་སྐུ་ངོ་ཀརྨ་ཡེ་ཤེས་རེད། ད་ཁོ་རང་འདིར་སླེབས་འདུག མི་ངན་མགོ་བདེ་ཁོས་གཞུང་དངུལ་འཕྲོ་བརླགས་གཏོང་གི་འདུག དེ་འདྲ་མ་བྱེད་མ་ཡེ་ཤེས་མགོ་བདེ། ངོ་མ་འདི་ཚོ་ལ་ངོ་ཚ་མེད་པ་རེད། ག་རེབདེན་པའི་མེ་ལྕེ་སྐོར་སྐྱོད། མི་ཁྱོད་བདེན་པ་ཡིན་མིན་བཙན་བྱོལ་ནང་གི་མང་ཚོགས་ཚོས་ཤེས་ངེས་རེད།
དངོས་གནས་བདེན་པ་རེད་ཡར་ཀླུང་ལྷ་རྗེ་ལ་རྒྱབ་སྐྱོར་ཡོད་དེ་ནི་དེང་དུས་དབྱར་དུས་ལ་དྭགས་དང་ལྷོ་ཕྱོགས་སུ་གནམ་གཤིས་ཡག་དུས་སྤྱི་མཐུས་ཕོང་ཤ་ན་བསྡད་ཚོས་གཞུང་རྒྱུ་འཕྲོ་བརླག་གིས་ཡུལ་སྐོར་སྤྲོ་འཁྱམ་དུ་ཕྱིན་པ་ཙམ་ལས་དེ་ལ་དོན་འབྲས་གང་ཡང་མེད
ལས་འགུལ་དེ་ནི་དུས་ཚོད་སྐྱེལ་ཙམ་ཡོང་རྒྱུ་གང་ཡང་མེད་ལ། ཚོགས་རྒྱུའི་དམིགས་གསལ་ཚོགས་ཆེན་དེ་ཡང་གྲུབ་འབྲས་གང་ཡང་ཐོན་རྒྱུ་མེད་གང་ཡིན་ཞུས་ན་དེ་སྔོན་གྱི་ཚོགས་པའི་ཚོགས་ཆེན་གྱིས་ལས་དོན་དེ་ཚོར་ད་བར་གྲུབ་འབྲས་ཆེ་བ་གང་ཡང་ཐོན་མེད།