ལ་དྭཊ་སུ་བདེན་པའི་མེ་ལྕེ་སྐོར་སྐྱོད།

ཁ་སང་སྔ་དྲོའི་ཆུ་ཚོད་ ༡༠ དང་ཕྱེད་ཀའི་སྟེང་ལ་དྭགས་རྒྱལ་ས་སླེ་ཞི་བའི་ཚལ་གྱི་ཕོ་བྲང་མདུན་སར་དགའ་ལྡན་ཁྲི་རིན་པོ་ཆེ་དབུ་བཞུགས་ཐོག་སྐུའི་འཁྲུངས་སྐར་སྲུང་གཙི་ཞུས་ཡོད་འདུག་ལ། མཛད་སྒོའི་སྐུ་མགྲོན་གཙོ་བོ་ལ་དྭགས་རང་སྐྱོང་ཁུལ་གྱི་སྤྱི་ཁྱབ་འགན་འཛིན་རིག་འཛིན་དཔལ་འབར་མཆོག་དང་། ལ་དྭགས་ནང་པའི་ལྷན་ཚོཊ་ཀྱི་ཚོཊ་གཙོ་དོན་གྲུབ་ཚེ་རིང་ལཊ། ས་གནས་གཞིས་མགོ བོད་མི་མང་སྤྱི་འཐུས་པདྨ་འབྱུང་གནས་ལགས་དང་སྤྱི་འཐུས་ཨ་ཅཱ་རཱ་ཡེ་ཤེས་ཕུན་ཚོཊ། སྤྱི་འཐུས་བསོད་ནམས་རྒྱལ་མཚན། ས་གནས་མགོ་འཛིན་དང་གཞུང་དང་གཞུང་འབྲེལ་མིན་པའི་ཚོཊ་པ་ཁག་གི་སྐུ་ཚབ། དེ་བཞིན། བོད་པ་དང་ས་གནས་ཡུལ་མི། ཕྱི་རྒྱལ་བ་བཅས་ཁྱོན་མི་ ༣༠༠༠ ལྷག་འདུ་འཛོམས་བྱུང་ཡོད་འདུག

མཛད་སྒོའི་ཐོག་ལ་དྭགས་ས་གནས་མགོ་འཛིན་དོན་འགྲུབ་བཀྲ་ཤིས་ལགས་ཀྱིས་ད་ལོའི་སྐུའི་འཁྲུངས་སྐར་གཟབ་རྒྱས་གནང་དགོས་དོན་ནི། གཅིག་ནས་༸གོང་ས་མཆོག་གིས་བོད་མིའི་ཆབ་སྲིད་འགན་དབང་མང་ཚོགས་ཀྱིས་བདམས་པའི་མགོ་ཁྲིད་ཚོར་རྩིས་སྤྲོད་དང་། གཉིས་ནས་དབྱིན་ཡུལ་ཊེམ་པིལ་ཊེན་ཆེ་བསྟོད་གཟེངས་རྟགས་འབུལ་བཞེས་གནང་བ་བཅས་ཀྱིས་ཡིན་སྐོར་ངོ་སྤྲོད་དང་། དེ་བཞིན་སྐུ་མགྲོན་དུ་ཕེབས་པའི་ལ་དྭགས་ཡུལ་མི་ཁག་ཅིག་གིས་ཀྱང་སྐུའི་འཁྲུངས་དང་འབྲེལ་བའི་གཏམ་བཤད་གནང་རྗེས། ས་གནས་བོད་པ་དང་ལ་དྭགས་ཡུལ་མི། འཇར་མན་གླུ་གར་ཚོགས་པ་བཅས་ཀྱིས་མང་ཚོགས་ལ་གཞས་སྣ་ཁག་ཅིག་གཟིགས་འབུལ་ཞུས་ཡོད་འདུག

ཐེངས་འདིའི་འཁྲུངས་སྐར་སྐབས་ལ་དྭགས་ཟངས་དཀར་དང་། བྱང་ཐང་། ནུབ་ར།  བྱམས། ཧ་ནོ། མདའ་པདྨ། རྒ་ཀལ། འདུ་ར་སུ། འཛོ་གཞིས་ར། བྭ་ཀ ལྕོག་ཚལ་སོགས་ས་གནས་མི་འདྲ་བ་ ༡༡ ཙམ་གྱི་ཡུལ་མི་སྟོང་ཕྲག་ལྷག་འཛོམས་ཡོད་འདུག་ལ། དེ་ནི་ཟླ་འདིའི་ཕྱི་ཚེས་ ༡༨ ཉིན་༸གོང་ས་མཆོག་ལ་དྭགས་སུ་ཆིབས་བསྒྱུར་བསྐྱང་རྒྱུ་ཡིན་པ་དེར་སྔ་ས་གྲ་སྒྲིག་བྱས་པ་ཞིག་ཡིན་འདུག

དེ་རིང་ཁ་པར་བརྒྱུད་ས་གནས་སུ་ཕེབས་པའི་བོད་མི་མང་སྤྱི་འཐུས་པདྨ་འབྱུང་གནས་ལགས་སུ་བཀའ་འདྲི་ཞུས་དོན་ལྟར་ན། ཉིན་དེའི་འཁྲུངས་སྐར་གྱི་དངོས་གཞིའི་མཛད་སྒོའི་ལས་རིམ་ཁག་གྲུབ་རྗེས་ལ་དྭགས་རང་སྐྱོང་སྤྱི་ཁྱབ་འགན་འཛིན་རིག་འཛིན་དཔལ་འབར་ལགས་ཀྱིས་བདེན་པའི་མེ་ལྕེ་སྐོར་སྐྱོད་དཔལ་འབར་དབུ་འབྱེད་གནང་སྟེ་ལས་འགུལ་དངོས་སུ་མགོ་འཛུགས་གནང་ཡོད་འདུག

བདེན་པའི་མེ་ལྕེ་གོ་སྒྲིག་ཚོགས་ཆུང་གིས་གནས་ཚུལ་བཏང་བའི་ནང་། “ ལ་དྭགས་ས་གནས་སུ་བདེན་པའི་མེ་ལྕེ་སྐོར་སྐྱོད་ཀྱི་ལས་འགུལ་ཉིན་དང་པོར་ཕོ་བྲང་ཞི་བའི་ཚལ་དུ་ས་གནས་འཐུས་ཚོགས་ཀྱིས་འགན་འཁུར་རྒྱུ་དང་། ཉིན་གཉིས་པར་སླེ་ཇོ་ཁང་དུ་ས་གནས་རང་བདེན་ཚོགས་ཆུང་གིས་འགན་འཁུར་རྒྱུ། ཉིན་གསུམ་པར་ཆངས་པ་ཕྱོགས་སུ་ས་གནས་མངའ་རིས་སྤྱི་མཐུན་ཚོགས་པས་འགན་འཁུར་རྒྱུ། ཉིན་བཞི་པར་སྐལ་བཟང་གླིང་ཕྱོགས་སུ་ས་གནས་དབུས་གཙང་ཚོགས་པས་འགན་འཁུར་རྒྱུ། ཉིན་ལྔ་པར་རླངས་འཁོར་འབབ་ཚུགས་སུ་ས་གནས་མདོ་སྟོད་ཚོགས་པས་འགན་འཁུར་རྒྱུ། ཉིན་དྲུག་པར་ལྕོག་ལམ་ཟམ་པའི་ཕྱོགས་སུ་ས་གནས་གཞོན་ནུ་དང་བུད་མེད་ཀྱིས་འགན་འཁུར་རྒྱུ་བཅས་ཀྱི་ལས་རིམ་འཆར་སྒྲིག་བྱས་ཡོད’’ ཅེས་བཀོད་འདུག

མཇུག་ཏུ། “ཕྱི་ཚེས་ ༡༢ ཉིན་ལ་དྭགས་ཁུལ་ནས་ཀར་གྷིལ་དང་། དེ་ནས་ཤྲི་ན་གྷར་བར་དུ་ས་གནས་འཐུས་ཚོགས་དང་ས་གནས་མགོ་འཛིན་ལས་ཁང་། གཞུང་འབྲེལ་མ་ཡིན་པ་བཅས་ཀྱི་སྐུ་ཚབ་གསུམ་ནས་བདེན་པའི་མེ་ལྕེ་དེ་ཉིད་སྐྱེལ་མ་བྱ་རྒྱུ་དང་། ཀར་གྷིལ་ཕྱོགས་སུའང་འབྲེལ་ཡོད་མངའ་སྡེའི་གྲོས་ཚོགས་འཐུས་མི་གདན་འདྲེན་ཞུས་ཏེ་ལས་འགུལ་སྤེལ་རྒྱུ་ཡིན་འདུག” ཅེས་བཀོད་འདུག

ས་གནས་གསར་འགོད་པ། ཤེས་རབ་རྡོ་རྗེ།