ཟླ་འདིའི་ཕྱི་ཚེས་ ༧ ཉིན་གྱི་བོད་ནང་གི་ཉིན་གུང་ཆུ་ཚོད་ ༡༢ ཡས་མས་སུ་ལྷ་ས་གྲོང་ཁྱེར་འདམ་གཞུང་རྫོང་འདམ་ཆུ་ཁ་གྲོང་རྡལ། མཆོད་རྟེན་ཁུག་གྲོང་ཚོའི་རང་ལོ་ ༢༢ ཡིན་པའི་ཚེ་དབང་རྡོ་རྗེ་ལགས་ཀྱིས། རྫོང་དེའི་མི་ཚོགས་འདུ་འཛོམས་ཆེ་སའི་ཁྲོམ་གཟིཊ་སྒང་འབོད་པའི་སྒོ་རའི་མདུན་དུ། རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་ཡོད་འདུག་ལ། དུས་ཡུན་སྐར་མ་ ༣ ཙམ་གྱི་རྗེས་སུ་ཉེན་རྟོག་ཡོང་སྟེ་ཁོང་གི་ལུས་སྟེང་གི་མེ་བསད་དེ་རྫོང་སྨན་ཁང་དུ་བཙན་ཁྱེར་བྱས་ཡོད་ཀྱང་ཉིན་དེའི་དགོང་མོར་ཁོང་སྐུ་གྲོངས་ཡོད་འདུག
ཚེ་དབང་རྡོ་རྗེ་ལགས་ནི། ནམ་རྒྱུན་འདམ་གཞུང་ས་ཁུལ་དུ་ཚོང་ཙག་ཙིག་རེ་བརྒྱབ་སྟེ་སྡོད་མཁན་ཞིག་ཡིན་འདུག་ལ། ད་ལྟའི་ཆར་ཁོང་གི་ཁྱིམ་དུ་མ་རྒན་མ་གཏོགས་ནང་མི་གཅིག་ཀྱང་མེད་པའི་གནས་ཚུལ་ཐོན་འདུག གནས་ཚུལ་དེ་བྱུང་རྗེས་རྒྱ་གཞུང་གིས་འདམ་གཞུང་རྗོང་ཡོངས་སུ་དམག་མི་འགྲེམས་འཇོག་གིས་དམ་དྲག་དང་། བརྒྱུད་ལམ་ཆ་ཚང་བཀག་སྡོམ་བྱས་ཏེ་ཕྱི་ཕྱོགས་ནས་འབྲེལ་བ་བྱེད་ཐབས་མེད་པ་མ་ཟད། ལྷ་ས་གྲོང་ཁྱེར་སོགས་བོད་ནང་ཁུལ་གྱི་ས་ཆ་ཕན་ཚུན་བར་ཁ་པར་མཐུད་ཐབས་མེད་པའི་གནས་སྟངས་ཆགས་ཡོད་འདུག
གནས་ཚུལ་འདིའི་ཐད་དེ་རིང་ཕྱི་ཚེས་ ༡༠ ཉིན་གྱི་སྔ་དྲོ། བོད་མི་མང་སྤྱི་འཐུས་ལྷན་ཚོགས་ཀྱིས་རྒྱལ་གཅེས་དཔའ་བོ་ཚེ་དབང་རྡོ་རྗེ་ལགས་ཀྱིས། རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་གནང་བའི་ཐད་གསར་འགོད་བསྒྲགས་གཏམ་ཞིག་སྤེལ་ཡོད་པའི་ནང་། རྒྱལ་གཅེས་དཔའ་བོ་ཚེ་དབང་རྡོ་རྗེ་ལགས་ནི། ཕྱི་ལོ་ ༢༠༠༩ ནས་ད་ལྟའི་བར་བོད་ནང་རང་ལུས་མེར་བསྲེགས་གནང་མཁན་ ༤༣ པ་དེ་ཆགས་ཡོད་པ་དང་། ད་ལྟའི་ཆར་རྒྱལ་གཅེས་དཔའ་བོ་དར་རྒྱས་ལགས་དང་། ཁོང་གཉིས་བརྩིས་པའི་རང་ལུས་མེར་བསྲེགས་ཀྱིས་འདས་གྲོངས་སུ་གྱུར་མཁན་ ༣༣ ཆགས་ཡོད་ཚུལ་དང་། བོད་མི་མང་སྤྱི་འཐུས་ལྷན་ཚོགས་ཀྱིས་བོད་ནང་རང་ལུས་མེར་བསྲེགས་དང་། དམར་གསོད་ཀྱི་དོན་རྐྱེན་བྱུང་རིམ་བཞིན་གསར་འགོད་བསྒྲགས་གཏམ་རིམ་སྤེལ་བྱས་ཡོད་པའི་ནང། བོད་ནང་གི་དོན་རྐྱེན་དེ་དག་ནི་རྒྱ་ནག་གཞུང་གིས་བོད་ཐོག་འཛིན་པའི་མཁྲེགས་འཛིན་དང་། ཕྱོགས་སུ་ལྷུང་བའི་སྲིད་བྱུས་ལ་བརྟེན་ནས་ཡོང་གི་ཡོད་པས། ཇི་སྲིད་བོད་ཐོག་འཛིན་པའི་མཁྲེགས་འཛིན་གྱི་སྲིད་བྱུས་ལ་བསྒྱུར་བཅོས་མ་བཏང་བ། དེ་སྲིད་དུ་བོད་ཆོལ་ཁ་གསུམ་ནང་རང་ལུས་མེར་བསྲེགས་ཀྱིས་མཚོན་པའི་ལས་འགུལ་སྣ་ཚོགས་ཡོང་སྲིད་པས། དེ་དག་གི་འགན་ཆ་ཚང་རྒྱ་གཞུང་གིས་འཁྱེར་དགོས་པ་ལས་གཞུང་སྒེར་སུ་ལའང་ཡ་ལན་སྤྲོད་ས་མེད་ཅེས་འཁོད་འདུག
ཡང་སྤྱི་འཐུས་ལྷན་ཚོགས་ཀྱི་གསལ་བསྒྲགས་དེར། རྒྱ་ནག་གིས་རྒྱུན་ལྡན་ལྟར་བོད་ནང་རང་ལུས་མེར་བསྲེཊ་དང་མི་མང་འདུ་འཛོམས་ཀྱིས་ཞི་རྒོལ་བྱུང་སྐབས། རྒྱལ་སྤྱིའི་ནང་༸གོང་ས་མཆོག་དང་བོད་མིའི་སྒྲིག་འཛུགས་ལ་བསྙོན་འཛུགས་དང་། བརྒྱུད་ལམ་ཁག་ཏུ་ལོག་པའི་ཁྱབ་བསྒྲགས་འདྲ་མིན་བྱེད་བཞིན་ཡོད་པ་དང་། ཉེ་བའི་ཆར་བོད་ཀྱི་རྒྱལ་ས་ལྷ་ས་ནས་མདོ་སྟོད་སྨད་གཙོས། ལྷ་ས་བ་མིན་པའི་བོད་མི་རྣམས་ཕྱིར་འབུད་བཏང་བ་དང་། རྒྱ་མི་ལས་གཞན་བོད་མི་རྣམས་ལྷ་སར་ཡོང་མི་ཐུབ་པ་སོགས་མི་རིགས་དབྱེ་འབྱེད་དང་། རོགས་རམ་གྱི་མིང་འོག་ནས་བོད་རིགས་སློབ་ཐོན་པ་ཚོ་རྒྱ་ནག་གི་ས་ཁུལ་ཁག་ཏུ་གཏོང་བ་དང་། བོད་ཀྱི་ས་ཁུལ་དུ་རྒྱ་རིགས་སློབ་ཐོན་པ་ཚོར་ལས་ཀའི་གོ་སྐབས་སྤྲོད་པ་སོགས་ཀྱི་སྲིད་བྱུས་སྣ་ཚོགས་ཤིག་ལག་བསྟར་བྱེད་བཞིན་ཡོད་སྟབས། རྒྱལ་སྤྱིའི་ཚོགས་སྡེ་ཁག་དང་རྒྱལ་ཁབ་ཁག་གིས་ངེས་པར་དུ་རྒྱ་ནག་གཞུང་གིས་བོད་ཐོག་འཛིན་པའི་མཁྲེགས་འཛིན་གྱི་སྲིད་བྱུས་བསྒྱུར་བཅོས་ཡོང་བར་གནོན་ཤུགས་སྤྲོད་དགོས་པའི་འབོད་སྐུལ་སོགས་གནང་འདུག
གསར་འགོད་པ། དོན་གོ
སྐུ་གྲོངས་འདུག་ཅེས་མ་བྲིས་རོགས་ཞེས་ཁ་སང་ནས་ཆན་བཏབ་ཀྱང་ཡང་བསྐྱར་སྐུ་གྲོངས་འདུག་ཅེས་བཀོད་འདུག
སྐུ་ཟེར་བ་ལུས་ཀྱི་ཞེ་སའི་ཚིག་གཅིག་ཡིན། གྲོངས་ཟེར་བ་མི་ཕལ་པ་གཅིག་ཤི་བའི་ཚིག་ཡིན།
སྐུ་ཞེས་ཆེ་བསྟོད་ཀྱིས་ཞེ་ཚིག་སྦྱར་དགོས་ན་དེའི་མཇུག་ཏུ་གཤེགས་བྲིས་དགོས་ཏེ། སྐུ་གཤེགས་འདུག་ཅེས་པ་ལྟར་ཡིན། ཡང་ན་ཕལ་ཚིག་བཀོད་ན་ཚེ་རྡོར་གྲོངས་འདུག་ལྟ་བུ་བཀོད་དགོས།
བཙན་བྱོལ་ཅན་ནས་རང་སྲེག་གི་ལས་འགུལ་ནས་རྒྱང་ནས་བསྐུལ་མ་གཏོང་བཞིན་ཡོད་ཚུལ་བཤད་པ་རྒྱ་གཞུང་ལ་དགོས་རྒྱུའི་གཏམ་དེ་ཁོ་པས་བཤད་འདུག འོ་ན་ཁྱེད་ཀྱིས་མེར་སྲེག་གི་ཆེད་དུ་སྨོན་ལམ་འདོན་པ་ཡང་བརྒྱུད་བསྐུལ་རེད་པས། བཙན་བོད་གཞུང་དང་བཅས་པས་དེ་ལྟར་མི་བྱེད་པའི་རེ་བསྐུལ་ཡང་ཡང་ཞུས་པ་ཁྱེད་ཀྱི་མིག་ལོངས་ནས་མ་མཐོང་བ་རེད་དམ། རྣ་བ་འོན་ནས་མ་གོ་བ་རེད། བོད་མི་ཚོ་འ་ཆད་འུ་ལ་ཐུག་ནས་རྒྱ་རྒན་ནག་པོར་ཞི་བའི་ལམནས་ཡ་ལན་དེ་ཡན་མེད་པ་ཞིག་གནང་བ་རེད། ཨེ་གོ་ཐལ། དགྲ་དགའ་གཉེན་སྡུག་གི་སྐད་ཆ་བཤད་མ་མྱོང་ཞིག བོད་མི་འབུམ་བཙུ་གཅིག་ཙམ་རྒྱ་ལག་ཏུ་བསད་པ་ཁྱེད་ཀྱིས་ཨེ་ཤེས།
རྒྱལ་གཅེས་དཔའ་པོ་ཁོང་གི་སྐུ་ཕུང་ཁོང་གི་ནང་མི་དང་། གཉེན་ཚན་སོགས་ལ་རྩིས་སྤྲད་འདུག་གམ། ཡང་ན་མིག་སྟོན་བྱས་འདུག་གམ། དེ་འདྲ་གང་ཡང་མེད་པར་རྒྱ་དམར་དྲག་པོའི་སྲིད་གཞུང་གིས་ཁོང་སྨན་ཁང་ནང་གྲོངས་སོང་ཞེས་བཤད་པ་ཙམ་ཡིན་ན། དེ་ལ་ང་ཚོའི་ཡིད་ཆེས་མེད། རྒྱ་དམར་གྱིས་ཁྱབ་བསྒྲགས་དེའི་རིགས་ཀྱིས་ང་ཚོར་སེམས་འཚབས་འཕར་མ་རེ་སྐྱེད་བཞིན་འདུག་ལ། གལ་ཏེ་ཁོང་སྐུ་གྲོངས་མེད་ན་ནི་དྲང་བདེན་མེད་པའི་རྒྱ་དམར་སྲིད་གཞུང་གིས་ད་ལྟ་ཁོང་ལ་མི་སྤྱོད་ལས་འདས་པའི་མནར་གཅོད་གཏོང་བཞིན་ཡོད་ངེས་ཡིན་ཞེས་ཐག་བཅད་ནས་བཤད་ཀྱང་དེ་ལ་ནོར་བ་མེད། དེར་བརྟེན་མ་འོངས་པར་སྐུ་གཤེགས་དཔའ་བོ་དཔའ་མོ་ཚོའི་སྐུ་ཕུང་རྩིས་སྤྲོད་དང་། མིག་སྟོན་གང་ཡང་མེད་པར་སྐུ་གྲོངས་སོང་ཞེས་དེའི་རིགས་རྒྱ་དམར་གྱིས་ཁྱབ་བསྒྲགས་བྱས་པ་ཙམ་ལ་ང་ཚོས་ཡིད་ཆེས་བྱེད་མི་ཐུབ་པར་མ་ཟད། སྐབས་དེར་ང་ཚོས་དམིགས་བསལ་གྱིས་ངོ་རྒོལ་དང་། རྒྱ་དམར་གྱི་མགོ་སྐོར་གཡོ་སྒྱུའི་ངན་མཚང་ཐེར་འདོན་ཐུབ་དགོས་ངེས་ཡིན།
ངག་དབང་འོད་འབར་ལགས་ཀྱིས་གསར་ལམ་གཞན་པ་རུ་ཚེ་དབང་རྡོ་རྗེ་ཟེར་གྱི་འདུག འོན་ཀྱང་ང་ལ་རག་པ་དེ་པདྨ་རྡོ་རྗེ་རེད་ཅེས་འགྲེལ་བརྗོད་གནང་སོང༌།
འདས་པོ་དེ་ཉིད་ཀྱི་ཆེད་དུ། ཨོཾ་མ་ཎི་པདྨེ་ཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿ ངན་སོང་སྡུག་བསྔལ་མི་མྱོང་ཞིང་། །དཀའ་བ་སྤྱོད་པ་མེད་པ་ཡིས། །ལྷ་བས་ལྷག་པའི་ལུས་ཐོབ་ནས། །དེ་དག་སངས་རྒྱས་མྱུར་ཐོབ་པར་ཤོག
ངས་བལྟས་ན་མེར་བསྲེགས་ལས་འགུལ་གྱི་གྲུབ་འབྲས་དང་བོད་མི་རིགས་ཀྱི་ཕུགས་རྒྱང་རིང་བའི་ཁེ་གྱོང་ལ་བསམས་གཞིག་བྱས་ནས་མཚམས་འཇོག་གནང་ན་ཡག་པོ་མཐོང་། འགའ་ཞིག་གིས་སོ་སོ་སྐྱིད་ཉལ་རྒྱག་ཉལ་བྱས་ནས་སྡོད་མུར་གཞན་ལ་མེར་བསྲེགས་ཀྱི་ལས་འགུལ་ཞུགས་ན་དགེ་མཚན་ཆེ་རབས་དང་ས་ཕྱོགས་གཞན་རྣམས་འགུལ་སྐྱོད་རྒྱག་དགོས་པ་ལས་རྒྱང་ལྟ་བྱས་ནས་སྡད་རྒྱུ་མེད་རབས་སོགས་ཀྱི་གཏམ་གླེང་སྤེལ་ནས་མདོར་ན་གཞན་ལ་མེར་བསྲེག་གི་ལས་ལ་འཇུག་དགོས་པའི་རྟིངས་སྐུལ་སྤེལ་བའི་བཟོ་འདྲ་བྱེད་ན་ནོར་འདུག་སྙམ། ཕྱིན་ཆད་གཏམ་མཆན་སོགས་སྤེལ་སྐབས་གཟབ་དགོས་པར་མཐོང་།
སྙིང་ནས་མྱ་ངན་དང་། འདས་པོ་དེ་ཉིད་སླར་ཡང་བོད་གངས་ཅན་པའི་ཞིང་དུ་སྐྱེ་ཐུབ་པར་མཆོག་གསུམ་ལྷ་དང་བླ་མས་ཐུགས་བརྩེས་མ་འདོར་རོག རྒྱ་མི་ཡོད་ཚད་ངོ་མ་སྨྱོ་ཚར་འདུག འཇིག་རྟེན་གྱི་དཔེར།
རྩི་རྩི་ལ་ཁོག་གནག་ནས། ཕ་ཁང་ལ་མེ་བཤོལ་ཟེར་བ་བཞིན། དོན་རྐྱེ་འདི་ནི་༧གོང་ས་ཡིད་བཞིན་ནོར་བུའི་དབུ་ཁྲིད་པའི་བཙན་བྱོལ་བོད་མིའི་ངན་བསྐུལ་སེམས་ནང་དུ་དྲན་པ་ཙམ་དང་ཕར་ཞོག འགྲོ་བ་མི་ཡི་རིགས་ཀྱིས་དུས་གཏན་དུ་བྱེད་མི་སྲིད་པ་སྒོང་མཐོང་ལེབ་གསལ་རེད། བཤད་རྒྱུའི་ཕོང་ནས། ཁ་སྐྱེང་ལ་ཁོག་ལ་ཁྲོ་བས་གཞན་རྐྱེན་ལ་བསྙོན་པའི་རྒྱ་དམར་གྱི་བསྒྲག་གཏམ་འདི་ཚོ་ནི་ཚོད་མེད་པའི་ཧམ་པ་རྣར་བཟོད་པ་ཐུབ་པ་ཞིག་ཅིའི་ཕྱིར་མིན། འདི་ནི་བོད་མི་རིགས་འཆི་གསོན་གཉིས་ནས། འཆི་ལ་ཉེ་བའི་སྲིད་ཇུས་མ་རུང་པ་ཁོག་ཏུ་བཅང་ནས། ཁ་ནས་མ་བྱེད་བྱེད་མདོགས་ཀྱིས་བསླུ་བྲིད་སྐྱུར་མོ་ལ་མགོ་མི་འཁོར་བའི་ཅོང་བརྡ་དང་། རྒྱུད་རིམ་འདི་ལྟ་བུའི་ལམ་བུ་གཞན། མི་རིགས་ཀྱི་ལ་ཞེན་དང་། རྒྱ་དམར་ལ་བཤད་པས་མི་གོ་བ་དང་། མི་ཆོག་པར་ཤེས་པའི་རྐྱེན་ངན་འདིའི། གཞན་བྱེད་ཐབས་གང་ཡང་མ་རྙེད་པའི་རྒྱུ་མཚན་གྱིས། གཅེས་དགུའི་སྐྱོང་བའི་རང་ལུས་རིན་པོ་ཆེ་འདི་ཉིད་ཞུན་མེར་སྦར་དགོས་ཐུག་པ་རེད། འདི་ནི་རང་ཉིད་ལ་སྡུག་བསྔལ་གྱི་ཚོར་མྱོང་ཤས་མི་བཟོད་པ་ཞིག་གི་ཀུན་ནས་སློང་བ་མ་ཚད། རྒྱ་དམར་གྱི་གདུག་རྩུབ་དང་བྱེད་སྟང་ལ་ཞེ་མེར་གཏིང་ནས་ལོག དངོས་མཐོང་ལག་ཟིན་གྱིས་བཙན་གནོན་འཛམ་གླིང་ན་གླེང་ཉན་མི་སྲིད་པ་ཞིག་གི་མནར་གཅོད་ཚོད་མེད་པས་བྱུང་བ་ཞིག་ལས། རྒྱུད་བསྐུལ་དང་ངན་གཡོའི་དཀྲོག་གཏམ་ཙམ་གྱིས་རང་ལུས་ཞུན་མེར་དུས་ནམ་ཡང་སྦར་མི་ཐུབ། མི་རིགས་དང་རྒྱལ་ཁབ་ལ་ཤ་ཞེན་ལ་རྒྱ་སུས་ཀྱང་འགྲན་ཟླ་དང་བྲལ་བའི་དཔའ་བོ་ཞིག་གི། འབྱུང་འགྱུར་གྱི་མདུན་ལམ་ཆེས་ཡ་ང་བ་དང་ཡི་མུག་པ་དངོས་སུ་མཐོང་ནས་མི་རིགས་ཀྱི་ལེགས་སྐྱེས་འཇོག་པ་ཞིག་ལས། ཅར་འགྲོག་ཙམ་དང་གཡམ་རྒྱུག་ཙམ་གྱིས་རྒྱུད་བསྐུལ་ལ་ཡིད་སྤྲོ་ནས་རང་ཉིད་ཀྱི་ན་ཚའི་ཚོར་མྱོང་མི་ཤེས་པ་སྨྱོན་པའི་བྱ་སྤྱོད་ལད་མོར་བཟླ་ནས་རང་ལུས་ཞུན་མེར་སྦར་ནུས་སམ། འདི་ནི་ཁ་ནས་དཔལ་འབྱོར་གྱི་བསླུ་བྲིད་དཀུ་ཞིང་། ཁོག་ཏུ་རྒྱལ་ཞེན་དང་མི་རིགས་ཀྱི་བདེ་སྡུག་ལ་བསམ་ཤེས་སྤུ་ཉག་ཙམ་མེད་པས། བཙན་བཀའ། བཙན་ཤེད་རྐྱང་པས་རྒྱལ་ཁབ་སྨྱོན་པ་ཆག་ནས་བདེ་སྡུག་བགྲང་ཚད། ངོ་ལོག་དང་། ཟིང་ཆ། ཁ་བྲལ། ཕྱི་རྒྱལ་བའི་གནོན་ཤུག་ཞེས་ཀླེང་རྐྱང་བྱེད་ནས། བསད། གཅོད། བརྡུང་། བརྡེག སོགས་ཀྱིས་དྲག་སྤྱོད། ཁྲིམས་བཅད་ཁོ་ན་ལས། མི་སེར་གྱི་དགོས་འདུན་ལ་རང་འདོད་རྐྱང་པས་ཕུ་རྒྱང་པ་ལས། བསམ་ཤེས་དང་རྒྱུས་ལོན་ཚིག་གཅིག་མ་བྱེད་པའི་ཉེར་ལེན་ལས། འཛམ་གླིང་ས་སྒང་འདི་ཐོག་ཏུ་བྱུང་མ་མྱོང་པ་འདི་བྱུང་བ་རེད། ད་དུང་དོན་རྐྱེན་ཡོད་ཚད་གབ་སྦས་བྱེད་ཁུལ་བྱེད་ནས་བོད་མི་སེར་གྱི་དགོས་འདུན་ལ་བསམ་ཤེས་སྣེ་གཅིག་མི་བྱེད་ཕྱིན། སྡུག་ནས་སྡུག་རུ་རང་གི་མགོ་ལ་རང་རྡོ་ཞུ་བ་དང་། རང་གི་ལུས་པོ་རང་གི་མེ་རུ་སྦར་བ་ལས་ལམ་ཁ་གསར་པའི་འདེམས་བྱ་ཞིག་གཏན་ནས་མེད། སྤྱིར་དུས་ཀྱི་འགྱུར་འགྲོས་ནི་སྐད་ཅིག་ལ་འགྱུར་བའི་རང་བཞིན་ཞིག་ཡིན་དུས། བོད་མི་རིགས་འདི་ཤ་ཟད་རུས་ལ་མ་ཐུག་བར་མི་རེ་ངོ་རེའི་བྱུང་འགྱུར་གྱི་བདེ་སྡུག་དེ་ཚོ་རང་བཞིན་གྱིས་བག་ལ་དུས་ནམ་ཡར་ཞར་མི་ཐུབ་པ་དངོས་པོའི་གནས་ཚུལ་རེད། རྒྱ་ནག་གི་ངོས་ནས་བོད་མི་རིགས་དུས་ནམ་ཡང་མནན་ཆོག་ཆོག་ཞིག་དང་། བོད་མི་རིགས་ཀྱི་ཕམ་ཁ་སྐྱེ་བ་ནས་ཚེ་རབས་སུ་ཁུར་དགོས་པའི་བསྐོ་བཞག་འདི་གཏན་ནས་གནས་མི་སྲིད། མེར་བསྲེགས་ཀྱི་དོན་རྐྱེན་འདི་ནི་མི་རིགས་ཤིག་འཆི་གསོན་གྱི་འཐབ་རྩོད་ཡིན་དུས་ཐབས་ལམ་ཡག་ཤོས་ནི། ཕན་ཚུན་གཉིས་སྨན་གཉིས་སྐྱབས་ཀྱི་དོན་དུ་གྲོས་མོལ་གྱི་ལམ་ཁ་བཟང་པོ་འདི་ཉིད་ཀྱི་སྐྱབས་པ་ཐུབ་པ་ལས་གཞན། སྦས་རྐུང་རྐྱང་པས་མཐའ་གསལ་བ་དང་། རྫུན་མ་རྐྱང་པས་ཞི་འཇག་ཤིག་དུས་ནམ་ཡང་འབྱུང་མི་ཐུབ།
འདས་པོ་དེ་ཉིད་ཀྱི་ཆེད་དུ། ཨོཾ་མ་ཎི་པདྨེ་ཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ་ཧྲཱིཿ ངན་སོང་སྡུག་བསྔལ་མི་མྱོང་ཞིང་། །དཀའ་བ་སྤྱོད་པ་མེད་པ་ཡིས། །ལྷ་བས་ལྷག་པའི་ལུས་ཐོབ་ནས། །དེ་དག་སངས་རྒྱས་མྱུར་ཐོབ་པར་ཤོག
མེར་བསྲེགས་ཀྱི་གནས་ཚུལ་རེ་གོ་མ་ཐག་སེམས་པ་སྐྱོ་ལྷང་ལྷང་སྐྱེ་གིན། ཚེ་དབང་རྡོ་རྗེ་ཁོང་སྙིང་རྗེ། མ་གཞི་ཁོ་རང་ངོས་ནས་རང་ཤི་རྒྱབ་པ་ལ་འགྱོད་པ་གཏན་ནས་ཡོད་མ་རེད། འོན་ཀྱང་འུ་ཅག་བོད་མི་རིགས་གཅིག་ལ་མཚོན་ན་བོད་མི་སྙིང་སྟོབས་ཅན་ཁོང་ལྟ་བུ་ཞིག་འདི་ལྟ་བུའི་ངང་འཆི་ལམ་དུ་གཤེགས་པ་ནི་ཆེས་ཕངས་པོ་རེད།
དཔའ་བོ་དག་གི་གད་རྒྱངས་ཀྱི་གཡུ་ས་ན།།
བསུབ་ཏུ་མེད་པའི་ལོ་རྒྱུས་ཀྱི་རི་མོ་ཞིག།
ཨོཾ་མ་ཎི་པདྨེ་ཧཱུཾ།
བོད་ཀྱི་པ་བོ་ཚེ་དབང་རྡོ་རྗེ་ཁོང་དངོས་གི་སྙིང་སྟོབས་རེད་
རྒྱལ་གཅེས་དཔའ་བོ་ཁོང་གི་བོད་མི་རིགས་ཀྱི་ཐོག་ཏུ་རྒྱ་ནག་དམར་གཞུང་གིས་དྲང་བདེན་མིན་པའི་སྲིད་བྱུས་བཀོལ་ནས་དྲག་གནོན་བྱེད་ཀྱི་ཡོད་པ་དང་ཁམས་དང་ཨ་མདོ་མ་གཏོང་བོད་དབུས་གཞུང་གི་བོད་མི་རྣམས་ཀྱི་འདི་འདྲ་བྱེད་ཀྱི་མེད་ཟེར་ནས་བྱམས་པ་ཕུན་ཚོགས་དང་དཔྨ་འཕྲིན་ལས་གཉིས་ཀྱི་སྐྱག་རྫུན་བཤད་པ་དེ་ཐེར་འདོན་གནང་པ་ཞིག་ཡིན་པར་མ་ཟད་ཁོང་གི་བོད་མི་རིགས་ཀྱི་བདེ་སྡུག་འཛམ་གླིང་མི་མང་ལ་མཐོང་དུ་འཇུག་པ་ཞིག་རེད་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཐུགས་ཀྱི་བཞེད་དགོངས་ཟབ་མོ་ཡོངས་སུ་རྫོགས་པ་དང་བོད་ཀྱི་བདེན་མཐའ་མྱུར་ཏུ་གསལ་བའི་སྨོན་འདུན་ཞུ།
དྲང་བདེན་གྱི་གཡུལ་ས་ནས།།
ཨུ་ཚུགས་ཀྱི་མེ་དབུང་སྤར།།
རྫོགས་མེད་ཀྱི་དཔའ་བོ་དག།
མྱ་ངན་གྱིས་ཁམ་དུ་ཟོས།།
ངའི་སྤུན་ཟླ་ཁྱེད་འཕགས་མཆོག་སྤྱན་རས་གཟིགས་ཀྱི་ཞིང་ཁམས་སུ་སྐྱེ་བར་ཤོག མཁྱེན་མཁྱེན་ངའི་བླ་མ་ཡིད་བཞིན་ནོར་བུས་མཁྱེན་ནོ། །ཡིད་བཞིན་ནོར་བུས་མཁྱེན། ཡིད་བཞིན་ནོར་བུས་མཁྱེན། ངས་སྤུན་ཟླ་ཁྱེད་ཀྱི་དོན་དུ་རང་ཤག་ཏུ་མིག་ཆུ་དབང་མེད་དུ་ཤོར་ཡོང་གིན་འདུག་ལ། འདས་ཟིན་པའི་སྤུན་ཟླའི་ཆེད་དུ་མིག་ཆུ་ཤོར་བའང་གྲངས་ཀྱིས་མི་ལོངས།
སྤུན་ཟླ་ལགས་ང་ཚོས་དུས་ནམ་ཡང་ཁྱེད་ཅག་གི་སྙིང་སྟོབས་བརྗེད་མི་སྲིད་ལ། རྒྱ་ནག་པོ་བདུད་རྒན་འདིའི་ཁ་ལ་ཐལ་བ་སྦར་མོ་གང་ལས་འདེབས་རྒྱུ་མ་བྱུང་ཡང་དེ་ལྟར་འདེབས་རྒྱུའི་དམ་བཅའ་སྙིང་གི་རུས་པར་བྲིས་ཡོད། རྒྱ་རྒན་ནག་པོ་སྡུག་ཤི་རྒྱག་པར་ཤོག
བླ་མེད་སྙིང་སྟོབས་གོ་ཆས་རབ་བསྒཽས་ཤིང་།།
གཉུག་སེམས་གངས་ཅན་བོད་ལ་བཀོད་པའི་དཔུང་།།
ཉམས་མེད་བསྐལ་བའི་མཐའ་ལ་བསྲིངས་གྱུར་ནས།།
རང་དབང་འདྲེན་ལ་སུ་ཞིག་སོམ་ཉིར་ཚུད།།