དེ་རིང་རྔ་པ་ཁུལ་འབར་ཁམས་རྫོང་རྒྱལ་རོང་ཚོ་བདུན་ཀིརྟི་དགོན་པའི་གྲྭ་པ་ཞིག་གིས་རང་ལུས་མེར་བསྲེཊ་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཏེ་སྐུ་གྲོངས་འདུག
བཞུགས་སྒར་ཀིརྟི་བྱེས་བ་གྲྭ་ཚང་གི་བོད་ནས་འབྲེལ་མཐུད་པ་ཀ་ཉག་ཚེ་རིང་དང་བློ་བཟང་ཡེ་ཤེས་གཉིས་ཀྱི་འདི་གར་གནས་ཚུལ་བཏང་འབྱོར་བྱུང་བ་ལྟར་ན། དེ་རིང་ཕྱི་ཚེས་ ༡༧ ཉིན་གྱི་བོད་ནང་གི་ཉིན་གུང་ཆུ་ཚོད་ ༡༢ ཡོལ་ཙམ་ལ་མདོ་སྨད་རྔ་པ་བོད་རིགས་རང་སྐྱོང་ཁུལ་འབར་ཁམས་རྫོང་རྒྱལ་རོང་ཚོ་བདུན་ཀིརྟི་དགོན་པའི་རང་ལོ་ ༡༨ ཡིན་པའི་གྲྭ་བློ་བཟང་བློ་འཛིན་ལགས་ཀྱིས། ཚོ་བདུན་ཀིརྟི་དགོན་པའི་གླིང་དཀྱིལ་གྱི་འདུ་ཁང་མདུན་ནས་རང་ལུས་མེར་སྲེག་བཏང་སྟེ་ས་གནས་ཞང་སྲིད་གཞུང་ཕྱོགས་སུ་གོམ་བགྲོད་ཀྱིས་ཕེབས་ཡོད་ཅིང་། ཅུང་ཙམ་ནས་ལུས་ཀྱི་མེ་ཤུགས་ཆེ་རུ་སོང་སྟབས་ས་ལ་འགྱེལ་ནས་མེ་ཤུགས་དྲག་པོའི་ཀློང་དུ་སྐུ་གྲོངས་ཡོད་འདུག མེ་སྒྲོན་པ་དང་མཉམ་དུ་སྐད་འབོད་མང་པོ་ཞིག་བྱས་ཡོད་ཀྱང་བརྗོད་ཚིག་གང་ཡིན་གསལ་བོ་ཤེས་རྟོགས་ཐུབ་མེད།
གནས་ཚུལ་དེ་བྱུང་རྗེས་གྲྭ་པ་རྣམས་ཀྱིས་སྐུ་ཕུང་གཙང་ཉར་བྱས་ཏེ། ཀུན་རིག་རྣམ་པར་སྣང་མཛད་ཀྱི་སྒོ་ནས་རྗེས་འཇུག་གི་ཆོ་ག་བསྒྲུབས་དང་སྒྲུབ་མུས་ཡིན་ཞིང་། གྲྭ་པ་རྣམས་ཀྱིས་དོ་དགོང་མཚན་ལ་སྐུ་ཕུང་ཞུགས་འབུལ་བྱེད་རྒྱུའི་གྲ་སྒྲིག་བྱེད་བཞིན་ཡོད་འདུག དེ་རྗེས་འབར་ཁམས་རྫོང་ནས་དྲག་ཆས་ཉེན་རྟོག་པ་སོགས་མང་པོ་ཞིག་ཚོ་བདུན་ཀིརྟི་དགོན་པའི་ཕྱོགས་སུ་ཡོང་གི་ཡོད་ཀྱང་ཚོ་བདུན་མི་མང་གིས་ཚོ་བདུན་ཟམ་ཁ་ནས་བཀག་འགོག་བྱེད་རྒྱུའི་གྲ་སྒྲིག་བྱས་ནས་ཡོད་འདུག་པས་ཉེན་རྟོག་པ་དང་མི་མང་གདོང་ཐུག་གིས་ཛ་དྲག་གི་གནས་ཚུལ་ཡོང་ཉེན་ཡོད་འདུག
སྐུ་གཤེགས་རྒྱལ་གཅེས་དཔའ་བོ་དམ་པ་ཁོང་ནི། འབར་ཁམས་རྫོང་རྒྱལ་རོང་ཚོ་བདུན་ཞང་ཥོ་ལ་ཅང་སྡེ་བའི་མཁར་མགོ་ཚང་ནས་ཡིན་ཞིང་། ཕ་མིང་ལ་འབྱོར་རྒྱས་དང་། མ་མིང་ལ་ཚེ་པོ་པོ་ཟེར། ཆུང་དུས་ནས་རྒྱལ་རོང་ཚོ་བདུན་ཀིརྟི་དགོན་པར་ཆོས་ཞུགས་གནང་སྟེ་ད་ལྟ་འཛིན་གྲྭ་ཁ་དོག་གོང་མ་ཡིན་ཞིང་། འཛིན་གྲྭའི་ནང་ནས་སློབ་སྦྱོང་རྩེ་གྲས་ཡིན་པར་མ་ཟད་ཀུན་སྤྱོད་ལེགས་ཤིང་ཡ་རབས་ཚུལ་མཐུན་གྱི་ཁ་ཡ་ན་ཟླས་མིག་དཔེར་འོས་པ་ཞིག་ཡིན་འདུག མི་ཚང་དེར་ད་ལྟ་ནང་མི་ལྔ་ཡོད་འདུག
རྒྱལ་རོང་ཚོ་བདུན་ཀིརྟི་དགོན་པ་ནི་འབར་ཁམས་ རྫོང་ཁོངས་སུ་ཡོད་ཅིང་། འབར་ཁམས་རྫོང་ནས་བྱང་ཕྱོགས་སུ་སྤྱི་ལེ་ ༨༥ ཙམ་གྱི་སར་ཡོད། དགོན་འདིའི་མིང་ཆ་ཚང་ལ་རྒྱལ་རོང་ཚོ་བདུན་ཀིརྟི་དགོན་དགེ་ལྡན་བཀྲ་ཤིས་ཆོས་གླིང་ཡིན་ཞིང་། དེང་སྐབས་དགེ་འདུན་ཞལ་གྲངས་ ༣༠༠ ལྷག་ཡོད་པའི་རྒྱལ་རོང་ཕྱོགས་ཀྱི་དགེ་ལུགས་པའི་དགོན་པ་ཆེ་ཤོས་ཡིན་འདུག དེ་སྔོན་ཕྱི་ཟླ་ ༣ ཚེས་ ༣༠ ཉིན་དགོན་འདིའི་གྲྭ་འཆི་མེད་དཔལ་ལྡན་དང་གྲྭ་བསྟན་པ་དར་རྒྱས་གཉིས་ཀྱིས་རང་ལུས་མེར་སྲེག་བཏང་སྟེ་སྐུ་གྲོངས་ཡོད་འདུག
ཧ་ཧ་་ སྐད་འབོད་ཀྱི་ནང་དོན་གང་ཡིན་མ་ཤེས་པ་ལ་ངོ་རྒོལ་གྱི་སྐད་འབོད་བྱས་ཡོད་འདུག་ཟེར་བ་འདིས་བློ་གཟུ་བོར་ཅན་ཚོ་དུས་ནམ་ཡང་མགོ་སྐོར་གཏོང་མི་ཐུབ་། དངོས་གནས་བྱས་ན་དགའ་བསུའི་སྐད་འབོད་བྱས་ཡོད་དམ་ངོ་རྒོལ་གྱི་སྐད་འབོད་བྱས་ཡོད་མེད་མགོ་མ་ཚོས་པར་དཀྲོག་གཏམ་དེ་འདྲ་ངོ་ཚ་དགོས་པ་རང་རེད་།།།།།།།།།།།།།།།།།།
རྒྱལ་གཅེས་དཔའ་བོ་ཁོངས་ལ་སེམས་གཏིང་ནས་མྱ་ངན་དང་བསྔོ་སྨོན་ཞུ། ཁྱེད་ཅག་གི་མཛད་རྒྱས་བོད་ཀྱི་ས་སྒང་མ་ཟད་པར། ང་ཚོ་གདོང་དམར་གྱི་སེམས་ཁོང་དུ་དུས་ནམ་ཡང་མི་ནུབ་པའི་རྟག་བརྟན་གྱི་རྡོ་རིང་ཞིག་་་་་་་་་་་་་
དཔའ་བོ་ཁྱེད་རྟག་ཏུ་རྒྱལ་གྱུར་གཅིག
དཔའ་བོ་ཁྱེད་རྣམས་ཀྱི་བསམ་དོན་འགྲུབ་པར་ཤོག བླ་མ་ཡིད་བཞིན་ནོར་བུས་མཁྱེན། །
རྒྱལ་གཅེས་དཔའ་བོ་ཁོང་གི་ཐུགས་དགོངས་ཟབ་ཡོངས་སུ་འགྲུབ་དང་མྱུར་ཏུ་མི་ལུས་རིན་པོ་ཆེ་ལོན་པའི་གསེལ་འདེབས་སྙིང་ནས་ཞུ། བོད་རྒྱལ་ལོ་བདེན་པ་རྒྱལ་ལོ་འཚེ་མེད་ཞི་བ་རྒྱལ་ལོ།
འུ་ཚང་ད་འདི་ལྟར་ཚར་དགོས་པ་རེད་དམ
ལག་པ་ཟུང་་གིས་སྨྱུ་གུ་འདེགས་དེ་དཔའ་བོ་དག་ལ་གཟི་བརྗིད་ཀྱི་སྟོད་བསྔགས་ཐན་ཐུན་རེ་འབྲི་འདོད་ཀྱང་སེམས་གཏིང་གི་འབྲི་འདོད་པ་ཇི་བཞིན་ཡིག་ཐོག་ཏུ་ཕབ་ཐུབ་ཀྱིན་མི་འདུག
འོན་ཀྱང་ངས་ནམ་ཡང་དཔའ་བོ་དག་གི་བློས་བཏང་ལ་ཡིད་སྨོན་དང་རྗེས་དྲན་ཞུ་་་་་་་་
ལྷག་བསམ་དང་སྙིང་སྟོབས་ལ་ཞིམ་པ་མེད་པའི་དཔའ་རྒོད་ཁྱེད་རང་མྱུར་དུ་ཡང་མི་ལུས་རིན་པོ་ཆེན་ཐོབ་པའི་སྨོན་འདུན་ཞུ།
རྒྱལ་གཅེས་དཔའ་བོ་ཚོའི་ཞུམ་མེད་ཀྱི་སྙིང་སྟོབས་དང་ཡལ་མེད་ཀྱི་རིགས་ཞེན།འགོག་མེད་ཀྱི་གཏོང་ཕོད་ལ་གུས་འདུད་དང་གདུང་སེམས་མཉམ་བསྐྱེད་ཞུ།
རྒྱལ་གཅེས་དཔའ་བོ་ཚོའི་ཐུགས་དགོངས་ཟིན་པར་ཤོག བཀའ་ཁྲི་ཕྱེ་མ་ལེབ་ཚང་ལ་བཅོས་མིན་གྱི་ཚོར་ཤེས་ཤིག་ཡོད་ན་གང་དགར་འཕུར་ཚོད་མ་རེད།
གངས་རིའི་ཚེ་སྲོག་འཚོ་བའི་ཆེད་་་་་་་་་་འདི་ལྟར་བློས་བཏང་ཆེན་པོ་གནང་བར་སྙིང་ནས་གུས་འདུད་ཞུ།
བདེན་པའི་རྒྱལ་ཁ་རྒྱལ་གྱུར་ཅིག་་་་་་་མེ་ལྕེའི་རྒྱལ་ཁ་མངོན་གྱུར་ཅིག་་་་་་་་་་་་་ཞི་བདེའི་སྨྲ་ཚིག་གོ་གྱུར་ཅིག