བཙན་བྱོལ་བོད་མིའི་སློབ་གྲྭ་ཁག་ཏུ་རྒྱའི་སྐད་ཡིག་དགོས་སམ།

བོད་ནང་དུ་བོད་རིགས་རྣམས་ལ་རྒྱ་ཡིག་བཙན་ཤེད་ཀྱིས་སྦྱོང་དུ་བཅུག་པ་དང་། རྒྱ་གར་ནང་དུ་སྒྲིགས་འཛུགས་ཐོག་ངེས་པར་དུ་སྦྱོང་དུ་བཅུག་པ་གཉིས་དོན་ལ་བོད་ཡིག་བཤུ་ཞོག་དང་རིགས་གཞུང་དང་སྐད་ཡིག་ཉམ་ཆག་གཏོང་བ་གཅིག་མཚུངས་ཡིན། རྒྱའི་གོམས་གཤིས་དང་རིག་གཞུང་བཅས་བོད་པའི་རིག་གཞུང་ངང་བསྲེ་སླད་མི་ཡོང་བར་སྒོ་ཀུན་ནས་བརྩོན་དགོས་པ་ནི། ད་ལྟའི་དུས་སུ་འཐབ་རྩོད་དང་འབྲེལ་བ་ཡོད་པར་མཐོང་།

ཚེ་དབང་ཡེ་ཤེས་མགོ་བདེ། ད་བར་ཁྱོད་ཀྱིས་འཐུས་ཤོར་ལ་གཏང་ཐུབ་སོང་། དེ་ཙམ་གྱིས་ཁྱོད་བློ་བདེ་པོ་བྱུང་ཡོད་ཤག མ་བྱུང་ན་ག་རེ་བྱེད། ད་ནི་ཐུགས་རྗེ་ཆེ་ཁྱོད་ཀྱིས་དགོངས་པ་ཞུ་རོགས་གནོངས། རྡ་སྟེང་སློབ་གྲྭའི་ནང་སློབ་སྤྱིའི་ཟླ་ཕོགས་ལེན་ཐུབ་ཙམ་དང་། ཕྱོགས་ཞེན་གྱིས་རང་ཕྱོགས་ལ་ལས་ཀ་སྤྲད་ཐུབ་ཙམ་དང་། རང་ཉིད་དགའ་ཕྱོགས་རྣམས་ཡར་འཐེན་ཐུབ་ཙམ་དང་། བོད་ཡིག་སོགས་ཚད་ལྡན་མེད་པའི་སྟོད་རིགས་རྣམས་ལ་གསོལ་ཕོགས་སྤྲད་ཐུབ་ཙམ་གྱིས་གང་ཡང་ཕན་མ་སོང་པ་ཁྱོད་ཀྱིས་ཤེས་སོང་ངམ། ད་སྡུག་ཚོད་འཛིན་རོགས་གནོངས། བོད་ཁྱིམ་སློབ་གྲྭ་ཁག་གི་སློབ་ཕྲུག་རྣམས་ནི་ང་ཚོའི་མ་འོངས་པའི་སོན་རྩ་རེད། ཤེས་སོང་ངམ། བོད་མི་རིགས་ཤི་གསོན་མཚམས་དང་། བོད་མི་རིགས་ཀྱི་སྐད་ཡིག་ཤི་གསོན་མཚམས་ལ་སླེབས་ཡོད་པ་ཁྱོད་ཀྱིས་ད་དུང་མ་ཤེས་པ་ཁྱོད་དཀོར་ཚིག་སོང་པས་མིན་ན་ག་རེས་རེད། སྐུ་མཁྱེན་རྩ་དགོངས་ཞུ་རོགས་གནང།

ཉེ་ལམ་བཙན་གཤོལ་བོད་མིའི་འཛིན་རིམས་བཅུ་གཉིས་པ་ནས་ཐོན་པའི་སློབ་མང་པོ་ཞིག་གི་ཐ་ན་རང་གི་མིང་ཡང་བོད་ཡིག་གི་ཐོག་ནས་ཡག་པོ་ཞིག་འབྲི་མི་ཤེས་མཁན་ཡོད་པ་དངོས་སུ་མཐོང་བྱུང་། ད་དུང་གཞུང་ལས་བྱེད་པ་དང་ཕ་མ་རྣམས་ཀྱི་ཡོན་ཏན་དུ་རློམ་ཡོད།
ད་དངོས་གནས་རྒྱ་ཡིག་དང་། རྒྱ་སྐད་། རྒྱུ་གླུ། སྦྱངས་ནས་སྔོན་མ་ཨ་རི་ལ་སོང་པ་ནང་བཞིན་རྒྱ་ལ་གཡོག་ལས་འཚོལ་དུ་འགྲོ་ས་བཙལ་འདོད་རེད།
སྤྱིར་སྐད་ཡིག་སོགས་ཤེས་ན་བཟང་མོད་ཀྱང་། རང་གི་སྐད་ཡིག་དོན་ནས་གཞན་གྱི་སྐད་ཡིག་ལ་སློབ་ཁུལ་བྱེད་རྒྱུ་འདི་ནི། མི་རིགས་ཞིག་གི་ངོས་ནས་བསམ་ན་ཆེས་བློབ་ཕམ་སྐྱེ་བའི་གནས་རེད།

དྲ་གྲོགས་ཁ་ཤས་ནས་རྒྱ་ཡིག་གལ་ཆེ་རབ་ཤེས་དགོས་རབ་མང་པོ་ཞིག་གསུངས་འདུག སྤྱིར་རྒྱ་ཡིག་ཤེས་ལོས་དགོས་སྐད་ཡིག་ཇི་ཙམ་མང་པོ་ཤེས་ཀྱང་དཔལ་དང་རྒྱན་རེད། འོན་ཀྱང་དེ་སྔ་ཡན་ཆད་བཙན་བྱོལ་སློབ་གྲྭ་ཁག་ནང་ལ་གཙོ་བོ་བོད་ཡིག་དང་དབྱིན་འཇི་གཉིས་སློབ་པ་རེད། འཛིན་རིམ་བཅུ་གཉིས་ཐོན་པའི་སློབ་ཕྲུག་ཁྲོད་བོད་ནས་ཡོང་མཁན། དང་པོ་ནས་བོད་ཡིག་གི་དམངས་གཞི་ཡག་ཙམ་ཡོད་མཁན་ཁ་ཤས་ལས་བོད་ཡིག་རང་སྐྱ་འཕེར་བའི་སློབ་ཕྲུག་ཕལ་ཆེར་མཐོང་རྒྱུ་མེད་པ་ལྟ་བུ་ཆགས་འདུག་ན། དེའི་སྟེང་ལ་རྒྱ་ཡིག་སློབ་པ་ཡིན་ན་དེ་ལས་ཀྱང་བོད་ཡིག་གི་གནས་ཚད་ཇེ་སྡུག་ལ་འགྲོ་རྒྱུ་ཡིན་པ་བཤད་མ་དགོས་པ་རེད། ཁྱེད་ཚོས་བསམ་བློ་ཐོང་དང་རང་གི་ཕ་མེས་ཀྱི་སྐད་ཡིག་མི་ཤེས་པའི་གཞན་སྐད་ཇི་ཙམ་ཤེས་ཀྱང་དགའ་རྒྱུ་ཅང་འདུག་གམ། ད་དུང་བོད་ཁྱིམ་ཚང་གིས་བོད་རང་གི་སྐད་ཡིག་ཡར་རྒྱས་ཆེད་དུ་དམིག་ནས་བཟོས་པའི་ཤེས་ཡོན་སྲིད་ཇུས་བཀག་འགོག་བྱས་ཏེ། རྒྱ་ཡིག་སློབ་རྒྱུའི་ཆེད་དུ་ཤུགས་རྒྱབ་པ་འདི་ནི་ངོ་མ་མགོ་ས་ལ་གཙུག་རྐུབ་གནམ་ལ་བསྟན་ནས་འགྲོ་བ་དང་ཁྱད་པར་ཅི་འདུག

རིག་འདོན་པ་མང་པོ་ཞིག་གིས་མ་རངས་པ་བཤད་ཀྱིན་འདུག་མོད། འགའ་རེར་རིག་གཞུང་ལ་ཤ་ཞེན་དང་བརྩེ་སེམས་བཅས་ཀྱིས་མ་བཞག་པ་ཡིན་ན་ཐང་། འོན་ཀྱང་འགའ་རེས་གོ་སྐབས་འདི་བཟུང་དེ་གཞུང་གི་ལས་དོན་བསྒྲུབ་ཕྱོགས་ལ་དམངས་ཀྱིས་བལྟ་ཕྱོགས་དང་རྒྱབ་སྐྱོར་གྱི་ཁ་ཕྱོགས་བསྒྱུར་ཐབས་བྱེད་ཀྱིན་པའི་སྣང་བ་སྟེར་གྱིན་འདུག དེས་སྟབས་ཀྱིས་རང་རང་ས་ནས་དཔྱོད་ཤེས་དང་རང་ཚིགས་སྟོན་རྒྱུ་གལ་ཆེན་དུ་མཐོང་། སྤྱིར་ན་རྒྱའི་སྐད་ཡིག་ཤེས་དགོས་པ་དེ་དཔལ་འབྱོར་དང་འཐབ་རྩོད་གང་གི་ཆ་ནས་བལྟས་ཀྱང་ངེས་པར་དུ་གལ་ཆེན་རེད། འོན་ཀྱང་འཛིན་རིམ་བཅུ་གཉིས་ཐོན་སྐབས་སློབ་མ་རྣམས་ལ་རང་གི་སྐད་ཡིག་རང་རྐྱ་ཐུབ་པ་ཞིག་བསྐྲུན་རྒྱུ་ངེས་པར་དུ་རྨང་གཞིའི་ཆ་རྐྱེན་དུ་འཛིན་དགོས་པ་རེད། དྲང་མོར་བཤད་ན་བོད་ཁྱིམ་སློབ་གྲྭའི་གནད་ཡོད་དག་གིས་གཞུང་གི་ཤེས་ཡོན་སྲིད་ཇུས་བོད་ཁྱིམ་ནང་ལག་སྟར་བྱེད་རྒྱུར་བཀག་འགོག་བྱས་པ་དེ་ནི་མི་རིགས་དང་རིག་གཞུང་། སྤྱི་ཚོགས་བཅས་ལ་འགན་ལེན་ཡོད་པའི་བྱེད་སྟངས་ཤིག་རྩ་བ་ནས་མ་རེད། མ་ཟད་བྱ་སྤྱོད་དེ་ནི་སྒེར་གཅོད་རང་ལུགས་ཀྱིས་བྱེད་སྟངས་ཤིག་རེད་འདུག་པས་་་་་རིག་འདོན་པ་དག་གིས་དེའི་སྐོར་ནས་མང་ཙམ་བཤད་འབྲི་གནང་རྒྱུར་རེ་བ་བྱེད་བཞིན་ཡོད།

བོད་ཀྱི་གཞོན་ནུ་ཚོགས་པ་གང་ལ་བུད་སོང་། ཉེ་སྔོན་བོད་དོན་འཐབ་རྩོད་པ་ཚེ་བརྟན་རྡོ་རྗེ་ལ་རྒྱ་ནག་གི་དར་ཆ་མཉམ་འཁྱེར་བྱས་པ་ཙམ་གྱིས་ངོ་རྒོལ་ཆེ་ཐག་ཆོད་ཅིག་བྱས་སོང་། འོན་ཀྱང་ད་ལྟ་བོད་ཀྱི་སྲོག་རྩ་ལ་རྒྱས་བཙན་འཛུལ་སླེབས་འདུག མ་ཟད་མི་རིང་བར་བོད་མི་རྒྱ་རུ་འགྱུར་བའི་ཤུགས་རྐྱེན་སླེབས་ཟིན། འོན་ཀྱང་གཞོན་ཚོགས་ལ་གོ་རྒྱུ་ཚོར་རྒྱུ་ཅང་མི་འདུག དྲ་གྲོགས་ཚོ། གཞོན་ཚོགས་ལ་བརྡ་ཞིག་རྒྱག་རོགས།

ཧ་ཧ་ཧ བཙན་བྱོལ་བ་ང་ཚོ་ངོ་མ་སྤྲེའུ་རང་རེད། རྒྱ་ནག་གི་རྒྱལ་དར་ཁྱེར། རྒྱ་ཡིག་སྦྱང་། མི་རིང་བར་རྒྱ་ནག་གི་རྒྱལ་གླུ་ཡང་གཏོང་གི་རེད། ད་ཚར་སོང་ནི་རེད། དཀོན་མཆོག་མཁྱེན་བོད་ཡིག་མི་ཤེས་བས་བཙན་བྱོལ་བ་ཚོས་རྒྱ་ཡིག་སྦྱང་གི་ཡིན་ཟེར་ཀོ་གི

བོད་ལྗོངས་གསར་པ་འཛུགས་སྐྲུན་སླད་དུ་ང་ཚོས་སྐད་ཡིག་འདྲ་མིན་དང་། ཤེས་བྱ་འདྲ་མིན་སྦྱོང་དགོས་ངེས་རེད། འོན་ཀྱང་སོ་སོའི་རིག་གཞུང་བདག་པོ་རྒྱག་མི་ཐུབ་པར་གཞན་གྱི་ལད་ཟློས་རྐྱང་རྐྱང་བྱས་ན་སྙིང་པོ་མི་འདུག

བཙན་བྱོལ་བོད་མའི་ཁྱབ་ཁོངས་བོད་ཁྱིམ་སློབ་གྲྭ་ཁག་ཏུ་རྒྱ་ཡིག་གི་འཛིན་གྲྭ བཙུགས་པ་ལ་ཡུན་རིང་དང་དགའ་སྤྲོ་སྐྱེས། དེ་ནི་གནད་འགག་ཞིག་རེད་བསམ། དེ་དང་བོད་རང་གི་སྐད་དང་ཡིག་གེའི་ཐོག་ཡང་སློབ་གྲྭ་ཁག་གི་ནང་ཚགས་ཚུལ་ཡོང་ཐབས་བྱ་རྒྱུ་གལ་ཆེན་ནང་གི་དོན་ཆེན་རེད་བསམ། ལས་གཞི་མགོ་འཛུག་བྱེད་མཁན་རྣམས་དང་དེར་འཛུལ་ཞུགས་བྱེད་མཁན་གྱི་སློབ་བུ་ཡོངས་ལ་སྙིང་ཐེག་པ་ནས་ཡི་རིང་བྱེད། ང་ཚོ་བོད་ལ་དགོས་པ་ནི་གང་ཡིན། དེ་ཤེས་ཡོན་ཡིན། གཞོན་སྐྱེས་རྣམས་ཀྱི་དུས་ཚོད་དམ་འཛིན་གྱི་ཤེས་རིགས་ལ་སྦྱང་བ་བྱ་རྒྱུ་དང་། རྒན་པ་རྣམས་ཀྱི་སྣེ་ཁྲིད་འོག་ཤེས་ཡོན་གྱི་དམིངས་གཞིའི་འཁོར་ཡུག་བསྐྲུན་རྒྱུ་དང་འཛིན་སྐྱོངས་ཚགས་ཚུལ་བྱ་རྒྱུ་དེ་གལ་ཆེན་རང་བཞིན་ཞིག་ཆགས་ཡོད།

ཧོབ་ལྟ་བལྟས་ན། བོད་ནང་བོད་ཡིག་བཀག་འགོག་དང་། རྒྱ་གར་ནང་རྒྱ་ཡིག་སྦྱོང་འགོ་བཅུག་པ་ཁྱད་མཚར་དུ་མཐོང་ཡང་། ཆོས་སྲིད་གང་གི་ཐད་ནས་ཀྱང་རྒྱ་ཡིག་ངེས་པར་དུ་སྦྱོངས་དགོས་རེད་སྙམ་ལགས།

བོད་ཁྱིམ་ཚང་གིས་བོད་ཡིག་ཡར་རྒྱས་གཏོང་རྒྱུའི་ཆེད་དུ་ལས་ཀ་འདི་བྱས་ཞེས་པ་ཞིག་གཏན་ནས་ཐོས་རྒྱུ་མེད། ད་དུང་ཤེས་ཡོན་སྲིད་ཇུས་བོད་ཁྱིམ་ནང་ལག་སྟར་བྱེད་རྒྱུ་བཀག་འགོག་བྱས་པ་རེད། ད་རྒྱ་ཡིག་འདྲ་ཞིག་བསླབ་ཁུལ་བྱས་ཀྱང་མི་རིགས་ཀྱི་སྲོག་རྩ་མྱུར་དུ་གཅོད་པའི་རྒྱུ་ཙམ་ལས་གང་ཡང་མེད། ངོ་མ་འདི་ཚང་གི་ལས་ཀ་ལ་ཡི་ཐང་ཆད་སོང་།