འབར་མའི་དམངས་གཙོ་དོན་གཉེར་བ་ལྕམ་ཨང་སན་སུའུ་ཀེ་ཨ་རིར་མགྲོན་འབོད་བྱས་ཡོད་པ་མ་ཟད། ཁོ་མོར་ཨ་རིའི་གྲོས་ཚོགས་གསེར་གྱི་རྟགས་མའི་གཟེངས་རྟགས་མཐོ་ཤོས་དེ་འབུལ་རྒྱུ་ཡིན་འདུག
ཉེ་ཆར་ཨ་རིས་འབར་མའི་དམངས་གཙོ་དོན་གཉེར་པ་ལྕམ་ཨང་སན་སུའུ་ཀེ་ཨ་རིར་གཟིགས་སྐོར་དུ་མགྲོན་འབོད་བྱས་ཡོད་པ་ལྟར། ལྕམ་ཨང་སན་སུའི་ཀེ་འབྱུང་འགྱུར་ཕྱི་ཟླ་ ༩ ནང་ཨ་རིར་གཟིགས་སྐོར་དུ་འགྲོ་གཏན་འཁེལ་ཡོད་འདུག་ལ། སྐབས་དེར་ཨ་རིའི་གྲོས་ཚོགས་ཀྱི་གསེར་གྱི་གཟེགས་རྟགས་ (the Congressional Gold Medal) དེ་ཁོང་མོར་འབུལ་འཆར་ཡོད་པ་མ་ཟད། ཨ་རིའི་ནེའུ་ཡོག་ཏུ་རྟེན་གཞི་བྱས་པའི་ཨ་ཊི་ལན་ཊེཀ་ལྷན་ཚོགས་(Atlantic Council) ཀྱིས་ཀྱང་ཁོང་ལ་འཛམ་གླིང་མི་སེར་(Global Citizen) གཟེངས་རྟགས་ཞེས་པ་དེ་འབུལ་རྒྱུ་ཡིན་འདུག
ཨ་རིའི་གྲོས་ཚོགས་གསེར་གྱི་རྟགས་མ་ནི་ཨ་རིའི་ནང་གི་ཆེ་བསྟོད་གཟེངས་རྟགས་ཚད་མཐོ་ཤོས་དེ་ཡིན་པ་དང་། ༢༠༠༨ ལོར་ཨ་རིའི་གྲོས་ཚོགས་ནང་རྟགས་མ་དེ་ལྕམ་ཨང་སན་སུའུ་ཀེ་ལ་འབུད་རྒྱུའི་ཐག་གཅོད་བྱུང་ཡོད་ཀྱང་། སྐབས་དེར་ཁོ་མོ་བཟང་བཙོན་དུ་བཅུག་ཡོད་སྟབས་རྟགས་མ་ལེན་ཐུབ་མེད་པ་དང་། ཐེངས་འདི་ནི་ལྕམ་ཨང་སན་སུའུ་ཀེ་ལོ་ ༢༠ རྗེས་སུ་ཐེངས་དང་པོར་ཨ་རིར་ཕྱོགས་སྐྱོད་བྱེད་ཀྱི་ཡོད་ཅིང་། སྐབས་དེར་དངོས་སུ་ཁོ་མོར་ཨ་རིའི་གྲོས་ཚོགས་གསེར་གྱི་རྟགས་མ་དེ་འབུལ་འཆར་ཡིན་འདུག
ཐེངས་སྔོན་མའི་ཨ་རིའི་གྲོས་ཚོགས་གསེར་གྱི་རྟགས་མ་དེ་ ༢༠༠༧ ལོར་༧གོང་ས་མཆོག་ལ་ཕུལ་ཡོད་པ་རེད། ཉེ་ཆར་ལྕམ་ཨང་སན་སུའུ་ཀེ་ཉིན་ ༡༧ རིང་ཡུ་རོབ་ཁུལ་དུ་ཕྱོགས་སྐྱོད་གཟིགས་སྐོར་དུ་ཕྱིན་སྐབས། དེ་སྔོན་ཁོ་མོར་ ༡༩༩༡ ལོའི་འཛམ་གླིང་ཞི་བདེ་གཟེངས་རྟགས་ཐོབ་པ་དེ་ནོར་ཝའི་རྒྱལ་ས་ཨོ་སོ་ལོ་ནས་དངོས་སུ་འབུལ་བཞེས་གནང་ཡོད་པ་རེད།
གསར་འགོད་པ། བནྡེ་སྐྱབས།
ཤར་ཁུག་ལག་ཏང་ཡོན་ཞིག་ཏུ་སོང་། ཨ་རིའི་ལངས་ཕྱོགས་དང་སྐུ་ངལ་དག་ངོས་འཛིན་དང་བསམ་ཤེས་ག་ལ་ཐུབ། ཨ་རིས་ལུང་པ་གཅིག་གིས་འཛམ་གླིང་མགོ་རྟིང་ག་ལ་བརྒྱུར་ཐུབ། ཨང་སང་སུ་ཀེ་བཙོན་དུ་ཚུད་པ་ནས་ཨ་རིས་ཐབས་ཤེས་ཡོད་དགུ་སྟོན་ཡོད་ཀྱང་རྒྱ་འདྲེ་གུང་ཁྲན་གྱི་རྒྱབ་སྐྱོར་དང་ཐང་སིན་དམར་པོའི་སྲིད་གཞུང་སྡུག་རྩུབ་ཅན་གཉིས་ཀྱི་འོག་ནས་ལས་སླ་བོས་གྲུབ་འགྲུབ་མ་བྱུང་ཡང་ད་ལྟ་སུ་ཀེ་མཛུམ་མུལ་མུལ་གྱིས་འཛམ་གླིང་འདིར་གདོང་མདོག་གསར་པ་ཞིག་སྟོན་རྒྱུ་བྱུང་བ་འདི་མོ་རང་གིས་སྙིང་སྟོབས་ཆེན་པོས་རྩོད་ལེན་དང་ཨ་རི་གཙོས་ནུབ་ཕྱོགས་ཡུལ་གྲུས་རྒྱབ་སྐྱོར་ལ་བརྟེན་ནས་བྱུང་བ་གསལ་བཞིན་དུ་ཁྱེད་ཉོབ་བཞིན་པ་འདིས་ཅི་ཞིག་མཚོན་ནམ། སྐར་ལྔའི་དར་དམར་ལ་དོ་ཕོག་ཅུང་ཟད་ཐེབ་པས་ལོས་ཡིན། ཕྱི་ནས་རྒྱ་དམར་དམར་པོས་རྩུབ་སྤྱོད་ཀྱིས་བཅོམ་ཞིང་། །ནང་ནས་ཁུག་རྟས་མཐུན་སྒྲིལ་གཏོར་གཤིགས་ལ་བྲེལ་བས། །ཁ་བ་བོད་པ་ཚང་གི་ལས་དབང་ལ་བསམ་ན། །རྒྱལ་གཅེས་དཔའ་བོའི་རེ་འདུན་ཇི་འདྲས་སེ་སྒྲུབ་ཐུབ། སྐྱོ་བ་ལ།
མིའི་དཀའ་ལས་རྒྱབ་ནས་གནས་ཚད་ཚད་ངེས་ཅན་དུ་སླེབས་ཡོད་སྐབས། ཨ་རི་གཞུང་གིས་སོ་སོའི་གཞུང་དེ་ཞེ་དྲག་དྲང་བདེན་ཞི་བདེར་དགའ་བ། གཉོམ་ཆུང་མཐའ་ནས་སྐྱོར་མཁན། བཙན་པོ་གཉའ་ནས་ནོན་མཁན་ཡིན་མདོག་མདོག་ཙམ་དུ་མ་ཟད། འཛམ་གླིང་རྒྱལ་ཁབ་ཚང་མའི་བདེ་དོན་ལ་ལྟ་རྟོགས་བྱ་མཁན་ཞིག་ཡིན་བསམས་པ་འདི་དག་ནི་ཞིབ་ཏུ་བསམ་བློ་བཏང་ན། སྣང་བ་འགྲོ་བོ་ཞིག་མ་རེད།
ལས་འབྲས་དང་ཡག་བཙོག བཟང་ངན། མཛངས་བླུན་ཟེར་བ་སོགས་ཀྱང་ཁེ་ཕན་རིང་ལུགས་ཀྱི་རྒྱ་རུ་ཚུད་པ་ལྟ་བུའི་ཚོར་བ་ཞིག་སྟེར་གྱི་འདུག་པས། སྟོབས་ཆེན་འདི་ཚོས་མི་རིགས་ཉམས་ཆུང་རྣམས་གསོད་པ་དང་གཉོར་རྒྱུ་ཟེར་བ་དེ་བཤད་ཚོད་མི་ཐིག་པ་ཞིག་མ་རེད་དམ། ཡ་མཚན།
ཁ་སང་ཕྱི་སྲིད་བློན་ཆེན་ལྕམ་སུང་ལ་འཐམས་ནས་ཞེ་དྲག་བརྩེ་བ་སྟོན་གྱི་འདུག འཛམ་བུ་གླིང་འདི་ལ་ཉོབ་ཉོབ་ཅིག གཞན་སུ་གང་ལའང་ཉོབ་ས་མ་རེད།
འབྱོར་ཚེ་ཉེ་བའི་ས་ནས་ཉེ་སེམས་ཀྱིས་སྐྱོང་ཞིང།།
རྒུད་ཚེ་བྲག་ཁུང་སྦུག་ནས་ཚོར་མེད་ཀྱིས་སྡོད་པའི།།
སྐྲ་སེར་སྤྲེའུའི་རིགས་ཀྱི་བྱེད་སྟངས་ལ་བསམས་ན།།
འབར་མ་བོད་པ་ལ་སོགས་སྙིང་རྗེ་ཡི་ཡུལ་རེད།།