ལོ་ལྟར་འཇར་མན་རཱེ་གྷིན་སཱི་བྷག་གྲོང་ཁྱེར་ (Regensburg) གྱི་ཝེ་ལོ་ཀི་ལབ་རཱ་ཏིས་བྷོ་ནཱ་ (Veloclub Ratisbona e.v) ཚོཊ་པའི་ངོས་ནས། ས་ཁུལ་དེར་རྐང་འཁོར་འགྲན་བསྡུར་གྱི་ལས་འགུལ་ཞིག་གོ་སྒྲིག་གནང་བཞིན་ཡོད་པ་ལྟར། ད་ལོའི་རྐང་འཁོར་འགྲན་བསྡུར་ཐེངས་ ༢༨ པ་དེ་ཟླ་འདིའི་ཕྱི་ཚེས་ ༢༩ ཉིན་འཇར་མན་བཱ་ཡན་མངའ་སྡེའི་ནང་དངོས་སུ་མགོ་འཛུགས་གནང་ཡོད་འདུག
ཐེངས་འདིའི་འགྲན་བསྡུར་སྐབས་འཇར་མན་དྷེ་གྷན་དྷོབ་གྲོང་ཁྱེར་ (Deggendorf) བོད་དོན་རྒྱབ་སྐྱོར་ཚོཊ་པའི་ས་གནས་འབྲེལ་མཐུད་པ་སྐུ་ཞབས་ཡོ་སེབ་སི་མིཌ་ (Mr.Josef Schmid) ལཊ་དང་། ཨིན་གྷེན་ཕེལ་ཌེན་ (Eggenfelden) གྲོང་ཁྱེར་ས་གནས་འབྲེལ་མཐུད་པ་རཱེ་ནཱར་སེ་ཤི་ལར་ (Mr.ReinerSichler) ལཊ། དེ་བཞིན། ནོ་ཡེ་ཧོའུ་སེན་གྲོང་ཁྱེར་ (Neuehousen) བོད་དོན་རྒྱབ་སྐྱོར་བ་ཏོ་བྷི་སི་པི་རང་གྷར་ (Tobi Spranger) ལཊ་བཅས་ཀྱིས། བོད་རང་བཙན་ལ་རྒྱབ་སྐྱོར་མཚོན་ཆེད་རྐང་འཁོར་འགྲན་བསྡུར་དེར་མཉམ་ཞུགས་གནང་ཡོད་འདུག
ཐུགས་རྗེ་ཆེ་ཞུ། ཁྱོད་རྣམ་པས་མི་རིགས་ཤིག་དང་རིག་གཞུང་གིས་ཆེད་དེ་ལྟར་གནང་བ་ཤིན་ཏུ་ནས་དཀའ་དྲིན་ཆེ་ཞུ།
བཀའ་དྲིན་ཆེ་ཞུ་འོས། ཁོང་ཚོས་དངོས་སུ་བསྒྲགས་གཏམ་མམ་འཕྲེད་དར། ཡང་ན་ཡིག་ཆ་སོགས་བཀྲམ་ཡོད་དམ།