རྒྱ་ནག་གཞུང་གིས་༸གོང་ས་མཆོག་གི་བཀའ་སློབ་བཀྲམས་པའི་ཉེས་མིང་འོག་མགོ་ལོག་རྭ་རྒྱ་དགོན་པའི་གྲྭ་བ་ཞིག་འཛིན་བཟུང་བཀག་ཉར་བྱས་འདུག
འདི་གར་གནས་ཚུལ་བཏང་འབྱོར་བྱུང་བ་ལྟར་ན། འདི་ལོའི་ཕྱི་ཟླ་ ༥ བའི་ཚེས་ ༢༧ ཉིན་རྒྱ་ནག་གཞུང་གིས་མདོ་སྨད་མཚོ་སྔོན་མགོ་ལོག་རྭ་རྒྱ་དགོན་ཚོགས་ཆེན་གྲྭ་ཚང་གི་གྲྭ་འཕེལ་རྒྱས་སམ་མིང་གཞན་ལ་ (སྐྱ་ཏིང་) ཞུ་བ། ༸གོང་ས་མཆོག་གི་བཀའ་སློབ་བཀྲམས་པའི་ཉེས་མིང་འོག་མཚོ་སྔོན་ཞིང་ཆེན་ཟི་ལིང་གྲོང་ཁྱེར་དུ་འཛིན་བཟུང་བྱས་ཏེ། ཟླ་ ༢ ལྷག་གི་རིང་བཀག་བསྐྱིལ་འདྲི་གཅོད་བྱས་ཡོད་པ་མ་ཟད། ཁ་སང་ཉེན་རྟོག་པས་ཁོང་གི་ནང་མིར་ཁ་པར་བཏང་སྟེ། ཁོང་དངོས་སུ་དུས་བཀག་བཙོན་འཇུག་བྱ་རྒྱུ་ཡིན་པའི་བརྡ་ལན་སྤྲད་ཡོད་འདུག
གནས་ཚུལ་ཤེས་རྟོགས་བྱུང་བ་ལྟར་ན། ཟླ་ཤས་གོང་གྲྭ་འཕེལ་རྒྱས་ལགས་ཀྱིས་རྒྱ་ནག་གི་གྲོང་ཁྱེར་ཁྲིན་ཏུར་སོང་སྟེ། ༸གོང་ས་མཆོག་གི་བཀའ་སློབ་པར་སྐྲུན་བྱས་ཏེ་ས་གནས་འདྲ་མིན་ནང་གང་འཚམ་འགྲེམས་སྤེལ་བྱས་ཡོད་འདུག་ལ། ཕྱིས་སུ་ཉེན་རྟོག་པས་ཤེས་རྟོགས་བྱུང་ཡོད་པ་མ་ཟད། ཁོང་འཛིན་བཟུང་བྱས་པའི་ཉིན་དེར་མགོ་ལོག་ཁུལ་གྱི་ཉེན་རྟོག་པས་ཁོང་གི་སྡོད་ཤག་ཏུ་སྔོག་བཤེར་བྱས་ཏེ། ༧གོང་ས་མཆོག་གི་བཀའ་སློབ་དང་འོད་སྡེར་སོགས་བཙན་འཁྱེར་ཡོད་འདུག
གསར་འགོད་པ། དོན་གོ
ཁོང་གི་གོང་ས༸མཆོག་གི་བཀའ་སླབ་བཀྲམས་པ་དཔེ་ཡག་རེད་ངས་སྙིང་ཐག་ནས་ཐུགས་རྗེས་ཞུ།
འོ་་་་(སྐྱ་ཏིང་) སྙིང་རྗེ་ད་ཡང་རྩེད་སྤྱད་ཞིག་བྱེད་ནི་རེད། བསྟན་སྲུང་དགྲ་ལྷའི་རྒྱལ་བོ་གནས་ཆུང་ཆོས་སྐྱོངས་ཀྱིས་སྐྱོབས།
ལ་སོ་ལགས་། ཁོང་གི་གོང་ས༸མཆོག་གི་བཀའ་སློབ་ག་རེ་བགྲེམས་སྤེལ་བྱེད་པ་དེ་ག་རེ་རེད། བཀའ་སློབ་དེ་འགྲེམས་སྤེལ་བྱེད་ན་སྐྱོན་ཆ་ག་རེ་ཡོད་རེད་ལགས། གོང་ས་མཆོག་གི་བཀའ་སློབ་ནང་ལ་རྒྱ་ནག་ལ་འབམས་རྒྱབ་པ་ནང་བཞིན་གནད་འགག་གང་ཡང་མེད། རྒྱ་ནག་ནང་བཞིན་ཁོང་ལ་སྡུག་རྩིབ་ཡོད་པ་མ་རེད་། རྒྱ་ནག་སང་ཨ་ཧ་ཧ་་་་་་་ད་ག་རེ་ཅེས་གི་རེད། ཨ་ཧ་ཧ་་ཧཧ་ཧཧཧ་ཧཧཧ་་