བདུན་ཕྲག་འདིའི་ནང་༸གོང་ས་མཆོག་གིས་ལ་དྭཊ་ཟངས་དཀར་ཁུལ་དུ་མང་ཚོཊ་ལ་བཀའ་ཆོས་བསྩལ་ཡོད་ཅིང་། ཐེངས་འདིའི་ཆིབས་བསྒྱུར་སྐབས་ལྕོག་ལམ་གསར་ལྷ་ཁང་དང་ལམ་སྒྲོན་སློབ་གྲྭར་དབུ་འབྱེད་རབ་གནས། འཇམ་དབྱངས་སློབ་གྲྭ་དང་ལ་དྭཊ་ཁ་ཆེའི་གྲོང་ཚོར་གཟིཊ་སྐོར་བཅས་གནང་ཡོད་འདུག
ཟླ་འདིའི་ཕྱི་ཚེས་ ༡༨ ཉིན་ནས་བཟུང་༧གོང་ས་མཆོག་ལ་དྭཊ་རྒྱལ་ས་སླེ་གཙོས་པའི་ས་གནས་ཁག་ཅིག་ཏུ་མཛད་འཕྲིན་སྐྱོང་མགོ་ཚུགས་ཡོད་པ་དང་། ཕྱི་ཚེས་ ༢༩ ཉིན་ལ་དྭགས་ཟངས་དཀར་ཁུལ་དུ་ལ་དྭཊ་ཡུལ་མི་དང་བོད་མི་གཙོས་མི་མང་སྟོང་ཕྲག་བརྒལ་བར་ལག་ལེན་སོ་བདུན་མ་བཀའ་ཁྲིད་དང་། སྤྱན་རས་གཟིགས་ཀྱི་བཀའ་དབང་གནང་ཡོད་འདུག་ལ། མཇུག་ཏུ་ཟངས་དཀར་སེར་སྐྱ་མང་ཚོགས་ཀྱིས་༸གོང་ས་མཆོག་ལ་བརྟན་བཞུཊ་ཤིག་ཀྱང་ཕུལ་ཡོད་འདུག གསུང་ཆོས་སྐབས་༧གོང་ས་མཆོག་གིས། ད་ཆར་ཟངས་དཀར་ཁུལ་དུ་ཕྱིའི་དངོས་པོ་ཡར་རྒྱས་ཕྱིན་པའི་རྣམ་པ་གསལ་པོ་འདུག་ཀྱང་། ཕྱིའི་དངོས་པོ་ཡར་རྒྱས་དང་མཉམ་དུ་ནང་སེམས་ཀྱི་ཡོན་ཏན་ཡར་རྒྱས་འགྲོ་རྒྱུར་གལ་གནད་ཆགས་ཡོད་སྐོར་གསུངས་འདུག
ཕྱི་ཚེས་ ༢༨ ཉིན་༸གོང་ས་མཆོག་གིས་ལ་དྭཊ་རྒྱལ་ས་སླེ་རུ་ཡོད་པའི་ཁ་ཆེ་འདུས་སྡོད་ཆེ་ཤོས་ཀྱི་ས་གནས་ཨི་དྷི་ག་ (Idgah) ཞེས་པར་གཟིཊ་སྐོར་སྐབས། ས་གནས་ཁ་ཆེ་མི་མང་ལ་ཁོང་ཁ་ཆེའི་སྨྱུང་གནས་ (Ramadan) སྐབས་ས་གནས་དེར་ཕེབས་ཐུབ་པ་དེ་སྐལ་བ་བཟང་པོ་ཡིན་ཚུལ་དང་། འཛམ་གླིང་ཆོས་ལུཊ་ཁག་ཚང་མས་བྱམས་བརྩེ། བཟོད་སྒོམ། མཐུན་སྒྲིལ་སྐོར་བཤད་ཀྱི་ཡོད་པ་ལྟར། ཁོང་གིས་ཀྱང་གནད་དོན་དེའི་ཐོག་འབད་བརྩོན་གནང་བཞིན་སྐོར། གལ་སྲིད་མ་འོངས་པར་ས་གནས་ཁ་ཆེ་དང་ནང་པའི་བར་རྩོད་རྙོག་རིཊ་བྱུང་ཚེ། དཀའ་ངལ་དེ་དག་གྲོས་བསྡུར་དང་ཞི་བ་ཁོ་ནའི་ཐབས་ལམ་ཐོག་སེལ་ཐབས་བྱ་རྒྱུ་ཧ་ཅང་གལ་ཆེན་ཡིན་ཚུལ་གསུངས་འདུག ས་གནས་འབྲེལ་ཡོད་ཁ་ཆེའི་མགོ་ཁྲིད་ཚོས་ཀྱང་༸གོང་ས་མཆོག་གིས་ཁ་ཆེ་དང་ནང་པའི་བར་གྱི་མཐུན་ལམ་ཐོག་ཐུཊ་ཁུར་གནང་བར་བཀའ་དྲིན་ཞུས་ཡོད་འདུག
ཡང་ཉིན་དེར་ལ་དྭཊ་ལྕོག་ལམ་གསར་རི་སྒང་དུ་གསར་བཞེངས་བྱས་བའི་ཟངས་མདོག་དཔལ་རིའི་ལྷ་ཁང་གི་རྟེན་དང་བརྟེན་པར་དབུ་འབྱེད་རབ་གནས་གནང་རྗེས། མཛད་སྒོར་བཅར་བའི་དགའ་ལྡན་གསེར་ཁྲི་རི་རྫོང་རྒྱལ་སྲས་མཆོག་གཙོས་མཁན་བླ་སྤྲུལ་སྐུ་རྣམ་པ་དང་། ས་གནས་དཔོན་རིཊ་དང་མང་ཚོགས་བཅས་ལ་ལྷ་ཁང་རྟེན་བཅས་ལེཊ་གྲུབ་བྱུང་བར་བསྔཊ་བརྗོད་གནང་སྟེ། ལོ་རྒྱུས་ཐོག་སློབ་དཔོན་པདྨ་འབྱུང་གནས་དང་བོད་གངས་ཅན་ལྗོངས་བར་དམིགས་བསལ་ལས་སྨོན་གྱི་འབྲེལ་བ་ཡོད་པ་དང་། བོད་དུ་ནང་པའི་བསྟན་པ་དར་སྐབས་སློབ་དཔོན་རིན་པོ་ཆེ་མཆོག་གིས་མི་དང་མི་མ་ཡིན་གྱི་འགལ་རྐྱེན་ཐམས་ཅད་སེལ་ཏེ་བོད་མི་ཚོར་བཀའ་དྲིན་ཆེན་པོ་ཡིན་སྐོར་དང་། སྐབས་དེར་ཁོང་གིས་ཧི་མ་ལ་ཡའི་ནང་པའི་རིག་གཞུང་ལྷན་ཚོཊ་དང་ཧི་མ་ལ་ཡའི་བོད་དོན་རྒྱབ་སྐྱོར་ཚོཊ་པ་གཉིས་ཀྱིས། ལོ་མང་རིང་བོད་བསྟན་སྲིད་མི་རིཊ་ཆེད་མ་སྐུལ་དང་བླངས་ཐོག་ལས་འགུལ་སྣ་མང་སྤེལ་བར་ཡི་རངས་བསྔཊ་བརྗོད་གནང་འདུག
ལ་དྭཊ་ལམ་སྒྲོན་སློབ་གྲྭར་གཟིཊ་སྐོར་སྐབས་སློབ་གྲྭའི་དེའི་སྨན་ཁང་དབུ་འབྱེད་དང་ཚན་རིག་འཛིན་ཁང་ལ་རབ་གནས་གནང་སྟེ། ལ་དྭགས་རྒྱལ་ས་སླེ་ཉེ་འཁྲིས་ཀྱི་སློབ་གྲྭ་ཁག་ ༣༠ ཙམ་ནས་ཡོང་བའི་སློབ་མ་༢༠༠༠ བརྒལ་བར། ཤེས་ཡོན་སློབ་སྦྱོང་ནི་སོ་སོའི་ཚེ་འདི་ཕྱི་གཉིས་དང་སྤྱི་སྒེར་གང་ཐད་ནས་གལ་གནད་ཅན་ཞིག་ཆཊ་ཡོད་སྟབས། སློབ་ཕྲུག་ཚོས་སྐབས་བབ་ཀྱི་རང་འཁྲིའི་སློབ་སྦྱོང་ཐོག་འབད་བརྩོན་གནང་དགོས་སྐོར་ནན་བརྗོད་གནང་སྟེ། སློབ་གྲྭ་དེའི་ཚན་རིག་སློབ་ཕྲུག་ཚོར་ད་ལྟ་འདིར་སློབ་སྦྱོང་བྱེད་མཁན་སློབ་ཕྲུག་ཚོ་མ་འོངས་པར་མིའི་རིཊ་ཀྱི་ཕྱིའི་དངོས་ཁམས་རིག་པ་དང་ནང་སེམས་ཁམས་རིག་པའི་ཤེས་ཚད་གོང་འཕེལ་གཏོང་མཁན་ཞིག་དང་། ཤེས་ཚད་གོང་མཐོར་ཕྱིན་པའི་ཐོག་མིའི་རིཊ་ཀྱི་བདེ་སྐྱིད་ལ་ཕན་ཐོཊ་བསྒྲུབ་མཁན་ཞིག་ཡོང་བའི་ཐུཊ་རེ་ཡོད་ཚུལ་གསུངས་ཡོད།
གསར་འགོད་པ། དཔལ་ལྡན།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
ལྷག་པར་གངས་ཅན་མགོན་པོ་དང་།།
བསྟན་འཛིན་དམ་པའི་སྐུ་ཚེ་བསྲིངས།།
མཁའ་མཉམ་བསྟམ་འགྲོའི་བདེ་སྐྱིད་འཕེལ།།
བཞེད་དོན་ལྷུན་གྱིས་གྲུབ་པར་ཤོག།
དྲ་གྲོགས་དཔལ་ལྡན་ལགས
ཡུལ་མིང་ནོར་བ་གང་ཡང་མི་འདུག་ཀྱང་གོང་གི་དགའ་ལྡན་ཁྲི་པའི་མཚན་ལ་༼དགའ་ལྡན་གསེར་ཁྲི་རྒྱལ་སྲས་རི་རྫོང་རིན་པོ་ཆེ་ཞུ་ན་གང་འདྲ་འདུག །
གསར་འགོད་པ་དཔལ་ལྡན་ལགས་ ཉིད་ཀྱི་གསར་འགྱུར་དེ་ས་ག་ས་ཐོག་ནས་སླེབས་པ་ཞིག་ཡིན་ནམ། རྒྱང་རིང་གི་འཕྲིན་པ་གོ་ཐོས་བྱུང་པ་ཞིག་ཡིན་ནམ། གལ་ཏེ་ས་ག་ས་ཐོག་ནས་བླངས་བ་ཡིན་ན་ཡུལ་དེ་དག་གི་ཡུལ་མིང་ཁ་ཤས་ནོར་འདུག་པས་ཞིབ་གཟིགས་གནང་རོགས་ཞུ།