ཁ་སང་གཟའ་ལྷག་པའི་ཉིན་གསེར་རྟ་རྫོང་དུ་གྲྭ་བ་ཞིག་གིས་རྒྱ་གཞུང་ལ་ངོ་རྒོལ་བྱས་སྟབས། ཉེན་རྟོག་པས་ཁོང་འཛིན་བཟུང་བཀག་ཉར་བྱས་འདུག
ཁ་སང་ཕྱི་ཚེས་ ༡ ཉིན་གྱི་བོད་ནང་གི་ཉིན་གུང་ཆུ་ཚོད་ ༡ ཡས་མས་སུ་དཀར་མཛེས་བོད་རིགས་རང་སྐྱོང་ཁུལ་གསེར་རྟ་རྫོང་ཐོག་ཏུ། གྲྭ་དཀོན་མཆོག་རྒྱལ་མཚན་ནམ་མིང་གཞན་ལ་( དཀོན་མཆོག་སྐྱབས ) ཞུ་བ་ཞིག་གིས། རྫོང་ཐོག་ཏུ་ཡོད་པའི་མི་དམངས་སྤྱི་གླིང་ཉེ་འཁྲིས་ནས་མགོ་འཛུགས་ཀྱིས་རླུང་རྟ་གཏོར་བཞིན། ༸ གོང་ས་མཆོག་བོད་དུ་གདན་འདྲེན་ཞུ་དགོས་པ་དང་། པཎ་ཆེན་རིན་པོ་ཆེ་ཀློད་གྲོལ་གཏོང་དགོས་པ། བོད་ལ་རང་དབང་དགོས་པའི་དགོས་འདུན་བཅས་བཏོན་ཡོད་འདུག ཁོང་གིས་ངོ་རྒོལ་ལས་འགུལ་སྤེལ་ཏེ་ཅང་མ་འགོར་བར། ཉེན་རྟོག་པ་དང་དམག་མི་མང་པོ་ཡོང་སྟེ་གཅར་རྡུང་གཏོང་ཞོར་རླངས་འཁོར་ནང་བླུགས་ཏེ་བཙན་འཁྲིད་བྱས་འདུག
རང་ལོ་ ༢༢ ཡིན་པའི་གྲྭ་དཀོན་མཆོག་རྒྱལ་མཚན་ནམ་ (དཀོན་མཆོག་སྐྱབས) ལགས་ནི། གསེར་རྟ་རྫོང་ཕུའུ་ཡུལ་ཚོ་ཞོ་སྡེ་བའི་ཕ་རྒྱམ་ཤུལ་ཤེས་རབ་དང་མ་ཁུ་སྐྱིད་གཉིས་ཀྱི་བུ་ཡིན་པ་དང་། ཁོང་དེ་སྔ་ཕུའུ་དགོན་པའི་གྲྭ་པ་བྱས་ཡོད་འདུག
གསར་འགོད་པ། དོན་གོ
![Uyghur Scholar Rahile Dawut [Photo: Uyghur Human Rights Project]](https://tibettimes.net/wp-content/uploads/2023/09/Uyghur-Scholar-Rahile-Dawut-Photo-Uyghur-Human-Rights-Project-360x180.jpg)
དཔའ་བོའི་སྐུ་ཚེ་བརྟན་པར་ཤོག
རྒྱལ་བའི་སྐུ་ཚེ་བརྟན་པར་ཤོག
བོད་ཀྱི་བདེན་མཐའ་གསལ་བར་ཤོག
ཀློག་པ་པོ་བསྟན་འཇམ་ལགས། གསར་འགྱུར་ནང་རྒྱ་ཕྱོགས་ནས་བསྡད་དེ་བཀོད་པའི་ཕྱོགས་གང་ཡིན་དང་། དྲང་བདེན་མིན་པའི་གནས་ཚུལ་གང་ཡིན་གསལ་ཁ་དོད་ན་ཡག་གི་བསམ། དེ་མིན། མི་ལ་ཁྱི་ཕྲུག་སོགས་ཀྱི་མིང་འདྲ་མིན་བཀོད་སྤྱོད་མ་བྱས་ན་ཡག་གི་རེད། གལ་ཏེ། གསར་འགྱུར་དྲང་བདེན་མིན་པ་དང་རྒྱ་ཕྱོགས་ནས་བསྡད་དེ་བཀོད་པའི་རིགས་ཡོད་ན་ལས་ཁུངས་ལ་ཡོང་སྟེ་གསལ་བཤད་བྱ་རོགས་ཞུ་རྒྱུ་ཡིན།
ཕྱི་རྒྱལ་དུ་འབྱོར་བའི་ཡིག་ཆའི་ངོ་བཤུས་དེར་འདི་ལྟར་བྲིས་འདུག “༧གོང་ས་མཆོག་བོད་ལ་གདན་འདྲེན་ཞུ་དགོས། པཎ་ཆེན་རིན་པོ་ཆེ་བཙོན་གྲོལ་དགོས། བོད་ལ་རང་དབང་དགོས། རང་བཙན་ཐོབ་པར་ཤོག་”
གསར་འགོད་པས་ཅུང་ཆད་འདུག ཁ་སྣོན་རྒྱག་རོགས། ཐུགས་རྗེ་ཆེ།