དེ་རིང་ས་རཱ་མཐོ་སློབ་ཏུ་དགེ་སློང་མའི་སྡོམ་རྒྱུན་བསྐྱར་གསོའི་ཉམས་ཞིབ་མགོ་འཛུགས་ཀྱི་མཛད་སྒོ་ཞིག་ཚོགས་སོང་ལ། ཐེངས་འདིའི་ཉམས་ཞིབ་ཚོགས་ཆུང་ནང་ཆོས་རྒྱུད་ཆེན་པོ་བཞིའི་སྐུ་ཚབ་གཉིས་རེ་དང་། བཙུན་མའི་སྐུ་ཚབ་གཉིས་བཅས་ཉམས་ཞིབ་པ་ ༡༠ ཡི་ལས་འཆར་མགོ་འཛུགས་གནང་གི་ཡོད་འདུག
དེ་རིང་ཕྱི་ཚེས་ ༦ ཉིན་གྱི་ཞོགས་པར་ས་རཱ་མཐོ་སློབ་ཏུ་དབུས་བོད་མིའི་སྒྲིག་འཛུགས་ཆོས་རིག་ལྷན་ཁང་གི་གོ་སྒྲིག་འོག དགེ་སློང་མའི་སྡོམ་རྒྱུན་སྐོར་ལ་ཉམས་ཞིབ་ལས་གཞི་ཞིག་མགོ་འཛུགས་ཀྱི་མཛད་སྒོ་ཚོགས་ཡོད་ཅིང་། མཛད་སྒོའི་སྐུ་མགྲོན་དུ་ཆོས་རིག་བཀའ་བློན་པདྨ་ཆོས་འབྱོར་མཆོག་དང་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག བོད་མི་མང་སྤྱི་འཐུས་ཚོགས་གཞོན་སློབ་དཔོན་བསོད་ནམས་བསྟན་འཕེལ་མཆོག གཞན་བོད་མི་མང་སྤྱི་འཐུས་དང་ངྷ་ས་མཚན་ཉིད་གྲྭ་ཚང་གི་འགན་འཛིན་དགེ་བཤེད་དགྲ་འདུལ། ས་རཱ་མཐོ་སློབ་ཀྱི་སློབ་སྤྱི་རྒན་འཇམ་དཔལ་གྲགས་པ། ཆོས་བརྒྱུད་ཆེན་པོ་བཞིའི་ཆེད་བསྐོས་ཉམས་ཞིབ་པ་རྣམ་པ་བཅས་ཆེད་ཕེབས་འདུག
མཛད་སྒོའི་ཐོག་མར་ཟམ་གདོང་རིན་པོ་ཆེ་མཆོག་གིས་༧སྐུ་པར་མཐོང་གྲོལ་རིན་པོ་ཆེར་མཇལ་དར་སྒྲོན་འབུལ་དང་མར་མེ་ཞལ་འབྱེད་གནང་རྗེས། བོད་བསྟན་སྲིད་ཆེད་སྐུ་སྲོག་ཤོར་མཁན་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་གུས་འདུད་མྱ་ངན་དང་། བོད་དོན་བདེན་མཐའ་མྱུར་དུ་གསལ་བའི་ཐུགས་སྨོན་བདེན་ཚིག་སྨོན་ལམ་གསུང་འདོན་གནང་སོང་།
དགེ་སློང་མའི་ཉམས་ཞིབ་ལས་གཞི་འདི་ནི་སྔ་ལོའི་བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་ཆོས་ཚོགས་སྐབས་བཅུ་གཅིག་པའི་གྲོས་དོན་ཨང་ ༧ པའི་དགོངས་དོན། ཆོས་བརྒྱུད་ཁག་གི་འདུལ་བ་འཛིན་པའི་མཁས་པའི་ཚོགས་ཆུང་ཟུར་བཙུགས་ཀྱིས་དགེ་སློང་མའི་སྡོམ་རྒྱུན་སླར་གསོ་གནང་ཐབས་ཡོད་མེད་ཞིབ་འཇུག་བྱ་རྒྱུ་གཏན་འབེབས་ཟིན་པ་ལྟར། ཆོས་རིག་ལས་ཁུངས་ཀྱི་གཙོ་འགན་འོག་ལས་གཞི་མགོ་འཛུགས་བྱས་པ་ཞིག་ཡིན་འདུག་ལ། ཐེངས་འདིའི་ཉམས་ཞིབ་ཚོགས་ཆུང་ནི་ཆོས་བརྒྱུད་རེ་རེ་ནས་ཆེད་བསྐོས་མཁས་པ་གཉིས་རེ་དང་། བཙུན་མའི་ལས་འཆར་ནས་ཆེད་བསྐོས་སྐུ་ཚབ་གཉིས་བཅས་ནང་པའི་བཀའ་བསྟན་ལ་སྦྱངས་པ་ཆེན་པོ་ཡོད་མཁན་མི་གྲངས་ ༡༠ ལས་གྲུབ་པའི་ཉམས་ཞིབ་ཚོགས་ཆུང་ཞིག་གིས་ལས་གཞི་མགོ་འཛུགས་བྱེད་ཀྱི་ཡོད་པ་དང་། ཚོགས་ཆུང་གི་སློབ་སྟོན་པ་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་ཡིན་འདུག
མཛད་སྒོའི་སྟེང་བཀའ་ཟུར་ཟམ་གདོང་རིན་པོ་ཆེ་མཆོག་གིས། ད་སྔ་བཙན་བྱོལ་སྤྱི་ཚོགས་ནང་དང་རྒྱལ་སྤྱིའི་སྤྱི་ཚོགས་ནང་དགེ་སློང་མའི་སྡོམ་རྒྱུན་སྐོར་ལ་གླེང་སློང་གང་འདྲ་བྱུང་ཡོད་མེད། དགེ་སློང་མའི་སྡོམ་རྒྱུན་འཛིན་ཆོག་མིན་སངས་རྒྱས་ཀྱི་ལུང་ག་རེ་ཡོད་མེད། བཀའ་བསྟན་ཁག་ནང་གསལ་ཁ་ཡོད་པ་དང་། གསལ་ཁ་མེད་པ། ཉམས་ཞིབ་ཀྱི་ཁ་ཕྱོགས་གང་འདྲ་འཛིན་དགོས་མིན་སོགས་ཀྱི་སྐོར་ལ་གསུང་བཤད་གནང་སོང་། དེ་བཞིན་ཆོས་རིག་བཀའ་བློན་པདྨ་ཆོས་འབྱོར་མཆོག་གིས། དགེ་སློང་མའི་སྡོམ་རྒྱུན་བསྐྱར་གསོའི་ཉམས་ཞིབ་ལས་གཞིའི་ཐོག་མའི་བྱུང་རིམ་དང་། ལས་གཞིའི་ངོ་བོ། ཉམས་ཞིབ་འདིར་རེ་བ་ཆེན་པོ་འཛིན་གྱི་ཡོད་སྐོར་སོགས་ངོ་སྤྲོད་གནང་སོང་།
གསར་འགོད་པས་ཐེངས་འདིའི་ཉམས་ཞིབ་ཚོགས་ཆུང་གི་སྐུ་ཚབ་དགེ་བཤེས་རིན་ཆེན་དངོས་གྲུབ་ལགས་ལ་ཉམས་ཞིབ་ཐད་གདེང་ཚོད་གང་འདྲ་ཡོད་མེད་དྲིས་པར་ཁོང་གིས། “ང་རང་ལ་མཚོན་ན་རྒྱ་ནག་དང་འབར་མ་སོགས་མི་རིགས་གཞན་དང་སྐད་ཡིག་གཞན་དུ་ཡོད་པའི་བཀའ་བསྟན་ལ་སློབ་སྦྱོང་བྱས་མྱོང་མེད། བོད་བརྒྱུད་ནང་བསྟན་དང་འདུལ་བའི་སྐོར་ལ་ལོ་བཅོ་ལྔ་ཉི་ཤུའི་རིང་སློབ་སྦྱོང་བྱས་པ་ཡིན། ཉམས་ཞིབ་འདི་བརྒྱུད་ནས་སངས་རྒྱུས་ཀྱི་བཀའ་བསྟན་དང་ལྷག་པར་དུ་འདུལ་བའི་ནང་དགེ་སློང་མའི་སྡོམ་རྒྱུན་འཛིན་ཆོག་དང་མ་ཆོག་གི་ལུང་ཕྱིར་འདོན་རྒྱུར་དུས་ཡུན་མང་པོ་དགོས་པ་ཞིག་མ་རེད། གཙོ་བོ་ལྟ་གྲུབ་འདྲ་མིན་གྱི་དབང་གིས་ཁས་ལེན་མིན་དང་། ལག་ལེན་དུ་བསྟར་ཐུབ་མིན་དེ་གནད་འགག་རེད་”ཅེས་བརྗོད་བྱུང་།
གསར་འགོད་པ། བནྡེ་སྐྱབས།
གསར་འགྱུར་རྒྱས་པ་ཕྱི་ཚེས་ ༡༠ ཉིན་གྱི་དུས་བབ་ཚགས་པར་སྟེང་འགོད་རྒྱུ་ཡིན།
ཆུ་ཐིགས་སྔོན་མའི་སྐད་ཧ་ཅང་ཐལ་དྲག་མི་འདུག་གམ། སྤྱིར་ཁྱོད་ནི་དེ་ཇུས་གཏོགས་བྱེད་པའི་ཐོབ་ཐང་ངམ་དབང་ཆ་ཡང་ཡོད་པ་མ་རེད། ཁྱོད་ཀྱིས་རང་ཉིད་ལ་ཁ་སྐོར་ཏེ་བསམ་བློ་ཞིག་ཐོངས་དང་བསམ་བློ་འཁོར་རྒྱུ་ཡོད་ནི་རེད། ཨ་རིག་ལ་ཆགས་པའི་ཆགས་པ་དེས་ཁྱོད་ཅུང་ཙམ་མིན་ན་འཆི་རུ་བཅུག་ཡོད་ལ། སྐད་ཆ་བཤད་དུས་བསམ་བློ་ཐོངས་ལོ།
འདི་ནི་སངས་རྒྱས་དང་རྒྱ་གར་བའི་འདུལ་འཛིན་ཆེན་པོ་རྣམས་ཀྱིས་གང་གསུངས་ཡོད་པ་ལག་ལེན་བྱེད་རྒྱུ་ཞིག་ལས་ཉམས་ཞིབ་འདྲ་བྱས་ཏེ་དུས་ཚོད་འགྱང་ཐབས་བྱས་ན་ཕན་ཐོག་ཅི་ཡང་མེད།། འདི་དག་གིས་དགེ་སློང་མའི་སྡོམ་རྒྱུན་ཆབ་སྲིད་ཀྱི་ངོ་བོ་ཁོ་ན་སྒྱུར་གྱིན་འདུག། གང་ལྟར་ཡང་དགེ་སློང་མའི་སྡོམ་རྒྱུན་གང་འདྲ་ཡིན་མིན་དཔྱད་རྩོམ་ཁུང་ལུང་ཅན་ཞིག་བྲིས་ཡོད་ངའི་ཟིན་བྲིས་སུ་འགོད་རྒྱུ་ཡིན།།
སྔར་བྱུང་ཟིན་པའི་དུས་ཚོད་ཕལ་མོ་ཆེ་ནི་བཙན་ཤེད་དང་དབང་ཡོད་འོག་ཏུ་སོང་ཟིན་པའི་དུས་ཚོད་ཅིག་ཡིན་པ་བཞིན་དུ། དུས་རབས་ཉེར་གཅིག་པ་འདིར་མི་ཕལ་མོ་ཆེ་ཆབ་སྲིད་པ་དང་མཁས་པ་རྣམས་ཀྱི་གཡོ་འོག་ཏུ་ཚུད་པའི་དུས་ཚོད་ཅིག་རེད། དེས་ན་འདིར་མི་རྣམས་ཀྱིས་དོན་ལ་མི་བརྟག་པར་གཞན་ཟེར་དད་པའི་སེམས་ཀྱི་ཚོར་སྣང་གཙོ་བོར་བཟུང་སྟེ་བྱ་དངོས་དག་ལ་འཇུག་པའི་སྐབས་ཤིག་རེད་ཅེས་བཤད་ན་འགྲིག་ཙམ་དུ་མིན་ནམ་སྙམ། དཔེ་མཚོན་ཞིག་བརྗོད་ན་ཁ་སང་ས་རཱ་མཐོ་སློབ་ཏུ་གདན་ས་ཁག་གི་དགེ་བཤེས་དང་གྲྭ་ཚང་ཁག་གི་མཁན་པ་མང་པོས་དགེ་སློང་མའི་སྐོར་ཞིབ་འཇུག་ཅིག་བྱེད་འཆར་ཡོད་འདུག། མ་ཟད་སྐབས་དེར་བཀའ་ཟུར་ཟམ་གདོང་བླ་མ་དང་དེ་བཞིན་མཆོད་རྟེན་བཀའ་བློན་བཅས་ཕེབས་ཏེ་མཛོད་སྒོ་ཞིག་ཀྱང་ཚོགས་གྲག དེའི་དོན་ངོ་མ་ནི་དགེ་སློང་མའི་སྡོམ་པ་འགྲུབ་རྒྱུ་དང་དེའི་སྐར་ཉམས་ཞིབ་བྱེད་རྒྱུ་དེ་རེད། ཚོགས་འདུ་འདིའི་རྒྱབ་ལྗོངས་ནི་སྟོན་པའི་བསྟན་པ་ཡང་དག་པར་གནས་པ་ལ་དགེ་སློང་ཕ་མ་གཉིས་དང་དགེ་ཚུལ་ཕ་མ་གཉིས་ཚང་དགོས་པའི་སྐད་ཆ་ཅིག་རེད། དེ་ནི་སྔོན་བྱོན་མཁན་ཆེན་ཞི་བ་མཚོ་དང་བཙན་པོ་ཁྲི་སྲོང་ལྡེའུ་བཙན་གཙོས་པའི་མཁས་པ་མང་པོས་ཧ་མ་གོ་གནས་ཚུལ་ཞིག་རེད་བཞག ང་ལ་མཚོན་ན་ད་ཆར་བོད་ལ་མི་དེ་འདྲ་ལྷག་བསམ་ཅན་དང་། རྣམ་དཔྱོད་ཅན་ཡོད་པ་དེ་རིང་གོ་བ་ཐོག་མ་ཡིན། གང་ཡིན་ཞེ་ན་དེ་སྔོན་བོད་ལ་མཚོན་ན་སངས་རྒྱས་ཆོས་ལུགས་བྱུང་ནས་ལོ་གཅིག་སྟོང་བཞི་བརྒྱ་དང་། རབ་བྱུང་པ་བྱུང་ནས་ལོ་ངོ་གཅིག་སྟོང་སུམ་བརྒྱ་མ་ཟིན་ཙམ་དུ་སོང་འདུག ད་ལྟ་བར་དུ་བོད་ལ་སངས་རྒྱས་ཀྱི་བསྟན་པ་ཡང་དག་པར་གནས་མེད་པ་སྟེ་དེ་རིང་གཞི་ནས་ཤེས་སོང་། ངས་རྣམ་པ་ཚོར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན། གང་ཡིན་ཟེར་ན་ད་གཞི་ནས་བསྟན་པ་ཡང་དག་པ་ཞིག་བཙུག་རྒྱུ་ཡིན་སྟབས་ང་རང་གིས་ཀྱང་འཇལ་པའི་སྐལ་བ་ཐོབ་རྒྱུ་རེ་བ་ཡོད་པ་འདྲ། ཕྱོགས་གཅིག་ནས་བསམས་ཏེ་བཤད་ན་ཏོག་ཙམ་ཕྱི་གྲགས་པ་མིན་ནམ་སྙམ། གང་ཡིན་ཟེར་ན་དེང་སང་བཙུན་མོ་རྣམས་དགེ་ཚུལ་གྱི་ཁྲིམས་དེ་བསྲུང་མི་ཐུབ་པར་སྐུ་ངལ་བའི་སྒོ་ནས་སྡོད་པའི་དུས་ཚོད་ཅིག་རེད་ཅེས་ཟེར། དེས་ན་རྣམ་པ་ཚོ་ཏོག་ཙམ་ཞིག་ཕྱི་སོང་བ་མ་རེད་དམ། མ་ཟད་དེ་རིང་ཁ་སང་སྤྱི་ཚོགས་ཀྱི་ནང་ནས་གྲྭ་ལོག་གིས་ལུང་པ་ཁེངས་སྟབས། མ་འོངས་པར་ཨ་ནེ་ལོག་པས་ལུང་ལ་ཁེངས་ཚེ་བོད་མི་རིགས་ཏེ་དེ་གཉིས་ལས་བྱུང་ནས་ཕྱོགས་ལྷུང་དང་ཕྲག་དོག་མེད་པའི་མི་རིགས་ཆགས་རྒྱུའི་རེ་བ་ཆེན་པོ་ཡོད། ཅི་ཡིན་ཞེ་ན་གྲྭ་པ་དང་གྭ་ལོག་རྣམས་ལ་དེ་སྔོན་ནས་ཞེན་ཁོག་དང་ཕྱོགས་ལྷུང་སོགས་ཡེ་ནས་མེད་པའི་སྐད་གྲགས་ཡོད་པ་རེད། མ་ཟད་མཁས་དབང་ཚུལ་ཁྲིམས་བློ་གྲོས་ཀྱིས་གལ་ཏེ་བོད་མི་རྣམས་ཀྱིས་དབང་ཞུས་ནས་དབང་ཐོབ་སོང་བ་ཡིན་ན་དམ་ཉམས་ཀྱིས་ལུང་པ་གང་འགྲོ་རྒྱུ་རེད་གསུངས་པ་བཞིན། བོད་པའི་སྤྱི་ཚོགས་ནང་འབྱུང་འགྱུར་ཚུལ་ཁྲིམས་འཆལ་བས་ལུང་པ་དགང་འགྲོ་རྒྱུའི་རེད་བ་ཡོད། དེང་སང་བཙན་བྱོལ་སྤྱི་ཚོགས་སུ་ཕོ་ཕྱེད་ལྷག་ཙམ་གྲྭ་ལོག་ཡིན་སྟབས། མ་འོངས་འབྱུང་འགྱུར་མོ་ཕྱེད་ལྷག་ཙམ་ཇོ་ལོག་བྱུང་ཚེ། བོད་མི་རིགས་འདི་དེང་རབས་ཀྱི་འགྲོས་དང་མི་སླེབས་པ་དང་། ཆོས་པའི་གྲལ་དུའང་མི་ཚུད་པར་བར་དོའི་གནས་སུ་འཁྱམ་པའི་སྤྱི་ཚོགས་ལེགས་པོ་ཞིག་ཆགས་རྒྱུ་རེ་བ་ཆེན་པོ་འདུག བྱས་ཙ་ན་རྣམ་པ་ཚོས་འདིའི་ཐད་ལ་ཤུགས་རྒྱོབས་རོགས་གནང་ཟེར་རྒྱུ་ཡིན།
ངོ་མ་འདི་མི་དགོས་པ་ཞིག་རེད་དུས་ཚོད་འཕྲོ་བརླག་དང་འགྲོ་གྲོན་ཆུད་ཟོས་རང་རེད།
འདི་ནི་དམ་པའི་ཆོས་ཀྱི་དགོངས་དོན་མི་ཤེས་པའི་རིན་ཆེན་མཁའ་འགྲོ་སོགས་བུད་མེད་སྨྱོན་མ་ཁག་གཅིག་གིས་ནམ་རྒྱུན་བུད་མེད་ཀྱི་ཐོབ་ཐང་ལ་ཁ་གཡར་ནས་ཕྱི་རྒྱལ་ཁག་ནས་དངུལ་དངོས་སློང་བྱེད་ཅིག་རེད། མཁས་དབང་ཟམ་གདོང་༧རིན་པོ་ཆེས་དགེ་སློང་མའི་སྡོམ་རྒྱུད་ཟེར་བ་དེ་བུད་མེད་ཀྱི་ཐོབ་ཐང་རྩོད་བྱེད་ཅིག་མ་རེད་གསུངས་པ་ནང་བཞིན་ད་ནས་བཟུང་དུས་འཕྲོ་བརླག་དང་འགྲོ་གྲོན་ཆུད་ཟོས་མ་གཏོང་རོགས།
ཟམ་གདོང་བླ་རྒན་ཡོད་ས་ནས་དོན་དག་ཡག་པོ་ཞིག་མེད་ཁོ་ཐག་ཡིན།
ཨ་ནི་དགོན་པ་སྟོང་གི་མ་རེད། ད་དུང་ཨ་ནི་གྲངས་ཀ་མང་དུ་འཕེལ་ངེས།
སྡོམ་པ་མི་དགོས་ན་དཀའ་ལས་ག་རེ་ཡོད་རེད།
ཨ་ནེ་དང་གྲ་པ་ཚོ་ནི་ང་ཚོའི་སྤྱི་ཚོགས་ཀྱི་སྐྱོན་ཆ་ཆེ་ཤོས་ཤིག་རེད། དེ་གཉིས་གཅིག་གཙང་མ་ཆགས་རོགས་བྱས་ན་ཅི་མ་རུང།
ཨ་ནེ་དང་གྲ་པ་ནི་དངོས་གནས་ང་ཚོའི་སྤྱི་ཚོགས་ཀྱི་སྐྱོན་ཆ་ཆེ་ཤོས་རེད།
དགེ་སློང་མའི་སྡོམ་རྒྱུད་འཚོལ་བ་ལས། རྡ་སའི་གཡས་གཡོན་གྱི་བཙུན་མ་རྒྱ་གར་པ་དག་ལ་གཤང་འཚོང་མཁན་མ་དག་ལ་སྡོམ་པ་ཡོད་མེད་བརྟག་དཔྱད་ཅིག་བྱས་ན། ངས་ལྟས་ན། དེ་ཡག་པར་འདོད། འདི་རིགས་རྙོག་དྲ་རེད། ད་རུང་ཇོ་ནང་པ་ནང་པ་ཡིན་མིན་སྐོར་ལ་ཡང་ཞིབ་འཇུག་ཚོགས་པ་ཞིག་འཛུགས་དགོས་ཚུལ་བཤད་སོང་། དེ་ལས་མིག་སྔར་དཀའ་ངལ་འཕྲད་བཞིན་པའི་བོད་ནང་གི་གནས་སྟངས་དེར་གདུང་སེམས་མཉམ་སྐྱེད་ཅིག་བྱེད་ཐུབ་ན་ཅི་མ་རུང་། ཞིབ་འཇུག་ཚོགས་ཆུང་འདི་བོད་ནང་གི་གནས་སྟངས་ལ་ཞིབ་འཇུག་ཅིག་བྱེད་དུ་བཅུག་པ་ཡིན་ན་ཅི་མ་རུང་། དགེ་སློང་མའི་སྡོམ་རྒྱུད་ཅིག་རེགས་ཀྱང་མ་རེགས་ཀྱང་། སྡོམ་པ་རྣམ་དག་ཅིག་སྲུང་མཁན་ནི་གཅིག་ཀྱང་།
དགེ་སློང་མ་བསྒྲུབ་རྒྱུ་བྱུང་ན་ཡག་ཤོས་རེད། དེ་བསྒྲུབ་ཐུབ་པ་ཡིན་ན། བཙུན་མའི་གྲངས་ཀ་ཉུང་རུ་འགྲོ་ངེས་རེད། མ་ཟད་རྩ་བ་ལ་འགལ་བ་འབྱུང་ལྷ་བ་དང་མི་གཞན་གྱིས་ཡང་མ་མཐའ་རྩ་འགལ་བྱུང་བ་ངོས་གཟུང་ལྷ་རུ་ཕྱིན་རེད། གཞན་ད་ལྟའི་གནས་སྟངས་བཞིན་རྩ་བ་བཞི་སྲུང་ཐུབ་ཙམ་བྱས་ནས་རང་གཞན་གཉིས་ཆ་མག་མོག་ཤིག་གི་ངང་དུ་བསྡད་འདུག་པ་ལས། བཙུན་མ་གང་ཞིག་གིས་སྐྱེས་པ་གང་ཞིག་ལ་ཆགས་པའི་རྣམ་པས་རེག་པའམ་བཀན་པ་མཐོང་བ་ཙམ་གྱིས་མོ་ལ་རྩ་འགལ་བྱུང་སོང་། བཙུན་མ་མ་རེད་ཅེས་ལག་པ་འཆང་ཆོག་ཆོག་རེད་་་་་་མ་རེད་དམ་ལྷན་རྒྱས་ཚོ།
འཚོལ་ནས་ད་བར་མ་པར་ད་རྙེད་རྒྱུ་ཡོད་པ་མ་རེད། སྡོམ་རྒྱུ་མེད་བཞིན་དུ་བསྒྲུབ་ན་ཆོག་མིན་རེད།
ཁོང་ཚོ་དགེ་སློང་མའི་སྡོམ་པའི་སྐོར་ལ་མང་པོ་མ་བཤད་ན་བཟང་། ཨ་ནེ་དེ་ཚོ་ལ་སྡོམ་པ་མེད་པ་ཤེས་སོང་ན་ཨ་ནེའི་དགོན་པ་སྟོང་པར་འགྲོ་ཉེན་ཡོད་ད། ཨ་ནེའི་རྐུབ་ལ་སྡོད་ཚུགས་ནི་མེད། ད་གཟབ་གཟབ་གྱིས།
ཟམ་གདོང་རིན་པོ་ཆེ་དང་། ཟམ་གདོང་རིན་པོ་ཆེའི་ཡབ་ཆེན་ཕེབས་ཡོང་ན་མོ་ཤམ་མའི་བུ་ཞིག་རྙེད་དགོས་རྒྱུ་དེ་ཧཧཧཧཧ། འགྲོ་བ་མི་ཡི་ཐོབ་ཐང་ཐོག་ནས་མཉམ་འབྲེལ་རྒྱལ་ཚོགས་ལ་སྙན་ཞུ་རྒྱག་ན་ཡག་གི་མེད་འགྲོ དེ་མིན་ན་དགེ་སློང་མའི་ཡང་སྲིད་ཞིག་བཟོ་རྒྱུ་ཡོད་མེད་བསྟས་ཏེ་དགེ་སློང་མ་ཞིག་བཟོས་ན་སྟབས་བདེ་བ་ཡོད་རྒྱ་རེད། དེ་མིན་དེང་སང་གི་སྤྲུལ་སྐུ་ངོས་འཛིན་བྱས་པ་ནང་བཞིན་རྒྱུ་ནོར་དཔལ་འབྱོར་གང་མཚམས་ཡོད་མཁན་ཞིག་གམ། ཡང་ན་མིང་སྙན་ཡོད་མཁན་ཞྀག་ལ་དགེ་སློང་མ་ཞེས་བཏགས་ན་གང་འདྲ་འདུག ང་ཚོའི་སྲིད་བྱུས་ནང་བཞྀན་མེ་དཔ་ནས་ཡོད་པ། ཡོད་པ་ནས་གོང་འཕེལ། གོང་འཕེལ་ནས་གོང་འཕེལ་གཏོང་ན་བསམ། འཛམ་གླིང་འདིའི་ཐོག་མ་ལྷག་པར་ས་ར་ནས་རགས་རྒྱུ་ཁག་པོ་རེད། ཡིན་ན་གཅིག་བཟོས་བཞག་ན་ཁྱད་འཚར་འཚར་འདྲ་ཞྀག་རེད། ཐོབ་ཐང་མེད་པ་བཟོས་ན་གང་འདྲ་སེ་ཡོང་དགོས་རེད། རྒྱལ་སྤྱིའི་ཁྲིམས་ཁང་དུ་ཧཧཧཧཧཧཧཧཧཧཧཧྲ
དགེ་ཚུལ་མའི་སྡོམ་པ་འགོ་ཐོན་ལ་མ་ཐོན་ལ་ཞིག་ཡིན་དུས་་་དེའི་ཁར་དགེ་སློང་མ་ཞིག་ཧཧཧ་་་་་སྲུང་བཞིན་པའི་དགེ་ཚུལ་གྱི་སྡོམ་པ་སྤུས་གཙང་ཞིག་ཡོང་ཐབས་ལ་འབད་ན་ཡག་ཤོས་མ་རེད་པས་་་་་དེའི་ཆེད་དུ་ཚོགས་འདུ་རེ་འཚོགས་ན་་་་མིན་ན་གང་སར་ཐབས་ཤེས་འཐེན་ན་སྡོམ་པ་རེ་རེག་མི་ཡོང་་་་
རྙོག་དྲ་ཚ་བ་ལ། ཐེ་ཝན་དུ་སོང་ནས་སྡོམ་རྒྱུན་བླངས་ཏེ་ཅི་འདོད་གང་འདོད་དུ་སྤེལ་ན་མ་འགྲིག་པ་ག་རེ་ཡོད་དམ། ཕྱི་གླིང་བའི་ཨ་ནི་པད་མ་ཆོས་སྒྲོན་དང་ཐུབ་བསྟན་ཆོས་སྒྲོན་སོགས་ཨ་ནི་གྲགས་པ་ཅན་ཚོའི་སྡོམ་རྒྱུན་གྱི་ཁུངས་ཐེ་ཝན་རེད་འདུག བོད་པའི་སྤྱི་ཚོགས་ནང་མེད་པ་ཞིག་ལ་ཡང་སྐོར་སྐྱར་སྐོར་གྱིས་རྩད་གཅོད་བྱེད་བཞིན་ཨ་ནི་མེ་ཏོག་འདྲ་བ་ཚོའི་མགོ་དཀར་པོ་ཆགས་ཀི་འཇུག་ན་འདོད་པ་རེད་པ། ཕངས་པ་ལ། དེང་སང་དགེ་ཚུལ་དང་དགེ་ཚུལ་མ་གཙང་སེང་ངེ་བ་རེ་ཡོད་ན་དེས་ཀྱང་དགའ་བ་མ་ཡིན་ནམ།
དགེ་སློང་མའི་སྡོམ་རྒྱུན་བཙལ་ནས་རྙེད་རྒྱུ་ཞིག་ཡོད་རྒྱུ་མ་རེད་འདོད། གོ་ལ་འདིའི་ནང་དེང་སང་མི་ཞིག་བཙལ་དགོས་ན་དེ་དཀའ་བ་ཞིག་མིན་པས་ན་་་དགེ་སློང་མ་ཞིག་བཙལ་རྒྱུ་ཡང་དེ་བཞིན་རེད། དེ་མེད་སོང་ན་སྡོམ་རྒྱུན་ཆད་སོང་བ་རེད། དེ་བས་རྒྱུན་ཆད་སོང་བ་དེ་སླར་གསོ་བྱེད་རྒྱུ་ཡོད་མེད་ཞིབ་འཇུག་བྱས་ན་གསལ་བོ་ཞིག་ཆགས་རྒྱུ་ཡོད་སྲིད། ཡང་གཅིག་བཤད་ན་དུས་རབ་འདིར་ཕལ་ཆེར་དགེ་སློང་མའི་སྡོམ་པ་ཡོད་རྒྱུ་མ་རེད་སྙམ། ཕམ་པ་བཞིའི་སྟེང་དུ་ཐུན་མོང་མིན་པའི་ཕམ་པ་བཞི་བཅས་བརྒྱད་སྲུང་དགོས་པ་མ་ཟད་ལྕི་བའི་ཆོས་བརྒྱད་ཀྱང་བརྟེན་དགོས་པ་གཞུང་ཆེན་མོའི་སྤྱི་སྐད་ཡིན་དུས། དུས་རབ་འདིར་དཀའོ། དེ་ལས་་་་དེའི་སྔ་རོལ་དུ་དགེ་སློབ་མའི་སྡོམ་སྲུང་ཐུབ་མིན་དང་དེའི་རྗེས་སུ་ཚང་སྤྱོད་ཉེར་གནས་ཀྱི་སྡོམ་པ་སྲུང་ཐུན་མིན་བརྟག་ནས་་་དེ་དག་ཐུབ་སོང་ན་ད་གཟོད་དགེ་སློང་མའི་སྡོམ་པ་ལ་རེ་བ་བྱས་ན་མ་རེད། ་
དུས་ཚོད་འཕྲོ་བརླགས་དང་། ལས་དོན་འཐོལ་བ། འགྲོ་གྲོན་ཆུད་ཟོས་སོགས་ཀྱི་རྒྱུ་ཁོ་ན་རེད། དེ་བས་སྐབས་བབ་བོད་ཀྱི་རྩ་དོན་ཞིག་གི་ཆེད་དུ་འབད་འབུངས་གནང་རོགས།