ཉེ་ཆར་༸གོང་ས་མཆོག་གིས་རུའི་ཊར་གསར་ཁང་གི་བཅར་འདྲིའི་སྐབས། བོད་དོན་ཐོག་རྒྱ་གཞུང་གི་ལངས་ཕྱོགས་ལ་བཟང་ཕྱོགས་ཀྱི་འགྱུར་བ་འགྲོ་རྒྱུའི་རྟགས་མཚན་གང་འཚམ་མངོན་བཞིན་ཡོད་སྐོར་གསུངས་འདུག
ཟླ་འདིའི་ཕྱི་ཚེས་ ༢༨ ཉིན་༸གོང་ས་མཆོག་གིས་བཞུགས་སྒར་ཕོ་བྲང་དུ་རུའི་ཊར་ Reuters གསར་འགོད་པའི་དྲི་བར་བཀའ་ལན་གནང་སྐབས། བོད་ཀྱི་གནད་དོན་ཐོག་རྒྱ་གཞུང་གི་ལངས་ཕྱོགས་ལ་བཟང་ཕྱོགས་ཀྱི་འགྱུར་བ་འགྲོ་རྒྱུའི་རྟགས་མཚན་གང་འཚམ་མངོན་བཞིན་ཡོད་སྟབས། དེར་ཐུགས་རེ་ཆེན་པོ་གནང་བཞིན་ཡོད་སྐོར་དང་། རྒྱ་གཞུང་གིས་ལངས་ཕྱོགས་ལ་འགྱུར་བ་བཏང་བ་ཡིན་ན། བཙན་བྱོལ་བོད་མིའི་འགོ་ཁྲིད་ཀྱིས་རྒྱ་ནག་གཞུང་དང་མཉམ་བསྐྱར་དུ་གྲོས་མོལ་བྱ་རྒྱུའི་གྲ་སྒྲིག་ཨང་གསར་ཡོད་པ་གསུངས་འདུག
དེ་བཞིན། ༸གོང་ས་མཆོག་གིས་རྒྱ་གཞུང་གི་འབྱུང་འགྱུར་སྲིད་འཛིན་ཞི་ཅིན་ཕེན་གྱིས། རྒྱ་གཞུང་གིས་ལོ་ངོ་བཅུ་ཕྲག་མང་པོའི་རིང་བོད་ཐོག་འཛིན་པའི་མཁྲེག་བཟུང་སྲིད་བྱུས་ལ་འགྱུར་བ་གཏང་སྟེ། ལངས་ཕྱོགས་གསར་པ་ཞིག་འཛིན་རྒྱུ་རེད་ཅེས་བརྗོད་རྒྱུ་ད་ལྟ་སྔ་དྲགས་རྐྱེན་མཐའ་གཅིག་ཏུ་བརྗོད་མི་ཐུབ་ཀྱང་། ཁོང་ལ་རྒྱ་རིགས་ཆོས་གྲོགས་མང་པོ་ཞིག་གིས་ཞི་ཅིན་ཕེན་ཁོང་ཕྲན་བུ་ཞི་འཇམ་ཡོད་སྐོར་བརྗོད་པ་དང་། དེ་བཞིན། རྒྱ་ནག་སྐམ་ས་ནས་མཇལ་ཁ་ཞུ་མཁན་མང་པོ་ཞིག་དྷ་སར་ཡོང་བཞིན་པའི་ཁོངས་ནས། རྒྱ་ནག་གུང་ཁྲན་གྱི་འགོ་ཁྲིད་མཐོ་གྲས་དང་འབྲེལ་བ་ཡོད་ཚུལ་བརྗོད་མཁན་འགའ་ཤས་འདུག་ལ། རྒྱ་ནག་གཞུང་གིས་ལས་དོན་ཚང་མ་རྒྱལ་ཁབ་ཀྱི་བེད་འཇགས་ལ་ཁག་དཀྲི་བྱེད་བཞིན་པར་བརྟེན་མགོ་ཁྲིད་སུ་དང་འབྲེལ་བ་ཡོད་མེད་བརྗོད་ཁག་པོ་འདུག འོན་ཀྱང་རྒྱ་རིགས་ཤེས་ཡོན་མི་སྣ་ཚོས་རྒྱ་གཞུང་གིས་བོད་ཐོག་འཛིན་པའི་ལངས་ཕྱོགས་དེར་འགྱུར་བ་གཏང་སྟེ། ལངས་ཕྱོགས་གསར་པ་ཞིག་འཛིན་དགོས་པའི་བསམ་ཚུལ་འདོན་བཞིན་པ་དེར། རྒྱ་གཞུང་གི་དཔོན་རིགས་ཁག་གཅིག་གིས་མོས་མཐུན་བྱེད་བཞིན་ཡོད་འདུག གནས་ཚུལ་དེ་དག་མཐོང་སྐབས་ང་ཚོར་བློ་སྤོབས་ཆེན་པོ་ཡོང་བཞིན་པའི་བཀའ་ལན་སྩལ་ཡོད་འདུག
རྒྱ་གཞུང་གི་མགོ་ཁྲིད་འཕོ་འགྱུར་གྱི་དུས་ཚོད་བསླེབ་ལ་ཉེ་སྟབས། རིང་མིན་གྲོས་མོལ་བསྐྱར་གསོ་ཡོང་ཐུབ་མིན་ཐད། ༸གོང་ས་མཆོག་གིས་ “དེ་ནི་བརྗོད་དཀའ། རྒྱ་ནག་གི་སྲིད་འཛིན་གསར་པ་བསྐོ་གཞག་བྱུང་སྟེ་ཟླ་བ་དྲུག་ནས་བཅུ་གཉིས་ཙམ་སོང་རྗེས། གཞི་ནས་ལངས་ཕྱོགས་ལ་འགྱུར་བ་སོང་མིན་རྟོགས་ཐུབ་པ་ལས་དེའི་བར་དུ་ཤོད་ཐུབ་རྒྱུ་ཁག་པོ་རེད། རྒྱ་ནག་གཞུང་གིས་འདས་པའི་ལོ་དྲུག་ཅུའི་རིང་དྲག་གནོན་གྱི་སྲིད་བྱུས་ལག་བསྟར་བྱས་པ་དེ་ནོར་འཁྲུལ་ཡིན་པ་ཤེས་རྟོགས་ཡོང་ངེས་རེད། མའོ་ཙེ་ཏུང་གིས་དབང་ཆ་མེ་མདའི་ཁ་ནས་ཐོན། ཞེས་པའི་སྲིད་བྱུས་དེ་ད་ཆ་དུས་ཚོད་ཡོལ་ཟིན།” ཞེས་གསུངས་འདུག
གསར་འགོད་པས་བོད་མིས་རང་ལུས་མེར་སྲེག་སྐོར་བཀའ་འདྲི་གནང་སྐབས། ༸གོང་ས་མཆོག་གིས་ “ངོས་ཀྱིས་བོད་མི་ཚོར་འུ་ཐུག་ཐབས་ཟད་པའི་ལས་འགུལ་དེ་རིགས་སྤེལ་རྒྱུར་བརྒྱུད་སྐུལ་གང་ཡང་བྱེད་ཀྱི་མེད། འོན་ཀྱང་ཁོང་ཚོར་དཀའ་ངལ་ཇི་འདྲ་ཞིག་ཡོད་པ་ང་ཚོས་བསམ་ཤེས་ཐུབ་པ་ཞིག་རེད། གནས་ཚུལ་དེ་རིགས་ནི་ཧ་ཅང་བློ་ཕམ་སྐྱེ་གཞི་ཞིག་ཡིན། དེར་བརྟེན་རྒྱ་ནག་གཞུང་གིས་བོད་མིས་རང་ལུས་མེར་སྲེག་གཏོང་དགོས་ཐུག་པའི་རྒྱུ་རྐྱེན་གཙོ་བོ་ག་པར་ཐུག་ཡོད་མེད་རྩད་གཅོད་བྱེད་དགོས། རྒྱ་ནག་གཞུང་གིས་ལས་སླ་པོའི་ཐོག་ནས་ངོས་དང་བོད་མི་ཉུང་ཤས་ཤིག་ལ་འགན་ཁག་དཀྲི་ཐུབ་ཀྱང་། དེས་བོད་མིའི་དངོས་ཡོད་དཀའ་ངལ་སེལ་མི་ཐུབ།” ཅེས་གསུངས་ཡོད་པ་རེད།
![Uyghur Scholar Rahile Dawut [Photo: Uyghur Human Rights Project]](https://tibettimes.net/wp-content/uploads/2023/09/Uyghur-Scholar-Rahile-Dawut-Photo-Uyghur-Human-Rights-Project-360x180.jpg)
༧དུས་ཀྱི་སྟོན་པ་གོང་ས་རྒྱལ་བ་རིན་པོ་ཆེ་ཁྱེད་ཀྱི་གསུང་གི་བདུད་རྩུ་རེ་རེ་ལ། རྒྱུ་མཚན་སྟོང་གི་མར་ལོ་ཕྱུག་ཡོད་ན་བློ་ལྡན་སུ་ཞིག་ཁྱེད་ཀྱི་རྗེས་མི་འགྲང་།
སྔོན་ཆད་བདག་གིས་ནོངས་པ་ཅི་མཆིས་པ།
བདག་གིས་ཁྱེད་ཀྱི་སྤྱན་སྔར་མཐོལ་ཞིང་བཤགས།
ཉམ་ཆུང་བདག་ལ་བཟོད་བཞེས་གནོངས་བར་མཛོད།
བརྩེ་བས་ཐུགས་ཀྱིས་བདག་ལ་གཟིགས་སུ་གསོལ།
མགོན་པོ་མཆོག། སྐུའི་ཕྲེང་བ་ཐམས་ཅད་དུ་ཁ་བ་ཅན་པ་སྤྱི་དང་། ལྷག་པར་ལྷག་བསམ་སླད་མེད་པར་ཁ་བའི་བསྟན་སྲིད་ཆེད་ལས་གང་དུ་ཞུགས་པའི་ཤི་གསོན་ཐམས་ཅད་ཐུགས་དམ་སྐྱབས་འོག་ནས་མི་འདོར་བར་མཁྱེན།
ཡང་སྒོའི་བོད་དང་རྒྱ་ནག་ནང་དུ་ཕེབས་ཐུབ་པའི་ཐབས་ལམ་ལ་དགོངས་བཞེས་ཡོད་པར་མཁྱཻན།
སྙིགས་ལྔའི་རྒུད་ཚོགས་དུས་ངན་རླུང་ཤུགས་ཀྱིས།།
སྙིགས་དུས་འགྲོ་བའི་དུག་གསུམ་མེ་དཔུང་སྦུད།།
སེམས་ཀྱི་ཞི་བདེ་ཐལ་བར་བརླག་པའི་དུས།།
ཀུན་ཕན་སྙིང་རྗེའི་ཆོས་ཆར་འབེབས་ལ་བསྟོད།།
མགོན་པོ་ཁྱེད་ཀྱི་ཚིག་གི་ཟུར་རེ་ཡང་། །རྒྱུ་མཚན་སྟོང་ཕྲག་བརྩེགས་ནས་གསུངས་ལགས་ན། །གཟུར་གནས་བློ་མིག་ལྡན་པའི་རྒྱ་དག་ཀྱང་། །ཁྱེད་ལ་སྐྱབས་སོང་ངོ་མཚར་སྐྱབས་སུ་འགྲོ། །
འབྲུག་གྲགས་རྒྱལ་པོ་ལགས། ག་ལེར་སྒུག་སྡོད་དང་། ལས་འགུལ་བོད་ནང་དུ་བྱུང་བཞིན་པ་ལྟར་ལས་འཆར་ཆ་ཚང་ཡང་བོད་ནང་ནས་ཐོན་ཡོང་གི་རེད། དེ་དུས་ད་གཟོད་གཞིས་བཞུགས་སྤུན་ཟླའི་དགོས་འདུན་ལ་གཞོག་འདེགས་གང་ཐུབ་བྱེད་ཀྱི་ལས་ཅི་ཡང་ལྷག་ཡོད་པ་མ་རེད།
ཐམས་ཅད་ཁྱོད་ལས་གཞན་མེད་རྗེས་སུ་ཟུངས། ། ཐུགས་རྗེ་ལྕགས་ཀྱུས་བོད་ཡུལ་ཁམས་ལ་ཕྲོངས།།
ད་རྒྱ་ནག་གི་དཔོན་རབས་ལྔ་པ་དེ་ལ་སྔར་བཞིན་གྱི་རེ་བ་དེ་རྒྱག་གི་ཡོད་པ་རེད། དེ་སྐབས་ཀྱང་བོད་ཀྱི་མང་པོ་ཞིག་བློས་གཏོང་བྱ་དགོས་ཆགས་ཀྱི་རེད། དཔེར་ན། བཀའ་ཟུར་ཟམ་གདོང་སྐབས་ཀྱི་བོད་ཀྱི་བརྗོད་ཚིག་དེ་དག་དང་། བློ་སེང་སྐབས་སུ་བོད་ཀྱི་གཞུང་མིང་དེ་ཚོགས་པ་ཞིག་གི་ངོ་བོར་བསྒྱུར་བ་ལྟ་བུ་རེད།
གནས་ཚང་ལགས། འོ་ན་ང་ཚོས་ག་རེ་བྱེད་ཀྱི་རེད་དམ།
དོན་དག་གཙོ་བོ་དེ་ཞིས་ཅིན་ཕེན་མི་ཞི་འཇམ་ཡོད་མེད་ལ་ཐུག་ཡོད་པ་ཞིག་མ་རེད། མི་དེས་སྣེ་ཁྲིད་ཀྱིན་པའི་ཚོགས་ཁག་ཆེན་པོ་དེར་ཞི་འཇམ་མེད་དུས། མི་རྐང་གཅིག་གིས་ཡོང་ཡ་ཞིག་མ་རེད། སྔར་ཧའོ་ཡོ་པང་ལྟ་བུར་འགྱུར་རྒྱུ་རེད། རྒྱ་ནག་གི་མྱུལ་མ་ཚོས་ཁ་ལ་ཉན་ཡ་རྩ་བ་ཉིད་ནས་ཡོད་པ་མ་རེད།