དེ་རིང་ཉི་ཧོང་རྒྱལ་ས་ཊོ་ཀའེ་ཡོའི་རྫོང་ཁྲིམས་ཁང་གིས། སམ་སུང་ཁེ་ལས་བཟོ་སྐྲུན་གྱིས་ཀུ་ཤུ་རྟགས་ཅན་གྱི་ཁ་པར་དང་གློག་ཀླད་བཟོ་སྐྲུན་ཐོན་རྫས་ལ་དཔེ་བཤུ་བྱས་མེད་པའི་ཐག་གཅོད་བྱས་འདུག
འཛམ་གླིང་ནང་ཁེ་ལས་འཕྲུལ་ཆས་བཟོ་སྐྲུན་ཆེ་གྲོས་ཀུ་ཤུ་རྟགས་ཅན་(Apple Campany) དང་སམ་སུང་(Samsung Campany) གཉིས་བར་ཕུན་ཚུན་དཔེ་བཤུ་བྱེད་ཀྱི་ཡོད་པའི་ཁ་མཆུ་ཐེངས་མང་བྱུང་བཞིན་པ་ལྟར། ཉེ་ཆར་ཨ་རིའི་ཁཱ་ལི་ཧྥོར་ནེ་ཡའི་ཁྲིམས་ཁང་ཞིག་གིས་ཀུ་ཤུ་རྟགས་ཅན་ཁེ་ལས་བཟོ་སྐྲུན་ཁང་གིས་སམ་སུང་གི་ཐོན་རྫས་ལ་དཔེ་བཤུ་བྱས་མེད་པ་དང་། ལྷོ་ཀོ་རེ་ཡའི་ནང་ཡོད་པའི་སམ་སུང་ཁེ་ལས་བཟོ་སྐྲུན་ཁང་གིས་ཀུ་ཤུ་རྟགས་ཅན་གྱི་ཁ་པར་དང་ཐོན་རྫས་ཁག་ཅིག་ལ་དཔེ་བཤུ་བྱས་ཡོད་པའི་ཐག་གཅོད་བྱས་ཏེ། ཀུ་ཤུ་རྟགས་ཅན་གྱི་ཁེ་ལས་བཟོ་སྐྲུན་ཁང་ལ་ཨ་སྒོར་ཐེར་འབུམ་ ༡ ལྷག་གི་གུན་གསབ་སྤྲོད་དགོས་པ་བསྒྲགས་རྗེས། ཀུ་ཤུ་རྟགས་ཅན་གྱི་ཁེ་ལས་བཟོ་སྐྲུན་ཁང་གིས་ཁོ་ཚོའི་ཁ་པར་ལ་དཔེ་བཤུ་བྱས་པའི་སམ་སུང་གི་ཁ་པར་མ་འདྲ་བ་ ༨ ཙམ། རྒྱལ་སྤྱི་དང་ཨ་རིའི་འཕྲུལ་ཆས་ཁྲོམ་ར་ནས་ཉོ་ཚོང་བྱ་མི་ཆོག་པའི་ཁྲིམས་གཏུགས་བྱས་ཡོད་འདུག
དེ་རིང་ཉི་ཧོང་གི་རྒྱལ་ས་ཊོ་ཀའེ་ཡོ་(Tokyo) ནང་གི་རྫོང་ཁྲིམས་ཁང་ཞིག་གིས། ཨ་རིའི་ཁྲིམས་ཁང་གི་ཁ་མཆུ་ཐག་གཅོད་དེར་ངོས་ལེན་མེད་པའི་ཐག་གཅོད་བྱས་འདུག་ལ། ཁྲིམས་ཁང་དེའི་ཁྲིམས་དཔོན་ཊ་མཱོ་ཚུ་(Tamotsu Shoji) ཡིས། སམ་སུང་ཁེ་ལས་བཟོ་སྐྲུན་ཁང་གི་ཐོན་རྫས་རིགས་ཀྱིས། ཀུ་ཤུ་རྟགས་ཅན་གྱི་ཐོན་རྫས་ཉོ་ཚོང་ལ་འགོག་རྐྱེན་འཕྲད་མེད་པ་དང་། སམ་སུང་ཁེ་ལས་བཟོ་སྐྲུན་ཁང་གིས་ཀུ་ཤུ་རྟགས་ཅན་གྱི་ཁ་པར་སོགས་ལ་དཔེ་བཤུ་བྱས་མེད་པ་ར་འཕྲོད་བྱུང་ཡོད་སྐོར་བརྗོད་འདུག
ཉི་ཧོང་ཁྲིམས་ཁང་གི་ཐག་གཅོད་ཕྱིར་བསྒྲགས་བྱས་འཕྲད། སམ་སུང་ཁེ་ལས་བཟོ་སྐྲུན་ཁང་གིས་ཁྲིམས་ཁང་གི་ཐག་གཅོད་ལ་དགའ་བསུ་ཡོད་སྐོར་དང་། ཀུ་ཤུ་རྟགས་ཅན་གྱི་ཁེ་ལས་བཟོ་སྐྲུན་ཁང་གི་ཐོན་རྫས་དཔེ་བཤུ་བྱས་མེད་པའི་བསྒྲགས་གཏམ་སྤེལ་འདུག ཁྲིམས་ཁང་གི་ཐག་གཅོད་དེའི་ཐད་གསར་ལམ་ཁག་གིས། ཉི་ཧོང་ནང་ཡོད་པའི་ཀུ་ཤུ་རྟགས་ཅན་གྱི་ཁེ་ལས་བཟོ་སྐྲུན་ཁང་ལ་བཅར་འདྲི་བྱས་པར་ལན་འདེབས་གང་ཡང་བྱས་མི་འདུག
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
གསར་འགོད་པ་བནྟེ་སྐྱབས་ལགས། མ་གཞི་གསར་འགྱུར་ཡག་པོ་འདུག ང་རང་སྒེར་ལ་མཚོན་ན་ནམ་རྒྱུན་བོད་ཡིག་ནང་ལྟ་ཀློག་བྱེད་མི་ཐུབ་པའི་རྒྱལ་སྤྱིའི་ཐོག་གི་གནས་ཚུལ་འདིའི་སྐོར་ལ་དགའ་མོས་ཆེན་པོ་ཡོད་མཁན་ཞིག་ཡིན། ཡིན་ནའང་གསར་འགྱུར་འབྲི་སྟངས་ད་དུང་ཚད་འདང་ངེས་ཤིག་ཡོང་ཐུབ་ཀྱིན་མི་འདུག ཞིབ་ཚགས་མོ་བྱས་ཏེ་འཁོད་མི་འདུག དེང་སྐབས་མི་ཚང་མ་བྱེ་བྲག་གི་གནས་ཚུལ་ཁ་གསལ་བོར་དགའ་མོས་ཡོད་པ་རེད།
ངས་འོག་ཏུ་ཀུ་ཤུ་དང་སམ་སེང་རྟགས་ཅན་གྱི་ཁ་འཆིའི་སྐོར་གྱི་གསར་འགྱུར་མདོ་བསྡུས་ཤིག་འགོད་ཆོག་པ་བྱོས། དེའི་ནང་དུ་ཧ་ཅང་གསལ་བོ་ཡོད།
འདས་པའི་བདུན་ཕྲག་གསུམ་གྱི་སྔོན་ཀུ་ཤུ་རྟགས་ཅན་གྱི་བཟོ་གྲྭ་དང་སམ་སེང་Samsungབཟོ་གྲྭའི་བར་ཁྲིམས་ཁང་དུ་ཁ་མཆུ་བརྒྱབ་ཡོད་པ་དང། ཀུ་ཤུ་རྟགས་ཅན་གྱི་ཁེ་དབང་སྒེར་སྤྱོད་ཀྱི་ཐོབ་ཐང་ Patent Rightsདེ་སེམ་སང་གིས་ཆོག་མཆན་མེད་པར་འདྲ་བཤུས་བྱས་པའི་གྱོེད་གཞི་དེ་ཀུ་ཤུ་རྟགས་ ཅན་གྱི་བཟོ་གྲྭར་ཐོབ་འདུག དེ་ཡང་ཟླ་འདིའི་ཚེས་༢༨ ཉིན་ཨ་རིའི་ཁྲིམས་ཁང་ཞིག་ནས་ཀུ་ཤུ་རྟགས་ཅན་གྱི་བཙུགས་པའི་གྱོད་གཞི་ཕལ་ཆེ་བ་ རྒྱུ་མཚན་དཔང་རྟགས་ཡོད་པར་ར་འཕྲོད་བྱུང་རྗེས། སེམ་སང་གིས་ཀུ་ཤུ་རྟགས་ཅན་གྱི་བཟོ་གྲྭར་གུན་གསབ་ཨ་སྒོར་ཐེར་འབུམ་གཅིག་ལྷག་(ཨ་སྒོར། ༡,༠༤༩,༣༤༣,༥༤༠) སྤྲོད་དགོས་པའི་ཁྲིམས་ཐག་བཅད་ཡོད་པ་རེད།
ཀུ་ཤུ་རྟགས་ཅན་ལ་རྒྱལ་ཁ་ཐོབ་རྗེས་ཁྲིམས་ཁང་ནས་སེམ་སང་གི་ལག་ཐོགས་ཁ་པར་ཁྲོམ་ རྭ་ནས་བཀག་འགོག་དགོས་པ་རྣམས་ཀྱི་མཐོ་གཞུང་འབུལ་དགོས་ཞེས་བཀའ་བཏང་བ་བཞིན། ཀུ་ཤུ་རྟགས་ཅན་གྱིས་ཀྱང་སེམ་སང་གྱི་ལག་ཐོགས་ཁ་དཔར་བཟོ་དབྱིབས་རྙིང་པ་ (Old Model) བརྒྱད་ཀྱི་མཐོ་གཞུང་ཕུལ་ཡོད་པ་དང། དེ་དག་བརྒྱད་པོ་སྟེ། ༡༽ Galaxy S 4G, ༢༽ Galaxy S2 AT&T model, ༣༽ Galaxy S2 Skyrocket, ༤༽ Galaxy S2 T-Mobile model, ༥༽ Galaxy S2 Epic 4G, ༦༽ Galaxy S Showcase, ༧༽ Droid Charge and ༨༽ Galaxy Prevail. བཅས་ཡིན་འདུག དེའི་མ་ཚད་ཀུ་ཤུ་རྟགས་ཅན་བཟོ་གྲྭས་སེམ་སང་གི་ཐོན་གསར་ལག་ཐོགས་ཁ་དཔར་(New Model) ཁག་བཅུ་བཞི་ཁྲོམ་རྭ་ནས་བཀག་འགོག་དགོས་པའི་ཞུ་གཏུགས་བྱས་འདུག
གྱོད་གཞི་དེའི་ཐོག ༢༠༡༤ ལོར་ཉན་ཞིབ་བྱ་རྒྱུའི་དུས་ཚོད་གཏན་འབེབས་གནང་འདུག སྤྱིར་ད་ལྟའི་གྱོད་གཞིའི་རྒྱལ་ཁ་དེ་ཀུ་ཤུ་རྟགས་ཅན་བཟོ་གྲྭར་ཐོབ་ཡོད་རུང། སེམ་སང་གི་ངོས་ནས་ཐག་གཅོད་དེར་བསྐྱར་དུ་ཞུ་གཏུགས་ཀྱི་གོ་སྐབས་དགོས་པའི་ འབོད་སྐུལ་ཞུས་པ་བཞིན། ཁྲིམས་ཁང་ནས་རྗེས་མའི་ཟླའམ་ཟླ་བ་༡༢ ཚེས་༦ གང་རུང་ཞིག་ལ་ཉན་ཞིབ་བྱ་རྒྱུའི་བརྡ་ཁྱབ་བཏང་འདུག ཁྲིམས་ཐག་གཅོད་མཁན་གྱི་ཁྲིམས་དཔོན་དེར་གུན་གསབ་དངུལ་ཆད་ལྡབ་སུམ་འགྱུར་སྤར་ རྒྱུ་དང། དེ་མིན་ཀུ་ཤུ་རྟགས་ཅན་གྱི་ཁྲིམས་རྩོད་པའི་གླ་ཕོགས་ཀྱང་སེམ་སང་ནས་འཇལ་ རྒྱུའི་དབང་ཚད་ཡོད་ལུགས་བརྗོད་མཁན་ཡང་འདུག
སྤྱིར་སེམ་སང་དེ་ལྷོ་ཀོ་རི་ཡའི་བཟོ་གྲྭ་འབྱོར་ལྡན་ཆེ་ཤོས་དེ་ཡིན་པ་དང། ལག་ཐོག་ཁ་པར་བཟོ་བསྐྲུན་གཙོས་གཞན་ཚོང་ལས་སྣ་ཚོགས་གཉེར་མཁན་གྱི་རྒྱལ་སྤྱིའི་ བཟོ་གྲྭ་སྐད་གྲགས་ཆེ་བ་ཞིག་ཡིན་པ་རེད། ཀུ་ཤུ་རྟགས་ཅན་ནི་ཨ་རིའི་བཟོ་གྲྭ་ཞིག་ཡིན་པ་དང། ཉེ་བའི་ཆར་ཁོང་ཚོས་ཨ་ཡི་པེཌ་དང། ཨ་ཡི་པོཌ། དེ་བཞིན་ཨ་ཡི་ཧྥོན་སོགས་འཕྲུལ་ཆས་གསར་གཏོད་གཅིག་རྗེས་གཉིས་མཐུད་ཀྱིས་ཁྲོམ་ རྭར་དངོས་ཟོག་རྒྱུག་ཆེན་པོ་ཡིན་པ་རེད། ད་ལྟའི་ཆར་འཛམ་གླིང་ནང་ལག་ཐོགས་ཁ་པར་རྒྱུག་ཆེ་ཤོས་གསུམ་ནི། དང་པོ་སེམ་སང། (Samsung) དང། གཉིས་པ་ནཱོ་ཀི་ཡ། (Nokia) གསུམ་པ་ཀུ་ཤུ་རྟགས་ཅན་ཡིན་པ་རེད།
ཟླཱ་འདིའི་ཚེས་25ཉིན་ཀན་ལྷོ་ཁུལ་དཔའ་རིས་རྫོང་གི་བཟོ་ཚོང་དངུལ་ཁང་ན་ལས་ཀ་བྱེད་བཞིན་པའི་བུད་མེད་འཇམ་དབྱངས་མེ་ཏོག་ཟེར་བ་ཞིག་གིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་འདུག གནས་ཚུལ་འདི་(བེ་ཤིན་)ནང་དུ་བཀོད་འདུག
བདེན་པ་ཡིན་མིན་མི་ཤེས་པས་གསར་བཀོད་པས་རྩལ་གཅོད་གནང་རོགས། ལྟོས་ཚར་རྗེས་བསུབ་རོགས། མཆན་མིན
དེ་རིང་གི་གསར་འགྱུར་འགོ་བརྗོད་ཁག་ཅིག།༢༠༡༢།༠༨།༣༠།
1. ཟླ་བ་འདིའི་ཚེས་༢༥་ཉིན་ཀན་ལྷོ་ཁུལ་དཔའ་རིས་རྗོང་གི་བཟོ་ཚོང་དངུལ་ཁང་ནང་ལས་ཀ་བྱེད་བཞིན་པའི་བོད་རིགས་བུད་མེད་འཇམ་དབྱངས་མེ་ཏོག་ཟེར་བ་ཞིག་ནས་རང་ལུས་མེར་སྲེག་གནང་ཡོད་འདུག
2. བོད་རང་སྐྱོང་ལྗོངས་ནག་ཆུ་ས་ཁུལ་གཉན་རོང་རྫོང་གི་རྟ་རྒྱུགས་དུས་ཆེན་སར་བོད་མི་དང་རྒྱ་ནག་གི་བདེ་འཇགས་དཔུང་དམག་འཁྲུགས་ཟིང་ཤུགས་ཆེན་བྱུང་ཡོད་དང་། དེ་རྗེས་བོད་མི་མང་པོ་ཞིག་འཛིན་བཟུང་བྱས་ཡོད་ཀྱང་དེའི་སྐོར་གྱི་གནས་ཚུལ་ཕྱིར་བསྒྲག་མི་ཡོང་བའི་ཆེད་བཀག་འགོག་བྱས་ཡོད་འདུག
3. ཁམས་ལི་ཐང་དགོན་གྱི་གྲྭ་འཇམ་དབྱངས་བསྟན་འཛིན་ལགས་ས་གནས་རྒྱ་ནག་ཉེན་རྟོག་པས་གློ་བུ་དུ་སླར་ཡང་འཛིན་བཟུང་བྱས་ཡོད་པའི་གནས་ཚུལ་ཐོན་འདུག
4. སླར་ཡང་ཚེས་༢༩་ཉིན་བལ་ཡུལ་ནས་བོད་ལ་ཕྱིར་ལོག་བྱེད་མཁན་བོད་མི་མི་གྲངས་༡༡་བལ་བོད་ས་མཚམས་འགྲམ་བརྒྱུད་ཕྱིར་བལ་ཡུལ་ལ་ཕྱིར་ཕུད་བྱས་ཡོད་འདུག
5. འཇར་མན་གྱི་དབུ་ཁྲིད་ལྕམ་མར་ཀེལ་མཆོག་རྒྱ་ནག་གི་དཔོན་རིགས་རྣམ་དང་མཇལ་འཕྲད་གནང་བའི་སྐབས་བོད་དང་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནད་དོན་ཐོག་བཀའ་མོལ་གནང་འཆར་ཡོད་འདུག
6. ཨ་རིའི་Connecticut གཙུག་ལག་སློབ་གཉེར་ཁང་ནང་གོང་ས་མཆོག་ཆིབས་བསྒྱུར་གནང་འཆར་གྱི་མཛད་རིམ་དང་བསྟུན་ནས་ལག་རྩལ་གྱི་འགྲེམ་སྟོན་ཞིག་གོ་སྒྲིག་ཞུས་ཡོད་འདུག
7. ཐའེ་ཝན་གྱི་ཕྱོགས་འགལ་ཚོགས་པས་རྒྱ་རིགས་དོན་གཉེར་བ་Chen Guangcheng ཐའེ་ཝན་ནང་མགྲོན་འབོད་བྱ་རྩིས་ཡོད་པའི་གནས་ཚུལ་ཐོན་འདུག༎
8. འདི་ལོ་ཕྱི་ཟླ་བཞི་པའི་ནང་ རྒྱ་ནག་བྱང་ཤར་Liaoning ཞིང་ཆེན་གྱི་Fengcheng གྲོང་ཁྱེར་དམར་ཤོག་ཚོགས་པའི་འགོ་ཁྲིད་Wang Guoqiang རྒྱ་སྒོར་ས་ཡ་ཉིས་བརྒྱའམ་ཌོར་ལར་ས་ཡ་༣༢ཙམ་འཁྱེར་ནས་བྲོས་བྱོལ་བྱས་ཡོད་ལུགས་གཞུང་འབྲེལ་རྒྱ་ནག་མི་མང་ཉིན་རེའི་གསར་ཤོག་གིས་གནས་ཚུལ་སྤེལ་ཡོད་འདུག།
9. ཐའེ་ཝན་གྱི་མཚོ་དམག་གིས་རྒྱ་ནག་ལྷོ་ཕྱོགས་རྒྱ་མཚོའི་ཁུལ་རྩོད་རྙོག་ཅན་གྱི་མཚོ་གླིང་ནང་ཤེས་ཡོན་ཅན་གྱི་མི་སྣ་ཁག་ཅིག་ལྟ་སྐོར་དུ་འཁྲིད་ཡོད་འདུག༎
10. སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ རྒྱ་ནག་གཞུང་གིས་བོད་ཐོག་འཛིན་པའི་སྲིད་བྱུས་ལ་འགྱུར་བ་འགྲོ་གི་ཡོད་པའི་རྣམ་པ་ཡོད་སྐོར་གསུངས་གནང་འདུག༎
11. Mitt Romney ལགས་ཨ་མེ་རི་ཀའི་སྤྱི་མཐུན་ཚོཌ་པའི་སྲིད་འཛིན་འོས་མིར་གཞུང་འབྲེལ་སྒོ་ནས་འདེམས་ཐོན་བྱུང་བའི་ཉིན་གཅིག་གི་རྗེས་སུ་རྒྱ་ནག་གཞུང་འབྲེལ་གྱི་གསར་འགྱུར་བརྒྱུད་ལམ་ཁག་གིས་ཁོང་ལ་སྐྱོན་བརྗོད་ཞུས་འདུག
12. ཨ་མེ་རི་ཀའི་ཕྱི་སྲིད་དྲུང་ཆེ་ལྕམ་Hillary Clinton མཆོག་ལྷོ་རྒྱ་མཚོའི་ཁུལ་དུ་རྒྱ་ནག་གིས་རང་གི་གནོན་ཤུཌ་ཆེ་ཇེར་གཏོང་བཞིན་པར་ཁ་གཏད་གཅོག་ཕྱིར་ཕྱི་ཚེས་༣༡་ཉིན་ཨ་རིའི་གཞུང་འཛིན་སྐུ་ཚབ་འཐུས་མི་ཁག་གཅིག་སྣེ་འཁྲིད་གནང་སྟེ་Cook གླིང་ཕྲན་ནང་ཚོཌ་རྒྱུའི་Pacific Islands Forum འམ་ཞི་བདེ་རྒྱ་མཚོའི་གླིང་ཕྲན་ཁག་གི་ཚོཌ་འདུར་ཕེབས་འཆར་ཡོད་འདུག
13. ཉེ་དུས་ཨིན་ཇིའི་རྒྱལ་ས་ལོན་གྲོན་ནང་རྒྱལ་སྤྱིའི་ཨོ་ལམ་པིག་རྩེད་འགྲན་སྐབས་སུ་དངུལ་དང་ལི་ཡི་རྟགས་མ་ཐོབ་པ་རྒྱ་གར་གྱི་རྩེད་འགྲན་Vijay Kumar དང་Yogeshwar Dutt གཉིས་ལ་ཁ་ས་རྒྱ་གར་གྱི་རྩེད་འགྲན་པའི་བྱ་དགའ་མཐོ་ཤོས་དེ་གནང་འདུག
14. རྒྱ་ནག་གི་རྒྱལ་ས་བེ་ཅིང་ནས་ཕུར་བསྐྱོད་ཀྱིས་ཨ་མེ་རི་ཀའི་གྲོང་ཁྱེར་ནེའུ་ཡོག་ལ་ཡོང་མཁན་Air China ཞེས་པའི་གནམ་གྲུ་དེར་ཉེན་བརྡ་ཞིག་འབྱོར་བའི་རྐྱེན་གྱིས་ཁ་ས་ཕྱིར་ལོག་མ་བྱེད་དཀའ་མེད་ཐུབ་འདུག
15. རྒྱ་ནག་དང་རྒྱ་གར་གཉིས་ཀྱི་དཔལ་འབྱོར་ཐད་མཉམ་ལས་བྱེད་རྒྱུ་ཕྱོགས་ཀྱི་ཚོགས་འདུ་ཐེངས་དགུ་པ་རྒྱ་གར་དུ་འཚོགས་སྐབས་རྒྱ་ནག་གིས་རྒྱ་གར་ནས་ནང་འདྲེན་ཚོང་འབོར་ཆེ་རུ་གཏང་གི་ཡིན་བརྗོད་ཡོད།
16. ཟླ་འདིའི་ཚེས་༢༩ ཉིན་རྒྱ་གར་ལྷོ་ཕྱོགས་མོན་གྷོ་ས་གནས་སུ་རྟེན་གཞི་བྱས་ཡོད་པའི་དགའ་ལྡན་བྱང་རྩེ་གྲྭ་ཚང་གི་མཁན་པོ་གསར་པ་བློ་བཟང་ཆོས་ཉིད་མཁན་ཁྲིར་མངའ་གསོལ་གྱི་ཁྲི་སྟོན་མཛད་སྒོ་གནང་འདུག
17. ཨ་རི་གཞུང་གིས་འགྲེམས་སྤེལ་བྱས་པའི་forbes དུས་དེབ་ཀྱི་ནང་ཕྱི་ལོ་༢༠༡༢ ལོའི་འཛམ་གླིང་གི་བུད་མེད་དབང་སྟོབས་ཆེ་ཤོས་བརྒྱ་བདམ་ཡོད་པ་ནས། དང་པོ། ཇར་མ་ནིའི་སྲིེད་བློན་ཨེན་ཇི་ལ་མར་ཁལ། གཉིས་པ། ཨ་རི་ཕྱི་སྲིད་དྲུང་ཆེ་ལྕམ་ཁི་ལི་ཊོན། གསུམ་པ། ལྷོ་ཨ་རི་ཀ་བྷ་རེ་ཛིལ་གྱི་སྲིད་འཛིན་ལྕམ་རྡིལ་མ་རོ་ཟ་ཡིན་འདུག
18. ལྷ་ས་གྲོང་ཁྱེར་གྱིས་ནུས་ཤུགས་ཡོད་རྒུས་དྲག་ཆས་ཉེན་རྟོག་གསེར་གཏེར་བཀོད་འདོམས་པུའི་ཡན་ལག་རུ་ཁག ༡༡ པ་ལྷ་སར་བཅའ་སྡོད་དང་གཏེར་འདོན་བྱེད་པ་མ་ཟད། འབྲེལ་ཡོད་ལས་དོན་གཞན་དག་སྤེལ་རྒྱུར་རྒྱབ་སྐྱོར་དང་གཞོགས་འདེགས་ཀྱང་བྱ་རྒྱུ་ཡིན་ཟེར།
19. ཉེ་ཆར་བོད་མི་མང་སྤྱི་འཐུས་ཚོགས་གཙོ་གཙོས་སྤྱི་འཐུས་ཁག་གཅིག་ལྡི་ལིར་ཡོད་པའི་ཕྱིའི་གཞུང་ཚབ་ཁག་ལ་ཆེད་བཅར་གྱིས་བོད་ནང་གི་གནས་སྟངས་ཞུ་གཏུག་བྱས་ཤིང༌། ལྡི་ལི་རྒྱ་ནག་གཞུང་ཚབ་ཁང་གིས་རྒྱལ་ཁབ་གཞན་པའི་གཞུང་ཚབ་ཁང་ལ་ཆེད་བཅར་གིས་སྤྱི་འཐུས་ཚོགས་གཙོ་དང་ཐུག་འཕྲད་བྱེད་མི་ཉན་པའི་ཉེན་བརྡ་བཏང་ཡོད་ཀྱང་དོན་འབྲས་བྱུང་མེད་པ་ཡིན་འདུག
20. དེ་རིང་ཀརྨ་པ་མཆོག་མཁའ་ལམ་བརྒྱུད་རྡེ་ར་ལྡུན་ལ་ཕེབས་སྐབས་གནམ་ཐང་ནས་བོད་མི་གཙོས་དད་ལྡན་མི་མང་ཚོས་ཕེབས་བསུ་གཟབ་རྒྱས་ཞུས་ཡོད་འདུག
21. གོང་ས་ཏཱ་ལའི་བླ་མ་མཆོག་ལ་Reuters གསར་ཁང་གིས་གཟའ་ལྷག་པའི་ཉིན་བོད་ཀྱི་གནད་དོན་ཐད་བཀའ་འདྲི་ཁག་ཅིག་ཞུས་འདུག་པར། བོད་ཀྱི་གནད་དོན་ཐད་རྒྱ་ནག་ནང་བསམ་ཤེས་བྱེད་ཕྱོགས་ཐད་སེམས་སྐུལ་ཐེབས་རྒྱུའི་འགྱུར་བ་འགྲོ་གི་ཡོད་པའི་རྟགས་མཚན་འདུག་ཅེས་བཀའ་ལན་ཕེབས་ཡོད་འདུག
22. བོད་ཁམས་ཡུལ་ཤུལ་ཁུལ་ཁྲི་འདུ་རྫོང་རྫ་སྟོད་ཤང་གི་བོད་མི་ཚོས་ལྷག་དཀར་ཉིན། གོང་ས་རྒྱལ་བ་རིན་པོ་ཆེ་མཆོག་གི་སྐུ་ཚེའི་ཚེ་སྒྲུབ་དང་། བོད་དོན་བདེན་མཐའ་མྱུར་དུ་གསལ་བར་དམིགས་ནས། རྒྱ་སྒོར་ཁྲི་བརྒྱ་ལྷག་གིས་རྒྱ་མིའི་བཤས་ར་ནས་ལུག་འབོར་ཆེན་ཞིག་སྲོག་བླུ་གིས་ཚེ་ཐར་བཏང་ཡོད་འདུག
23. རྒྱ་ནག་གཞུང་གིས་སྐབས་བཅོ་བརྒྱད་པའི་དཔོན་པོ་གསར་པའི་ལས་གནས་གོ་སྒྲིག་སྐབས་ད་ལྟའི་ཀྲུང་ཡོང་ཁང་གི་ལས་གནས་བདེ་འཇགས་དང་ཁྲིམས་འཛིན་ལྷན་ཚོགས་ཀྱི་དབང་ཆ་ཆུང་དུ་གཏོང་རྒྱུ་ཡིན་པའི་གནས་ཚུལ་ཐོན་འདུག