ཐུགས་ཕམ་འབྱུང་གཞི་འདི་རིགས་སྐུ་ཕྱྭ་དང་འབྲེལ་བ་ཡོད།

T.c.v སློབ་གྲྭར་བཀའ་སློབ་གནང་སྐབས་དགའ་ལྡན་ཕོ་བྲང་གི་གཞུང་དེ་བླ་བྲང་ངམ་ཚོགས་པ་ཞིག་གི་གཞུང་ལས་ཆོལ་ཁ་དབྱེར་མེད་དང་ཆོས་ལུགས་རིས་མེད་ཀྱི་གཞུང་ཞིག་ཆགས་ཡོད་མ་རེད། བྱས་ཙང་ངས་འགྱུར་བ་བཏང་གི་ཡོད་འདྲ་བོ་གསུངས་འདུག། འགྱུར་བ་བཏང་ཚར་དུས་བློ་ཐག་མི་ཆོད་བ་ག་རེ་རེད།

དྲ་གྲོགས་གངས་ཆབ་ལགས་ལ་བདེན་པ་རེད། ངས་དེ་དག་མཇལ་མ་སོང་ཞུ་རྒྱུ་ཡིན།
ངའི་མཆན་འདི་འབྱུང་དོན་ནི་ད་ལན་གྱི་བཀའ་ཤག་གི་བསྒྲགས་གཏམ་འདི་མི་རབས་གསར་བ་རིག་པ་དྭངས་མོར་རློམ་པའི་བཀའ་ཤག་ཅིག་གི་ཚིག་བརྗོད་དང་མ་རན་པའི་བརྗོད་སྟངས་མང་པོ་ཞིག་འདུག་པ་བློར་མ་བབ་ནས་རྒྱུན་དུ་ཡོད་པའི་བསམ་ཚུལ་རྣམས་ད་ལན་གང་བྱུང་ཐལ་བ་རེད། ཀླད་པ་རྙིང་པའི་ཚིག་བརྗོད་འདི་དག་བཀའ་ཤག་གསར་བའི་ཟིན་བྲིས་བཏབ་ནས་འོས་མཆན་བཏབ་ནས་སྤེལ་བ་ཡིན་སྙམ་གྱིན་འདུག

དྲང་བདེན་གྱི་བསམ་ཚུལ་ཞིག་ཡིན།
རང་བཞིན་འོད་གསལ་དབྱིངས་ལ་དབྱེར་མེད་ཀྱང་།།
རབ་འབྱམས་མཁྱེན་བརྩེ་ནུས་པའི་རྒྱུས་འཔྲུས་ལས།།
རིགས་གསུམ་མིའི་གར་དུ་ཟློས་པའི་དཔལ༎
པད་དཀར་འཆང་བ་ཁྱོད་ཉིད་ལན་བརྒྱར་མཆོད༎
ཕུགས་ཀྱི་དམིགས་ཡུལ་མེད་པ། འགྲོ་ཕྱོགས་འཆར་གཞི་མེད་པ།
ལངས་ཕྱོགས་ལ་ཡིད་གཏན་མེད་པ།
འགན་ཁུར་གྱི་བསམ་བློ་མེད་པ།
རང་བཙན་སྟོང་སྐད་སྒྲོགས་པ་ལས།
རང་བཙན་སྒྲུབ་བྱེད་ལས་འགུལ་མེད་པ།
རང་སྣང་གང་དྲན་གྱི་བབ་ཅོལ་གྱི་གཏམ་འཆལ་སྨྲ་ལ་མཁས་པ་འཇམ་དབྱངས་ནོར་བུ་དང་། ལྷག་བསམ་ཚེ་རིང་། བསྟན་འཛིན་བརྩོན་འགྲུས་གསུམ་གཙོ་པའི་དེ་དག་གི་རྗེས་འབྲངབསམ་མེད་རེ་ཟུང་ནས་།བོད་མིའི་སྒྲིག་འཛུགས་ཀྱི་ལངས་
ཕྱོགས་དང་ལས་འགུལ་ཁག་ལ་དོན་མེད་དང་གཞི་མེད་ཁ་གཏོང་བ་དང་། བོད་མིའི་སྒྲིག་འཛུགས་ལ་ཡིད་ཆས་མེད་ཚུལ་དང་བོད་མིའི་སྒྲིག་འཛུགས་ལ་དམིགས་ཡུལ་མེད་ཚུལ། བོད་མིའི་སྒྲིག་འཛུགས་ལ་འཇོན་ཐང་མེད་ཚུལ་སོགས་ཟུར་ཟ་
དང་སྟོང་
བཤད་རྐྱང་རྐྱང་བྱས་ནས་མི་མང་པོ་མགོ་བསྐོར་ཐབས་བྱེད་པ་ནི་༸་གོང་ས་མཆོག་ཐུགས་ཕམ་དགོས་པའི་བཀའ་སློབ་གནང་
དགོས་པའི་རྒྱུ་མཚན་གཅིག་རེད།
གཞོན་ནུ་ཚོགས་པ་ནི་མི་དེ་དག་གིས་འཛུབ་མོ་གང་བཙུགས་ཤར་རེད་ཅེས་མི་དེ་དག་གི་རྗེས་རྒྱུག་གིས་མི་དེ་དག་ལ་སྟོང་བཤད་
དང་དཀྲུག་གཏམ་སྤེལ་བའི་གོ་སྒྲིག་ཞུས་པ་ནི་༸་གོས་ས་མཆོག་གིས་ཐུགས་ཕམ་དགོས་པའི་བཀའ་སློབ་གནང་དགོས་རྒྱུ་རྐྱེན་
གཅིག་རེད།

བཀའ་ཤག་རེ་རེའི་དུས་ལ་ཁ་བྲལ་རེ་བཏང་གི་རེད་སྐབས་འདིར་གཞོན་ནུ་ལྷན་ཚོགས་དུས་ལ་བབས་འདུག

མིང་བསྒྱུར་བ་དེ་རང་གིས་༧ཁོང་ལ་ཐུགས་ཕམ་འབྱུང་གཞི་ལ་གྱུར་བ་རེད། དེ་ནི་ཁོང་རང་གི་ཞལ་ནས་མིང་བསྒྱུར་བའི་སྐབས་དེ་ཤེད་ལ་”མིང་བསྒྱུར་བ་འདི་ལ་ཐབས་ཤེས་གཞན་པ་འདྲ་མི་གམ” ཞེས་གསུང་དངོས་སུ་ཤོར་བ་དེས་རྟོགས་ཐུབ་པ་ཞིག་རེད། ད་ལྟའི་གསལ་བསྒྲགས་འདི་སྤེལ་དགོས་པ་ཡང་མིང་བསྒྱུར་བ་ལ་བརྟེན་ནས་བྱུང་བ་རེད། སྔར་ཡིན་ན་བོད་མིའི་སྒྲིག་འཛུགས་འདི་ལ་རང་གཞུང་ཟེར་ནས་བློ་ཕུག་དྲོན་པོ་འཆང་ས་ཞིག་རང་བཞིན་གྱིས་ཡོང་གི་ཡོད་ཀྱང་། ད་ནི་འདི་ལ་རང་གཞུང་ཞེས་འབོད་པར་ཡང་དོགས་སྣང་སྐྱེ་དགོས་པ་ཞིག་ཏུ་བཟོས་སོང་། ཡིན་ན་ཡང་ངས་འདི་ལ་རང་གཞུང་ཞེས་འབོད་རྒྱུ་ཡིན། མུ་མཐུད་ནས་ཨུ་ཚུགས་ཀྱིས་འབོད་རྒྱུ་ཡིན། དེ་མ་གཏོགས་ལམ་ཁ་མེད་པ་རེད། འདི་ལྟར་ཡང་ཡང་གསལ་ཁ་འབྱེད་ཀྱིན་འདུག་དགོས་པ་ཞིག་ཆགས་པ་རེད། དངོས་ཡོད་ཀྱི་ཤུགས་ལས་གཙོ་བོ་ལས་དག་སྣང་གི་ཤུགས་གཙོ་བོ་བྱེད་དགོས་པ་ཞིག་གྱུར་ཡོད། ལར་ནས་རང་རེ་སེམས་གཙོ་སྨྲ་བ་ལ་དགའ་བ་མ་རེད་དམ། ཧ་ཧ་ཧ་
ངས་སྔོན་ནས་བཤད་པ་བཞིན་བོད་མིའི་སྒྲིག་འཛུགས་འདི་ལ་བོད་གཞུང་ཞེས་འབོད་སྐབས་སྐབས་འཚོལ་བ་རེ་ཟུང་དང་། ལྷག་པར་རྒྱའི་རྒྱུག་ཁྱི་དག་གིས་རང་ཅག་ལ་ཚིག་འཕྲི་འདི་ཁ་ལ་ཁྱེར་ནས་དགག་པ་རྒྱག་ཧ་ཅང་བདེ་བ་ཞིག་ཆགས་པ་རེད་ཅེས་བཤད་མྱོང་ལ། ད་ལྟ་དེ་ལྟར་འབྱུང་བཞིན་ཡང་འདུག ཁོ་ཚོའི་ཁ་ལ་ཚིག་སྤྲད་པ་རེད། ད་ལན་གོ་སྐབས་འདི་ལ་བསྟུན་ནས་བོད་མིའི་སྒྲིག་འཛུགས་འདིའི་བོད་མིའི་ཁྲིམས་མཐུན་སྒྲིག་འཛུགས་ཀྱི་གོ་གནས་འཕྲོག་ཐབས་བྱེད་མཁན་གྱི་རྒྱའི་རྒྱུག་དག་ལ་གཏམ་འདི་སྒྲོག་རྒྱུ་ཡིན། ཅི་སྟེ་ཁྱེད་ཅག་གིས་བོད་མིའི་སྒྲིག་འཛུགས་འདི་བོད་གཞེས་བྱེས་གཉིས་ཀྱི་གཞུང་ལ་ངོས་འཛིན་བྱེད་ཀྱིན་མེད་ཀྱང་། ཁྱེད་ཅག་ལ་དགོས་པ་ཞིག་ཡོད་རྒྱུ་རེད། ང་རང་ཉིད་ཀྱིས་དེ་ལྟར་བྱེད་རྒྱུ་ཡིན་པས་གང་ཟག་སྒེར་གྱི་བསམ་ཚུལ་ལ་བཀག་འགོག་མ་བྱེད་རོགས། དེ་ལྟར་བྱེད་ཆོག་པའི་རྒྱུ་མཚན་ནི་བཀའ་ཤག་གི་གསལ་བསྒྲགས་རང་གི་ནང་དུ་“ དེ་མིན་རྒྱ་ནག་གི་བརྒྱུད་ལམ་ཁག་གིས་མུ་མཐུད་༸གོང་ས་མཆོག་དང་བཀའ་ཤག་ལ་ཁུངས་མེད་སྐྱོན་བརྗོད་བྱེད་སྟངས་དེས་ཀྱང་སྔོན་མའི་གཞུང་རྒྱུན་མཐུད་ཡོད་པའི་ར་སྤྲོད་གསལ་པོར་བསྟན་ཡོད་” ཞེས་གསལ་ཡོད་པས་བོད་མིའི་སྒྲིག་འཛུགས་འདི་སྒྲིག་འཛུགས་ཕལ་བ་ཞིག་མིན་པར་བོད་མ་ས་ཡ་དྲུག་གི་ངོ་ཚབ་མཚོན་པའི་ཁྲིམས་མཐུན་གྱི་སྒྲིག་འཛུགས་དེ་ཡིན་པའི་ངོས་འཛིན་གནང་བཞིན་འདུག་པ་འདི་རེད།
མཐར་བློ་ཕམ་དང་བསྒྲགས་ནས་ཞུ་རྒྱུ་ཞིག་ནི་ད་ལན་བཀའ་ཤག་གི་བསྒྲགས་པའི་བསྒྲགས་གཏམ་འདིའི་ནང་དུ་མི་རབས་གསར་བའི་ངང་ཚུལ་མི་མཚོན་པའི་ཚིག་རེ་ཟུང་འདུག་པ་དཔེར་ན་ “ ་་་༸གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་ལ་ཐུཊ་ཕམ་འབྱུང་གཞིའི་གནད་དོན་འདི་རིཊ་ནི། ༸རྒྱལ་བའི་སྐུ་ཕྱྭ་དང་ཐད་ཀར་འབྲེལ་བ་ཡོད་སྟབས་་་” ཞེས་དང་། ལྷག་པར་དུ་”བོད་རྒྱལ་ཁབ་དང་མི་རིཊ་ལ་བཀའ་དྲིན་བྱམས་སྐྱོང་མཛད་པའི་སྐུ་དྲིན་ལ་བསམ་ཤེས་མེད་པར། ཚོཊ་པ་དང་མི་སྒེར་རེ་ཟུང་གིས་ཡི་མ་རངས་པར་དྲིན་ལན་ལོག་འཇལ་གྱིས་སྤྱི་ཚོཊ་ནང་ཁུངས་མེད་སྐད་ཅོར་རྒྱག་བཞིན་པ་དེ་ཧ་ཅང་ཐབས་སྡུག་གི་བྱ་སྤྱོད་ཅིག་ཡིན།་་་” ཞེས་དང་། “་་་མགོན་པོ་གང་ཉིད་མཆོག་ཐུགས་ཕམ་ཡོང་གཞིའི་ལས་དོན་འདིའི་རིཊ་རྩ་བ་ནས་མི་ཡོང་བར་བྱས་ན།་་” ཞེས་དང་ “་་ཚོཊ་པ་དང་མི་སྒེར་རེ་ཟུང་གིས་རྗེས་སུ་མ་འབྲང་པར་ཐུཊ་ཕམ་ཡོང་གཞིའི་རིཊ་རྩ་བ་ནས་མི་ཡོང་བ་ཞུ་རྒྱུ།” ཞེས་སོགས་ཀླད་པ་རྙིང་པའི་བརྗོད་ཚིག་མང་པོ་ཞིག་སྤེལ་འདུག་པ་དང་། དེ་ལས་ཀྱང་མཚར་བ་ཞིག་ནི་ “འབྱུང་འགྱུར་རྒྱ་ཆེའི་མང་ཚོཊ་ཀྱིས་རང་ཉིད་ཀྱི་ལྟ་གྲུབ་དང་ལངས་ཕྱོཊ་བརྟན་པོ་བཟུང་སྟེ།” ཟེར་སྟངས་འདི་ནི་དམར་ཤོག་གི་སྐད་ཆ་ལུང་དྲངས་བ་མིན་ནམ་སྙམ་པ་སྐྱེས། གཞུང་དང་ལྟ་གྲུབ་ཐ་དད་འཛིན་པ་ལ་འདི་ལྟར་བརྙེས་ཚིག་གིས་སྨྲ་བ་ནི་སུའི་ལུགས་སྲོལ་ཡིན་པ་མཁྱེན་གསལ་རེད།
གཞན་ཡང་བསྒྲགས་གཏམ་འདིའི་ནང་དུ་ “སྒྲིག་འཛུགས་འདི་མིང་ལ་བོད་གཞུང་ཞེས་མ་བོས་ཀྱང་དོན་གྱིས་བོད་གཞེས་བྱེས་གཉིས་ཀྱི་ཁྲིམས་མཐུན་གྱི་གཞུང་ངོ་མ་དེ་ཡིན།” ཞེས་བསྒྲགས་གཏམ་ནན་པོ་ཞིག་ཀྱང་གནང་ཐུབ་མི་འདུག ཐབས་སྐྱོ་བོ་ཞིག་མཐོང་སོང་། ད་ནི་མིང་མི་གཙོ་དོན་གཙོ་ཞེས་པ་འདི་ལ་གནད་དུ་སྣུན་པའི་སྐབས་ཡིན་པས་དུས་ནས་དུས་སུ་འདི་འདྲ་རེ་ངེས་པར་དུ་སྒྲོག་དགོས་ཀྱང་དེ་ལྟར་མི་འདུག འོ་ན་བཀའ་ཤག་གི་བསྒྲགས་གཏམ་འདིས་དེ་ལྟར་མིན་པའི་རྣམ་པ་ཤུགས་ལ་སྟོན་གྱི་ནི་ཡོད་མདོག་ཁ་བོ་མ་རེད། དེ་ལྟར་མ་བསྒྲགས་པ་དེས་ཕ་རོལ་བོས་དེ་འདྲ་ཞིག་ཤུགས་ལ་གོ་བ་མི་ལེན་པའི་ངེས་པ་མི་འདུག

ངས་ད་བར་གཞོན་ནུ་དང་རང་བཙན་ལ་རྒྱབ་སྐྱོར་བྱེད་པའི་ཁུལ་ཡིན། ད་གཞོན་ནུ་ཚོགས་པ་འདི་བོད་དོན་བདེན་མཐའ་གསལ་བར་བཀག་རྡོ་ཞིག་ཡིན་ས་རེད། ༧གོང་ས་མཆོག་གི་བཀའ་སློབ་དེ་མ་ཐོས་ན་རང་བཙན་གྱི་ལམ་དུ་བླུན་འགན་གཡམ་རྒྱུག་བྱེད་ངེས་ཡིན། སྔོན་དུ་རང་བཙན་ལྟ་བས་དབུ་ལམ་ལ་ཕན་ཐོགས་ན་མ་གཏོགས་གནོད་གི་ཡོད་པ་ཞིག་མ་མཐོང་། ཡིན་ནའང་ད་དུང་རང་བཙན་གྱི་ལྟ་བ་དེ་དོར་ཐུབ་ཁག་པོ་འདུག་ཀྱང་ག་ལེར་དོར་བར་ཚོད་ལྟ་བྱེད་ཀྱིན་ཡོད། རང་བཙན་གྱི་ཉེས་དམིགས་སྒོམ། དབུ་ལམ་གྱི་ཕན་ཡོན་དྲན།  ད་རང་བཙན་དོར། གཞོན་ནུ་སྒོ་རྒྱོབ། ང་ཚོ་ཚང་མ་ཆིག་སྒྲིལ་བྱེད། དབུ་མའི་ལམ་དུ་ཤར་སྐྱོད་བྱོས། ༧ གོང་ས་མཆོག་གི་བཀའ་ལ་བརྩིས།

༧དཔལ་ལྡན་བཀའ་ཤག་གི་འདི་འདྲའི་ཐུགས་ཐག་ཆོད་པོའི་གནང་སྟངས་ལ་བརྩི་བཀུར་དང་རྒྱབ་སྐྱོར་ཡོད། སྤྱིར་བོད་གཞུང་མེད་པ་བཟོས་ཚུལ་གྱི་བཤད་ཡམས་འདིས་དེ་སྔ་ལྷུན་རྩེ་རྫོང་ནས་གཞུང་གསར་པ་བཙུགས་པ་དེ་དང། དེ་བཞིན་༧རྒྱལ་བ་རིན་པོ་ཆེས་དབུ་ཁྲིད་པའི་དགའ་ལྡན་ཕོ་བྲང་གཞུང་གི་རྒྱུན་ཁྲིམས་མཐུན་དུ་ཡོད་མེད་ལ་དཀྲོགས་གཏམ་སྤེལ་བ་དང། བཤད་སྟངས་རེ་འགར་སྒྲིག་འཛུགས་ཤིག་ཆགས་པ་ཡིན་དུས་བློ་རྩེ་གཏོད་ས་མི་འདུག་པས་ཧ་ལམ་མ་སོང་ན་གཞུང་གསར་པ་ཞིག་འཛུགས་དགོས་མདོག་མདོག་གི་རྣམ་འགྱུར་སྟོན་པ་དེ་རེད། དེ་ནི་ཚད་ལས་བརྒལ་བའི་བསམ་སྤྱོད་ཡིན་པ་བཀའ་ཤག་གི་གསུང་འཕྲིན་འདིར་ཚོར་བ་ཙམ་མིན་པར་གསལ་འགྲེལ་གནང་འདུག ཡང་ཕྱོགས་གཞན་ཞིག་ནས་བོད་ཀྱི་བདེན་དོན་རྒྱ་ནག་གཞུང་དང་མཉམ་རྩོད་རྒྱུ་ལས་༧གོང་ས་མཆོག་དང་དབུས་སྒྲིག་འཛུགས་ལ་རྩོད་སྡོད་མཁན་དག་གིས། མཚན་བྱང་བརྗེ་བསྒྱུར་གྱི་གནས་བབ་འདིའང་དབུ་མའི་ལམ་གྱི་སྲིད་བྱུས་ལ་བརྟེན་ནས་བྱུང་བ་ཡིན་པར་ཁག་འདོགས་བསྙོན་དཀྲི་བྱེད་པ་ནི་རིག་པ་ཙམ་པོ་བ་ཞིག་ཡིན་ན་ཐང་མོད། བོད་རྒྱ་ཆེའི་མི་མང་ལྐུགས་པར་བརྩི་ཡི་ཡོད་མོད། བྱ་ཐབས་རྣམ་འགྱུར་ཐབས་ཆག་འདི་འདྲར་ཟླ་གཅིག་གི་ཚེ་ཡང་མེད་པ་ད་ནི་གསལ་བོ་ཆགས་སོང་བ་རེད། དེས་ན་རྩ་ཁྲིམས་གསར་དུ་བཟོ་འདོད་མདོག་མདོག མང་གཙོའི་ལམ་ལུགས་ཡང་དག་པ་དགོས་ཚུལ་མདོག་མདོག རྒྱལ་ཡོངས་ཚོགས་པ་གསར་དུ་འཛུགས་རྒྱུ་མདོག་མདོག་བྱེད་པ་སོགས་ནི་མི་ཤི་ཁའི་བུམ་ཆུར་མ་གྱུར་ན་བཟང་མོད། བོད་རྒྱ་ཆེའི་མི་མང་གི་བསམ་འདུན་ལ་མཐོང་ཆུང་བྱེད་པའི་ཚོར་བ་ཁ་གང་གིས་བོད་ཀྱི་བདེན་དོན་འཐབ་རྩོད་བྱེད་ཐུབ་བམ། གཏན་ནས་ཐུབ་ཀི་མ་རེད།

ད་གཞོན་ནུའི་བྱས་རྗེས་དེ་ག་རང་ཡིན་རྒྱུ་རེད། ད་ནས་བཟུང་གཞོན་ནུ་ལ་སྐྱོར་མེད་དོ།

བཀའ་ཤག་གིས་་ད་རིང་གི་གསར་བསྒྲགས་འདི་དུས་ཐོག་ཆར་པ་རང་རེད་འདུག
བོད་ཀྱི་གཞོན་ནུ་ཚོགས་པ་དང་མི་སྒེར་འཇམ་ནོར་དང་། ད་དུང་གཞོན་ནུ་ཚོགས་གཙོ་ཚེ་དབང་རིང་འཛིན་ལ་སོགས་པའི་ངེས་པར་དུ་༸གོང་ས་མཆོག་་གི་དྲུང་དུ་དགོངས་སིང་ཞུ་དགོས།

མི་མངས་ནི་གང་ཞིག་གིས་ཁྲིད་དེ་རུ་འགྲོ་ངེས་རེད། རྒྱུ་མཚན་ཆབ་སྲིད་ཀྱི་ཤེས་རྟོགས་ཅུང་ཟད་ཅིང་མེད་པས་ཡིན། གཙོ་བོ་བོད་མའི་སྒྲིག་འཛུག་ངོས་ནས་ཁ་གསལ་གོ་བདེ་བའི་ཆབ་སྲིད་ཀྱི་སློབ་སྟོན་དུས་ཐོག་ཏུ་མནར་འགྱང་མེད་པར་སླེལ་རྒྱུ་གལ་ཆེན་རེད།

ད་ངོ་མ་སེམས་པ་སྐྱོ་དགོས་ཡ་རེད། སྐུ་མདུན་ཐུགས་ཕམ་བྱུང་ཡོད་འདུག སྔ་ས་ནས་འགྲེལ་བཤད་གསལ་པོ་རྒྱབ་མཁན་མི་འདུག སྐུ་མདུན་ཐུགས་ཕམ་བྱུང་ཚར་ནས་གསར་སྒྲོགས་འདི་ཅུང་རྗེས་ལུས་ཐེབས་པ་རེད། ཡིན་ནའང་ད་རེས་བཀའ་ཤག་གིས་གསལ་བཤད་གནང་བར་ཡག་པོ་བྱུང་། ད་ནི་སྨྲ་བ་ཉུང་དུ་གཏོང་ངེས་ཡིན། འདི་ཕྱི་གཉིས་ཀ་ཆུ་ལ་གཡུག་ཉེན་འདུག བསམ་ཚུལ་ག་རེ་ཡིན་ན་ལོས་བཤད། འོན་ཅང༧ གོང་ས་རྒྱ་བ་རིན་པོ་ཆེའི་བཀའ་དང་མ་འགལ་བ་གནང་གལ་ཆེའོ།།

ཐུགས་རྗེ་གཟིགས། ཚོགས་པ་དང་མི་སྒེར་སུ་དང་གང་གིས་དེ་འདྲ་བཤད་པ་ཡིན་ན་དེ་དག་གསལ་འདོན་གནང་རོགས། བློ་ཕམ་དཀྲོགས་གཏམ་འདི་ང་རང་གི་ད་བར་དུ་གོ་མ་སོང་། ངེས་བར་དུ་དེ་དག་སྤྱི་ཚོགས་ནང་གསལ་འདོན་གནང་རོགས། དེ་ནས་ང་ཚོ་ཚང་མས་ཀྱང་དེ་དག་གི་སྔ་གཞུགས་རྒྱབ་མདུན་དུ་སུ་ཡོད་བརྩད་གཅོད་བྱས་ཆོག་གི་རེད།

ཚོགས་པ་ཁག་དང་མི་སྒེར་སུ་ཡིན་རུང་བརྟན་བཞུགས་འབུལ་བ་ལས་གོང་ས་མཆོག་གི་བཀའ་དྲིན་ངོ་ཤེས་ནས་དྲིན་ལན་ལོག་འཇལ་མ་བྱས་པར་བཀའ་གསུང་ཅི་སྒྲུབ་བྱེད་རྒྱུ་ཧ་ཅང་གལ་ཆེ།དེ་མིན་སྐུ་དངོས་ཀྱིས་བློ་ཕམ་གྱི་གསུང་སྐད་ཐེངས་འགར་ཤོར་སོང་བ་དེ་ཚོགས་པ་སུ་དང་མི་སྒེར་སུས་བཟོས་པ་གསལ་བོར་ཚང་མའི་གོ་ཡོད་རེད།བསམ་བློ་ཡག་པོ་བཏང་ན་བཟང་གི་རེད། ནོར་བུ་རང་ལ་ཡོད་དུས་ནོར་བུའི་མགོ་མ་ཤེས།ཅེས་བོད་པ་ཚང་གི་སྐྱོ་ཉམས་ཆེན་པོ་ཞིག་མི་སྟོན་པའི་ངེས་པ་མེད།

་་་་་་་་། ༸གོང་ས་༸སྐྱབས་མགོན་ཆེན་པོ་མཆོག་གིས་དགུང་གྲངས་ ༡༦ ནས་མི་ལོ་དྲུག་ཅུའི་རིང་། བོད་རྒྱལ་ཁབ་དང་མི་རིཊ་ལ་བཀའ་དྲིན་བྱམས་སྐྱོང་མཛད་པའི་སྐུ་དྲིན་ལ་བསམ་ཤེས་མེད་པར། ཚོཊ་པ་དང་མི་སྒེར་རེ་ཟུང་གིས་ཡི་མ་རངས་པར་དྲིན་ལན་ལོག་འཇལ་གྱིས་སྤྱི་ཚོཊ་ནང་ཁུངས་མེད་སྐད་ཅོར་རྒྱག་བཞིན་པ་དེ་ཧ་ཅང་ཐབས་སྡུག་གི་བྱ་སྤྱོད་ཅིག་ཡིན། ་་་་་་་་་་་