རྒྱ་ནག་གཞུང་གིས་བོད་མི་བཙན་བྱོལ་བའི་བདེ་སྡུག་ཆེད་ལས་ཁུངས་གསར་རྒྱག་དང་། ཕྱི་རྒྱལ་བ་དང་ཕྱི་སྡོད་རྒྱ་རིགས་ཚོར་གཞུང་གི་ལས་ཀ་སྤྲོད་འཆར་ཡོད་ཟེར།
དེ་རིང་ཕྱི་ཚེས་ ༡༢ ཉིན་རྒྱ་ནག་གཞུང་འབྲེལ་གསར་ལམ་རྒྱལ་སྤྱིའི་དུས་བབ་(Global times) ནང་ཐོན་པའི་གནས་ཚུལ་ལྟར་ན། པེ་ཅིན་གྲོང་ཁྱེར་སྲིད་གཞུང་གིས་ཐེངས་དང་པོར་ཕྱི་རྒྱལ་བ་དང་ཕྱི་སྡོད་རྒྱ་རིགས་ཚོར་རྒྱ་ནག་གཞུང་ནང་ལས་ཀ་སྤྲོད་འཆར་ཡོད་པ་ཁྱབ་བསྒྲགས་བྱས་ཡོད་འདུག་ལ། ཁྱབ་བསྒྲགས་ནང་ཕྱི་རྒྱལ་བ་དང་ཕྱི་སྡོད་རྒྱ་རིགས་སུ་ཡིན་ཡང་རྒྱ་ནག་གཞུང་ནང་ལས་ཀ་བྱ་རྒྱུའི་སྙན་ཞུ་འབུལ་ཆོག་པ་དང་། ཆ་རྐྱེན་ཚང་མཁན་རྣམས་ལ་གཞུང་ནང་ལས་གནས་མཐོ་བོ་སྤྲོད་རྒྱུ་ཡིན་ལུགས་བཀོད་འདུག
སྙན་ཞུ་འབུལ་མཁན་ཚོའི་ཆ་རྐྱེན་ནི། འབྲེལ་ཡོད་གཞུང་དང་རྒྱལ་སྤྱིའི་ཚོགས་སྡེ་ཁག་ཅིག་ནང་ཉུང་མཐར་ལོ་ལྔའི་རིང་དགེ་རྒན་ཆེན་མོའམ། ཉམས་ཞིབ་པ། ཆེད་མཁས་པ། ཚོང་ལས་རིག་པ་བ་སོགས་ཀྱི་ཉམས་མྱོང་ཡོད་མཁན་དང་། ལོ་ ༥༥ ལས་མ་བརྒལ་བ་ཞིག་ཡིན་དགོས་སྐོར་གསལ་འདུག
ཕྱི་ཚེས་ ༡༠ ཉིན་གོང་གི་གསར་ཁང་དེ་དང་ཧོང་ཀོང་དུ་ཡོད་པའི་རྒྱ་ནག་གི་གསར་ཁང་མེན་པའོ་(Ming Pao) གཉིས་ཀྱི་ནང་། བཙན་བྱོལ་བོད་མི་ཚོར་འབྲེལ་ལམ་ཞབས་ཞུ་དང་། ཕྱིར་རྒྱལ་ནང་དུ་ལོག་མཁན་ཚོར་རོགས་འདེགས་རྒྱབ་སྐྱོར་བྱེད་པའི་ལས་ཁུངས་གང་མགྱོགས་གསར་འཛུགས་བྱ་འཆར་ཡོད་ཚུལ་བསྒྲགས་ཡོད་འདུག
གནས་ཚུལ་དེའི་ནང་། བོད་རང་སྐྱོང་ལྗོང་གི་གཙོ་འགན་འོག་ལས་ཁུངས་དེ་ཟླ་འདིའི་ནང་མགོ་འཛུགས་བྱ་འཆར་ཡོད་པ་དང་། ད་སྔ་རྒྱ་ནག་གི་ཞིང་ཆེན་དང་རང་སྐྱོང་ས་ཁུལ་ཁག་ནང་ཕྱི་སྡོད་རྒྱ་རིགས་ཚོའི་ཆེད་ལས་ཁུངས་ཡོད་ཀྱང་། ད་སྔ་བོད་མི་ ༡༥༠༠༠༠ ཙམ་བཙན་བྱོལ་དུ་ཡོད་པ་རྣམས་ཀྱི་ཆེད་དུ་ལས་ཁུངས་མེད་སྟབས་ད་ཆར་གསར་འཛུགས་བྱ་རྒྱུ་ཡིན་སྐོར་གསལ་འདུག
རྒྱ་ནག་མི་རིགས་སློབ་ཆེན་ཞིག་གི་དགེ་རྒན་ཆེན་མོ་ཞའོ་ཀུན་ཞེན་(Xiong Kunxin) ཞེས་པ་ཞིག་གིས་ “ལས་ཁུངས་འདིས་ཏཱ་ལའི་བླ་མར་མཇལ་རྒྱུའི་རེ་བ་བཟུང་སྟེ་ཕྱིན་མཁན་བོད་རིགས་གཞོན་སྐྱེ་ཚོར་ཕན་ཐོགས་ཆེན་པོ་ཡོང་ངེས། བོད་རིགས་གཞོན་སྐྱེ་དེ་དག་ཕྱིར་ལོག་འདོད་ཡོད་ཀྱང་གཅིག་ནས་དངུལ་མེད་པ་དང་། གཉིས་ནས་ཕྱིར་ལོག་ན་འཛིན་བཟུང་བྱ་རྒྱུར་དོགས་ཏེ་ཞེད་སྣང་བྱེད་ཀྱི་ཡོད་པ་རེད” ཅེས་བརྗོད་ཡོད་འདུག
གསར་འགོད་པ། བནྡེ་སྐྱབས།
རྒྱ་དམར་གྱིས་གཡོ་ཐབས་ངན་པ་ཞིག་བཏོན་ནས་བོད་མི་ཁེ་གཉེར་པ་ཚོར་མགོ་བདེ་བྱེད་པའི་གོ་སྐབས་ཡག་པོ་ཡོང་ས་རེད་། མ་ཟད་འདིའི་རྐྱེན་པས་བཙན་བྱོལ་ནང་རྙོག་འཛིང་མང་པོ་ཡོང་སྲིད་པས་་་་་བཀའ་ཁྲི་མཆོག་ནས་འདིའི་ཐད་ལ་དགོངས་བཞེས་དང་འཆར་གཞི་གང་འདྲ་ཞིག་བཏོན་ཡོང་ངམ། ཡང་ན་ཡ་ལན་མེད་པར་འཇོག་སྲིད་དམ་་་་་
བཙན་བྱོལ་སྒྲིག་འཛུགས་དང་ཚོགས་པ་སོགས་ཀྱིས་དགག་བྱ་མེད་པའི་ཐོག་ནས་གསར་འབྱོར་བ་ཤེས་ཡོན་དང་ཉམས་མྱོང་གཉིས་ལྡན་ཚོས་གོ་སྐབས་དམ་འཛིན་བྱེད་དགོས་ལ། དེས་དོལ་ཚོགས་དང་སྤྱོད་ལོག་པ་མི་ངན་དེ་ཚོར་ལག་པ་འཆང་ས་མེད་པར་ཡང་བཟོས་དགོས། འདི་ནི་དབུས་ལམ་འབྲེལ་མཐུད་ལག་ལེན་རྒྱ་གཞུང་ངོ་ནས་འགོ་འཛུགས་པ་ཡིན་པར་ངོས་ལེན་གནས་སྐབས་རིང་བྱེད་དགོས་པ་མི་འདུག་གམ། བོད་མིའི་ཆབ་སྲིད་པ་ཚོས་སོམས་ཤིག །
བོད་རིགས་གཞོན་སྐྱེ་དེ་དག་ཕྱིར་ལོག་འདོད་ཡོད་ཀྱང་གཅིག་ནས་དངུལ་མེད་པ་དང་། གཉིས་ནས་ཕྱིར་ལོག་ན་འཛིན་བཟུང་བྱ་རྒྱུར་དོགས་ཏེ་ཞེད་སྣང་བྱེད་ཀྱི་ཡོད་པ་རེད། ཟེར།
རྒྱ་ནག་ལ་རང་འདོད་མ་གཏོགས་མི་ཡོང་སྐད་ཆ་དེ་གོ་བ་ཙམ་གྱི་འགྲམ་ཆུ་འཁོར་ཚར་འདུག་
གནས་ཚུལ་འདི་ནི་ད་ལྟའི་བར་ཏུ་ང་ཚོས་རེ་བ་བརྒྱབ་ནས་བསྡད་ས་ཤིག་རེད། མགོ་སྲིད་སྐྱོངས་བློ་སེང་ནས་མཇུག་ཀླུ་མཁར་བྱམས་བར་གྱི་མི་ཚང་མས་བོད་རྒྱའི་འབྲེལ་མོད་སྐོར་ཤོད་ཀྱིན་ཡོད་རེད། ལས་ཁུངས་འདི་འདྲ་ཞིག་བཙུགས་ན་བོད་མིའི་སྒྲིག་འཛུགས་ནས་དགའ་བསུ་དང་འབྲེལ་གངས་སྐྱིད་དུ་འཛུགས་སུ་བཅུག་ན་ཡག་པོ་འདུག། འདི་ནི་དོན་དངོས་ཐོག་བོད་རྒྱ་འབྲེལ་མོད་བྱེད་སའི་སྟེ་གནས་ཤིག་ཏུ་འགྱུར་སྲིད་པ་ཡིན་པས། འཚོགས་ལ་ཉེ་བའི་དམིགས་བསལ་ཚོགས་ཆེན་སྟེང་གླེང་སློང་བྱེད་ཐུབ་ན་ཡག་པོ་འདུག
གནས་ཚུལ་དེ་ཡག་རྟགས་ཡིན་ནམ། སྡུག་རྟགས་ཡིན། དངོས་ནས་བཤད་མ་ཤེས་པ་ཞིག་འདུག
ཆབ་སྲིད་འགྱུར་ལྡོག་ལྟ་བུའི་གནས་ཚུལ་འདིའི་གནད་འགག་མ་རྟོགས་སོང་།
གསར་འགྱུར་གྱི་ཁ་བྱང་དེ་ཡང་ཀློག་མ་བདེ་བ་ཞིག་བྱུང་།
གནས་ཚུལ་གསར་པ་རེད།
གནས་ཚུལ་དེ་དངོས་ནས་བདེན་པ་ཡིན་ན་བོད་ཕྱི་ནང་གཉིས་ནས་ཆབ་སྲིད་མ་འབྲེལ་བའི་ཆོས་དང་རིག་གཞུང་། སྐད་ཡིག་སོགས་ལ་འབྲེལ་ལམ་ཞིག་བཟོས་ནས་དེ་དག་མ་ཉམས་རྒྱུན་འཛིན་དང་། གསར་ཐོན་བཞིན་པའི་ཅ་དངོས་དང། ནད་རིགས་སོགས་ལ་ཐ་སྙད་གཅིག་བསྒྱུར་ཡོང་འགྱུར་འབད་བརྩོན་གོ་སྐབས་ཞིག་འཚོལ་དགོས།