དེ་རིང་ངྷ་ས་གཙུག་ལག་ཁང་དུ་བོད་གཞུང་མང་ཡོངས་ཀྱིས་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས་ཏེ། བོད་པའི་ཆོས་བརྒྱུད་ཁག་གི་བླ་ཆེན་རྣམ་པ་གཙོས་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། དམིཊ་བསལ་ཚོཊ་གྱི་ཚོགས་བཅར་བ་ཡོངས་བཅས་བརྟན་བཞུགས་མཛད་སྒོར་མཉམ་ཞུགས་གནང་སོང་།
དེ་རིང་ཕྱི་ཚེས་ ༢༨ ཉིན་གྱི་སྔ་དྲོའི་ཆུ་ཚོད་ ༨།༣༠ སྟེང་བཞུགས་སྒར་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ་༧གོང་ས་མཆོག་ལ། བོད་གཞུང་མང་ལྷ་མི་ཡོངས་ནས་༸རྒྱལ་མཆོག་ལྔ་པ་ཆེན་པོའི་དག་སྣང་གསང་བ་རྒྱ་ཅན་ནང་བཞུགས་ཚེ་དཔག་མེད་དྭངས་མ་བཅུད་འདྲེན་གྱི་ཆོ་གའི་སྒོ་ནས་མཁའ་འགྲོ་བསུན་བཟློག་དང་འབྲེལ་བའི་བརྟན་བཞུགས་རྒྱས་པ་ཞིག་བསྟར་འབུལ་ཞུས་སོང་།
བརྟན་བཞུགས་མཛད་སྒོར་ས་སྐྱ་བདག་ཁྲི་རིན་པོ་ཆེ་མཆོག་གིས་དབུས་སྟག་ལུང་རྩེ་སྤྲུལ་རིན་པོ་ཆེ་མཆོག་དང་། སྨན་རི་ཁྲི་འཛིན་རིན་པོ་ཆེ་མཆོག རྒྱལ་བ་ཀརྨ་པ་རིན་པོ་ཆེ་མཆོག འབྲི་གུང་ཆེ་ཚང་རིན་པོ་ཆེ་མཆོག དགའ་ལྡན་ཁྲི་རིན་པོ་ཆེ་མཆོག འབྲུག་ཆེན་རིན་པོ་ཆེ་མཆོག་གི་སྐུ་ཚབ་གསང་སྔགས་ཆོས་གླིང་གི་མཁན་པོ་འཇིགས་མེད་རྡོ་རྗེ་མཆོག་བཅས་དབུ་བཞུཊ་ཐོག བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ངག་དབང་འཕེལ་རྒྱས་མཆོག་གཙོས་ཁྲིམས་ཞིབ་པ་གཞན་གཉིས་དང་། བོད་མི་མང་སྤྱི་འཐུས་ཚོཊ་གཙོ་སྤེན་པ་ཚེ་རིང་དང་ཚོགས་གཞོན་མཁན་པོ་བསོད་ནམས་བསྟན་འཕེལ་རྣམ་གཉིས་གཙོས་སྤྱི་འཐུས་ཡོངས། དབུས་བོད་མིའི་སྒྲིག་འཛུཊ་བཀའ་ཤག་གི་སྲིད་སྐྱོང་བློ་བཟང་སེང་གེ་མཆོག་གཙོས་ཕྱག་རོཊ་བཀའ་བློན་རྣམ་པ་དང་། ལྷན་ཁང་ཁག་གི་དྲུང་ཆེ་དང་སྡེ་ཚན་འགན་འཛིན། དེ་བཞིན། དམིགས་བསལ་ཚོཊ་ཆེན་ཐེངས་གཉིས་པའི་ཚོགས་བཅར་བ་ཡོངས་དང་། བཞུཊ་སྒར་ཁུལ་གྱི་བོད་མི་སེར་སྐྱ་མི་མང་དང་ཕྱི་རྒྱལ་བ་བཅས་མང་ཚོགས་ ༦༠༠༠ ཙམ་འདུ་འཛོམས་བྱུང་འདུག
བརྟན་བཞུཊ་མཛད་སྒོའི་ཐོག་མར་དགེ་འདུན་འདས་མང་གིས་རྒྱུན་ཆགས་གསུམ་པ་དང་། ༸རྒྱལ་བའི་འཁྲུངས་རབས་གསོལ་འདེབས། པཎ་གྲུབ་བཅུ་བདུན་གྱི་གསོལ་འདེབས། གུ་རུའི་ཐུགས་དམ་གནད་སྐུལ་སོཊ་ཆོས་སྤྱོད་ཀྱི་རིམ་པ་ཁག་གསུངས་རྗེས། སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་དང་སྲིད་སྐྱོང་བློ་བཟང་སེང་གེ་རྣམ་གཉིས་ཀྱིས་མཎྜལ་ཚོམ་བུ་ཟུར་འདེགས་ཞུས་ཏེ། དཔལ་ས་སྐྱ་བདག་ཁྲི་རིན་པོ་ཆེ་མཆོག་གིས་མནྜལ་ལྗགས་ཀློག་གནང་སོང་ལ། དེའི་རྗེས་གནས་ཆུང་ཆོས་རྒྱལ་དང་ཚེ་རིང་མཆེད་ལྔའི་ལྷ་རྟེན་ཕབས་ཏེ་བཀའ་ལུང་ཞུས་ཡོད་པ་དང་། མཇུག་ཏུ་ཆོས་བརྒྱུད་ཁག་གི་བླ་ཆེན་རྣམ་པས་སྣེ་དྲངས་ཏེ་ཁྲིམས་ཞིབ་པ་རྣམ་པ། སྤྱི་འཐུས་ཚོགས་གཙོ་གཞོན་གཉིས། སྲིད་སྐྱོང་བ་དང་བཀའ་བློན་རྣམ་པ་བཅས་རིམ་པ་བཞིན་༧གོང་ས་མཆོག་ལ་མཇལ་ཁ་ཞུས་སོང་།
གསར་འགོད་པ། དཔལ་ལྡན།
གངས་རིའི་ལྷ་གཅིག་ཕྱག་ན་པད་མོ་ཡི།།
མཛད་བཟང་གྲགས་པ་དགུང་སྔོན་མཁའ་ན་ཁྱབ།།
གང་གི་ཞབས་པད་མངོན་མཐོའི་ལམ་བཟང་འོག།
ང་ཚོ་གཅིག་ཏུ་འདྲིལ་འགྲོ་གདོང་དམར་སྤུན།།
ད་་་་་བཀའ་ཤག་མ་རེད། སྲིད་ཤག་རེད།
བཀའ་བློན་ཁྲི་པ་མ་རེད། སྲིད་སྐྱོང་ཁྲི་པ་རེད།
བཀའ་བློན་མ་རེད་སྲིད་སྐྱོང་ཕྱག་རོགས་རེད།
གོང་ས་མཆོག་གི་བཀའ་སློབ་དང་བཀའ་སྤྱི་ཟུང་གི་གཏམ་བཤད་སོགས་ཅི་ཡང་མེད་པ་འདྲ།
གསར་བགོད་ལགས་་་་་་ཁྱོད་རང་གིས་གོང་དུ་གསར་འགྱུར་དེའི་ནང་སྔོན་མར་ང་ཚོས་སྤྱོད་པའི་བཀའ་ཁྲི་བསྒྱུར་ཏེ་སྲིད་སྐྱོང་ཞེས་པའི་ཐ་སྙད་བེད་སྤྱོད་འདུག་ན་་་༧གོང་ས་མཆོག་གིས་གསུང་པ་ལྟར་གནང་འདུག་པས་ཐུགས་རྗེ་ཆེ་ཞུ་་་་་འོན་ཀྱང་ང་ལ་དྭོགས་དྲི་ཤིག་འདུག་ན་གསལ་བཤད་གནང་རོགས་་་་ཁྱོད་རང་གིས་བཀའ་ཤག་ཞེས་པ་དང་བཀའ་བློན་རོགས་པ་ཅེས་བེད་སྤྱོད་འདུག་ན་་་འདི་འགྲིག་ཡོད་དང་མེད་བཀའ་འདྲི་ཞུ་ཡ་ཡིན་་་གལ་ཏེ་སྲིད་སྐྱོང་གི་ལས་རོགས་ལ་བཀའ་བློན་ཞེས་འབོད་ཆོག་ན་སྲིད་སྐྱོང་ལ་བཀའ་ཁྲི་ཅེས་འབོད་མ་ཆོག་པ་ཡོད་རྒྱུ་མ་རེད་བསམ་གྱི་་་་་དེས་ན་གསལ་བཤད་ཅིག་གནང་རོགས་་་་་་རྗེས་མ་ང་ཚོས་བཀའ་ཤག་གི་མིང་བསྒྱུར་ཡ་ཡིན་མིན་ཧ་མ་གོ
གསར་འགོད་པའི་དུས་ཐོག་ལ་གསལ་བཤད་གནང་བར་ཐུགས་རྗེ་ཆེ། ང་རང་གིས་ད་ལོར་ཡང་སྐུ་མདུན་གྱིས་དམིགས་བསལ་ཚོགས་ཆེན་གྱི་ཚོགས་ཞུགས་པ་དག་ལ། “ད་རེས་ཀྱི་ཚོགས་ཆེན་འདི་ལོ་འཁོར་ལས་བསྡོམས་འདྲ་བོ་ཞིག་ཆགས་སོང་།”ཞེས་བསྐྱར་དུ་གསུངས་ཡོད་རྒྱུ་རེད་དྲན་པ་ཡིན། གསར་འགོད་པ་བཀའ་འདྲི་ཞུ་རྒྱུར། ད་རེས་སྐུ་མདུན་གྱིས་དམིགས་བསལ་ཚོགས་ཆེན་གྱི་ཚོགས་ཞུགས་པ་རྣམས་ལ་མཇལ་ཁ་བཀའ་སློབ་བསྩལ་ཡོད་པ་རེད་དམ། དངོས་གནས་བྱས་ན་མཇལ་ཁ་བཀའ་སློབ་ཅིག་ཡོད་རྒྱུ་རེད་བསམ་གྱི་ཡོད། གཅིག་བཅས་ན་ཚོགས་ཆེན་གྱི་རྗེས་སུ་ཡིན་ཡང་སྲིད་རེད།
གསལ་བཤད། དྲ་གྲོཊ་ལྷག་པ་ཚེ་རིང་ལཊ། ད་ནངས་༸གོང་ས་མཆོག་གིས་བཀའ་སློབ་གང་ཡང་བསྩལ་མ་སོང་།
དེ་རིང་གི་བརྟེན་བཞུགས་འདི་ཧ་ཅང་གནད་འགག་གི་དུས་རིམ་ཞིག་ལ་འཁེལ་ཡོད། གསར་འགོད་པ་ལགས། ༧གོང་ས་སྐྱབས་མགོན་ཆེན་པོ་ཆོག་གིས་བཀའ་སློབ་ལམ་སྟོན་བཀའ་དྲིན་ག་རེ་བསྐྱངས་ཡོད་མེད་འདིར་མི་བཀོད་དོན་ག་རེ་ཡིན། སྐུ་མདུན་གྱིས་དེ་རིང་བཀའ་སློབ་ག་རེ་གསུངས་ཡོད་མེད་གསན་རྒྱུ་ལ་རེ་བ་ཆེན་པོ་འདུག
དངོས་གནས་གཏམ་བཟང་རེད། གུས་པ་བརྟན་ཞུག་ལ་བཅས་ཐུབ་མ་སོང་ཡང་དེ་ཉིན་རང་གིས་གང་ཐུབ་ཀྱིས་དཀར་པོ་དགེ་བའི་ལས་ལ་འབུང་ཁུལ་བྱེད་བཞིན་ཡོད། དེ་མིན་ས་སྐྱ་བདག་ཁྲི་རིན་པོ་ཆེ་རྡ་སར་ཕེབས་པ་དེ་རྡ་སའི་བོད་མི་ཡོང་ལ་མཇལ་ཁའི་བསྐལ་པ་བཟང་པོ་ཞིག་ཐོབ་པ་རེད།