དེ་རིང་ཕྱི་ཚེས་ ༡༧ ཉིན་གྱི་ཕྱི་དྲོའི་ཆུ་ཚོད་ ༣།༣༠ ཐོག དབུས་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་གོ་སྒྲིག་འོག བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་རྒྱུད་སྟོད་གྲྭ་ཚང་གི་མཁན་རིན་པོ་ཆེ་དབུ་བཞུགས་ཐོག རྣམ་རྒྱལ་གྲྭ་ཚང་དང་མཚན་ཉིད་གྲྭ་ཚང་། ཀིརྟི་བྱེས་པ་གྲྭ་ཚང་བཅས་ཉེ་འཁོར་དགོན་སྡེ་ཁག་གི་དགེ་འདུན་པ་དང་། བཙན་བྱོལ་བོད་མིའི་དམངས་གཙོའི་ཀ་བ་གསུམ་གྱི་མཛད་གཙོ་རྣམ་པ་གཙོས་སྲི་ཞུ་གཞུང་ཞབས་པ་ཡོངས། ངྷ་སའི་མང་ཚོགས་བཅས་ལྷན་འཛོམས་ཐོག ཟླ་འདིའི་ཕྱི་ཚེས་ ༡༣ ཉིན་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོ་སྐད་འབོད་ཀྱིས་འདས་གྲོངས་སུ་ཕྱིན་པའི་མདོ་སྨད་གཙོད་
བསྔོ་སྨོན་མཆོད་འབུལ་ཐོག་ཆོས་རིག་བཀའ་བློན་པདྨ་ཆོས་འབྱོར་མཆོག་གིས། ཟླ་འདིའི་ཕྱི་ཚེས་ ༡༣ ཉིན་རང་ལོ་ ༥༣ ཡིན་པའི་རྒྱལ་གཅེས་དཔའ་བོ་རྟ་མགྲིན་རྡོ་རྗེ་ལགས་ཀྱིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་ཏེ་སྐུ་གྲོངས་རྗེས་རྒྱ་ནག་གཞུང་གིས་ས་གནས་སུ་དམ་དྲག་བྱས་ཡོད་སྐོར་དང་། རྒྱལ་གཅེས་པ་ཁོང་དང་ནང་མི་ཉེ་འབྲེལ་ཡོངས་ལ་གདུང་སེམས་མཉམ་སྐྱེད་ཆེད་གཞུང་འབྲེལ་བསྔོ་སྨོན་མཆོད་འབུལ་གནང་བའི་སྐོར་སོགས་ངོ་སྤྲོད་དང་འབྲེལ། ད་ལྟའི་ཆར་བོད་ནང་བསྟན་སྲིད་མི་རིགས་ཀྱི་ཆེད་དུ་རང་ལུས་མེར་བསྲེཊ་ཀྱི་གནས་ཚུལ་བྱུང་དང་འབྱུང་བཞིན་ཡོད་སྟབས། མ་འོངས་པར་བོད་པའི་བརྙན་འཕྲིན་དང་རླུང་འཕྲིན། གསར་ཤོག་བཅས་བོད་པའི་སྤྱི་ཚོགས་ནང་ཁུལ་དུ་ཁྱབ་བསྒྲགས་བྱས་པ་ཙམ་མིན་པར། འཛམ་གླིང་གི་བརྒྱུད་ལམ་ཁག་ལ་ཁྱབ་བསྒྲགས་བྱ་ཐབས་བྱ་རྒྱུ་དང་། གསར་འགྱུར་བརྒྱུད་ལམ་ཁག་གིས་ཀྱང་བོད་ནང་གི་གནས་ཚུལ་རིམ་པའི་ཐད་འགན་བཞེས་དགོས་པའི་འབོད་སྐུལ་ཡང་གནང་སོང་།
གསར་འགོད་པ། དོན་གོ
