ཟླ་འདིའི་ཕྱི་ཚེས་ ༦ ཉིན་མདོ་སྨད་གཙོད་གྲོང་ཁྱེར་ཉེ་འཁྲིས་རྡོ་དཀར་དགོན་པའི་གཡོན་ངོས་མཆོད་རྟེན་ཉེ་འགྲམ་དུ། རྡོ་དཀར་རྫེ་རོ་སྡེ་བའི་རང་ལོ་ ༢༧ ཡིན་པའི་རྒྱལ་གཅེས་དཔའ་བོ་སངས་རྒྱས་རྒྱ་མཚོ་ལཊ་ཀྱིས། རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་ཏེ་སྐུ་གྲོངས་བའི་གནས་ཚུལ་བྱུང་རྗེས། རྒྱ་གཞུང་གིས་ད་བར་དམག་མི་འབོར་ཆེན་འགྲེམས་འཇོག་གིས་རྡོ་དཀར་དགོན་པ་གཙོས་ས་གནས་ཡོངས་སུ་བཀག་སྡོམ་དང་། དགོན་པའི་གྲྭ་བ་རེ་རེ་བཞིན་འདྲི་གཅོད་བྱས་ཡོད་པ་མ་ཟད། རྒྱལ་གཅེས་དཔའ་བོ་སངས་རྒྱས་རྒྱ་མཚོའི་སྐུ་ཕུང་བདག་པོ་རྒྱག་མཁན་དང་འདྲ་པར་རྒྱག་མཁན་ཡིན་པའི་ཉེས་འཛུགས་འོག ཉིན་ཤས་གོང་རུ་ཆུང་སྡེ་བའི་གྲྭ་བཀྲ་ཤིས་རྒྱ་མཚོ་འཛིན་བཟུང་བཙན་འཁྲིད་བྱས་ཡོད་པ་དང་། ཁ་སང་ཕྱི་ཚེས་ ༡༧ ཉིན་གློ་བུར་དུ་སྤྱི་བདེ་ཉེན་རྟོག་པ་དགོན་པར་ཡོང་སྟེ། དགོན་པའི་དངུལ་གཉེར་གྲྭ་འཇིགས་མེད་རྒྱ་མཚོ་དང་རྩིས་པ་སྐལ་བཟང་རྒྱ་མཚོ། དགེ་འདུན་པ་དཀོན་མཆོག་རྒྱ་མཚོ་བཅས་གྲྭ་བ་གསུམ་གྲྭ་ཤག་ནས་འཛིན་བཟུང་བཙན་འཁྲིད་བྱས་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
གཤིན་པོའི་ཕུང་བོར་བདག་པོ་རྒྱབ་པའང་ཉེས་པ་ཡིན་པ་རེད། ག་ལེར་ག་ལེར་མེར་བསྲེགས་གནང་མཁན་རྣམས་དང་མཉམ་དུ་སྐད་ཆ་བཤད་མྱོང་མཁན་དང་། ཟ་མ་བཟས་མྱོང་མཁན། དེ་ནས་ལམ་གཅིག་ཏུ་གོམ་པ་རྒྱབ་མྱོང་མཁན། དེ་ནས་ས་གནས་གཅིག་ཏུ་བསྡད་མྱོང་མཁན། དེ་ནས་སྐད་རིགས་གཅིག་པ་བཤད་མཁན་ཚང་མར་ཉེས་པ་ཕོག་སྲིད་པ་འདྲ།
འདི་རྒྱ་ནག་གི་ཁྲིམས་ཡིན་རྒྱུ་རེད།