སྤྱི་ཚོགས་མེ་ལོང་གི་གསར་འགོད་པ་རྡོ་རྗེ་ཚེ་རིང་ལགས་སུ་བོད་ནས་ཁུངས་ལྡན་གནས་ཚུལ་མཁོ་སྤྲོད་བྱས་པ་ལྟར་ན། དེ་རིང་ཕྱི་ཚེས་ ༢༠ ཉིན་གྱི་བོད་ནང་གི་ཉིན་
ཁོང་གི་བཟའ་ཟླའི་མིང་ལ་རྡོ་
ད་ལྟ་རང་རྒྱ་གར་ལྷོ་ཕྱོགས་འབྲས་སྤུངས་དགོན་པའི་གྲྭ་བསོད་ནམས་ལགས་ཀྱིས་གནས་ཚུལ་བཏང་འབྱོར་ལྟར་ན། དེ་རིང་ཕྱི་ཚེས་ ༢༠ ཉིན་གྱི་བོད་ནང་གི་ཉིན་གུང་ཆུ་ཚོད་ ༢།༠༠ ཡས་མས་སུ། མདོ་སྨད་བླ་བྲང་བསང་ཆུ་རྫོང་འབོ་ར་དགོན་པའི་ཉེ་འགྲམ་གྱི་ལམ་ཆེན་ཨང་རྟགས་ ༢༡༣ ཅན་གྱི་སྟེང་། འབོ་ར་སྒྲོག་འགབ་མ་སྡེ་བའི་ཕ་སྟོབས་ལྡན་དང་མ་སྙིང་མོ་ཐར་ལོ་གཉིས་ཀྱི་བུ། རང་ལོ་ ༢༧ ཡིན་པའི་རྒྱལ་གཅེས་དཔའ་བོ་ལྷ་མོ་སྐྱབས་ཀྱིས། དགོན་པའི་གཡས་ངོས་དང་ཐག་མི་རིང་བའི་འབོ་ར་མདོ་སྡེ་བའི་མདུན་ཕྱོགས་སུ་རང་ལུས་ལ་མེར་བསྲེཊ་ཀྱིས། ཀི་རིང་ཞིག་དང་བཅས་༧རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས། ཞེས་སོགས་སྐད་འབོད་བྱས་ཡོད་ཀྱང་། གནས་ཚུལ་ཡོང་ཁུངས་ནས་ནང་དོན་གསལ་བོ་ཐོས་མི་འདུག
ཁོང་དགོན་པའི་ཕྱོགས་སུ་རྒྱུགས་སྐབས། ནམ་རྒྱུན་བདེ་འཇགས་ལ་བསྙད་དེ་སྐོར་གཡེང་བྱེད་བཞིན་པའི་ཉེན་རྟོག་པ་ཁག་ཅིག་ལམ་ཆེན་འགྲམ་དུ་ཡོད་པ་ཚོ་དང་ཐོག་ཁོའི་སྟེང་དུ་རྒྱུགས་ཀྱང་། རྒྱལ་གཅེས་དཔའ་བོ་ཁོང་ཚམ་ཚོམ་མེད་པར་ཉེན་རྟོག་པ་ཚོའི་ཕྱོགས་སུ་ཕར་རྒྱུགས་པ་ན་ཉེན་རྟོག་མི་སྣ་ཚོ་བྲོས་འདུག ད་དུང་མུ་མཐུད་དེ་ཁོང་གི་ལུས་སྟེང་གི་མེ་ལྕེ་དམར་ལམ་ལམ་དུ་འབར་བཞིན་གོམ་པ་ཁ་ཤས་མདུན་དུ་རྒྱུགས་རྗེས་ཐང་ལ་འགྱེལ་ཏེ་སྐུ་གྲོངས་འདུག
གནས་ཚུལ་ཡོང་ཁུངས་ལྟར་ན། ཉེན་རྟོག་པ་དང་དེར་འདུས་སེར་སྐྱ་མི་མང་གི་བར་འཁྲུག་རྩོད་ཅུང་ཙམ་ཤོར་འདུག་ཀྱང་། གྲྭ་མང་དང་མི་མང་གིས་འདས་པོའི་སྐུ་ཕུང་འབོ་ར་དགོན་པའི་ཚོགས་ཆེན་འདུ་ཁང་གི་སྒོར་འབྱོར་དུ་གདན་དྲངས་ཏེ་དགོན་པའི་གྲྭ་མང་ཡོངས་ཀྱིས་སྨོན་ལམ་གསུངས་འདུག་ལ། ཅང་མ་འགོར་བར་ཉེ་འཁོར་གྱི་མི་མང་གིས་གནས་ཚུལ་དེ་ཐོས་ནས་དགོན་པར་འབྱོར་འདུག གྲྭ་མང་གིས་སྨོན་ལམ་གསུང་ཚར་བ་དང་དེར་འདུས་འབོ་རའི་ཚོ་བ་བཞིའི་མང་ཚོགས་དང་གྲྭ་མང་གིས་མ་ཎི་རྒྱང་འཐེན་བྱས་ཏེ་སྐུ་ཕུང་སྒྲོག་འགབ་མ་སྡེ་བའི་ཁོང་གི་ཁྱིམ་དུ་གདན་འདྲེན་བྱས་འདུག
འདས་པོ་ཁོང་གི་བཟའ་ཟླའི་མིང་ལ་རྡོ་རྗེ་སྐྱིད་དང་། ད་ལོར་རང་ལོ་༢༨ཡས་མས་དང་། ཁོང་གཉིས་ལ་བྱིས་པ་འབྲུག་མོ་མཚོ་དང་། པདྨ་མཚོ་ཟེར་བའི་བུ་མོ་གཉིས་ཡོད་པ་ལས་གཅིག་ད་ལོ་རང་ལོ་ ༡༠ དང་གཅིག་ད་ལོར་རང་ལོ་ ༧ རེད་འདུག
གསར་འགོད་པ། དོན་གོ
གངས་ཅན་དཔའ་བོའི་ཚོགས་ལ་སྐྱབས་སུ་མཆི།
བོད་འདི་མྱུར་མོར་སྡུག་ལས་གྲོལ་བར་ཤོག
མ་ཡིན་མེད་མུག་ལོག་རྟོག་མུན་པའི་དཔུང་།
ཉི་གཞོན་གསར་བས་རྨེག་མེད་གཏོང་བར་རིགས།
མྱ་ངན་གུས་འདུད་ཞུ།
བཞེད་དོན་སྙིང་སྟོབས་མྱུར་དུ་འགྲུབ་པར་སྨོན།
ད་ལྟ་རང་འབྱོར་བའི་གནས་ཚུལ།
དེ་རིང་ཕྱི་དྲོ་ཆུ་ཚོད་ལྔ་བའི་སྟེང་། འབོ་ར་དགོན་པའི་བླ་མ་ལས་སྣ་གཙོ་བྱས་པའི་གྲྭ་བ་རྣམས་ཉེན་རྟོག་པ་དང་དམག་མིས་བཀག་ཀྱང་འགོག་མ་ཐུབ་པར། རྒྱལ་གཅེས་དཔའ་བོ་ལྷ་མོ་སྐྱབས་ལགས་ཀྱི་ཁྱིམ་དུ་ཕེབས་ཏེ་སྨོན་ལམ་དང་ཁྲུས་ཆོག་སོགས་གསུངས་ཏེ་ཕྱིར་ཕེབས་ཡོད།
ད་དུང་བོད་ནས་གནས་ཚུལ་མཁོ་སྤྲོད་པས་བརྗོད་རྒྱུར། དེ་རིང་དགོང་དྲོའི་ཆུ་ཚོད་བདུན་པ་ནས་ས་གནས་འབོ་རའི་ཁ་པར་སྐུ་ལམ་ཡོངས་བེད་མེད་དུ་འགྱུར་འདུག་ཟེར།
ཁོང་གི་བསམ་དོན་འགྲུབ་པ་དང་དག་ཞིང་དུ་སྐྱེ་བར་སྨོན།
ད་སེམས་ཀྱི་མི་བཟོད་པ་འདུག རྒྱལ་གཅེས་དཔའ་བོ་ཁོང་ཚོ་འདྲ་བོ་བུད་སོང་དུས་ངོ་མ་སེམས་སྐྱོ་སོང་། དཔལ་ལྡན་སྲིད་སྐྱོང་མཆོག་ལ་ལས་འགུལ་ཞིག་སྤེལ་རྒྱུ་མེད་དམ།
དཔའ་པོ་ནི་འདི་ལྟར་བསད་སོང་དཔའ་མོ་ནི་འདི་ལྟར་འདས་་གྲོངས་སོང་དཀོན་མཆོག་མཁྱེན་བོད་ལ་ཞི་བདེའི་་འོད་སྣང་འཆར་བ་ཤོག