ཉིན་འདི་འགར་རྒྱ་གར་ལྷོ་ཕྱོཊ་དགའ་ལྡན་བྱང་རྩེ་གྲྭ་ཚང་དུ། ནུབ་ཕྱོཊ་ཚན་རིག་དགེ་རྒན་ཁག་ཅིག་གིས་བོད་ཀྱི་དགོན་སྡེ་ཁག་གི་དགེ་འདུན་པ་སྐོར་ཞིག་ལ་ཚན་རིག་ཟབ་ཁྲིད་གནང་བཞིན་ཡོད་འདུག
སུད་སི་རི་ཀོན་ཆོས་འཁོར་དགོན་པའི་ཚན་རིག་ཆོས་དང་འཕྲད་པ་ཞེས་པའི་ཚོཊ་པ་དེའི་གོ་སྒྲིག་འོག ཟླ་འདིའི་ཚེས་༢༣ ནས་དུས་ཡུན་ཉིན་གསུམ་རིང་རྒྱ་གར་ལྷོ་ཕྱོཊ་སུ་ཡོད་པའི་དགའ་ལྡན་བྱང་རྩེ་གྲྭ་ཚང་གི་འདུ་ཁང་དུ།༼སྣོད་བཅུད་རྟེན་འབྲེལ་དང་གནམ་གཤིས་རིག་པ། ཁོར་ཡུག་ཀུན་སྤྱོད་རྣམ་གཞག༽བཅས་ཀྱི་བརྗོད་གཞིའི་ཐོགབོད་ཀྱི་ནང་ཆོས་དང་དེང་དུས་ཚན་རིག་གཉིས་ཟུང་འབྲེལ་གྱི་ཟབ་སྦྱོང་ཞིག་མགོ་འཛུགས་གནང་ཡོད་འདུག
ཐེངས་འདིའི་ཟབ་སྦྱོང་གི་དབུ་འབྱེད་མཛད་སྒོར་དབུས་བོད་མིའི་སྒྲིག་འཛུགས་ཀྱི་སྐུ་ཚབ་ས་གནས་གཞིས་མགོ་ལཊ་དང་། དགའ་ལྡན་ཤར་རྩེ་དང་བྱང་རྩེ་གྲྭ་ཚང་གི་མཁན་རིན་པོ་ཆེ་རྣམ་གཉིས་གཙོས་འབྲས་སྤུངས་སྒོ་མང་གྲྭ་ཚང་དང་། བློ་གསལ་བྱེ་བའི་གླིང་གྲྭ་ཚང་། ར་སྟོད་གྲྭ་ཚང་དང་བཙུན་དགོན་བྱང་ཆུབ་ཆོས་གླིང་སོཊ་ཀྱི་མཁན་པོ་དང་དགེ་བསྐོས། ཕྱག་མཛོད་རྣམ་པ་བཅས་དང་། དེ་བཞིན། ནུབ་ཕྱོཊ་རྒྱལ་ཁབ་ཁག་ནས་ཆེད་དུ་ཕེབས་པའི་ཚན་རིག་ཟབ་ཁྲིད་གནང་མཁན་དགེ་རྒན་དང་། གྲྭ་ཚང་ཁག་གི་ཚན་རིག་སློབ་གཉེར་བ་བཅས་ཁྱོན་མི་བཅུ་ཕྲག་དུ་མ་མཉམ་ཞུགས་གནང་ཡོད་འདུག
བོད་ཀྱི་དགོན་སྡེ་ཁག་ཏུ་དེང་དུས་ཚན་རིག་སློབ་ཁྲིད་བྱ་རྒྱུའི་ལས་གཞི་དེ་༸གོང་ས་མཆོག་གིས་བཀའ་དགོངས་ལྟར། ཕྱི་ལོ་ ༢༠༠༠ ལོ་ཙམ་ནས་དངོས་སུ་ཐག་གཅོད་གཏན་འབེབས་གནང་བ་ཞིག་ཡིན་འདུག་ལ། ལས་གཞིའི་དེ་ཐོག་མར་མགོ་འཛུགས་སྐབས་སུད་སི་དང་འཇར་མན་ནས་ཚན་རིག་དགེ་རྒན་ཁག་ཅིག་ཆེད་དུ་གདན་ཞུས་གནང་ཡོད་འདུག
གསར་འགོད་པ། དཔལ་ལྡན།
ཚན་རིག་མ་ཤེས་ཚན་རིག་པ་རྣམས་འདུལ་ཐབས་མེད། །
དེ་ཕྱིར་གྲྭ་བཙུན་ཚན་རིག་སྦྱང་དགོས་དོན་ལྡན་རེད། །
ཚན་རིག བསྡུ་བའི་དངོས་པོ་བཞི་ལས་གང་རུང་ཞིག་ལ་མཐུན་པར་འདོད། གཞན་དོན་སྒྲུབ་པར་ཕན་ཐོག་པ་ཁ་ཡོད་ལག་ཡོད་རེད། ནང་སེམས་རྒྱུད་འདུལ་རྒྱུ་དེ་རང་གིས་ཆས་ཉམས་སུ་བླངས་པའི་དགོས་འབྲས་རེད། གྲྭ་སར་སློབ་གཉེར་བྱེད་པ་དེ་ཆོས་ཤེས་པའི་ཆེད་རེད། སྐབས་དོན་སོ་སོ་རེད་ལ་ཕན་ཚུན་གནོད་པར་གཏན་ནས་མི་སེམས་སོ།།
འདབ་གཤོག་གཉིས་ལྡན་དུས་རབས་ཉེར་གཅིག་པའི།།
ཆོས་པར་རློམ་པའི་རབ་བྱུང་ཕོ་མོའི་ཚོགས།།
ཤེས་བྱ་ཀུན་ལ་ཐོས་བསམ་བཟང་མོད་ཀྱང་།།
རྩ་བ་བོར་ནས་ཡལ་ག་མ་ཟིན་ཨང་།།
༢རྒྱལ་བའི་བཀའ་བཞིན་བཟང་མོད་ཀྱང་།།
མཐའ་གཉིས་ལྷུང་ན་ཆེས་ཕང་གནས།།
ཚན་རྩལ་རིག་པ་བཟང་མོད་ཀྱང་།།
དམ་ཆོས་བདུད་རྩི་དེ་བས་བཟང་།།
དགོན་པར་བཞུགས་པའི་གྲྭ་བ་རྣམས་ཀྱིས་ཆེད་དུ་སྦྱངས་བྱ་ནི་སངས་རྒྱས་པའི་ཆོས་ཡིན་ལ། དེ་ཡང་བྱམས་དང་སྙིང་རྗེ་དད་པ་སོགས་ལ་བློ་སྦྱངས་ནས། དེའི་འབྲས་བུ་ནི་མཆོག་ཐུག་གི་དངོས་གྲུབ་གང་ཡང་རུང་བ་ཞིག་རྒྱུད་ལ་སྐྱེ་བར་བྱས་དེ། གཞན་འགྲོ་བའི་དོན་བྱེད་རྒྱུ་དེ་རེད།
ཚན་རིག་ཞེས་པ་འདི་ནི་དངོས་གཅོ་སྨྲ་བ་རྣམས་ཀྱིས་ཕྱིའི་དཔལ་འབྱོར་སྟོབས་ཤུགས་གོང་འཕེལ་གྱི་ཆེད་དུ། འོད་དང་། གློག་རླབས། ཕྲ་རྡུལ་ལ་སོགས་པ་ཆེད་སྦྱང་གི་གཙོ་བོ་དངོས་ཁམས་རེད།
ད་དགོན་པའི་གྲྭ་བ་རྣམས་ཀྱིས་ནང་ཆོས་བཞག་ནས་ཚན་རིག་སློབ་ཁུལ་བྱེད་རྒྱུ་འདི་ནི། བོད་ཀྱི་བླ་གྲྭ་མདུན་ལམ་ལས་ནོར་བ་རེད།
དེར་མ་ཟད་ནང་ཆོས་རང་གི་ནང་ལ་ཚད་མ་རིགས་པ་སོགས་སེམས་ཁམས་དང་དངོས་ཁམས་ཀྱི་ཆོས་གང་ཡང་བདེན་པར་མ་གྲུབ་པར་གསུང་དེ་ནི། ཆེས་སྔོན་ཐོན་དང་ཚན་རིག་གི་ར་བ་ལས་འདས་པའི་དུས་རབས་བརྒལ་པའི་བསམ་བློ་རེད།
གྲྭ་བ་རྣམས་ཀྱི་ཕ་མ་རྒན་དགོན་ཚོའི་ངས་བུ་འདི་རྒྱ་གར་སེར་འབྲས་དགའ་གསུམ་གང་རུང་ཞིག་ལ་སོང་ནས། ནང་ཆོས་ཡག་པོ་ཞིག་སློབ་གཉེར་བྱས་དེ། རང་ཉིད་ཀྱང་འཆི་བདེ་བ་ཞིག་བྱེད་རྒྱུ་རེད་སྙམས་པའི་རེད་དང་ཡིད་ཆེས་ཡང་གཏན་བརླགས་བྱས་མ་རེད་དམ།