ཁ་སང་ཕྱི་ཚེས་ ༢༤ ཉིན་བླ་བྲང་དགོན་པའི་དགེ་འདུན་པ་ ༡༠༠༠ སྟོང་ལྷག རྒྱལ་གཅེས་དཔའ་བོ་དོན་གྲུབ་དང་རྡོ་རྗེ་རིན་ཆེན་རྣམ་གཉིས་ཀྱི་ཁྱིམ་དུ་ཕེབས་ཏེ། སྨོན་ལམ་མཆོད་འབུལ་གཞི་རྒྱ་ཆེན་པོ་ཞིག་གནང་ཡོད་འདུག
འདི་གར་གནས་ཚུལ་མཁོ་སྤྲོད་པས་བཏང་འབྱོར་བྱུང་པ་ལྟར་ན། ཟླ་འདིའི་ཕྱི་ཚེས་ ༢༢ ཉིན་མདོ་སྨད་བླ་བྲང་དུ་རྒྱལ་གཅེས་དཔའ་བོ་དོན་གྲུབ་ལགས་དང་། ཕྱི་ཚེས་ ༢༣ རྒྱལ་གཅེས་དཔའ་བོ་རྡོ་རྗེ་རིན་ཆེན་ལགས་རྣམ་གཉིས་ཀྱིས། རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་སྔ་ཕྱིར་རང་ལུས་མེར་བསྲེགས་བཏང་སྟེ་སྐུ་གྲོངས་ཡོད་པ་ལྟར། ཁ་སང་ཕྱི་ཚེས་ ༢༤ ཉིན་བླ་བྲང་དགོན་པའི་དགེ་འདུན་པ་ ༡༠༠༠ ལྷག བསང་ཆུ་རྫོང་མདའ་སྨད་ཞང་སྔགས་སྡེ་རུ་ཕེབས་ཏེ་རྒྱལ་གཅེས་དཔའ་བོ་དོན་གྲུབ་ལགས་ཀྱི་ཁྱིམ་ནས་མཆོད་འབུལ་སྨོན་ལམ་གསུངས་རྗེས། བླ་བྲང་ཟ་ཡུས་ནང་དུ་ཕེབས་ཏེ་རྒྱལ་གཅེས་དཔའ་བོ་རྡོ་རྗེ་རིན་ཆེན་ལགས་ཀྱི་ཁྱིམ་ནས་མཆོད་འབུལ་སྨོན་ལམ་གསུངས་ཡོད་འདུག
སྐུ་གཤེགས་རྒྱལ་གཅེས་དཔའ་བོ་རྡོ་རྗེ་རིན་ཆེན་གྱི་ཁྱིམ།
སྔགས་སྡེ་ནས་དཔའ་བོ་དོན་འགྲུབ་ཚང་དུ་སྨོན་ལམ་གསུང་ཚར་རྗེས།
གུང་ཐང་ཟམ་བརྒྱུད་ཟ་ཡུས་ནང་དུ་དཔའ་བོ་རྡོ་རྗེ་རིན་ཆེན་ཚང་དུ་སྨོ་ལམ་གསུང་བར་སྐྱོད་བཞིན་པ།
གུང་ཐང་ཟམ་གྱི་ཕར་ཕྱོགས་ནས་རྐང་གསུམ་ལ་བསྡད་དེ་ཟ་ཡུས་ནང་དུ་འགྲོ་བཞིན་པ།
བྱིན་རླབས་ཆེའོ།།
བདེ་བར་ཕེབས་ཤིག་བོད་ཀྱི་དཔའ་བོ་ལགས།
ང་ཚོས་ཁྱེད་རང་རྟག་ཏུ་དྲིན་གྱིན་ཡོད་དོ།།
བདེན་པ་རྒྱལ་གྱུར་ཅིག