གཟའ་པ་སངས་ཉིན་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཆེས་མཐོའི་མི་སྣ་ཕའེ་ལའེ་ལགས་ཀྱིས། བོད་དོན་ཐད་རྒྱ་གཞུང་ལ་འབོད་སྐུལ་གནང་ཡོད་འདུག
དེ་རིང་ཕྱི་ཚེས་ ༢ ཉིན་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་དོན་གྱི་ཆེས་མཐོའི་མི་སྣ་ཕའེ་ལའེ་ (Pillay) ལགས་ཀྱིས་བསྒྲགས་གཏམ་སྤེལ་ཏེ། རྒྱ་གཞུང་གིས་གཞི་རྒྱ་ཆེ་བའི་བཀག་སྡོམ་བྱེད་ཐབས་སྤྱད་དེ་བོད་མི་རིགས་ཀྱི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་བྱ་སྤྱོད་དེས། ནམ་ཡང་བོད་མིའི་སྤྱི་ཚོགས་བདེ་འཇགས་བརྟན་ལྷིང་བཟོ་ཐབས་བྲལ་བ་གསལ་བཤད་དང་སྦྲགས། ཁོ་མོས་ “ བོད་མི་ཚོས་ཐབས་ཟད་འུ་ཐུག་གི་གནས་སུ་གྱར་ཏེ། འདི་ལྟ་བུའི་བཟོད་དཀའི་བྱེད་ཐབས་སྤྱོད་བཞིན་པ་ངས་ཤེས་ཚོར་ཐུབ་ཀྱི་འདུག” ཅེས་བརྗོད་དེ། རྒྱ་གཞུང་གིས་བོད་མིའི་ཞི་རྒོལ་གནས་སྟངས་ཐད་ལྟ་སྟངས་རྣལ་མ་ཞིག་འཛིན་དགོས་སྐོར་ནན་སྐུལ་བྱས་འདུག
བསྒྲགས་གཏམ་སྤེལ་སྐབས། ལྕམ་ཕའེ་ལའེ་ལགས་ཀྱིས་རང་ལོ་ ༡༧ ཅན་གྱི་བོད་པའི་བུ་མོ་ཞིག་གིས་བོད་རང་དབང་སྐོར་གྱི་སྦྱར་ཡིག་བཀྲམས་པ་ལ་བརྟེན་ནས། ཁོ་མོར་གཅར་རྡུང་མནར་གཅོད་ཚད་ལས་བརྒལ་བ་བྱས་པ་མ་ཟད། ལོ་ ༣ གྱི་དུས་བཀག་བཙོན་འཇུག་བྱས་ཡོད་པ་དམིགས་བསལ་གྱིས་གླེང་སློང་བྱས་པའི་ཐོག་ནས། ཞི་བའི་ཐོག་ངོ་རྒོལ་བྱེད་མཁན་བོད་མི་རྣམས་བཀག་ཉར་དང་། གར་སོང་ཆ་མེད་དུ་གྱུར་བ། ཚད་ལས་བརྒལ་བའི་དྲག་གནོན་བྱས་པ། བོད་མི་རིགས་ཀྱི་རིག་གཞུང་བདག་དབང་ལ་ཚད་བཀག་བྱེད་བཞིན་པ་བཅས་ཐེར་འདོན་བྱས་ཏེ། རྒྱ་གཞུང་གིས་བོད་མིའི་སྨྲ་བརྗོད་རང་དབང་དང་། འདུ་འཛོམས་རང་དབང་། ཆོས་དད་རང་དབང་སོགས་འགྲོ་བ་མིའི་གཞི་རྩའི་ཐོབ་ཐང་རྡོག་རོལ་གཏོང་བཞིན་པར་བློ་འཚབ་ཡོད་སྐོར་བསྒྲགས་འདུག
དེ་བཞིན། ལྕམ་ཕའེ་ལའེ་ལགས་ཀྱིས་ “རྒྱ་ནག་གཞུང་གིས་ཞི་བའི་འདུ་འཛོམས་དང་སྨྲ་བརྗོད་རང་དབང་གི་ཐོབ་ཐང་ལ་བརྩི་འཇོག་བྱས་པའི་ཐོག་ནས། ཉེས་མེད་འཇུ་བཟུང་འོག་བཙོན་དུ་ཚུད་ཡོད་པའི་བོད་མི་རྣམས་གློད་གྲོལ་གཏོང་དགོས་པའི་འབོད་སྐུལ་ཞུ་རྒྱུ་ཡིན།” ཅེས་བརྗོད་འདུག
གསར་འགོད་པ། ཚེ་རིང་རྒྱལ།
ཧ་ཧ། ཤུགས་ང་ཚོ་རང་རང་གིས་རྒྱག་དགོས་ཡ། གྲོགས་པོ་རྣམས་པ།
འདི་ནི་བདེན་པའི་རྒྱལ་སྐྱོར་བདེན་དོན་གྱིས་མཛད་དེ་རྫུན་པའི་སྐྱོན་འཚང་ཕྱི་རུ་བྲུས་པའི་དཔེ་མཚོན་ཞིག་ཡིན་ལ། དེའི་ཐོག་ནས་ལྕམ་ཕའེ་ལའེ་ལགས་ནི་བདེན་དོན་སྐྱོང་མཁན་ཞིག་ཡིན་པའི་ར་འཕྲོད་བྱུང་བ་རེད།
བདེན་དོན་གྱི་བློ་མིག་ཡོད་མཁན་གྱི་སྐྱེས་བུ་ཚོས་འདི་ལྟར་བྱེད་འོས་པ་ཡིན། དགེ་ཆོས་ཀྱིས་ཀྱང་། སྐབས་རེ་བདེན་པའི་རྒྱུ་མཚན་དཔང་བཅོལ་ནས།། གཟུ་བོས་དྲང་གཏམ་ཙམ་རེ་སྨྲ་བར་མཛོད།། གསུང་པ་བཞིན་ལགས།
འོན་ཀྱང་བོད་པ་གཞན་དག་སྟོབས་ཆེན་སུ་ཞིག་གིས་སྐྱབས་པར་རེ་བ་ལས་རང་གི་འགུལ་སྐྱོད་བྱེད་མི་ནུས་ཤིང་། གཞན་གྱི་བྱས་རྗེས་ལ་ཁ་འབའ་ཞིག་གདང་སྟེ་སྡོད་མཁན་དག་ལ་ནམ་ཡང་རྒྱལ་ཁ་དབང་དཀའ་བར་འདོད།།
ལྕམ་ཕེའི་ལའེ་ལེགས་གྱི་དྲང་བདེན་ཀྱི་གསུང་བཤད་འདི་རྒྱལ་ལོ་
ཨ་ཞེ་ཁྱེད་ཁ་དྲོ། ད་དུང་མུ་མཐུད་ཤུག་རྒྱོབས།
དཔའ་བོ་ཐུབ་བསྟན་དངོས་གྲུབ་ལགས་གཙོས་དེ་རིང་བར་གྱི་དཔའ་བོ་རེ་གཉིས་ཐམས་ཅད་ལ་བཀའ་དྲིན་ཆེ་ཞུས།
བདེན་པ་རྒྱལ་གྱུར་ཅིག
བོད་ཁམས་རྒྱལ་གྱུར་ཅིག