ཕྱི་ཚེས་ ༡༠ ཉིན་མདོ་སྨད་ཨ་མཆོག་ཀླུ་ཤོད་སྐེད་སྡེ་བའི་རྒྱལ་གཅེས་དཔའ་བོ་མགོན་པོ་ཚེ་རིང་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་གནང་སྟེ་སྐུ་གྲོངས་འདུག
ཁ་སང་ཕྱི་ཚེས་ ༡༠ ཉིན་གྱི་ཕྱི་དྲོ་བོད་ནང་ཆུ་ཚོད་ ༢ དང་སྐར་མ་ ༢༠ ཙམ་གྱི་སྟེང་། མདོ་སྨད་ཨ་མཆོག་སྨད་དམ་ཀླུ་ཤོད་སྐེད་སྡེ་བའི་རང་ལོ་ ༡༩ ཡིན་མགོན་པོ་ཚེ་རིང་ལགས་ཀྱིས། ཀླུ་ཤོད་ཁུང་རུ་ཐང་ངམ་བཤད་སྒྲུབ་བསྟན་དར་གླིང་དགོན་པ་ནས་རང་ལུས་མེར་བསྲེགས་བཏང་སྟེ། མེ་ཕུང་ཁྲོད་ “མི་རིགས་ལ་རང་དབང་དགོས། སྐད་ཡིག་རང་དབང་དགོས། ༸རྒྱལ་བ་རིན་པོ་ཆེ་གདན་འདྲེན་ཞུ་དགོས” ཞེས་སྐད་འབོད་བྱེད་བཞིན། རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གནང་ཡོད་པ་དང་། སྐབས་དེར་ཕྱོགས་སོ་སོ་ནས་དགེ་འདུན་པ་མང་པོ་བསླེབས་ཏེ་མེ་གསོད་ཐབས་བྱས་ཡོད་ཀྱང་། མེ་ལྕེ་ཆེ་དྲགས་སྟབས་ནུས་པ་ཆེས་ཆེར་མ་བྱུང་པར། བོད་ནང་གི་ཕྱི་དྲོའི་ཆུ་ཚོད་ ༤ དང་སྐར་མ་ ༤༠ ཙམ་ལ་སྐུ་གྲོངས་ཡོད་པ་དང་། ཁོང་གི་སྐུ་ཕུང་དགོན་པ་ནས་སྐེད་སྡེ་བར་གདན་འདྲེན་ཞུས་ཏེ་དགེ་འདུན་པས་བསྔོ་སྨོན་གསུང་བཞིན་ཡོད་འདུག
ཨ་འཇམ་ལགས་ཀྱིས་གནས་ཚུལ་བརྗོད་པ་ལྟར་ན། རྒྱལ་གཅེས་དཔའ་བོ་མགོན་པོ་ཚེ་རིང་ལགས་ཀྱི་ཕའི་མིང་ལ་བཀྲ་ཤིས་བསོད་ནམས་དང་ལོ་ ༤༢ ཡིན་འདུག མའི་མིང་ལ་སྙིང་ལོ་ཟེར་ཞིང་རྒྱལ་གཅེས་དཔའ་བོ་ཁོང་ལོ་ ༣ ཡིན་དུས་མ་ཚེ་ལས་འདས་ཡོད་པ་དང་། དེ་རྗེས་ད་ལྟ་རང་ལོ་ ༤༠ སོན་པའི་མ་གཡར་མགོན་པོ་སྐྱིད་ཀྱིས་གཉོར་སྐྱོང་འོག་ནར་སོན་པ་ཞིག་ཡིན་འདུག རྒྱལ་གཅེས་དཔའ་བོ་ཁོང་གིས་ ༢༠༡༡ ལོའི་ལོ་མཇུག་ཏུ་ཁྱིམ་ཐབ་བཟུང་སྟེ་ཆུང་མ་འབྲུག་མོ་ཕྱུག་དང་གཉེན་སྒྲིག་ཡོད་འདུག
རྒྱལ་གཅེས་དཔའ་བོ་ཁོང་ཕྱི་ཚེས་ ༩ ཉིན་གྱི་དགོང་མོ་ཕ་མ་དང་གཉེན་ཉེ་བཅས་མཉམ་དུ་བསྡད་ཡོད་པ་དང་། སྐབས་དེར་ཁོང་ཧ་ཅང་ཁུ་སིམ་པོ་དང་བག་ལྷོད་དུ་སྡོད་པ་ཙམ་ལས་དམིགས་བསལ་གྱི་རྣམ་འགྱུར་གང་ཡང་མངོན་མི་འདུག ཕྱི་ཚེས་ ༡༠ ཉིན་གྱི་ཞོགས་པའི་ཆུ་ཚོད་ ༦ དང་སྐར་མ་ ༣༠ ཙམ་ལ་དགོན་པར་མཇལ་བར་འགྲོ་རྒྱུ་ཡིན་ཚུལ་བརྗོད་དེ། སྦག་སྦག་ཞོན་ནས་སྐེད་སྡེ་བའི་རང་ཁྱིམ་དང་ཁ་བྲལ་ཏེ། སྤྱི་ལེ་ ༡༥ མཚམས་སུ་ཡོད་པའི་ཀླུ་ཤོད་དགོན་བཤད་སྒྲུབ་བསྟན་དར་གླིང་དུ་ཕྱིན་ཡོད་པ་དང་། ཉིན་དེའི་ཕྱི་དྲོ་ཆུ་ཚོད་ ༢ སྐར་མ་ ༢༠ ཙམ་ལ་དེ་གར་རང་ལུས་མེར་བསྲེགས་བཏང་སྟེ་སྐུ་གྲོངས་ཡོད་འདུག
རྒྱལ་གཅེས་དཔའ་བོ་མགོན་པོ་ཚེ་རིང་ལགས་ནི། མདོ་སྨད་བླ་བྲང་བཀྲ་ཤིས་འཁྱིལ་གྱི་ལྷ་སྡེ་ཨ་མཆོག་སྨད་དམ་ཀླུ་ཤོད་སྐེད་སྡེ་བ་ནས་ཡིན་ལ། རང་ལོ་ ༡༡ ནས་ཀླུ་ཤོད་སློབ་ཆུང་དུ་ཞུགས་ཏེ་མདོ་ལྷོ་གཙོད་བོད་རིགས་སློབ་འབྲིང་གི་འབྲིང་རིམ་འཛིན་གྲྭ་གཉིས་པ་བར་དུ་སློབ་གཉེར་བྱས་ཤིང་། སློབ་སྦྱོང་བྱེད་པའི་བརྒྱུད་རིམ་ཁྲོད་དུའང་སློབ་མ་དཔེ་ལེགས་དང་རྒྱུགས་འབྲས་རྩེ་ཕུད་ཀྱི་བྱ་དགའ་ཡང་ཐེངས་དུ་མར་ཐོབ་ཡོད། ཁོང་ནི་དུས་རྒྱུན་དུ་རྩེ་དགའ་ཆེ་ཞིང་ཡ་རབས་ཀྱི་གཤིས་ཀ་ལྡན་པ་ཞིག་ཡིན་པར་མ་ཟད། སློབ་གྲྭའི་རྩེད་རིགས་སོགས་རིག་རྩལ་གྱི་ཁྲོད་དུའང་ཐེངས་དུ་མར་ཞུགས་མྱོང་ཡོད་འདུག རྗེས་སུ་སློབ་གྲྭར་མུ་མཐུད་དུ་འགྲོ་ཐུབ་མེད་ཀྱང་། ད་ལོའི་ཕྱི་ཟླ་ ༦ ཚེས་ ༢༣ ཉིན་རང་སྡེ་བའི་ནང་ནས་སློབ་གསོ་དང་འབྲེལ་བའི་ཁ་ཤགས་སྒྱུ་རྩལ་གྱི་འཁྲབ་སྟོན་བྱས་ཏེ་མི་མང་སེམས་འགུལ་ཐེབས་བཅུག་ཡོད་འདུག
གསར་འགོད་པ། ཚེ་རིང་རྒྱལ།
སྤྱི་ལོ་༢༠༡༢ཟླ་༡༡་ཚེས་༡༢ཉིན་ཏེ་དེ་རིང་བོད་གནང་གི་ཉིན་རྒྱབ་ཆུ་ཚོད་༣་༡༥ཡས་མས་ལ་ཡང་བསྐྱར་བོད་མདོ་སྨད་རེབ་གོང་ནས་བོད་མི་ཞིག་གིས་རང་ལུས་མེར་བསྲེགས་བཏང་བའི་གནས་ཚུལ་ཐོན་འདུག
ད་ལྟ་རང་། ཕ་རན་སུའི་བོད་དོན་རྒྱབ་སྐྱོར་བ་Ling Lhamo Branislava Katicགལས་ཀྱིས་ངོ་དེབ་ཐོག་ཏུ་གནས་ཚུལ་སྤེལ་གསལ་ལྟར་ན།
BREAKING : I just received the news from inside Tibet that one more Tibetan set himself on fire today, November 12, 2012, at 3:15 PM at Rebkong. I heard the voice transmitted by wechat calling for the “long life for Dalai Lama”. His name is Nyankar Tashi, and he is 24 years old. His father name is Tashi Namgyal, 47, his mather’s name is Kandro Tso and his wife’s name is Dugmo Tso, 23 years,ཨོྃ་མཎྀ་པདྨེ་ཧཱུཾཿ ཨོྃ་མཎྀ་པདྨེ་ཧཱུཾཿ ཨོྃ་མཎྀ་པདྨེ་ཧཱུཾཿ ཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿ
རྒྱལ་གཅེས་དཔའ་བོ་མགོན་པོ་ཚེ་རིང་ལགས་ཀྱིས་སྐུ་ལུས་མེ་སྲེགས་གནང་བ་དེ་གུས་འདུད་ཞུ། ཁྱེད་གྱིས་དམིགས་ཡུལ་ཡིད་བཞིན་དུ་འགྲུབ་པའི་སྨོན་འདུན་དང་ཆབ་ཅིག་དུ་རྒྱལ་དབང་བསྟན་འཛིན་རྒྱ་མཚོ་བོད་ཡུལ་དུ་ཕེབས་ཐུབ་པའི་ཡིད་ཆེས་ཡོད། ཨོྃ་མཎྀ་པདྨེ་ཧཱུཾཿ ཨོྃ་མཎྀ་པདྨེ་ཧཱུཾཿ ཨོྃ་མཎྀ་པདྨེ་ཧཱུཾཿ ཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿཨོྃ་མཎྀ་པདྨེ་ཧཱུཾཿ དཀོན་མཆོག་མཁྱེན།