དེ་རིང་ཕྱི་ཚེས་༡༤ ཉིན་གྱི་ཕྱི་དྲོ་ཆུ་ཚོད་༤།༠༠ སྟེང་དབུས་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་གོ་སྒྲིག་འོག བཞུགས་སྒར་ཐེག་ཆེན་གཙུག་ལག་ཁང་དུ་རྣམ་རྒྱལ་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་དབུ་བཞུགས་ཐོག དབུས་བོད་མིའི་སྒྲིག་འཛུགས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ངག་དབང་འཕེལ་རྒྱལ་མཆོག་དང་ཁྲིམས་ཞིབ་པ་གཞན་གཉིས། སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་བཀའ་བློན་རྣམ་པ་དང་། སྤྱི་འཐུས་ཚོགས་གཙོ་གཞོན་གཉིས་ཀྱིས་དབུས་པའི་སྤྱི་འཐུས་རྒྱུན་ལས། བོད་མིའི་སྒྲིག་འཛུགས་ཀྱི་སྲི་ཞུ་ལས་བྱེད་ཡོངས་དང་། དེ་བཞིན། རྣམ་རྒྱལ་གྲྭ་ཚང་དང་བཞུགས་སྒར་ཉེ་འཁོར་གྱི་དགོན་སྡེ་ཁག་གི་དགེ་འདུན་པ་དང་མི་མང་བཅས་ལྷན་འཛོམས་ཐོག ཕྱི་ཚེས་ ༡༢ ཉིན་བོད་མདོ་སྨད་རེབ་གོང་མདོ་བར་རང་ལུས་མེར་བསྲེཊ་ཀྱིས་རྒྱ་གཞུང་ངོ་རྒོལ་བྱས་ཏེ་འདས་གྲོངས་སུ་ཕྱིན་པའི་རང་ལོ་ ༢༤ ཡིན་པའི་རྒྱལ་གཅེས་དཔའ་བོ་སྙིང་དཀར་བཀྲ་ཤིས་ལགས་དང་། རང་ལོ་ ༡༨ ཡིན་པའི་རྒྱལ་གཅེས་དཔའ་བོ་སྙིང་ལྕཊ་འབུམ་གཉིས་ཀྱི་ཆེད་གཞུང་འབྲེལ་བསྔོ་སྨོན་མཆོད་འབུལ་ཞིག་གནང་སོང་།
བསྔོ་སྨོན་མཆོད་འབུལ་ཐོག་སྲིད་སྐྱོང་བློ་བཟང་སེང་གེ་མཆོག་གིས་ད་ལྟའི་བར་བོད་མི་ ༧༢ གྱིས་རང་ལུས་མེར་བསྲེཊ་ཀྱིས་བོད་རྩ་དོན་ཆེད་རང་སྲོག་བློས་གཏོང་བྱས་པ་དེས། རྒྱལ་སྤྱི་དང་རྒྱ་ནག་སྲིད་གཞུང་། བཙན་བྱོལ་ནང་གནས་སྡོད་བོད་མི་ཡོངས་ལ་བརྡ་ལན་གསལ་བོ་ཞིག་སྤྲད་ཡོད་ཚུལ་དང་། འཛམ་གླིང་གི་བརྒྱུད་ལམ་ཁག་ཏུ་ཁྱབ་བསྒྲགས་ཤུགས་ཆེར་འགྲོ་བཞིན་ཡོད་སྐོར། ༸གོང་ས་མཆོག་གིས་ཉི་ཧོང་དུ་མཛད་འཕྲིན་སྐྱོང་བཞིན་པའི་སྐབས་གྲོས་ཚོགས་ནང་ཕེབས་ཏེ་འཐུས་མི་ ༡༥༠ ལྷག་དང་ཐུག་འཕྲད་གསུང་བཤད་དང་། སྲིད་བློན་ཟུར་པ་དང་སྲིད་དོན་ཚོགས་པ་བཅས་ཀྱི་གནད་ཡོད་མི་སྣར་ཐུག་འཕྲད་བྱས་ཏེ། ཁོང་རྣམ་པས་མ་འོངས་པར་བོད་དོན་ལ་རྒྱབ་སྐྱོར་བྱ་རྒྱུའི་ཁས་ལེན་གནང་ཡོད་སྐོར་སོགས་གསུངས་ཏེ། བསླེབས་ལ་ཉེ་བའི་ནོ་སྦེལ་ཞི་བདེ་གཟེངས་རྟགས་དང་འགྲོ་བ་མིའི་ཐོབ་ཐང་ཉིན་མོ་དེ་རྒྱལ་སྤྱིའི་གདུང་སེམས་མཉམ་སྐྱེད་ཀྱི་ཉིན་མོར་སྲུང་གཙི་བྱ་རྒྱུའི་ཐད་ཁོང་གིས། “ ཉིན་གཉིས་ཀྱིས་རྗེས་སུ་རྒྱལ་སྤྱིའི་ཁྱོན་ཡོངས་ཀྱི་རྒྱལ་ཁབ་ ༤༠ ལྷག་གི་བོད་དོན་རྒྱབ་སྐྱོར་ཚོགས་པའི་ཚོགས་མི་འདིར་འཛོམས་ཏེ། ཉིན་གསུམ་རིང་བོད་དོན་ཐོག་ཕྱག་ལས་ག་རེ་གནང་མིན་ཐོག་གྲོས་བསྡུར་བྱས་རྗེས། ལས་འགུལ་སྤེལ་རྒྱུའི་འཆར་གཞི་སྒྲིག་ཡོང་གི་རེད། དེ་རིང་སྤྱི་འཐུས་ཚོགས་གཙོ་གཞོན་གཉིས་དང་སྲིད་སྐྱོང་བཅས་མཉམ་འཛོམས་ཐོག དམིགས་བསལ་ཚོགས་ཆེན་སྐབས་ཀྱི་ལས་འགུལ་སྤེལ་རྒྱུའི་གྲོས་ཆོད་ཁག་ལས། ལོ་གསར་ཡར་སྔོན་དུ་བཀའ་སྤྱི་ཐུན་མོང་ཐོག་ལས་འགུལ་ག་རེ་སྤེལ་མིན་གྲོས་བསྡུར་གནང་བ་ཡིན།
བོད་མིའི་སྒྲིག་འཛུགས་ཀྱི་ངོས་ནས་བོད་དོན་རྒྱབ་སྐྱོར་ཚོགས་པ་དང་ཆོས་ཚོགས་ཁག བོད་རིཊ་སྤྱི་མཐུན་ཚོགས་པ་ཁག་ལ། ཕྱི་ཟླ་ ༡༢ པའི་ཚེས་ ༡༠ ཉིན་གྱི་ནོ་སྦེལ་ཞི་བདེ་གཟེངས་རྟགས་དང་འགྲོ་བ་མིའི་ཐོབ་ཐང་གི་ཉིན་མོར། རྒྱལ་སྤྱིའི་ཁྱོན་ཡོངས་སུ་ཉིན་གཅིག་དུས་གཅིག་ལ་གདུང་སེམས་མཉམ་སྐྱེད་གནང་རོགས་གནང་ཞེས་འབོད་སྐུལ་ཞུ་བ་ཡིན་ལ། ཉིན་དེར་ཚང་མ་མཉམ་རུབ་ཐོག་གདུང་སེམས་སྐྱེད་བྱ་རྒྱུ་དང་། བོད་མི་ཚོ་ས་གནས་ཁག་སོ་སོའི་གསར་ཁང་དུ་བཅར་ཏེ་གསར་འགོད་པ་རྣམས་ལ་བོད་དོན་ཞུ་རྒྱུ་དང་། བོད་མིའི་སྒྲིག་འཛུགས་ཀྱིས་དམིགས་བསལ་ཕྱོགས་བསྒྲིགས་འགྲེམས་སྤེལ་བྱས་པའི་སྐར་མ་ ༡༠ ཅན་གྱི་གློག་བརྙན་ས་གནས་ཁག་གི་གསར་འགོད་པ་དང་གྲོས་ཚོགས་འཐུས་མིར་འབུལ་ཐུབ་པ་བྱ་དགོས་པའི་འབོད་སྐུལ་གནང་གི་ཡོད། ” ཅེས་གསུང་བྱུང་།
གསར་འགོད་པ། དོན་གོ
![Ren Quanniu said the Henan Provincial Justice Department revoked his licence over comments he made in court in a 2018 case [File: Leo Ramirez/ AFP]](https://tibettimes.net/wp-content/uploads/2025/07/Untitled-2-360x180.jpg)
རེད་ཡ། ད་ང་ཚོས་སྨོན་ལམ་སོགས་གསུང་ནས་གདུང་སེམས་མཉམ་བསྐྱེད་བྱེད་དགོས་ཀྱང་དགོས། སྐབས་ཐོག་གི་གཅིག་དང་གཉིས་ཙམ་གྱི་ཆེད་མ་ཡིན་པར་འུ་ཚང་ལ་དཔའ་བོ་དཔའ་མོ་བདུན་བཅུ་ཙམ་ཡོད་ནི་རེད།
ད་དུང་རྒྱལ་སྤྱིའི་ཁྱོན་ཡོངས་ཀྱི་གདུང་སེམས་མཉམ་བསྐྱེད་ལས་བོད་མི་ཁྱོན་ཡོངས་ནས་མཉམ་རུབ་ཐོག་ལས་འགུལ་འཆར་གཞི་ལྡན་པ་ཞིག་སྤེལ་རོགས། གཞུང་གི་ལས་བྱེད་དང་གྲོང་གི་མང་ཚོགས། གྲྭ་སའི་གྲྭ་བ་དང་ཨ་ནེ། ད་དུང་སློབ་གྲྭའི་སློབ་མ་སུ་ལའང་གུ་ཡང་མེད་པར་རྒྱལ་སྤྱིའི་དོ་སྣང་ཡོད་པ་ཞིག་དང་། མྱི་དང་རྒྱུ་ཡི་འགྲོ་སོང་བཏང་ཡང་བཏང་ཡིན་བསམ་བསམ་ཞིག་སྤེལ་དགོས། ད་ཐེངས་ད་བསྒུག་ནས་འདུག
གཞུང་འབྲེལ་གྱི་སྨོན་ལམ་སོགས་གསུང་ནས་གདུང་སེམས་མཉམ་བསྐྱེད་བྱས་པ་བཟང་གི་འོན་ང་ཚོ་ལྷོད་ལྷོད་བྱས་ནས་འདུག་ཁོམ་མེད་ཁུ་གང་མགྱོགས་རྒྱ་ས་ལྡི་ལི་ནས་རྒྱ་ནག་གི་གཞུང་ཚབ་ཁང་གི་མདུན་དུ་གཞི་རྒྱ་ཆེ་བའི་ལས་འགན་ཞིག་སྤེལ་དགོས་རྒྱུ་འདི་ཁ་ཚ་དགོས་གཏུགས་རེད། མ་མཐའ་ཡང་བོད་མི་ཁྲི་གསུམ་ནས་བཞི་འཛོམས་ཏེ་སྒེར་ལངས་ཆེན་པོ་ཞིག་མ་བྱས་པར་དུ་ང་རང་ཉལ་ནས་འདུག་གི་ཡིན། བཙན་བྱོལ་པ་ཚོ་བོད་རང་དབང་སླར་གསོ་ཆེད་དུ་འབད་བརྩོན་བྱེད་ཀྱི་ཡོད་ན་ལས་འགན་ཡོངས་རྫོགས་མཉམ་རུབ་ཐོག་སྤེལ་རོགས། ལས་འགན་ཟེར་པ་དེ་ནུས་པ་ལ་བལྟ་རྒྱུ་ལས་གཟུགས་བརྙན་བསྟན་པ་ཙམ་གྱི་ལས་འགན་དུ་མི་འགྲོ གཞུང་མང་གཉིས་ནས་ཐུགས་བསམ་ཡག་པོ་ཞིག་བཞེས་རོགས།