དེ་རིང་ཕྱི་ཚེས་ ༡༦ ཉིན་གྱི་ཞོགས་པའི་ཆུ་ཚོད་ ༨།༠༠ ཡས་མས་སུ་ནོར་གླིང་བོད་རིཊ་སྤྱི་མཐུན་ཚོགས་པས་གོ་སྒྲིག་འོག ནོར་གླིང་ཉེ་འཁྲིས་རྒྱུད་སྟོད་གྲྭ་ཚང་དང་འཆི་མེད་དགའ་ཚལ་གླིང་། བཙུན་དགོན་སྒྲོལ་མ་གླིང་བཅས་ཀྱི་དགེ་འདུན་པ་དང་བཙུན་མ། ནོར་གླིང་མཐོ་སློབ་ཀྱི་དགེ་སློབ། དེ་བཞིན། ནོར་གླིང་གནས་སྡོད་སེར་སྐྱ་མི་མང་བཅས་མི་ ༣༠༠ ཡས་མས་ཀྱིས། བོད་ནང་བོད་བསྟན་སྲིད་མི་རིགས་ཆེད་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ལ་རྒྱབ་སྐྱོར་དང་སྐྱིད་སྡུག་མཉམ་མྱོང་། གདུང་སེམས་མཉམ་སྐྱེད་མཚོན་ཆེད་དང་། ཉེ་ལམ་གསར་དུ་བསྐོ་བཞག་བྱས་པའི་རྒྱ་ནག་གི་མགོ་ཁྲིད་གསར་པ་ཞི་ཅིན་ཕིན་གཙོས་པའི་མགོ་ཁྲིད་རྣམས་ལ། བོད་ཀྱི་གནད་དོན་ཐོག་བཟང་ཕྱོགས་ཀྱི་འགྱུར་བ་གཏོང་རྒྱུ་དང་། ༸གོང་ས་མཆོག་གི་དམིགས་བསལ་སྐུ་ཚབ་དང་སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་བོད་མིའི་མགོ་ཁྲིད་དང་མཉམ་དུ་ཞི་བའི་གྲོལ་མོལ་བྱ་རྒྱུའི་བརྡ་ལན་སྤྲོད་ཆེད། ནོར་གླིང་འཆི་མེད་དགའ་ཚལ་གླིང་དགོན་པ་ནས་མགོ་འཛུགས་ཀྱིས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་རྒྱལ་གཅེས་དཔའ་བོའི་རྗེས་དྲན་རྡོ་རིང་མདུན་ཐང་བར་གོམ་བགྲོད་ཀྱི་ལས་འགུལ་ཞིག་སྤེལ་ཡོད་པ་མ་ཟད། བཞུགས་སྒར་གཙུག་ལག་ཁང་དུ་རྒྱལ་གཅེས་པ་ཡོངས་ཀྱི་ཆེད་མཆོད་འབུལ་སྨོན་ལམ་གནང་ཡོད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།