དེ་རིང་གཟའ་སྤེན་པའི་ཉིན་ན་གཞོན་ཤེས་ཡོན་པའི་ཚོགས་ཆེན་བཞུགས་སྒར་དུ་ཚོགས་ཡོད་ཅིང་། ཉིན་གཉིས་རིང་རང་ལུས་མེར་བསྲེཊ་ཀྱི་རྒྱུ་རྐྱེན་དང་རྒྱབ་ལྗོངས་བཅས་ཀྱི་ཐོག་བགྲོ་གླེང་གནང་རྗེས། བསམ་ཚུལ་ཕྱོཊ་བསྡོམས་ཀྱིས་བོད་མིའི་སྒྲིག་འཛུཊ་དང་སྤྱི་འཐུས་ལྷན་ཚོཊ་བཅས་ལ་འབུལ་རྒྱུ་ཡིན་འདུག
དེ་རིང་ཕྱི་ཚེས་ ༡༧ ཉིན་གྱི་ཞོགས་པའི་ཆུ་ཚོད་ ༩།༠༠ སྟེང་བཞུཊ་སྒར་བོད་ཀྱི་གསོལ་མགྲོན་ཁང་གི་ཚོགས་ཁང་དུ། ན་གཞོན་རྩོམ་པ་པོ་བློ་བཟང་ཆོས་འབྱོར་ལགས་ཀྱིས་གོ་སྒྲིག་འོག བཙན་བྱོལ་བོད་ཀྱི༼ན་གཞོན་ཤེས་ཡོན་པའི་ཚོཊ་ཆེན་ཐེངས་དང་པོ༽དབུ་འཛུགས་གནང་སོང་ལ། ཚོགས་འདུའི་ཐོག་བོད་དོན་འཐབ་རྩོད་པ་ཤེས་རབ་ཚེ་རྡོར་ལགས་གདན་ཞུའི་ཐོག བོད་མི་མང་སྤྱི་འཐུས་ལས་ཐོགས་དང་། བཞུགས་སྒར་ཉེ་འཁྲིས་དགོན་སྡེ་ཁག་གི་དགེ་རྒན། བོད་རིཊ་ན་གཞོན་རྩོམ་པ་པོ་དང་ཤེས་ཡོན་པ་བཅས་སྐྱ་སེར་ཕོ་མོ་ ༢༠ ཙམ་འདུ་འཛོམས་བྱུང་འདུག་ལ། ཉིན་གཉིས་རིང་གི་ཚོགས་འདུའི་སྐབས་ ༼རང་ལུས་མེར་བསྲེཊ་ཀྱི་རྒྱབ་མདུན་ལ་བལྟ་བ༽ ཞེས་པའི་བརྗོད་གཞིའི་ཐོག རང་ལུས་མེར་བསྲེཊ་ཀྱི་རྒྱབ་ལྗོངས་དང་ངོ་བོ་ངོས་འཛིན་བྱེད་སྟངས། རྒྱལ་སྤྱིའི་ཐོག་རྒྱབ་སྐྱོར་ཡོང་གི་མེད་པའི་རྒྱུ་རྐྱེན། བོད་པ་རང་ངོས་ནས་ག་རེ་བྱ་དགོས་མིན། གཞུང་དང་སྒྲིག་འཛུགས་ཁག་གི་ལས་དོན་ལས་གཞན་ག་རེ་གནང་དགོས་མིན་བཅས་སྐོར་ལ་བགྲོ་གླེང་གནང་རྒྱུ་ཡིན་འདུག
ཚོགས་འདུའི་ཐོག་མར་ཚོགས་ཞུགས་པ་ཡོངས་སྐུ་བཞེངས་ཐོག བོད་བསྟན་སྲིད་མི་རིགས་ཆེད་རང་ལུས་མེར་བསྲེཊ་གནང་མཁན་གཙོས་རྒྱལ་གཅེས་དཔའ་བོ་དཔའ་མོ་ཡོངས་ལ་སྐར་མ་གཅིག་རིང་ངག་བཅད་མྱ་ངན་དང་། བོད་རྒྱལ་ཁབ་ཆེན་པོའི་རྒྱལ་གླུ་གྱེར་འདོན་བཅས་གནང་རྗེས། ཚོགས་འདུ་གོ་སྒྲིག་པ་བློ་བཟང་ཆོས་འབྱོར་ལགས་ཀྱིས་ཚོགས་འདུ་ངོ་སྤྲོད་གཏམ་བཤད་གནང་སོང་ལ། ཁོང་གིས་ངོ་སྤྲོད་གནང་དོན་ལྟར་ན་ཐེངས་འདིའི་ཚོགས་འདུའི་དམིགས་ཡུལ་གཙོ་བོ། འདས་པའི་མི་ལོ་ ༥༠ ལྷག་གི་རིང་བཙན་བྱོལ་ནང་ཤེས་ཡོན་ཅན་ཚོས་གནད་འགག་གི་དུས་སྐབས་སུ་ཚོགས་འདུ་བསྐངས་ཏེ། གཞུང་དང་མི་མང་ལ་རླབས་ཆེན་གྱི་བསམ་ཚུལ་བཏོན་པའི་བྱུང་རིམ་མེད་སྟབས། ཛ་དྲག་གནས་སྟངས་འོག་བོད་པའི་ཆབ་སྲིད་དང་ཤེས་ཡོན། སྐད་ཡིག་བཅས་ཀྱི་ཐོག ཤེས་ཡོན་པ་ཚོས་གཞུང་དང་མི་མང་ལ་ཐུགས་ཕན་གསོ་ཐབས་དང་དཔུང་འདེགས་ཀྱི་ནུས་པ་འདོན་ཐུབ་ཆེད། རྒྱ་ནག་གི་སྟངས་འཛིན་འོག་འགྲོ་བཞིན་པར་ངོས་འཛིན་བྱེད་བཞིན་པའི་བོད་རིག་པའི་ཚོགས་འདུ་དེར། བཙན་བྱོལ་ནང་གི་ཤེས་ཡོན་པས་འགན་འཁུར་ཐུབ་པ་བྱ་ཆེད་དང་། སུ་གང་ལའང་མ་བརྟེན་པར་རང་མགོ་རང་འཐོན་བྱ་དགོས་པ། བཙན་བྱོལ་ནང་ཁ་འཐོར་གྱི་རྣམ་པར་བསྡད་ཡོད་པའི་ཤེས་ཡོན་པ་མཉམ་རུབ་ཐོག ཕན་ཚུན་ངོ་ཤེས་དང་རྒྱུས་ལོན་བྱས་ཏེ་ནུས་པ་མཉམ་སྤུངས་བྱ་རྒྱུ་བཅས་ལ་དམིགས་ཏེ་གོ་སྒྲིག་གནང་བ་ཞིག་ཡིན་སྐོར་དང་། མ་འོངས་པར་བོད་པའི་ཤེས་ཡོན་པ་ཚོས་བོད་ཀྱི་རིག་གནས་ཀྱི་བསྩལ་བའི་རྩ་དོན་སྒྲུབ་འདུན་གྱི་སྙིང་སྟོབས་གཞི་རྩ་བྱས་ཏེ། སྲིད་དོན་ཚན་རིག་ལ་ཐུགས་སྣང་དང་། བཙན་བྱོལ་བོད་མིའི་ཤེས་ཡོན་གནས་ཚད་དང་སྐད་ཡིག སློབ་གསོའི་ལམ་ལུཊ། ཤེས་ཡོན་པ་སྐྱེད་སྲིང་། རྩོམ་ཡིག་དང་བརྩམས་ཆོས་ངོས་འཛིན་སོགས་ཀྱི་ཐད། ཤེས་ཡོན་ཅན་རྣམས་ཀྱིས་ནུས་པ་ལྡན་པ་དང་སྒྲིག་འཛུགས་རང་བཞིན་གྱི་བསམ་འཆར་སྤེལ་ཏེ། གནད་དོན་དེ་རྣམས་ལ་གླེང་སློང་བྱ་རྒྱུ་དང་འགན་འཁུར་དགོས་པའི་འབོད་སྐུལ་སོགས་གནང་སོང་།
ཐེངས་འདིའི་ན་གཞོན་ཤེས་ཡོན་པའི་ཚོགས་ཆེན་ཐོག་བཀའ་ཟུར་ཟམ་གདོང་རིན་པོ་ཆེ་མཆོག་གིས་ཡིག་ཐོག་གི་བཀའ་སློབ་གསུང་འཕྲིན་ཞིག་བསྩལ་ཡོད་ལ། བཀའ་ཟུར་མཆོག་གི་ཡིག་ཐོག་གསུང་འཕྲིན་ནང་། འདས་ལོ་བཅུ་ཕྲག་གསུམ་བཞིའི་ནང་བོད་ནང་རྒྱ་ནག་དབང་འཛིན་པས་བོད་མིའི་ངོ་བོ་དང་། དེའི་གཞི་རྟེན་རིག་གཞུང་སྐད་ཡིག་དང་བཅས་པ་རྩ་མེད་གཏོང་རྒྱུའི་དམིགས་ཡུལ་དང་འཆར་གཞི་ལྡན་པའི་དྲག་གནོན་འོག བོད་རིག་པའི་སྲུང་སྐྱོབ་ཧ་ཅང་དཀའ་བའི་གནས་སུ་གྱུར་པ་དང་། བྱེས་འཁོད་བོད་མི་རྣམས་རང་དབང་གུ་ཡངས་ཅན་གྱི་ཡུལ་ལུང་ཁག་གི་ནང་། དེང་རབས་སྤྱི་ཚོགས་དཔལ་ཡོན་ནས་བྱུངབའི་གོ་ལ་གཅིག་སྒྱུར་དང་ཁྲོམ་རྭའི་རིང་ལུགས་ཀྱི་གནོན་ཤུགས་འོག བོད་དང་བོད་མིིའི་ངོ་བོ་སྲུང་སྐྱོབ་རྒྱུན་འཛིན་བྱེད་དགོས་ཀྱི་འདུ་ཤེས་རང་ཡུལ་དུ་འགྲོ་བཞིན་ཡོད་པ་འདི་གཞིས་ཀྱི་གནས་བབ་ལས་ཀྱང་ཉེན་ཚབས་ཆེ་བར་མངོན། ཟད་མཐའ་མེད་པའི་དཀའ་རྙོག་དང་གཅེས་པའི་ལུས་སྲོག་གི་ཉེན་ཁ་ཚུན་ལ་མ་འཛེམས་པར་གཞིས་བཞུགས་བོད་རིཊ་རྒན་གཞོན་དུ་མས་ཆོས་དང་རིག་གཞུང་། ལེཊ་བྱང་སྲུང་སྐྱོབ་ཀྱི་སླད། བཤད་སྒྲུབ་འཆད་ཉན་དང་སྐད་ཡིག་བདག་གཅེས། འབྲི་རྩོམ། རྩ་མེད་དུ་འགྲོ་ལ་ཉེ་བའི་དཔེ་རྒྱུན་དཀོན་རིགས་མཁོ་སྒྲུབ། གནའ་རྫས་སྲུང་སྐྱོབ། བཀའ་བསྟན་དཔེ་བསྡུར་དག་ཞུས་དཔར་སྐྲུན་སོཊ་རླབས་ཆེན་གྱི་བྱ་བ་མང་པོ་བསྒྲུབས་དང་སྒྲུབ་བཞིན་པ་ནི། བོད་མིའི་སྙིང་སྟོབས་ཀྱི་གཟི་བརྗིད་དང་མཚོན་རྟགས་ཡི་རང་སྔགས་བརྗོད་ཀྱི་འོས་སུ་ཆེ་བ་ཞིག་ཡིན། འུ་ཅག་བྱེས་འཁོད་ཀྱི་བོད་མི་རང་དབང་ལྡན་ཞིང་ཉེན་ཁ་མེད་ལ། མཐུན་རྐྱེན་སྒྲུབ་སླ་བའི་གནས་བབ་ཡོད་པ་རྣམས་ཀྱིས་བོད་མི་རིགས་ཀྱི་ངོ་བོ་སྲུང་སྐྱོབ་ཀྱི་བྱ་བ་གཞིས་བཞུགས་བོད་མི་རྣམས་ལས་ལྷག་པ་ཞིག་མ་བྱུང་ཡང་། མཚུངས་པ་ཞིག་གནང་དགོས་པ་ནི་སྐབས་བབ་བཟང་སྤྱོད་ཀྱི་ལས་འགན་ཡིན་པ་བསྙོན་དུ་མེད། དེས་ན་བྱེས་འཁོད་བོད་རིགས་སྤྱི་དང་། ཁྱད་པར་ན་གཞོན་ཤེས་ཡོན་པ་རྣམས་ཀྱིས་རང་འགན་རང་ངོས་ཟིན་པ་གནང་སྟེ། སྙིང་ལ་རུས་པ་བཅུག་པའི་གནས་སྐབས་ཁྱད་པར་བ་ཞིག་ལ་བསླེབས་ཡོད་པ་དེ་མཁྱེན་དགོས། གཞན་བརྟེན་དང་། གཞན་འགྲན། གཞན་རེ། གཞན་དཔེར་ལྟ་བའི་བསམ་སྤྱོད་བཞི་པོ་འདིས་བྱེས་འབྱོར་བོད་རིགས་ཕུང་ལ་སྦྱར་བའི་ཉེན་ཚབས་གཅོང་ནད་ལྟ་བུ་ཞིག ང་ཚོའི་ཁྲོད་མངོན་གསལ་མེད་པར་ཁུ་སིམ་གྱིས་ཞུགས་ཟིན་པ་འདི་ངོས་འཛིན་ཐུབ་པ་དགོས་རྒྱུ་ཤིན་ཏུ་གལ་ཆེར་མཐོིང་། ཞེས་སོགས་བཀོད་འདུག
ཡང་བཀའ་བློན་ཁྲི་ཟུར་མཆོག་གིས་ན་གཞོན་ཤེས་ཡོན་པའི་ཚོགས་ཆེན་ཐོག་སློབ་སྟོན་དང་རེ་སྐུལ་དོན་ཚན་བརྒྱད་བསྩལ་ཡོད་པའི་ནང་། ༡༽ བོད་མིའི་ཆབ་སྲིད་ཀྱི་ཕུགས་དམིགས་ཇི་འདྲ་ཞིག་བཟུང་རུང་། དེའི་བསྒྲུབ་བྱ་སྒྲུབ་བྱེད་གཉིས་ཀའི་ནང་བོད་མིའི་ངོ་བོ་དང་ཁྱད་ཆོས། ཐུན་མིན་རིག་གཞུང་དང་ལེགས་བྱང་བཅས་ངེས་པར་དུ་ཚུད་དགོས་པའི་འདུ་ཤེས་དང་། ཚོར་བ་མ་བརླགས་པ་དགོས་རྒྱུ། ༢ ༽ དེའི་སླད་རང་དང་རང་གཅེས། རང་སྐད་རང་སྤྱོད། རང་ཆས་རང་གྱོན་གྱི་ཀུན་སྤྱོད་རང་གིས་བཟུང་སྟེ་གཞན་ལའང་སྐུལ་འདེབས་ཐུབ་པ་གནང་རྒྱུ། ༣ ༽ བོད་ཀྱི་ཐུན་མོང་དང་ཐུན་མིན་རིག་གནས་ཁག་ལ་ཐུགས་སྣང་དང་། གསན་བསམ། འབྲི་རྩོམ། བགྲོ་གླེང་སོགས་ཤེས་ཡོན་གྱི་བྱ་བར་རྒྱུན་འགྲུས། ༤ ༽ བོད་མིའི་ཤེས་ཡོན་ལམ་སྲོལ་དང་སྤྱི་ཚོགས་ཀྱི་གནས་བབ། བཟང་སྤྱོད་དང་ཆབ་སྲིད་ཀྱི་འགྱུར་འགྲོས་བཅས་ལ་ཐུགས་སྣང་དང་། མཉམ་ཞུགས། དགོངས་ཚུལ་གསལ་སྟོན་གནང་རྒྱུ་བཅས་ཀྱི་གོམས་གཤིས་གོང་མཐོར་སྤེལ་ཐབས། ༥ ༽ བོད་མི་རིགས་སྤྱི་དང་། ནང་གསེས་སྡེ་ཚན་ཆེ་ཆུང་ཁག་གི་ནང་ཆིག་བསྒྲིལ་དང་གོང་བུའི་ནུས་པ་གོང་མཐོར་སྤེལ་བའི་ཐབས་ལམ་ལ་སྒོ་ཀུན་ནས་བརྩོན་དགོས་པས། གལ་གནད་བརྩི་ཕྱོགས་ཀྱི་གོ་རིམ་འཛོལ་མེད་དང་། ཕུགས་དམིགས་དང་ཐབས་ལམ་ལ་ལྟ་གྲུབ་འདྲ་མིན་སྣ་མང་ཡོད་པ་རྣམས་ཆིག་སྒྲིལ་གྱི་འགལ་རྐྱེན་དུ་མ་སོང་བར་མཐུན་རྐྱེན་དུ་འགྲོ་ཐབས་སུ། ༸གོང་ས་སྐྱབས་མགོན་ཆེན་པོས་རྟོན་བཞིའི་བླང་དོར་འཛོལ་མེད་དགོས་པའི་བཀའ་སློབ་སྙིོང་བཅངས་ཀྱིས་ཕྱག་ལེན་དུ་འཁེལ་ཐབས་དང་། ལྷག་པར་སྒེར་གྱི་འཁོན་རྩོད་སྤྱི་པའི་ཆིག་སྒྲིལ་གྱི་འགལ་རྐྱེན་དུ་མ་སོང་བ་གནང་དགོས། ཅེས་དང་།
ཡང་མུ་མཐུད་བཀོད་དོན། ༦༽གོ་སྐབས་དང་ཉེན་ཁའི་དུས་ཚོད་ནམ་བྱུང་དུས་ཐོག་ངོས་འཛིན་ཐུབ་པ་གནང་སྟེ་བེད་སྤྱོད་དང་ཉེན་སྲུང་དུས་ལས་མ་ཡོལ་བ་གནང་ཐབས། ༧༽གཞིས་བཞུགས་བོད་མིའི་སྙིང་སྟོབས་དང་། ཆོད་སེམས། བློས་གཏོང་བཅས་ལ་གདུང་སེམས་མཉམ་སྐྱེད་དང་ཆིག་བསྒྲིལ། སྐབས་བསྟུན་དྲིལ་བསྒྲགས་དང་འོས་འཚམས་ཀྱི་འཚེ་མེད་བདེན་པའི་ལས་འགུལ་སྤེལ་ཐབས་ལ་རྣམ་དཔྱོད་རྩལ་སྤྲུགས། ༨༽ལྷག་པར་ཚོགས་ཐེངས་འདིའི་བརྗོད་གཞི་༼རང་ལུས་མེར་སྲེག་གི་རྒྱབ་མདུན་བལྟ་བ༽ ཞེས་པ་འདིའི་ཐད། རྒྱལ་སྤྱིའི་བྱུང་རབས་ནང་སྔར་མ་གྲཊ་པའི་བོད་རིཊ་ན་གཞོན་སེར་སྐྱ་ཧ་ཅང་མང་པོས་གཞན་ལ་འཚེ་བ་མེད་པར་རང་གི་གཅེས་པའི་ལུས་སྲོག་མི་རིཊ་ཀྱི་རྩ་དོན་སླད་དྭང་བླངས་དགའ་སྤྲོའི་ངང་བློས་གཏོང་གནང་མཁན་དེ་རྣམས་ཀྱི་ལྷག་བསམ་དང་། སྙིང་སྟོབས། ཆོད་སེམས། བློས་བཏང་། ངལ་བ་དང་ལེན་བཅས་ཀྱི་གནས་ཚད་དང་། ང་ཚོའི་བསམ་སྤྱོད་གཉིས་ཀའི་ཡུལ་ལས་འདས་པ་ཞིག་ཡིན་པ་དེ་ངོས་འཛིན་དང་འབྲེལ། ཁོང་ཚོའི་བློས་གཏོང་ཆུད་ཟོས་སུ་མི་འགྲོ་བའི་ཐབས་ལམ་ཇི་ཡོད་དང་། དེ་འདྲའི་རླབས་ཆེན་གྱི་མཛད་སྤྱོད་ལ་གཞིས་བྱེས་བོད་མི་ཡོངས་ཀྱིས་ཁོང་ཚོའི་རེ་འདུན་སྒྲུབ་ཐབས་ཇི་ཡོད་ཟབ་ཡངས་དཀྱེལ་ཆེའི་རྣམ་དཔྱོད་ཀྱི་ལམ་ནས་ཞིབ་འཇུག་བགྲོ་གླེང་གཏིང་ཟབ་སྒོས། བྱེས་འབྱོར་བོད་རིཊ་ཡོངས་ལ་ལམ་སྟོན་ཐུབ་པ་ཞིག་བྱུང་ན་དགེ་མཚན་ཆེ་བར་མཐོང་ཞིང་། ད་རེས་གོ་སྐབས་འདིའི་ཐོག་བསྐྲུན་པའི་ན་གཞོན་ཤེས་ཡོན་ཅན་གྱི་གླེང་སྟེཊ་འདི་ཡར་རྒྱས་དང་རྒྱུན་གནས་ཀྱི་ལམ་ནས། བོད་དང་བོད་མིའི་གལ་ཆེའི་གནད་དོན་ཡོངས་རྫོཊ་ཀྱི་ཐོག ན་གཞོན་ཤེས་ཡོན་ཅན་རྣམས་ཀྱིས་དཔེ་སྟོན་དང་མདུན་བསྐྱོད་གནང་བའི་རེ་འདུན་ཞུ་བ་ཡིན། ཞེས་བཀོད་འདུག
མཇུག་མཐར་བོད་དོན་འཐབ་རྩོད་པ་ཤེས་རབ་ཚེ་རྡོར་ལགས་ཀྱིས། ཁོང་གིས་ལྡི་ལི་རྒྱ་ནག་གཞུང་ཚབ་མདུན་དུ་རང་ལུས་མེར་བསྲེཊ་གནང་སྐབས་ཀྱི་གནས་སྟངས་དང་། ཁོང་རང་ངོས་ནས་༼མིག་སྒྲིབ་རྒྱལ་དཀྲོགས་ལས་འགུལ༽ སྟེ་ཟླ་བ་ ༦ རིང་རྒྱ་གར་གྱི་ས་གནས་ཁག་ ༡༠༦ ནང་སྐོར་སྐྱོད་མཚན་རྟགས་བསྡུ་རུབ་ཀྱི་ལས་འགུལ་སྤེལ་བའི་སྐོར་སོགས་ངོ་རྒོལ་གནང་རྗེས། བགྲོ་གླེང་དངོས་སུ་དབུ་འཛུགས་གནང་སོང་ལ། ཐེངས་འདིའི་ཉིན་གཉིས་རིང་གི་ཚོགས་འདུ་གྲུབ་པ་དང་། གོ་སྒྲིག་པས་ཚོགས་འདུའི་བསམ་ཚུལ་ཕྱོགས་བསྡོམས་ཀྱིས་བོད་མིའི་སྒྲིག་འཛུགས་དང་སྤྱི་འཐུས་ལྷན་ཚོགས། དགའ་ལྡན་ཕོ་བྲང་བཅས་ལ་འབུལ་རྒྱུ་དང་། ས་གནས་ཁག་ལ་གནས་ཚུལ་བརྒྱུད་སྒྲོག་བཅས་གནང་རྒྱུ་ཡིན་པ་མ་ཟད། རང་ལུས་མེར་བསྲེཊ་ཐོག་ཤེས་ཡོན་པའི་བྲིས་པའི་རྩོམ་ཡིག་ཕྱོགས་བསྒྲིགས་ཀྱི་དཔེ་དེབ་འགྲེམས་སྤེལ་བྱ་འཆར་ཡོད་འདུག
གསར་འགོད་པ། དོན་གོ
བཀའ་བློན་ཁྲི་ཟུར་ཟམ་གདོང་རིན་པོ་ཆེས་”སྒེར་གྱི་འཁོན་རྩོད་སྤྱི་པའི་ཆིག་བསྒྲིལ་གྱི་འགལ་རྐྱེན་དུ་མ་སོང་བ་གནང་དགོས།”ཞེས་པའི་བཀའ་བློབ་དུམ་བུ་འདི་ཐེངས་འདིའི་ཚོགས་པ་འདི་ལ་གནང་དགོས་དོན་ཏན་ཏན་ཡོད་སྐད་ཐོས། རྡ་སའི་སྲང་བར་ནས་བཤད་ཚད་བདེན་མིན་མི་ཤེས་མོད། འོན་ཀྱང་ད་ཐེངས་ཚོགས་པ་འདི་བཀའ་ཤག་གསར་པ་ལ་ཁ་གཏད་ཚོགས་པ་རེད་ཟེར་བ་ཞིག་ཤོད་ཀྱིན་འདུག དེ་ནི་གཅིག་བྱས་ན་བདེན་སྲིད། ལས་འགུལ་སྣེ་ཁྲིད་པ་ལ་བལྟས་ན་ཤེས་ངེས་རེད། འོན་ཀྱང་བོད་ཀྱི་བསྟན་པ་ཆབ་སྲིད་ལ་བློ་སེམས་གཅིག་ཏུ་དཀར་ཞིང་དབུས་བོད་མིའི་སྒྲིག་འཛུགས་ལ་ཡིད་ཆེས་གཏིང་ནས་ཡོད་མཁན་གྱི་མི་རེ་གཉིས་དེའི་ནང་ལ་སླེབས་འདུག་པས་མཐའ་གཅིག་ཏུ་འགྲེལ་བཤད་མི་ཤེས་པ་ཞིག་ཏུ་འཁུམས། མདོར་ན་ཚོགས་བསྐྱར་བ་ཚང་མས་མཁས་དབང་ཟམ་གདོང་རིན་པོ་ཆེའི་སྐད་ཆ་ལ་བརྩི་འཇོག་དགོས་རྒྱུ་ཤིན་ཏུ་གལ་ཆེའོ།
ཚོགས་ཆེན་འདི་རྟག་ཏུ་མ་ཉམས་པ་ཡོང་རྒྱུ་གོ་སྒྲིག་པའི་དམིགས་ཡུལ་འདི་ངའི་ཡིད་ལ་འཐད་པས་ཡིན། མི་ཉུང་བ་དེ་ལས་གཞི་རླབས་ཆེན་ཞིག་མགོ་འཛུགས་སྐབས་འདི་འདྲ་རང་རེད། དང་པོ་ནས་ཆེ་ཆེ་རྫིག་རྫིག་ཡིན་ན་མི་བཟང་ལ། མི་མང་ན་དེ་བས་ཀྱང་ཕན་ཐོག་མེད། གོ་ཐོས་ལ་རྡ་རམ་ས་ལའི་ཤེས་ཡོན་པ་སྤྱི་མོས་ཅན་རྐྱང་རྐྱང་ཚོགས་ཞུགས་གནང་ཡོད་སྐད་འདུག དེ་མིན་ང་ཚོའི་བཙན་བྱོལ་ནང་གི་ཤེས་ཡོན་པར་རློམ་པར་རེ་ཤོས་ཡི་གེ་བྲིས་ན་བརྡ་འཕྲོད་པ་མ་གཏོགས་ཁ་ཟ་མ་ཟ་རྒྱུ་གཅིག་པུ་ལས་བེད་སྤྱོད་མེད་པ་ངོ་ཚ་ནས་ཕལ་ཆེར་སླེབས་ཡོད་ས་མ་རེད། དངོས་གནས་བྱས་ན་བཤད་ས་སླེབས་དུས་བཤད་དགོས་པ་རེད་དེ། བཤད་ས་མེད་དུས་ཅིག་བཤད་ཡ་ཡོད་མདོག་མདོག་སྟོན་པ་དེ་ཤེས་རློམ་པ་ཚོའི་ཆོས་ཉིད་རེད། བགྲོ་གླེང་འདི་འདྲས་ནང་སྙིང་ཚང་མ་གསལ་སྟོན་གནང་ཐུབ་པས་ལས་སླ་བོར་འཛུལ་ཞུགས་བྱ་རྒྱུའང་ཁེག་པོ་རེད་འདོད། དེས་ན་ལས་གཞི་འདི་ལམ་ལྷོང་ཡོང་བར་ངས་སྨོན་འདུན་ཞུ་བ་དང། ཚོགས་ཆེན་དང་པོའི་གྲུབ་འབྲས་ཀྱང་མི་འགྱངས་བར་གསལ་བསྒྲགས་བྱ་བའི་རེ་བ་ཡོད།
བཙན་བྱོལ་བོད་ཀྱི༼ན་གཞོན་ཤེས་ཡོན་པའི་ཚོཊ་ཆེན་ཐེངས་དང་པོ༽ཞེས་པའི་ཁ་བྱང་གི་འབྲི་དོན་དང་། ཚོགས་ཞུགས་པའི་གྲངས་ཚད་དང་ཤེས་ཚད་སོགས་ཏག་ཏག་ཅིག་བསྡད་ཡོད་ན་་་་་་་་་་་
བཙན་བྱོལ་བོད་ཀྱི་ན་གཞོན་ཤེས་ཡོན་པའི་ཚོཊ་ཆེན་ཡིན་ན་བཙན་བྱོལ་བོད་ཀྱི་སྤྱི་ཚོགས་སྤྱི་ཡོངས་ཀྱི་ན་གཞོན་ཤེས་ཡོན་པའི་ཚོགས་སྡེ་ཞིག་གྲུབ་དགོས་རེད་མ་གཏོགས། རྡ་སའི་ཤེས་རློམ་པ་ཉི་ཤུ་ཡས་མས་ཤིག་གིས་གོ་བརྡུར་ལ་མིང་འདི་ཐོབ་བམ།
ད་དུང་ཤེས་ཡོན་པའི་མཚན་ཉིད་ལམ་ཚད་གཞི་སོགས་ལ་ས་མཚམས་མེད་པར་རང་གིས་རང་་་་་་་་་་་་་་་་་་་་་་་་་་་་་་་་་་་་
ཚོགས་ཐོག་ན་ཤེས་ཡོན་པའི་མི་སྣ་ཉུང་དྲགས་འདུག་པའི་སྐྱོན་ཆ་མཐོང་ངོ་།། བཙན་བྱོལ་ན་རང་ཉིད་ཤེས་ཡོན་པར་རློམས་མཁན་མང་དག་ཅིག་ཡོད་མོད། ཐེངས་འདིའི་ཤེས་ཡོན་པའི་ཚོགས་ཐོག་ལ་གོ་སྐབས་མ་བླངས་པ་ནི་རྒྱུ་རྐྱེན་གཞན་མ་ཡིན་པར་གསར་འགྱུར་འདིའི་ཁ་བྱང་དང་འབྲེལ་བ་ཏན་ཏན་འདུག ད་དུང་བོད་པ་ཚོ་བསམ་བློ་མ་མཐུན་གདོང་ཐུག་པའི་དཔེ་མེད་དོ།། གང་ལྟར་ཁུག་རྟ་གང་ཟག་སྒེར་ངོས་ནས་ཚོགས་འདུ་གོ་སྒྲིག་དང་གཙོ་སྐྱོང་གནང་བར་ཐུགས་རྗེ་ཆེ་ཞུ། གང་སྒྲུབ་གང་བྱས་བོད་སྤྱི་བོའི་དོན་དུ་འགྲོ་བའི་སྨོན་འདུན།