མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཨེ་ཤ་ཡ་རང་དབང་རླུང་འཕྲིན་དང་འབྲེལ་བའི་ཉེས་འཛུགས་ཁག་ལ་གསལ་བཤད།

བོད་ཀྱི་དུས་བབ།
༢༠༡༢/༡༡/༢༡
Share on FacebookShare on TwitterShare on EmailShare on Whatsapp

གཟའ་ལྷག་པའི་ཉིན་སྲིད་སྐྱོང་བློ་བཟང་སེང་གེ་མཆོག་གིས། ཨེ་ཤ་ཡ་རང་དབང་རླུང་འཕྲིན་ཁང་གི་ནང་ཁུལ་རྙོག་གྲ་དེ་ཁོང་ལ་འབྲེལ་བ་མེད་སྐོར་དང་། ཨ་རིའི་རོགས་དངུལ་བེད་ལོག་ཏུ་བཏང་མེད་པའི་ཐད་གསར་འགོད་བསྒྲགས་གཏམ་ཞིག་སྤེལ་འདུག

ཟླ་འདིའི་ཕྱི་ཚེས་ ༡༩ ཉིན་ཨ་རིའི་གྲོས་ཚོགས་འཐུས་མི་ཌ་ནཱ་རོ་བྷ་ཆཱར་(Dana Rohrabacher)གྱིས་ཨེ་ཤ་ཡ་རང་དབང་རླུང་འཕྲིན་ཁང་གི་ནང་ཁུལ་རྙོག་གྲ་དང་། ཨ་རིའི་རོགས་དངུལ་བེད་ལོག་ཏུ་གཏོང་བཞིན་ཡོད་པའི་ཉེས་འཛུགས་ཡི་གེ་ཞིག་སྲིད་སྐྱོང་བློ་བཟང་སེང་གེ་མཆོག་གི་མཚན་ཐོག་ཏུ་བཏང་ཡོད་པ་ལྟར།  ཕྱི་ཚེས་ ༢༡ ཉིན་སྲིད་སྐྱོང་མཆོག་གིས་ཁོང་ཉིད་རྙོག་གྲ་དེར་འབྲེལ་བ་གང་ཡང་མེད་པ་དང་། ཨ་རིའི་རོགས་དངུལ་བེད་ལོག་ཏུ་བཏང་མེད་པའི་སྐོར་ལ་གསར་འགོད་བསྒྲགས་གཏམ་ཞིག་སྤེལ་ཡོད།  

ཨ་རིའི་གྲོས་ཚོགས་འཐུས་མི་ཌ་ནཱ་རོ་བྷ་ཆཱར་གྱིས་སྲིད་སྐྱོང་གི་མཚན་ཐོག་ཏུ་བཏང་པའི་ཡི་གེ་དེའི་ནང་། སྲིད་སྐྱོང་བློ་བཟང་སེང་གེ་དང་། དེ་བཞིན་བོད་ཀྱི་དཔོན་རིགས་གཞན་པ་བློ་བཟང་སྙན་གྲགས་དང་། རྒྱ་རི་བློ་གྲོས། ཟམ་གདོང་རིན་པོ་ཆེ་ལ་སོགས་ཀྱི་བྱ་སྤྱོད་ལ་བརྟེན་ནས། ཨ་རིའི་གྲོས་ཚོགས་ནང་ལ་བོད་དོན་གྱི་ཐོག་ལ་རྒྱབ་སྐྱོར་ཡོང་བར་གནོད་འཚེ་བཟོ་བ་དེར་ཁོང་ཁྲོ་ཚབས་ཆེན་འདོན་ཆེད་ཡི་གེ་དེ་ཕུལ་བ་ཞིག་ཡིན་པ་དང་། སྲིད་སྐྱོང་དང་དེ་འབྲེལ་གྱི་ཤོག་ཁག་ཚོས། ཨེ་ཤ་ཡ་རང་དབང་རླུང་འཕྲིན་ཁང་གི་བོད་སྐད་རླུང་འཕྲིན་ཞབས་ཞུ་སྡེ་ཚན་དང་། དེར་རྒྱབ་སྐྱོར་དང་དཀའ་ལས་རྒྱག་མཁན་གྱི་ཨ་རིའི་བོད་མི་ལས་བྱེད་པ་རྣམས་ལ་དམའ་འབེབས་དང་གནོད་ཚབ་ཆེ་བའི་བྱ་སྤྱོད་སྤེལ་བ་དེ་ངེས་པར་དུ་འཕྲལ་མར་མཚམས་འཇོག་བྱ་དགོས་སྐོར་བརྗོད་འདུག

སྲིད་སྐྱོང་བློ་བཟང་སེང་གེ་མཆོག་གི་གསར་འགོད་བསྒྲགས་གཏམ་ནང་། “ཨེ་ཤ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་ནང་ཁུལ་གནད་དོན་སྐོར་ལ། བོད་མིའི་སྒྲིག་འཛུགས་དང་ཕྲན་གྱི་མིང་དེའི་ནང་དྲུད་འདུག་པ་ནི་བློ་ཕམ་གྱི་གནས་ཚུལ་ཞིག་ཡིན། རླུང་འཕྲིན་ཁང་གི་ལས་བྱེད་པའི་གནད་དོན་སྐོར་ཕྲན་ནས་ཨེ་ཤ་ཡ་རང་དབང་རླུང་འཕྲིན་ཁང་གི་འགན་འཛིན་ལྕམ་ལེའུ་འམ་དང་། འགན་འཛིན་ལྷན་ཚོགས་ཀྱི་ཚོགས་མི་སུ་ལའང་འབྲེལ་བ་བྱེད་མྱོང་མེད་ཅེས་ཚིག་ཐག་ཆོད་པོས་ཞུ་རྒྱུ་ཡིན། དེར་བརྟེན། ཨེ་ཤ་ཡ་རང་དབང་རླུང་འཕྲིན་ཁང་གི་འཛིན་སྐྱོང་གནད་དོན་དང་། ང་ཕོད་འཇིགས་མེད་སྐོར་ཕྲན་ལ་འབྲེལ་བ་གང་ཡང་མེད་པས། ལས་བྱེད་སྐོར་ཐེ་བྱུས་བྱས་པའི་ཉེས་འཛུགས་དེ་གཞི་རྩ་གཏན་ནས་མེད་པ་ཞིག་རེད།” ཅེས་བཀོད་འདུག  

ཌ་ནཱ་རོ་བྷ་ཆཱར་གྱིས། “ ངས་ད་དུང་བོད་པར་དམིགས་པའི་ཨ་རིའི་རོགས་དངུལ་དེ་དག་བེད་སྤྱོད་ལོག་པར་གཏོང་ཚུལ་སྐྱོན་བརྗོད་ཤུགས་ཆེ་ཡོང་བ་འདི་ཤེས་ཀྱི་ཡོད། ཨ་རིའི་གྲོས་ཚོགས་ཀྱིས་ལོ་མང་དཀའ་ལས་བརྒྱབ་་ནས་སྲིད་འཛིན་སྡེ་ཁག་ལ་གདེང་སྤོབས་དང་གནོན་ཤུགས་སྤྲད་དེ།  བོད་ལ་དབང་སྒྱུར་མཁན་རྒྱ་ནག་དམར་ཤོག་དབང་འཛིན་པ་ཚོར་ཁ་གཏད་འཐབ་རྩོད་བྱེད་མཁན་གྱི་བོད་པ་རྣམས་ལ་སྐྱབས་བཅོལ་དང་། དཔལ་འབྱོར་ཡར་རྒྱས་ཀྱི་རོགས་རམ། དེ་བཞིན་ཕུགས་རྒྱང་རིང་པོར་དགོས་པའི་རོགས་རམ་གཞན་པ་རྣམས་ཐོབ་ཡོད། གལ་ཏེ་ཨ་རིའི་རོགས་རམ་རྣམས་བེད་སྤྱོད་ལོག་པར་བཏང་ཡོད་པའམ། དེ་ཡང་རྒྱ་ནག་དམར་ཤོག་དང་བོད་པའི་དབང་ཆ་སྒྱུར་མཁན་རྣམས་ཀྱི་ལག་ལ་ཕྱིན་ཡོད་ཚེ། ངས་དེ་དག་ཤེས་པར་བྱས་ནས་ཐག་གཅོད་བྱ་རྒྱུ་ཡིན།” ཞེས་བརྗོད་ཡོད།  

ཨ་རིའི་རོགས་དངུལ་བེད་ལོག་ཏུ་བཏང་མེད་པའི་ཐད། སྲིད་སྐྱོང་མཆོག་གིས་ “བོད་མིའི་སྒྲིག་འཛུགས་ནང་རོགས་དངུལ་བེད་ལོག་བྱས་རིགས་གཏན་ནས་མེད་པར་ཕྱི་གསལ་ནང་གསལ་ཡིན་པར་ང་ཚོར་གདེང་སྤོབས་ཆེན་པོ་ཡོད། སྤྱི་ཚོགས་བདེ་དོན་དང་འཛུགས་སྐྲུན་ཆེད་གནང་སོན་བྱུང་བའི་རོགས་དངུལ་ཨ་སྒོར་རེ་རེ་བཞིན་རྩིས་ཞིབ་འཕེར་བ་ཡོད་པ་མ་ཟད། རོགས་ཚོགས་སོ་སོར་རྩིས་ཁྲ་འབུལ་དགོས་ལྟར་རོགས་དངུལ་བེད་སྤྱོད་ཇི་བཏང་གི་རྩིས་ཁྲ་ཆ་ཚང་དང་ཁ་གསལ་འབུལ་བཞིན་ཡོད།” ཅེས་གསལ་བཤད་གནང་འདུག  

དེ་བཞིན།  ཌ་ནཱ་རོ་བྷ་ཆཱར་གྱི་ཡི་གེ་དེའི་ནང་། “ཨ་རིའི་གྲོས་ཚོགས་ནང་གི་བོད་པའི་གྲོགས་པོ་ཚོས་བོད་ནང་རང་སྲོག་གཏོང་མཁན་ཚོའི་དམིགས་ཡུལ་ལ་རྒྱབ་སྐྱོར་ཡོད་པ་དང་། ཁོང་ཚོ་རྐྱེན་ལམ་དུ་ཤོར་བར་མྱང་ངན་དང་། ཁོང་ཚོའི་སྙིང་སྟོབས་ལ་བསྔགས་བརྗོད་ཡོད། དེ་མཚུངས་ངས་ཁྱེད་རང་དང་ཁྱེད་ཀྱི་ཤོག་ཁག་ཚོས་ཨེ་ཤ་ཡ་རང་དབང་རླུང་འཕྲིན་ལས་ཁུངས་ཀྱིས་བོད་མི་དམངས་ལ་གུ་ཡངས་བའི་བགྲོ་གླེང་དང་རང་དབང་གི་གནས་ཚུལ་སྤྲོད་ལེན་ལོངས་སུ་སྤྱོད་རྒྱུ་ཡོང་བ་བྱེད་པ་འདིར་ལྐོག་གཡོ་ངན་ཇུས་སྤེལ་ན་དེར་བཟོད་སྒོམ་བྱེད་ཀྱི་མིན། ངས་ད་དུང་བོད་ཕྱི་ནང་གཉིས་ནས་ཨ་རིའི་རོགས་རམ་ལེན་མཁན་རྣམས་ལ་ལྟ་རྟོག་ཞིབ་ཚགས་བྱས་ནས་རོགས་རམ་དེ་དམིགས་ཡུལ་ཐོག་སྐྱོད་པ་དང་། དེ་དག་ཨ་རིའི་ཁེ་ཕན་ལ་མཐུན་པའི་ཐོག་ནས་བེད་སྤྱོད་ཡོང་བར་ལྟ་རྟོག་ནན་པོ་བྱེད་ཀྱི་ཡིན།” ཞེས་བརྗོད་ཡོད་པའི་ཐད།

སྲིད་སྐྱོང་བློ་བཟང་སེང་གེ་མཆོག་གིས། “ཨེ་ཤ་ཡའི་རང་དབང་རླུང་འཕྲིན་ཁང་གི་བོད་སྐད་སྡེ་ཚན་ནི་སྤྱིར་བོད་མི་ཡོངས་དང༌། ཁྱད་པར་ཕྱོགས་ལྷུང་མེད་པའི་གནས་ཚུལ་དུས་ཐོག་ཤེས་རྟོགས་བྱ་རྒྱུའི་གོ་སྐབས་མེད་པའི་བོད་ནང་གི་བོད་མི་ཚོར་དངོས་ཡོད་གནས་ཚུལ་ཧེ་བག་མེད་པར་མཁོ་འདོན་བྱེད་ཆེད་དུ་བཙུགས་པ་ཞིག་རེད། ཕྲན་ནས་ཨ་རིའི་གྲོས་ཚོགས་དང་སྲིད་གཞུང་གིས་གལ་ཆེའི་ལས་དོན་འདིའི་ཐོག་དངུལ་དངོས་ཀྱི་མཐུན་འགྱུར་གནང་བར་ཐུགས་རྗེ་ཆེ་ཞུ་རྒྱུ་ཡིན།” ཞེས་གསུངས་འདུག  

གཞན་ཡང་།  ཨ་རིའི་གྲོས་ཚོགས་འཐུས་མི་ཌ་ནཱ་རོ་བྷ་ཆཱར་གྱི་ཡི་གེ་དེའི་ནང་། “ཐོབ་པར་དཀའ་བའི་ཨ་རིའི་ཕྱི་རྒྱལ་རོགས་དངུལ་དེ་དག་རྒྱ་ནག་དམར་ཤོག་ལ་འཐབ་རྩོད་བྱེད་མཁན་རྒྱ་ནག་དམངས་གཙོ་རྩོད་ལེན་པ་དང་། ཆོས་འཁོར་ཚོགས་པ། དེ་བཞིན་ཡུ་གུར་མི་རིགས་སོགས་ལ་སྤྲོད་དགོས། ཁོང་ཚོས་རྒྱ་ནག་ནང་ལ་རང་དབང་དང་དམངས་གཙོ་གོང་འཕེལ་ཡོང་བར་འགོག་རྐྱེན་བཟོ་མཁན་གཙོ་བོ་ནི་དམར་ཤོག་གི་ལམ་ལུགས་དེ་ཡིན་པའི་ཁུངས་སྐྱེལ་དང་ངོས་འཛིན་གསལ་པོར་བྱས་ཡོད། བོད་པའི་དཔོན་རིགས་ཚོ་དང་མི་འདྲ་བར། ཁོང་ཚོས་ལངས་ཕྱོགས་བརྟན་པོར་འཛིན་ཞིང་། རུལ་སུངས་དང་སྲིད་དབང་སྒེར་གཅོད་པ་དང་མཉམ་སྦྲེལ་བྱ་རྒྱུར་འདོད་པ་མེད།” ཅེས་དང་།

“བོད་མི་རང་བསྲེགས་གཏོང་མཁན་ ༧༥ རྣམས་ཀྱིས་ཁྱེད་ཚོས་རྩོད་ལེན་བྱེད་པའི་སྲིད་བྱུས་ཏེ། རྒྱ་ནག་དམར་པོའི་རྒྱལ་ཁབ་ནང་ལ་གྲངས་ཉུང་མི་རིགས་ཀྱི་ཐོབ་ཐང་ཞིག་ཡོང་ཆེད་ལས་འགུལ་སྤེལ་གྱི་མེད། དེ་ལས་ལྡོག་ཏེ། རང་དབང་དང་། མི་རིགས་རང་ཐག་རང་གཅོད། དེ་བཞིན་རྒྱ་ནག་གི་ཁྲིམས་འགལ་བཙན་འཛུལ་མཚམས་འཇོག་ཡོང་ཆེད་ཁོང་ཚོས་རང་སྲོག་བློས་གཏོང་བྱས་ཡོད།”  ཅེས་བཀོད་ཡོད་པ་རེད།

 

(ཌ་ནཱ་རོ་བྷ་ཆཱར་གྱི་ཡི་གེ་བོད་འགྱུར་གྱི་ནང་དོན་དག་མིན་རིགས་མཆིས་ཚེ་དབྱིན་ཡིག་གི་མ་ཡིག་རང་ལ་གཞི་འཛིན་བྱ་དགོས།)

འབྲེལ་ཡོད་གསར་འགྱུར།

༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

ཆུ་ཚོད་ ༡༤ སྔོན་ལ།
 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧
Mobile App

དབུས་གཙང་གཞོན་སྐྱེས་ཚོགས་ཆེན་ཐེངས་དང་པོ་འཚོག་བཞིན་འདུག

༢༠༢༥/༠༦/༢༧
In this handout image released by the Chinese Embassy on June 26, 2025, the first batch of Indian pilgrims at the Manasarovar Lake, in Tibet.
Mobile App

རྒྱ་གར་གྱི་གནས་མཇལ་བ་ཚོ་དངོས་སུ་བོད་ནང་གནས་མཇལ་དུ་ཕྱིན།

༢༠༢༥/༠༦/༢༧
Close view of Chinese PLA combat helicopter in Tibet_January 05 2021
Mobile App

བོད་ནང་གི་ཛ་དྲག་གི་གནས་སྟངས་ལ་གཟིགས་ཞིབ་དགོས་པའི་རེ་སྐུལ་ཞུས། 

༢༠༢༥/༠༦/༢༦
Mobile App

མི་འགྱངས་བར་སྟོབས་ཆེན་རྒྱལ་ཁབ་ལྔ་ཡིས་ཚོགས་ཆེན་འཚོག་རྒྱུ་ཡིན་འདུག 

༢༠༢༥/༠༦/༢༦

མཆན། 26

  1. བཛྲ་སུ་མ་ཏི། says:
    ལོ་ 13 སྔོན།

    བོད་ཀྱི་དཔོན་རིགས་གཞན་པ་བློ་བཟང་སྙན་གྲགས་དང་། རྒྱ་རི་བློ་གྲོས། ཟམ་གདོང་རིན་པོ་ཆེ་ལ་སོགས་ཀྱི་བྱ་སྤྱོད་ལ་བརྟེན་ནས། ཨ་རིའི་གྲོས་ཚོགས་ནང་ལ་བོད་དོན་གྱི་ཐོག་ལ་རྒྱབ་སྐྱོར་ཡོང་བར་གནོད་འཚེ་བཟོ་བ་དེར་ཁོང་ཁྲོ་ཚབས་ཆེན་འདོན་ཆེད་ཡི་གེ་དེ་ཕུལ་བ་ཞིག་ཡིན། ཞེས་བཀོད་ཡོད་པ་ལ་བལྟས་ན་ད་ཕྱི་མིས་ཀྱང་ཧ་གོ་ཡོང་གི་འདུག་ཡ། བོད་པའི་གནད་དོན་གང་ནས་འགག་གི་ཡོད་པའི་སྐོར། ད་དུང་ཞིབ་འཇུག་གནང་ནས་གསལ་ཐག་ཆོད་བཟོ་རོགས་སྐུལ་མ་ཞུ་བཞིན་ཡོད། ནང་གི་སྙིགས་མ་མ་སེལ་ནས་ད་བར་༧གོང་ས་མཆོག་ལ་མཛད་དཀའ་བཟོ་བཞིན་ཡོད་པ་རེད། དེ་ཡང་རྒྱ་ནག་དམར་ཤོག་དང་བོད་པའི་དབང་ཆ་སྒྱུར་མཁན་རྣམས་ཀྱི་ལག་ལ་ཕྱིན་ཡོད་ཚེ། ངས་དེ་དག་ཤེས་པར་བྱས་ནས་ཐག་གཅོད་བྱ་རྒྱུ་ཡིན།” ཞེས་གསུངས་པ་བཞིན། ཐུགས་རྗེ་ཆེ་ངེས་བར་དུ་གནང་རོགས་ཞུ་རྒྱུ་ཡིན།

    Reply
  2. ལུང་རྟོགས། says:
    ལོ་ 13 སྔོན།

    སེམས་དཀར་ལགས་སོགས་མི་རེ་ཟུང་ནས་སྲིད་སྐྱོང་མཆོག་གིས་རང་ཉིད་དཀར་འདོན་བྱེད་པ་ལས་སྒྲིག་འཛུགས་དཀར་འདོན་བྱས་མི་འདུག་ཅེས་སྐྱོན་བརྗོད་བྱེད་ཀྱི་འདུག འོན་ཀྱང་ཨ་རིའི་ལས་བྱེད་དེས་སྲིད་སྐྱོང་དང། ཟམ་གདོང་རིན་པོ་ཆེ། རྒྱ་རི་བློ་གྲོས་རྒྱལ་མཚན། སྐུ་ཚབ་བློ་བཟང་སྙན་གྲགས་བཅས་མིང་འདོན་གྱིས་གང་ཟག་ལ་སྐྱོན་བརྗོད་བྱེད་པ་ལས། སྒྲིག་འཛུགས་ལ་སྐྱོན་བརྗོད་བྱས་མི་འདུག་པས་སྲིད་སྐྱོང་ནས་དཀར་འདོན་བྱེད་སྟངས་འགྲིག་འདུག་སྙམས།

    Reply
  3. སྙིང་མིག says:
    ལོ་ 13 སྔོན།

    ཐེངས་འདིའི་གནད་དོན་འདི་རྣམ་པའི་ཐོག་ནས་ཅུང་ཟད་ཛ་དྲག་པོ་ལྟ་བུར་སྣང་ཡང་། དོན་ལ་དེ་ཙམ་ཆེ་རྒྱུ་ཅང་ཡོད་ནི་མ་རེད་སྙམ། སྤྱི་འཐུས་ཚོགས་གཙོ་དང་། བློ་བཟང་སྙན་གྲགས་གཉིས་ཀྱིས་གསལ་གསལ་ཐིང་ཐིང་ཤེས་ཡོད་པ་མ་ཚད་གྲོས་ཕུག་ལ་ཟམ་གདོང་རིན་པོ་ཆེ་ཡོད་པ་རེད་འདུག འོན་ཀྱང་ངན་ཁག་དེ་སྲིད་སྐྱོང་ཐོག་ལ་གཡུག་པ་དེས་བསྒྲགས་གཏམ་ནང་དུ་་”བོད་མིའི་སྒྲིག་འཛུགས་དང་ཕྲན་གྱི་མིང་དེའི་ནང་དྲུད་འདུག་པ་ནི་བློ་ཕམ་གྱི་གནས་ཚུལ་ཞིག་ཡིན”ཞེས་གསུང་པ་ཡང་ཐུགས་ཁག་གཏན་ནས་མེད། སྔར་གྱི་ཞེ་འཁོན་ཞིག་དང་དེ་ཡང་དོལ་རྒྱལ་དང་འབྲེལ་ཡོད་མོད་ཀྱང་། ཁྱབ་བརྡལ་བྱས་ན་འཛམ་གླིང་མི་དམངས་ཀྱི་རྣ་ལ་སྙན་མོ་ཞིག་ཡོད་ནི་མ་རེད།

    Reply
  4. སེམས་དཀར། says:
    ལོ་ 13 སྔོན།

    ངས་བསམ་ན། གནད་དོན་འདི་ཆུང་ཆུང་ཞིག་མ་རེད། ཟམ་སྟོང་བླ་རྒན་དང་། སྲིད་སྐྱོང་སོགས་ཀྱིས་ལྐོག་ལས་ཀྱི་གསང་བ་ཕྱིར་མངོན་པ་རེད། སྲིད་སྐྱོང་གིས། བོད་གཞུང་ངམ་སྒྲིག་འཛུགས་དཀར་འདོན་མི་བྱེད་པར། ཁོ་རང་གཅིག་པོ་དག་འབུད་བྱས་པ་འདི་ངོ་མ་ཡིད་ཕམ་པའི་གནས་ཤིག་རེད།
    ལྷག་པར་ཨ་རིའི་སྐུ་ཚབ་དོན་གཅོད་བློ་བཟང་སྙན་གྲགས་ཟེར་བ་དེ་མྱི་ངན་གདོན་འདྲེ་ལྟ་བུ་ཞིག་པ་ཡིན་པ་ཡོངས་གྲགས་རེད། ཕྱི་ལོ་ ༢༠༡༡ ལོར་༧གོང་ས་མཆོག་གིས་ཨ་རིར་དུས་དབང་གནང་སྐབས། སྐལ་ལྡན་བློ་གྲོས་དང་ངན་འབྲེལ་བྱས་ནས་དབང་ཡོན་ལྐོག་ཟ་བྱས་པའི་ལོ་རྒྱུས་ཤར་ནུབ་གཉིས་སུ་གྲགས་ཡོད།
    ད་ལོར་ཡང་༧གོང་ས་མཆོག་ཨ་རིའི་ཝིར་ཇི་ནི་ཡར་ཟེར་བ་དེར་ཆིབས་བསྒྱུར་བསྐྱངས་སྐབས། ༧གོང་ས་མཆོག་གདན་འདྲེན་ཞུ་མཁན་སྒེར་གྱི་མི་ཚང་རྒྱལ་མཚན་ཚངས་པོ་ཚང་དང་མཉམ་འབྲེལ་བྱས་ནས་ཨ་སྒོར་གྲངས་མེད་ཧམ་བཟོས་བྱས་ཡོད་པ་མ་ཟད། ད་དུང་ཁོས་ཨ་རིའི་བོད་ཀྱི་དོན་གཅོད་ཁང་དང་། ཝིར་ཇི་ནི་ཡའི་བོད་རིགས་ཚོགས་པ་གཉིས་ཀྱི་བར་ལ་འགལ་བ་བཟོས་ཡོད་པའི་ལོ་རྒྱུས་ཡོངས་གྲགས་རེད།
    ༧གོང་ས་མཆོག་གི་ཆིབས་བསྒྱུར་འདི་དང་པོར་མི་ཚང་དེས་རྒྱ་རི་རིན་པོ་ཆེར་འབྲེལ་བ་ཞུས་སྐབས། རྒྱ་རི་རིན་པོ་ཆེས་༧གོང་ས་མཆོག་མི་ཚང་ཞིག་གིས་གདན་འདྲེན་ཞུས་ན་མི་འགྲིགས་ཚུལ་གསུང་ཏེ། དངས་ལེན་གནང་མི་འདུག དེ་རྗེས་མི་ཚང་འབྱོར་ལྡན་དེས་བློ་བཟང་སྙན་གྲགས་ལ་ལྐོག་དངུལ་སྤྲད་དེ། སྒེར་གྱི་གདན་ཞུས་ཏེ་ལམ་སློང་བྱུང་འདུག
    ད་དུང་བློ་བཟང་སྙན་གྲགས་ཟེར་བ་དེས། འབྲུག་པ་དང་བལ་བོའི་མི་སེར་མང་པོའི་ལག་ནས་ལྐོག་དངུལ་བླངས་ཏེ་བོད་མིའི་དཔྱ་ཁྲལ་ལག་དེབ་མང་པོ་བཟོས་ཡོད་ཅིང་། བོད་དང་རྒྱ་གར་ནས་ཨ་རིར་འབྱོར་བའི་བོད་མི་མང་དག་ཞིག་ལ་བོད་མི་མ་རེད་ཅེས་ཉེས་འཛུགས་བྱས་ཏེ། དཔྱ་ཁྲལ་ལག་དེབ་མ་བཟོས་པའི་ལོ་རྒྱུས་ཨ་རིའི་ཉིའི་ཡོཀ་ཀི་གྲོང་ཁྱེར་ནས་ཡོང་འི་བོད་མི་མང་པོ་ཞིག་གིས་བཤད་ཀི་འདུག
    དེ་སོགས་བློ་བཟང་སྙན་གྲགས་དང་། སྐལ་ལྡན་བློ་གྲོས་གཉིས་ཀྱིས་བསགས་པའི་ནག་ཉེས་སྐལ་བརྒྱར་འབད་ཀྱང་འདག་མི་སྲིད།
    གང་ལྟར་ཨ་རིའི་གྲོས་ཚོགས་འཚོགས་མིས་སྐྱོན་འཛུགས་གནང་བ་དེ་དཀར་འདོན་བྱེད་མ་ཐུབ་ན། བོད་མིར་ཚབས་ཆེའི་གྱོང་གུད་དང་། གཞིས་ལུས་བོད་མི་ཤི་གསོན་གཉིས་ཀར་བློ་ཕམ་ཚད་ལས་འདས་པ་འབྱུང་རྒྱུ་ཡིན་པས། དེའི་ཐད་སྲིད་སྐྱོང་ངམ་ལས་ཀྱི་སྣེ་མོར་གཏོགས་པ་ཚོ་ནུས་པ་ཡོད་ན་འདོན་རན་རེད། དེ་རིང་དེ་ཙམ་ཡིན།

    Reply
  5. རྩྭ་ཐང་གི་གླག་རྒོད། says:
    ལོ་ 13 སྔོན།

    ཨ་རིའི་གྲོས་ཚོགས་འཐུས་མི་ཌ་ནཱ་རོ་བྷ་ཆཱར་གྱི་སྲིད་སྐྱོང་བློ་བཟང་སང་གེ་མཆོག་
    གི་མཚན་ཐེར་འདོན་བྱེས་དེ་སྔུལ་ལོར་བེམ་མེད་བྱེས་ཡོད་སེར་བ་དེ་ལ་བློ་ཕམ་ཡོད

    Reply
  6. གནས་ཚང་། says:
    ལོ་ 13 སྔོན།

    ཧ་ཧ། གལ་སྲིད་ཁུག་རྟ་འདི་སྲིད་སྐྱོང་ཡིན་ན། གངས་ཅན་སྐྱིད་གཤོངས་འདི་མུག་གཤོངས་སུ་བསྒྱུར་ཤག་རེད།

    Reply
  7. ལུང་རྟོགས། says:
    ལོ་ 13 སྔོན།

    གནད་དོན་འདི་ནི་དངོས་གནས་བྱས་ན་ཨེ་ཤ་ཡ་རླུང་འཕྲིན་ལས་བྱེད་ནང་ཁུལ་གྱི་འཐབ་རྩོད་གནད་དོན་ཙམ་ཞིག་དང་། དེ་ཡང་སྐལ་ལྡན་བློ་གྲོས་ཀྱི་བྱ་སྤྱོད་ཅིག་ཡིན་པ་ནི་ལས་བྱེད་གཞན་ཚང་མས་ང་ཕོད་འཇིག་མེད་ལ་རྒྱབ་སྐྱོར་གྱི་ཡི་གེར་ས་ཡིག་བཀོད་ཡོད་ཀྱང་། སྐལ་ལྡན་བློ་གྲོས་གཅིག་པུས་བཀོད་མེད་པའི་གནས་ཚུལ་འདི་ནས་གསལ་པོ་རེད། ཡིན་ན་ཡང་སྐབས་འཚོལ་བ་འགའ་རེས་གནད་དོན་འདི་བེད་སྤྱད་ནས་བོད་པའི་དབུ་ཁྲིད་ཚོར་སྐྱོན་འདོན་ཞུ་བཏུག་བྱས་རྐྱེན། ཨ་རིའི་གཞུང་ཕྱོགས་ནས་ཡི་གེ་དེ་བཏང་ཡོད་གཟོ་འདུག སྲིད་སྐྱོང་མཆོག་ནས་དེ་ལ་གསལ་བཤད་གནད་སྨིན་གནང་འདུག་པ་ནི་དགོས་ངེས་སུ་མཐོང་། ད་དུང་གནད་དོན་འདིའི་འབྱུང་རྩ་བརྩད་གཅོད་བྱེད་རྒྱུ་ཡང་གལ་ཆེ་བར་སེམས།

    Reply
  8. ཀརྨ་རྡོ་རྗེ། says:
    ལོ་ 13 སྔོན།

    ཤར་ཕྱོགས་ཁུག་རྟས།
    དངོས་གནས་བྱས་ན་གསལ་བཤད་འདི་བཀའ་དྲུང་ཡིག་ཚང་གི་དྲུང་གཞོན་མཚན་ཐོག་གམ་སྒེར་དྲུང་མཚན་ཐོག་ནས་བཏང་ཡོད་ན་ཏག་ཏག་རེད་འདོད། ཡིན་ནའང་ཚར་བ་རེད། སྲིད་སྐྱོང་མཆོག་གིས་འདི་འདྲ་ཞིག་བྲིས་ཡོད་ན། ་་་་་་་
    ཤར་ཕྱོགས་ཁུག་རྟ་ཁྱོད་རང་གི་ང་ཚོའི་སྲིད་སྐྱོང་མཆོག་ལ་མ་རབས་ཀྱི་སྐྱོན་བརྗོད་འདི་འི་རིགས་བཞག་ན་ཡག་བགྱིད་རེད་དོ། །

    Reply
  9. ཤར་ཕྱོགས་ཁུག་རྟ། says:
    ལོ་ 13 སྔོན།

    དངོས་གནས་བྱས་ན་གསལ་བཤད་འདི་བཀའ་དྲུང་ཡིག་ཚང་གི་དྲུང་གཞོན་མཚན་ཐོག་གམ་སྒེར་དྲུང་མཚན་ཐོག་ནས་བཏང་ཡོད་ན་ཏག་ཏག་རེད་འདོད། ཡིན་ནའང་ཚར་བ་རེད། སྲིད་སྐྱོང་མཆོག་གིས་འདི་འདྲ་ཞིག་བྲིས་ཡོད་ན།

    བརྩེ་བའི་ཨ་རིའི་གྲོས་ཚོགས་འཐུས་མི་Dana Rohrabacherལགས།

    ཉིད་ནས་ཨེ་ཤ་ཡའི་རང་དབང་རླུང་འཕྲིན་ཁང་གི་ལས་བྱེད་སྐོར་གྱི་རྙོག་གླེང་དང་འབྲེལ་ཏེ་གྲོས་ཚོགས་ནང་ཚོར་བ་ཐད་སྤྲོས་ཀྱི་བཀའ་མོལ་གནང་བ་དག ཕྱིའི་རྣམ་འགྱུར་གྱི་ཆ་ནས་ང་ཕོད་ལ་རྒྱབ་སྐྱོར་བྱེད་ཁུལ་ཡང། ནང་དོན་ཨ་བོད་དབུས་དམངས་བར་དཀྲོགས་གཏམ་འབྱུང་གཞི་དང། དབུ་མའི་ལམ་གྱི་སྲིད་བྱུས་ལ་དམའ་འབེབས། བོད་རྒྱ་འབྲེལ་མོལ་ལ་བསམ་བཞིན་འགལ་རྐྱེན་བསྐྲུན་འདུག་པས། ཁྱེད་ཀྱིས་ཞིབ་འཇུག་མེད་ལ་གཞན་ཟེར་རྗེས་ཟློས་ཀྱི་བཀོད་མངགས་དང་དུ་བླངས་པ་ནི་མི་གཤིས་དང། རྣམ་དཔྱོད། བཟང་སྤྱོད་གང་གི་ཕྱོགས་ནས་ཀྱང་ཡིད་སྐྱོ་དགོས་པའི་གནང་སྟངས་ཤིག་རེད།

    རླུང་འཕྲིན་ཁང་གི་ལས་བྱེད་པའི་གནད་དོན་སྐོར་ཕྲན་ནས་ཨེ་ཤ་ཡ་རང་དབང་རླུང་འཕྲིན་ཁང་གི་འགན་འཛིན་ལྕམ་ལེའུ་འམ་དང་། འགན་འཛིན་ལྷན་ཚོགས་ཀྱི་ཚོགས་མི་སུ་ལའང་འབྲེལ་བ་བྱས་མྱོང་མེད་ཅེས་ཚིག་ཐག་ཆོད་པོས་ཞུ་རྒྱུ་ཡིན། དེར་བརྟེན། ཨེ་ཤ་ཡ་རང་དབང་རླུང་འཕྲིན་ཁང་གི་འཛིན་སྐྱོང་གནད་དོན་དང་། ང་ཕོད་འཇིགས་མེད་སྐོར་ཕྲན་ལ་འབྲེལ་བ་གང་ཡང་མེད་པས། ལས་བྱེད་སྐོར་ཐེ་བྱུས་བྱས་པའི་ཉེས་འཛུགས་དེ་གཞི་རྩ་གཏན་ནས་མེད་པ་ཞིག་རེད།

    སུས་གསན་ཀྱང་ཡ་མཚན་དགོས་པའི་གནད་དོན་ཞིག་ནི། བོད་ནང་བྱུང་བཞིན་པའི་རང་ལུས་མེར་སྲེག་གི་གནང་མཁན་གྱི་མངོན་འདོད་ལ་ལོག་འགྲེལ་བྱས་པ་དེ་རེད། རང་སྲེག་གཏོང་མཁན་ཚོའི་སྐད་འབོད་དང་ཞལ་ཆེམས་རྫུན་བཟོ་བྱས་ན་ཉེས་ཚབས་ཆེན་པོ་རེད་ལ། སྐུ་ཉིད་ལ་དེ་བས་ཀྱང་རྫུན་བཟོ་བྱེད་པའི་འོས་བབ་ཅི་ཡང་ཡོད་པ་མ་རེད། དེ་བཞིན་ཨ་རིའི་གཞུང་གི་རྒྱལ་སྤྱིའི་སྟེང་གི་ཞི་བ་དང་དྲང་བདེན། མང་གཙོ་བཅས་ལ་འགན་འཁུར་གནང་ཕྱོགས་ནི་ཨ་རི་རྒྱལ་ཁབ་རང་ཉིད་ཀྱི་རྩ་ཁྲིམས་ཀྱི་མ་ལག་ཐམས་ཅད་ཀྱི་སྙིང་དོན་ཡིན་སྟབས། ཨ་རིའི་གཞུང་ནས་དྲང་བདེན་དང་མང་གཙོ། ཡ་རབས་དང་བྱམས་བརྩེ་ལྡན་པའི་བཙན་བྱོལ་བོད་མི་ཚོར་རོགས་དངུལ་གནང་བཞིན་པ་ནི་ཨ་རི་རྒྱལ་ཁབ་ཆེན་པོའི་རྩ་དོན་ཞིག་ཡིན་པར་ངོས་འཛིན་ཞུ་བཞིན་ཡོད་ལ་རླབས་ཆེན་མཛད་འཕྲིན་དེར་གོ་སྐབས་འདིའི་ཐོག་ཏུའང་ཐུགས་རྗེ་ཆེ་ཞེས་ཞུ་རྒྱུ་ཡིན།

    ཨེ་ཤ་ཡའི་རང་དབང་རླུང་འཕྲིན་ཁང་གི་བོད་སྐད་སྡེ་ཚན་ནི་སྤྱིར་བོད་མི་ཡོངས་དང༌། ཁྱད་པར་ཕྱོགས་ལྷུང་མེད་པའི་གནས་ཚུལ་དུས་ཐོག་ཤེས་རྟོགས་བྱ་རྒྱུའི་གོ་སྐབས་མེད་པའི་བོད་ནང་གི་བོད་མི་ཚོར་དངོས་ཡོད་གནས་ཚུལ་ཧེ་བག་མེད་པར་མཁོ་འདོན་བྱེད་ཆེད་དུ་བཙུགས་པ་ཞིག་ཡིན་སྟབས། དམིགས་དོན་འདི་རྒྱུན་འཁྱོངས་གནང་ཡོད་མེད་ཐད་དེ་ནས་ཐུགས་འཁུར་ཆེ་བཞེས་གནང་རོགས། ཕྲན་ནས་ཨ་རིའི་གྲོས་ཚོགས་དང་སྲིད་གཞུང་གིས་གལ་ཆེའི་ལས་དོན་འདིའི་ཐོག་དངུལ་དངོས་ཀྱི་མཐུན་འགྱུར་གནང་བར་སླར་ཡང་ཐུགས་རྗེ་ཆེ་ཞུ་རྒྱུ་ཡིན།

    སྲིད་སྐྱོང་བློ་བཟང་སེང་གེས།།

    Reply
  10. གནས་ཚང་། says:
    ལོ་ 13 སྔོན།

    ད་ཡར་བཤད་མར་བཤད་ཀྱིས་ཕན་ཐོགས་ཀྱི་མ་རེད། ཨ་རིའི་གྲོས་ཚོགས་ཀྱི་ཕྱི་འབྲེལ་ལྷན་ཚོགས་ཀྱི་འགན་འཛིན་དང་གྲོས་ཚོགས་ཚོགས་མི་ཞིག་གི་ངོས་ནས་གནང་བའི་ཕྱག་འཕྲིན་རེད། ཁུངས་ལུང་དང་གནས་ལུགས་མེད་པ་ཞིག་རྩ་བ་ཉིད་ནས་ཡིན་ནི་མ་རེད། འདི་ལ་ཁྲིམས་ལྟར་ཐག་གཅོད་བྱེད་ཆོག་གི་རེད། གལ་སྲིད་དོགས་པ་ཡོད་པའམ། ཟམ་གདོང་རིན་པོ་ཆེ་དང་རྒྱ་རི་རིན་པོ་ཆེ་སོགས་ཀྱི་རང་ཉིད་དཀར་པོ་བཟོ་འདུན་ཡོད་ན། ཨ་རིའི་ཁྲིམས་ཁང་ལ་གཏུགས་བཤེར་བྱེད་ཆོག་གི་རེད་ལ། དྲང་བདེན་གྱི་ཐག་གཅོད་ཡོང་གི་རེད། དེ་ལས་ལྡོག་ན། ནག་ཉེས་ཁུར་ནས་རྡ་ས་བརླག་མཁན་གྱི་མཚན་གནས་རྗེས་འབྲེལ་སྒང་སྡོད་དགོས་པ་ནི་ས་རིས་ཐང་གསལ་རེད།

    གཞན་དེ་ཨ་རིས་འདི་ལྟར་རོགས་བསྐྱོར་གནང་གི་ཡོད་པ་རེད་ལ། དབང་ཆ་གཅིག་སྡུད་མེད་པ་གཏོང་ཐབས་ཡིན་པ་གསལ་བོ་དག་པོ་གསུང་གི་ཡོད་པ་རེད། ཡིན་ནའི། རྒྱ་ནག་གཞུང་ངོས་ནས་དབང་ཆ་གཅིག་སྡུད་སྦས་ནས་ཀྲུང་རྒོལ་ཞེས་མིང་ཞིག་འདོགས་ཀྱི་ཡོད་པ་རེད། དེ་དོན་ཙམ་ཡང་ཧ་གོ་མེད་མཁན་ཚོ་ནི་ངོ་མ་སྨྱུ་གུ་འཛིན་མཁན་དུ་གྱུར་བ་ནི་སྙིང་རྗེ་དགོས་པའི་གནས་རེད།

    ཟླ་བ་བསོད་ནམས་ལགས་ཀྱང་ཕེབས་འདུག ངོ་མ་བཤད་པ་ཡིན། གཞུང་འབྲེལ་གྱི་འགྲོ་སྟངས་དེ་ག་རང་རེད། འདི་ལ་དོགས་པ་ཡོད་པ་མ་རེད། ད་ལྟ་དེ་ལྟའི་ལམ་ནང་མི་འགྲོ་བའི་ཐབས་དམ་པ་ནི། སྐུ་ངོ་བློ་སེང་གིས་རང་ཉིད་གཅིག་པུ་གནད་དོན་དེར་འབྲེལ་བ་མེད་པ་གསལ་བོ་བཟོ་རྒྱུ་ཁོ་ན་མ་ཡིན་པར། གནད་དོན་སློང་མཁན་ཚོར་རྡུང་རྡེག་ནན་མོ་གཏོང་ཐུབ་དགོས་ཀྱི་ཡོད་པ་རེད། དེ་ལྟར་ཕྱོགས་གཉིས་ཀ་ནས་འབབ་ས་ཞིག་བརྙེད་ཐུབ་ཀྱི་རེད། དེ་ལས་ལྡོག་ན། འབབ་ས་བརྙེད་ཀྱི་མ་རེད། དེ་ལྟ་ཞིག་མ་རེད་དམ།

    Reply
  11. ཤག་སྒང་པ། says:
    ལོ་ 13 སྔོན།

    ངན་ཕྱོགས་ནས་གླེང་སློང་བྱེད་དགོས་བྱུང་ན་ང་ཚོ་བོད་པའི་མིར་རྣམ་དཔྱོད་དམིགས་བསལ་ཅན་ཞིག་ཡོད་ཐག་ཆོད་འདུག

    ང་ཡ་མཚན་སོང་། ནམ་རྒྱུན་གྱི་དུས་བབ་སྟེང་གི་མཆན་གྲངས་གཉིས་གསུམ་དེ་ལྡབ་འགྱུར་མང་པོར་ཕར་ནས་འདུག

    སྐབས་འདིར་ང་ཚོས་བརྟག་དཔྱད་དང་ཞིབ་འཇུག་རྒྱུས་མངར་ཞུགས་དགོས་པའི་དུས་ལས་ཁ་ཚིག་བཅད་ནས་ཟིན་མཆན་འགོད་པའི་དུས་ཤིག་མིན་པར་སེམས།

    ངོ་མ་ང་ཚོ་གཉན་ཕྲང་གི་དུས་འདིར་རིག་པ་རྣལ་དགོས་པར་འདུག་པས་ཚང་མས་རྒྱལ་ཞེན་ལ་རྒྱལ་གྱིས་དབུས་སུ་བཞུགས་ནས་སྐད་ཆ་ཤོད་ཅིག

    གཟིམ་འཇམ་མོ།།

    Reply
  12. མི་རྒོད། says:
    ལོ་ 13 སྔོན།

    ཡ་ང་ཚོ་བོད་མི་རིགས་འདི་ལ་བར་ཆད་རྟག་ཏུ་ཡོད་པ་རེད། དེ་བཟོ་མཁན་ཡང་བོད་པ་རེད་འདུག་ངས་སྐལ་ལྡན་བློ་གྲོས་ཞེས་པ་གནམ་ཐང་དུ་ཐུག་མྱོང་ཡོད་དེས་སྐབས་མི་དེ་ཧ་ཅང་སྤོ་པ་ཚ་བོ་ང་རྒྱལ་ཆེན་པོ་ཡོད་པས་སྣང་ཚུལ་བྱུང་སོང་ད་དུང་གསར་བསྒྱུར་སྐད་ཆ་བཤད་ཤོད་དུས་བཅོས་མའི་སྒྲ་སྐད་མང་པོ་ཞིག་རྒྱག་གི་འདུག་ཕལ་ཆེར་ཁོ་རེ་ངོས་ནས་ཡག་པོ་ཡིན་བསམ་སྲིད་པ་རེད། ཡིནའང་འདི་གོ་བདེ་པོ་ཡིད་ལ་འཇུག་པ་ཞིག་གཏན་ནས་མིན་འདུག། བོད་པ་སྐལ་ལྡན་བློ་གྲོས་རང་༧ གོང་ལས་མཆོག་གི་དྲིན་ལས་ས་འདིར་སླེབས་མཁན་རེད། དེར་བརྟེན་ཉག་ཕྲའི་དུས་དཀྲུག་སློང་མ་བྱེད་རོགས་ལར་ཡང་རྒྱ་དམར་ལ་དགོས་པའི་བྱ་བ་ཁྱོད་དང་། ང་ཕོད་གཉིས་སུ་མ་བྱེད་རོགས་ད་ལྟ་ཨ་རི་བ་འདིས་རྫིག་སྙམས་ག་འདྲ་བྱས་ནས་ང་ཚོའི་དབུ་ཁྲིད་ལ་དམའ་བེབས་བྱེད་ཀྱི་འདུག། ཁོ་སྤྱང་དྲགས་ནས་མ་བྱས་པ་རེད་མ་གཏོགས་ཁོས་༧ གོང་ས་མཆོག་ལའང་མཚན་ཤས་བཟོ་སེམས་མེད་པ་ཞིག་མ་རེད་འདུག་ཨང་། སྐལ་ལྡན་བློ་གྲོས་རང་ལུས་ལ་སངས་རྒྱས་ཆོས་གོས་གྱོན་མྱོང་མཁན་ཞིག་ཡིན་པས་ངོ་ཚ་དགོས་པ་རེད་ད། ཁྱོ་རང་སྐད་གྲཊ་ཡོད་པའི་རྩེ་རྣམ་རྒྱལ་གྲ་ཚང་གི་གྲ་ལོག་གཅིག་རེད། དུས་རྟག་ཏུ་གོང་ས་མཆོག་མཉམ་ནང་ཆོས་ཐོས་མྱོང་བ་ཞིག་རེད། ད་འདི་འདྲ་རྙོག་གླེང་ནང་ཚུད་ན་ཨེ་ཤ་ཡ་རང་དབང་རླུང་འཕྲིན་ཁང་ཡོད་དང་འདུག་ཟེར་བའི་དུས་ཉམས་རྟགས་བསྟན་པ་རེད་ད། འདིས་ལས་བྱེད་ཚང་མ་མིང་ངན་དང་། བོད་མི་ནང་དཀྲུག། ང་ཚོའི་དབུ་ཁྲིད་ཚོར་བར་ཆད་བཟོ་ཉེན་ཡོད་པས་ཧ་ཅང་གི་གཟབ་རོགས། ཧ་ཅང་གི་གཟབ་རོགས། མི་ལུས་རིན་ཆེན་བཙོག་ཆུར་མ་རྙོག་ཞེས་འབོད་པ་ཡིན་ནོ་་་་་་་།

    Reply
  13. ཤར་ཕྱོགས་ཁུག་རྟ། says:
    ལོ་ 13 སྔོན།

    ཨ་རིའི་གྲོས་ཚོགས་འཐུས་མི་འདིའི་སྐད་ཆའི་ཧམ་བཤད་གཉིས་འདུག དེ་རྒྱ་ནག་གཞུང་ལ་དགོས་པའི་ཧམ་བཤད་དེ་རེད། རྣམ་པ་ཚོས་ཞིབ་ཏུ་གཟིགས་རོགས།
    1 ཨ་རིའི་གཞུང་ནས་བཙན་བྱོལ་བོད་མི་ཚོར་རོགས་སྐྱོང་གནང་བ་མཐའ་དག་གི་དམིགས་དོན་ཨ་རིས་རྒྱ་ནག་ལ་ལྟ་ཕྱོགས་ཤིག་དང་འབྲེལ་ནས་ཡོང་གི་ཡོད་ཚུལ་དང། རོགས་སྐྱོར་བེད་སྤྱོད་ཀྱང་དེ་ལྟར་བྱེད་དགོས་པར་བཤད་པ་ནི་”ནུབ་ཕྱོགས་ཀྲུང་རྒོལ་ཚོགས་པའི་ཏཱ་ལའི་རུ་ཚོགས་བེད་སྤྱོད་བཏང་སྟེ་རང་རྒྱལ་ཁ་ཕྲལ་གཏོང་གི་ཡོད་”ཟེར་བ་དངོས་བདེན་དུ་སྒྲུབ་བྱེད་ཅིག་རེད་འདོད།
    2 དེས་མ་ཚད་རང་སྲེག་གཏོང་མཁན་ཚོས་དམར་པོའི་རྒྱལ་ཁབ་ནང་ཁྱེད་ཚོ་ལྟར་གྲངས་ཉུང་མི་རིགས་ཀྱི་ཐོབ་ཐང་ཞིག་ཡོང་ཆེད་མིན་ཅེས་པ་འདི་ནི་དེ་བས་ཀྱང་སྐད་ཆ་ཁྱད་མཚར་ཞིག་རེད། སྐད་ཆ་འདི་གྲོས་ཚོགས་འཐུས་མི་ཨ་རི་པ་དེའི་མིན་པ་ནི་སྐད་ཆ་འདིས་དམིགས་འབེན་དུ། ཟམ་གདོང་རིན་པོ་ཆེ་དང་རྒྱ་རི་རིན་པོ་ཆེ་གཉིས་དྲངས་པ་དང། ཞར་དང་ཞོར་ལ་སྲིད་སྐྱོང་དང་དོན་གཅོད་གཉིས་ཀྱང་དྲུད་ནས་བེད་སྤྱོད་གཏོང་གི་ཡོད་པ་དེ་རེད།
    ཨིན་ཇི་མགོ་སེར་ཚོའི་ནང་ན་བོད་ལ་ཤ་ཚ་མིན་ཅི་ལྟར་ཡང་བོད་དོན་ཁ་འཁྱེར་གྱིས་རྒྱ་ནག་གཞུང་ལ་དྲག་གཏམ་གཏོང་ཞིང་དབུ་མའི་ལམ་ལ་རེ་བ་མེད་ཚུལ་བཤད་མཁན་དང་འབྲི་མཁན་ད་བར་མ་བྱུང་བ་མ་རེད། གཅིག་བྱས་ན་བོད་པའི་སྤྱི་ཚོགས་ནང། འཁྲབ་སྟངས་འདི་རིགས་ལ་ཞེ་དྲག་རྒྱུས་མེད་ན་ཐང། ཡིན་ནའང། ཨིན་ཇིའི་སྟེང་གི་དབུ་མའི་ལམ་ལ་སྐྱོན་བརྗོད་ཁག་མཐོང་དུས་ཟློས་གར་ཆུང་ཆུང་འདི་ལ་སྣ་དགོད་ཤོར་འགྲོ་ཡི་རེད།
    ཨི་རི་བ་འདི་དམིགས་དོན་གཉིས་ཡོད་པ་ནི། གཅིག་དབུ་མའི་ལམ་ལ་སྐྱོན་བརྗོད་བྱ་རྒྱུ་དང་གཉིས་རྒྱ་བོད་བར་ལ་འགལ་ཟླ་བཟོ་རྒྱུ་དེ་རེད། དེ་ནི་འབྲེལ་མོལ་གྱིས་མཚོན་དབུས་ཀྱི་སྲིད་བྱུས་ལ་ནུས་བ་མི་ཐོན་ཐབས་ལ་འབད་འབུངས་བྱ་རྒྱུ་དེ་རེད། ཡིན་ནའང། འཁྲབ་གཞུང་འདིའི་རྩོམ་པ་པོ་རྣམས་ནི་རྒྱུན་ཏུ་ཕྱི་རྒྱལ་ནང་རང་བཙན་སྨྲ་བཞིན་༧རྒྱལ་བ་རིན་པོ་ཆེ་དང་དབུས་སྒྲིག་འཛུགས་ལ་རེ་གཏོད་མེད་ཚུལ་བཤད་མཁན་གྱི་གང་ཟག་དག་གི་ནུས་བ་ཙམ་པ་བ་ཞིག་ཡིན་སྲིད་མོད། ཡིན་ནའང། འདི་རིགས་ཀྱིས་དཀྲོགས་གཏམ་ཙམ་མ་གཏོགས། མི་མང་ནང་གསལ་བོ་ཆགས་ངེས་པ་དང། ཁོ་པ་ཚོའི་དམིགས་དོན་འགྲུབ་རེ་མེད་པ་ནི་གསལ་བོ་རེད།
    3 ཐབས་སྐྱོ་བོ་ཞིག་ལ། སྲིད་སྐྱོང་མཆོག་གིས་ལམ་སེང་དབུས་སྒྲིག་འཛུགས་དང་སྲིད་སྐྱོང་གོང་མ། དམིགས་བསལ་སྐུ་ཚབ་ཟུར་བ་སོགས་ཀྱི་མཚན་བྱང་ལས་ཀྱང་ངའི་མིང་ཞེས་དང་པོར་བོས་ཏེ་ལན་འདེབས་ཤིག་གནང་བ་འདིར། ཨིན་བོད་གཉིས་ཀྱི་ཤེས་ཡོན་ཅན་ཚང་མ་གད་མོ་མི་དགོད་རང་དགོད་ཆགས་ཡོད་པ་དེ་རེད། དེ་ལས་ཀྱང་རང་གིས་འཛིན་པའི་སྲིད་བྱུས་ལ་སྐྱོན་བརྗོད་བྱས་པ། རང་སྲེག་གཏོང་མཁན་ཚོའི་མངོན་འདོད་ལ་ལོག་འགྲེལ་བྱས་པ། ཨ་བོད་གཉིས་དང། རྒྱ་བོད་བར་ལ་འགལ་རྐྱེན་བསྐྲུན་པའི་བྱབ་ཆུང་གི་རྣམ་འགྱུར་ལ་ཨ་ལན་བརྡ་ལན་གང་ཡང་མ་གནང་བ་ནི་ཤིན་ཏུ་ཐབས་སྐྱོ་བོ་ཞིག་ཡིན་པ་དེ་ཞོར་དུ་ཞུ་འདོད་བྱུང་ལ།

    གང་ལྟར་དབུ་མའི་ལམ་གྱི་ཕྱི་ནང་གསང་གསུམ་གྱི་མཛད་འཕྲིན་ལ་ཤ་འཁོན་ལྟ་བུའི་བསམ་བློ་ཁྱེར་མཁན་གྱི་ཅོལ་ཆུང་ཁག་ཅིག་དང། ཅོལ་ཆུང་དེ་དག་གི་རྒྱབ་ཀྱི་རུལ་སུངས་རུ་ཁག རུལ་སུངས་རུ་ཁག་གི་བློ་འདྲི་བྱ་ཡུལ་རྒྱ་མིན་བོད་མིན། བོད་མིན་ཨིན་མིན་རྣམས་ལ་ཐབས་ཟད་ན་རང་གཟུགས་ཇེ་མཐོང་རེད་ཅེས་ཀྱང་སྐད་གསེང་མཐོན་པོས་སྨྲ་འདོད་བྱུང།།

    Reply
  14. ནོར། says:
    ལོ་ 13 སྔོན།

    ཨེ་ཤི་ཡའི་རང་དབང་རླུང་འཕྲིན་ཁང་བོད་སྐད་སྡེ་ཚན་གྱི་ལས་བྱེད་༤༡་ཡོངས་ཀྱིས་ས་རྟགས་བཀོད་དེ་ཨེ་ཤི་ཡའི་རང་དབང་རླུང་འཕྲིན་ཁང་གི་འགན་འཛིན་ལ་ཡི་གེ་ཞིག་ཕུལ་ཏེ། ང་ཕོད་ཁོ་རང་ངོས་ནས་མུ་མཐུད་ཞབས་ཞུ་སྒྲུབ་འདུན་ཡོད་པ་ལྟར། བསྐྱར་དུ་ལས་གནས་སུ་འཇོག་རྒྱུའི་རེ་སྐུལ་སྙན་ཞུ་ཞིག་ཕུལ་འདུག སྙན་དེའི་ཐོག་མངོན་གསལ་བཏོད་པོའི་མཐོང་ཐུབ་པ་ཞིག་ནི་མི་གཉིས་ཀྱིས་ས་རྟགས་བཀོད་མི་འདུག གཅིག ནི་ང་ཕོད་རང་ཉིད་རེད། གཞན་དེ། ཚང་མས་བསམ་ན་སུ་ཡིན་རྒྱུ་རེད། དེ་སྐལ་ལྡན་བློ་གྲོས་རེད། འདི་གནད་འགག་གཅིག་རེད།
    དེ་མིན་རྙོག་གྲ་འདིའི་རིགས་སྐུ་ངོ་ཚོའི་རྫི་གསང་ཧ་ཅང་མཐོ་སྟབས། ང་ཚོས་ནི་དེའི་ནང་དུ་དབུགས་ཅི་ཞིག་ལེན་གྱི་ཡོད་མེད་རྟོགས་དཀའ་མོ་འདུག

    དྲང་མོར་བཤད་ན། རྒྱ་གཞུང་གིས་བོད་མིར་སྨྲ་བརྗོད་རང་དབང་སྤྲོད་ཀྱི་མི་འདུག་ཅེས་བརྗོད་ཞོར་ལ། སོ་སོས་རྒྱ་གཞུང་ལ་སློབ་སྦྱོང་བྱས་ན་དེ་གཏན་ནས་ཡག་པོ་མ་རེད།
    གནས་ཚུལ་གང་ཞིག་ཡིན་ཡང་དྲང་ཕྱོགས་ལྡོག་ཕྱོགས་གཉི་ཆ་ནས་གླེང་སློང་བྱེད་དགོས་པ་རེད། ཕྱོགས་ངོས་མི་འདྲ་བའི་གླེང་སློང་དང་བསམ་ཚུལ། དགག་སྒྲུབ་བཅས་ཀྱིས་སྤྱི་ཚོགས་ཧྲིལ་པོའི་མི་མང་ལ་གོ་རྟོགས་འབྱེད་ཐུབ་པ་མ་ཟད། རྣམ་དཔྱོད་ལྡན་པའི་མི་མང་གིས་གྲུབ་པའི་སྤྱི་ཚོགས་ཤིག་ཆགས་ཐུབ་ནི་རེད།

    མི་མང་བླུན་ལྐུག་ཏུ་སྒྱུར་བསམ་འདོད་ཀྱི་ཆབ་སྲིད་པ་དག་གིས། ནམ་ཡང་། མི་མང་ལ་ངོས་གཅིག་རང་མ་གཏོགས་སྟོན་གི་མ་རེད། ངོས་དེ་ནི་སོ་སོར་ཁེ་ཕན་གྱི་ངོས་དེ་རེད། རྒྱ་གཞུང་གི་ལས་ཕྱོགས་ཀྱང་དེ་འདྲ་རེད། དེ་འདྲའི་སྤྱི་ཚོགས་ཀྱི་མི་མང་ཚང་མ་བླུན་ལྐུག་མི་མང་ཆགས་བསྡད་ཡོད་པ་རེད། ཆུ་སྣ་གར་འཁྲིད་ཡིན་ནི་རེད། འདི་འདྲའི་མི་མང་གིས་གྲུབ་པའི་སྤྱི་ཚོགས་དེར་ག་དུས་ཡིན་ཡང་ཆག་འཇིག་དང་ཉེན་ཁ་ཁོ་ནས་གཡེང་སུ་བསྡད་ཡོད།

    ང་ཚོས་བཙན་བྱོལ་སྤྱི་ཚོགས་ཀྱང་དེ་དང་ཕྱོགས་མཚུངས་ཡོད་པ་རེད། འུར་གཏམ་གཅིག་གིས་ཚང་མ་ཁ་ལོ་སྒྱུར་ཆོག་ཆོག་ཅིག་ཡོད་པ་རེད། གནས་ཚུལ་ཏོག་ཙམ་བྱུང་ནའང་མི་མང་ཚང་མ་ཟང་ཟིང་དང་འཇིགས་ཚོར་གྱིས་ཁེངས་ཡོང་གི་རེད། འདི་ནི་དངོས་གནས་སྙིང་རྗེ་བའི་མི་མང་དང་དགོད་བྲོ་བའི་སྤྱི་ཚོགས་ཤིག་གི་འདྲ་གཟུགས་རེད་དོ།

    Reply
  15. ཟླ་བ་བསོད་ནམས། says:
    ལོ་ 13 སྔོན།

    གནས་ཚང་ལགས། དེ་འདྲ་ཞིག་རེད་དམ། ཧུཧུཧུ

    Reply
  16. ཚེ་རིང། says:
    ལོ་ 13 སྔོན།

    རང་བཙན་མཐུན་ནི་༧གོང་ས་མཆོག་གི་གཅེན་པོ་སྟག་མཚེར་རིན་པོ་ཆེས་བཙུགས་པ་ཡིན་པས། དེ་ལྟར་ཁ་རྡུང་གཏོང་དགོས་ས་ཞིག་ཨེ་ཡིན་ན་བསམ་སོང་།
    སྐལ་ལྡན་བློ་གྲོས་སོགས་ཁག་ཅིག་གིས་དཀྲིག་ཤིང་སྣ་ཚོགས་གཏོང་གཏོང་གི་ཡོད་པ་དངོས་ཡོད་རེད་འདུག གང་ལྟར་དཀའ་ལས་ཁག་པ་འདྲ་ཆགས་འདུག གཞུང་གི་སྲིད་ཇུས་དང་མ་མཐུན་མཁན་ཚོར་སྐད་ཆ་བཤད་རྒྱུ་ཨེ་ཤི་ཡ་རླུང་འཕྲིན་ནང་བཀག་ཐབས་བྱས་པ་བདེན་པ་རེད་འདུག

    Reply
  17. སྐར་ཁྲི་བཙན། says:
    ལོ་ 13 སྔོན།

    གང་ལྟར་སྲིད་སྐྱོང་མཆོག་གི་གསུང་ལ་ཡིད་ཆེས་བརྟན་པོ་ཡོད། དེ་མིན་གཞན་གྱིས་ཅི་བཤད་ན་བཤད་པྭ།

    Reply
  18. འཇམ་གཅེས ། says:
    ལོ་ 13 སྔོན།

    ཚེ་རིང་མིང་ཅན་ལ་ཟེར་གྱི་ཡོད། ངས་གོ་བ་ལོན་སྟངས་དེ་རང་ཡིན་བཙན་བྱོལ་བོད་བོད་མིའི་ཆབ་སྲིད་ལངས་ཕྱོགས་ནི་ད་ལྟའི་སྐབས་སུ་དབུ་མི་ལམ་གྱི་སྲིད་ཇུས་ཡིན་པར་འཛམ་གླིང་ཀུན་ལ་ཁྱབས་ཡོད། དེ་སྔར་དགའ་ལྡན་ཕོ་བྲང་སྲིད་གཞུང་དང་། ད་ལྟའི་དབུས་བོད་མིའི་སྒྲིག་འཛུགས་ཀྱིས་མ་འཇོན་བ་ཞིག་རང་བཙན་ཁ་འཁྱེར་བ་དག་གིས་འཇོན་པས་ཡིད་ཆེས་སུ་གང་ལ་ཡང་མེད། མདོར་ན་སོ་སོའི་ཁ་ཕོར་གྱི་དོན་དུ་མི་ངན་རེ་ཟུང་གིས་འཁྲབ་སྟོན་ཙམ་པར་ཕྱི་གསལ་ནང་གསལ་ཡིན་བཞིན་དུ་མི་ངན་རེ་ཟུང་མགོ་བོ་འཁོར་གྱི་ཡོད་པ་རེད། གཞོན་ལྷན་དང་རང་བཙན་སློབ་ཕྲུག་ཚོགས་པར་སོགས་ལ་ལབ་ཡ་ཅང་མེད།

    Reply
  19. འཇང་གཡུ་ལྷ་ཐོགས་འགྱུར says:
    ལོ་ 13 སྔོན།

    དེ་རིང་གོང་གི་ཨ་རི་གྲོས་ཚོགས་འཐུས་མི་དེ་ཉེན་བརྡ་དེ་འབྱུང་རྐྱེན་གཙོ་བོ་ནི་རྣམ་རྒྱལ་གྲྭ་ཚང་གི་གྲྭ་ལོགས་སྐལ་ལྡན་བློ་གྲོས་གིས་བྱས་པའི་འཇུག་འབྲས་རེད། བོད་པའི་གཏམ་དཔེ་ལ། མི་ངན་གཅིག་གིས་ལུང་པའི་ཕུ་མདའ་དཀྲུག སྨན་ངན་གཅིག་གིས་ལུས་ཀྱི་བསྟོད་སྨད་དཀྲུག ཟེར་བ་ནང་བཞིན་རེད། མི་ངན་དེས་བྱས་འབྲས་དེ་བཙན་བྱོལ་བོད་གཞུང་ལའང་སྐྱོན་བརྗོད་འམ་ཟུར་ཟ་དེ་འོང་བ་རེད། སྤྱིར་བཏང་སྐལ་ལྡན་བློ་གྲོས་གི་ལོ་རྒྱུས་མི་མང་པོ་ཞིག་གིས་ཤེས་བཞིན་རེད་ ཁོང་གི་ལོ་ཤས་སྔོན་དུ་ཐས་ཝེན་ནས་༧་གོང་ས་མཆོག་གིས་སྐུའི་ལྟོ་ཕད་ཉེན་རྟོག་པའི་རླངས་འཁོར་བཞག་རབས་དང་དེ་རྗེས་སུ་ཨ་རི་རྒྱལ་ས་ཝ་ཤིན་ཊོན་དུ་དུས་འཁོར་དབང་ཆེན་གསུངས་སྐབས་སུ་དབུས་གཞོན་ནུ་ཚོགས་གཙོ་རང་བཙན་བརྩོད་ལེན་བྱེད་མཁན་ཞིག་ཡིན་དུས་ཆབ་སྲིད་དང་འབྲེལ་ཡོད་ཚུལ་བཤད་ནས་ཚོང་རྭ་ནས་ཕྱིར་འབུད་བཏང་བ་དང་། ད་དུང་ཨ་རི་རྒྱལ་ས་ཝ་ཤིན་ཊོན་དུ་བོད་རིགས་སྤྱི་འཐུས་ཚོགས་པའི་ཚོགས་དངུལ་དང་དུས་འཁོར་དབང་ཆེན་སྐབས་སུ་བྱུང་བའི་ཞལ་འདེབས་སོགས་ལས་གནས་བརྩིས་སྤྲོད་མ་བྱས་ནས་ལོ་གཅིག་ཙམ་ཁོ་རང་གི་བཟུང་རབས་སོགས མི་འདི་ལ་སྐྱུག་དྲོ་བའི་ལོ་རྒྱུས་མང་པོ་འདུག ད་དུང་ཨེ་ཤ་ཡ་རླུང་འཕྲིན་ཁང་གིི་འགན་འཛིན་རྒྱ་མོ་དེ་དང་ལྐོགས་འབྲེལ་བྱེད་ནས་ལས་ཁུང་ནས་དགོངས་པ་ཙམ་ཡང་མ་ཞུས་ནས་ཉིན་མང་པོའི་རིང་ལས་ཁུང་ལ་མ་བཅར་ཚུལ་མང་པོ་འདུག གྲོགས་པོ་རྣམས་པ་ཚོ་གཟིགས་དང་ད་དུང་རྣམ་རྒྱལ་གྲྭ་ཚང་གི་གྲྭ་ལོགས་སྐལ་ལྡན་བློ་གྲོས་དང་ཐོགས་མེད་སོགས་གིས་༧་གོས་ས་མཆོག་བྱང་ཨ་རི་ཁུལ་དུ་ཕེབས་དུས་དབང་བཅས་བྱེད་ཀྱང་བྱས་ནས་བོད་པའི་སྤྱི་ཚོགས་ནང་འདོད་པ་མ་ཚོམས་པའི་ལས་ཀ་མང་པོ་བྱས་རབས་འདུག ཁོང་ཚོ་ལ་དེ་ལྟ་བུ་དབང་ཆ་སྒེར་སྤྱོད་བྱེད་ཐུབ་པའི་ཐོབ་ཐང་གང་ནས་བྱུང་བ་རེད་ཟེར་ན་ སྐུ་སྒེར་ཡིག་ཚང་ནས་སྐུ་ཞབས་བློ་བཟང་དགའ་བ་དང་སྐུ་སྒེར་དྲུང་ཟུར་བློ་བཟང་སྦྱིན་པ་དེ་བཞིན་དུ་ཨ་རི་དོན་གཅོད་བློ་བཟང་སྙན་གྲགས་སོགས་ངན་གཡོ་ལྐོགས་བྲེལ་བྱས་ནས་བྱུང་བ་རེད་འདུག

    Reply
  20. ནམ་མཁའ་བསྟན་འཛིན། says:
    ལོ་ 13 སྔོན།

    ད་ཐེངས་རང་བཙན་མཐུན་ཚོགས་སམ་སེམས་ཤུགས་ཡོད་འདོག་སྟོན་མཁན་གྱི་འཁྲབ་སྟོན་པ་འདི་དག་གི་བསམ་དོན་འགྲུབ་ཡོད་པ་འདྲ། ཉེ་འཆར་ང་ཕོད་ལས་ཀ་ནས་ཕུད་པའི་རྙོག་གླེང་དེ་བྱུང་རྗེས་བྱང་ཨ་རིའི་ནང་བོད་པ་འགའ་ཤས་རི་བོང་ཅལ་འགྲོགས་བྱས་ནས་སྐད་ཅོར་མང་པོ་བརྒྱབས་སོང་མོད། ད་ས་དྲུས་ན་རྡོ་ལྷང་ལ་འབུད་ཀྱིན་འདུག རང་བཙན་མཐུན་ཚོགས་བྱས་པའི་ཚོགས་པ་འདིས་ཨ་རི་གྲོས་ཚོགས་འཐུས་མིའི་ཡི་གེ་དེ་ངོ་དེབ་བརྒྱུད་ནས་་གླིང་ལ་བསྒྲགས་སོང་མོད་་སྲིད་སྐྱོང་མཆོག་གི་གསལ་བཤད་དེ་རྦད་དེ་བཀབས་སོང་།
    ཁོ་ཚོའི་ངོ་དེབ་དྲ་བྱང་འདི་ལ་གཟིགས་རོགས།
    http://www.facebook.com/pages/Rangzen-Alliance/107878499234275?ref=ts&fref=ts

    Reply
  21. ཀརྨ་རྡོ་རྗེ། says:
    ལོ་ 13 སྔོན།

    ད་ནས་རྒྱ་གཞུང་བདམས་ཁ་གཅིག་ལས་མེད། བོད་རང་བཙན་སྤྲོད་དང་། རྒྱ་ནག་མང་གཙོར་བསྒྱུར་རྒྱུ་ཙམ་མོ།

    Reply
  22. ཤར་ཕྱོགས་ཁུག་རྟ། says:
    ལོ་ 13 སྔོན།

    གནད་དོན་འདི་འདྲའི་རིགས་ལ་བགྲོ་གླེང་བྱེད་དུས་དངོས་མིང་མ་སྦས་པར། འགན་འཁུར་གྱི་རྣམ་འགྱུར་མ་བོར་བའི་ཐོག་ནས་བགྲོ་བྱེད་རྒྱུ་གལ་ཆེ་བ་དེ་དྲ་འབུ་རྣམས་དང་རྩོམ་སྒྲིག་པ་ཟུང་ལ་ཞུ་འདོད་བྱུང།

    ངེད་ནས་གསར་འགྱུར་འདི་བཀླགས་པ་དང་གློ་བུར་དྲི་བ་གཅིག་སླེབས་པ་ནི། གྲོས་ཚོགས་འཐུས་མིའི་བཀའ་མོལ་འདི་ལ་ཁུངས་ག་ཚོད་ཡོད་མེད་དེ་རེད། སྐབས་དོན་ང་ཕོད་གླེང་རྒྱུ་ལས་རོགས་དངུལ་བེད་ལོག་ཏུ་སྤྱོད་ཀྱི་ཡོད་མདོག་མདོག་བཤད་འདུག་པ་འདི་ཉེན་ཁ་ཚ་བོ་ཞིག་རེད། འཐུས་མི་འདིས་ཞིབ་འཇུག་བྱས་ཏེ་བཤད་པ་རེད་དམ་ཡང་ན་རྒྱུད་སྐུལ་བྱས་ཏེ་བཤད་པ་རེད། འཐུས་མི་འདི་དང་འོད་ཟེར་གྱི་རྩོམ་ཡིག་དེ་གཉིས་ལ་ཚ་ཁ་མིན་ཙམ་མ་གཏོགས་ཅིག་བྲོ་ཡ་ཡོད་པ་གཅིག་མཚུངས་རེད།

    ཕྱོགས་གཞན་ཞིག་ནས་བཤད་ན། ཁོས་ཞིབ་འཇུག་བྱས་མེད་པས་རྟགས་མཚན་གསལ་བོ་འདུག གང་ཡིན་ཞེ་ན། དྲང་བདེན་དང་གནས་ལུགས་ཀྱི་ཚད་འཛིན་ས་ལྟ་བུར་གྱུར་བའི་བློ་གྲོས་ཀྱི་གཏེར་མཛོད་ཟམ་གདོང་རིན་པོ་ཆེའང། ཆབ་སྲིད་པ་སྤྱི་མཚུངས་ཁྲོད་མཚན་འབོད་བྱས་འདུག་པ་ནི་ཧ་ལས་པའི་བློ་ཕམ་གྱི་གནས་ཚུལ་ཞིག་རེད། དེ་ཙམ་ཞུ།།

    Reply
  23. ཚེ་རིང། says:
    ལོ་ 13 སྔོན།

    འཇམ་གཅེས་ཞེས་པ་དེས་གོ་ལེན་སྟངས། བཙན་བྱོལ་ནང་གི་སྒྲིག་འཛུགས་ལ་གོ་འདུག་བསམ་སོང་། དེ་འདྲ་མ་རེད། ང་ཚོ་རྒྱ་ནག་རྩ་ཁྲིམས་འོག་འདུག་གི་ཡིན་ཞེས་དབུ་མའི་ལམ་གྱི་སྲིད་ཇུས་དེ་ལ་གོ་དགོས་པ་ཞིག་རེད། དེ་བྱས་ན་རྒྱ་ནག་གི་དམར་ཕྱོགས་ཀྱི་སྒྲོག་གཞི་སྲུང་སྐྱོབ་ལས། མང་གཙོ་དང་འགྲོ་བ་མིའི་ཐོབ་ཐང་ལ་ཕན་ཐོགས་མེད་པ་ཞིག་རེད། དགའ་ལྡན་ཕོ་བྲང་གི་རིང་ལ་ལས་ཀ་འདྲ་མིན་དང་། ནོར་འཁྲུལ་འདྲ་མིན་རེད། ད་བྱས་རྗེས་ཞིག་འཇོག་རྒྱུར་༌༌༌

    Reply
  24. འཇམ་གཅེས ། says:
    ལོ་ 13 སྔོན།

    གོང་གསལ་གྲོས་ཚོགས་འཐུས་མིའི་འགན་ཁུར་མེད་པས་ཉོག་གཏམ་དེ་དང་། དེའི་བརྒྱུད་བསྐུལ་དང་རྒྱབ་སྐྱོར་མཁན་དག་ལ་འདི་ལྟར་ལོང་བ་ཆུའི་ནང་འཆང་པ་བཞིན་བཟོ་དགོས་པའི་གནད་དོན་ནི་གཙོ་བོ་ནི་བཙན་བྱོལ་གཞུང་དང་འབྲེལ་ཡོད་དབུ་ཁྲིད་དག་གིས་ཆེ་མཐོང་ལ་མིག་ནང་ཚེར་མ་ནང་བཞིན་དུ་སོང་ནས་ཡིན་པར་ས་རིས་ཐང་གསལ་ཞིག་ཆགས་འདུག །བཤད་ཚུལ་འདིའི་ཤུགས་ནས་༧གོང་ས་མཆོག་གིས་མཚན་དངོས་སུ་སྨོས་མ་ནུས་པ་ཙམ་ལས་དོན་དངོས་ཟུར་ཟ་ཡིན་པ་ཡང་གསལས་པོ་རེད་བསམ་གྱི་འདུག །རྒྱུན་མཚན་མཆན་གོང་མའི་ནང་གསལ་བ་བཞིན་ཡིན། མདོར་ན་ཤེས་དགོས་པ་གལ་གནད་ཞིག་ནི་རྙོག་གླེང་འདི་དང་དོན་རྐྱེན་འདིའི་ནང་དུ་རྒྱ་དམར་གྱིས་ལག་པ་བཅངས་ཡོད་པར་དོགས་པས་རང་བཞིན་ཡིན་པས་ཚང་མིའི་ཡིད་གཟབས་བྱོས། ད་དུང་གྲོས་ཚོགས་འཐུས་མི་དེའི་ལོ་རྒྱུས་ཡང་ཤེས་དགོས་པ་འདོད། ཁོ་ནི་ཀ་ལི་ཕོང་ནེ་ཡ་མངའ་སྡེ་ནས་ཡིན་པ་དང་ལོ་མང་སྔོན་ནས་བོད་དོན་རྒྱབ་སྐྱོར་བཟོས་ཡོད་རུང་། དེང་སོང་ཨ་རི་གྲོས་ཚོགས་ནང་དུ་བོད་དོན་གླེང་སློང་སྐབས་སུ་ཕན་པ་ལས་གནོད་ཚབ་ཆེ་བས་མི་སྣ་ཞིག་ཡིན་པ་ཡང་ཤེས་དགོས། ཁོས་བཙན་བྱོའི་སྒྲིག་འཛུགས་ལ་རྒྱ་དམར་གྱིས་ངན་སྨས་ལྟར་བཟོ་དགོས་གང་ཡིན་ནམ། རྣམ་དཔྱོད་དང་གོ་བ་ཕྲན་བུར་ཡོད་མཁན་ཞིག་ཡིན་ན་ཁོས་བཤད་སྟངས་འདི་རང་གིས་ཐོག་ནས་ཁོ་དང་ཁོའི་ཕྱོགས་གཏོགས་པ་དག་དམར་རྗེན་མ་དོན་གྱི་མི་འདུག་གམ། འདི་ཡིས་བསྐོར་དགོས་གལ་བྱུང་ན་མང་ཙམ་དང་གསལ་ཙམ་འབྲི་ངེས་ཡིན། །

    Reply
  25. འཇམ་གཅེས ། says:
    ལོ་ 13 སྔོན།

    ཨ་རིའི་ཕྱིའི་རོགས་རམ་ཐེབས་རྩ་དེ། རྒྱ་ནག་དམར་ཕྱོགས་ཚོགས་པར་འཐབ་རྩོད་བྱེད་མཁན་ཏེ་རྒྱ་རིགས་མང་གཙོ་ལ་རྒྱབ་སྐྱོར་བྱེད་མཁན་དང་ཆོས་འཁོར་སྒོམ་སྒྲུབ་ཚོགས་པ། ཡུ་གུར་བ་བཅས་ཀྱིས་རྒྱ་ནག་དམར་ཕྱོགས་ཚོགས་པ་མང་གཙོ་ཅན་དུ་བསྒྱུར་རྒྱུ་དང་། རང་དབང་གི་ཆེད་དུ་དཀའ་ངལ་ལ་གདོང་ལེན་བྱེད་ཀྱི་ཡོད་པ་ལ་གཏོང་དགོས་ངེས་ཡིན་ཞིང་། ཁོང་ཚོ་ནི་ལྐོག་ཟ་བ་མེད་པ་བཟོ་འདོད་མེད་པ་དང་། དབང་ཆ་གཅིག་བསྡུས་ཀྱི་གཞུང་གི་སྒྲོམ་རྟེན་ལ་ལངས་མཁན་གྱི་བོད་པའི་དཔོན་རིགས་དང་འདྲ་པོ་མེད་ཟེར། གོང་གསལ་འདི་བཞིན་ཨ་རི་གྲོས་ཚོགས་འཐུས་མིའི་བཤད་པས་སྐད་ཆ་དེའི་ཆ་ཤས་ཞིག་རེད། འོ་ན་༧གོང་ས་མཆོག་ནས་དུས་རྟག་ཏུ་རྒྱལ་སྤྱིའི་སྒང་དུ་གསུངས་སྐད་མཐོན་པོས་ངང་ནས་ང་ཚོར་མང་གཙོ་ཡང་དག་པའི་ལམ་ཁར་འགྲོ་གྱི་ཡོད་ཚུལ་གསུངས་གྱི་ཡོད་ལ་དོན་དངོས་ཡང་དེ་རང་ཡིན་པར་དོན་གྱི་གྲུབ་ཡོད། ཁྱེད་ཚོས་ཞིབ་འཇུག་ཡག་པོ་ཞིག་གནང་དང་། དབང་ཆ་གཅིག་བསྡུས་ཀྱི་གཞུང་གི་སྒྲོམ་རྟེན་ལ་ལངས་མཁན་གྱི་བོད་པའི་དཔོན་རིགས་དང་འདྲ་པོ་མེད་ཟེར་བ་འདི་ཡིས་སུ་ལ་སྐྱོན་འཛུགས་བཟོས་འདུག་གམ། འོ་ན་བོད་པའི་སྲིད་སྐྱོང་དང་བཀའ་ཟུར་སོགས་རེད་པེས། མདོར་ན་ངས་གོ་བ་ནོར་མེད་ན་༧གོང་ས་མཆོག་རང་ལ་ཡང་ཟུར་ཟ་མང་པོ་བཟོས་འདུག་བསམ་གྱི་འདུག །ད་དུང་ཤེས་དགོས་པ་གལ་ཆེར་ཞིག་ནི་ཁོས་ལྟ་གྲུབ་འདི་འདྲ་ཞིག་ཁུར་ནས་བཤད་དགོས་དོན་གང་ཡིན་ནམ། ཁོ་ལ་འདི་ལྟར་ཤོད་ཞེས་བརྒྱུད་བསྐུལ་བཟོ་མཁན་སུ་ཡིན་སོགས་ངེས་པར་དུ་མཁྱེན་རྟོགས་དགོས་གལ་མི་ཆེ་འམ། ཁོས་གང་བཤད་པ་ནི་བཙན་བྱོའི་སྒྲིགས་འཛུག་ནང་དུ་མདུང་བརྩེ་བསྐོར་འདུག་པ་ལས་ཨེ་ཤི་ཡ་རླུང་འཁྲིན་ཁང་གི་གནད་དོན་ནི་ཁ་གཡར་བ་ཙམ་ལས་རྒྱུ་མཚན་གཙོ་བོར་གང་ཡང་འཛིན་མི་འདུག །ད་དུང་ཁོས་འདི་ལྟར་བཤད་འདུག །
    བོད་མི་༧༥ རང་ལུས་མེར་སྲེག་བཏང་བ་དེ་ཁྱེད་ཚོས་སྲིད་བྱུས་བཟུང་ནས་རྩོད་བཞིན་པའི་རྒྱ་ནག་དམར་ཕྱོགས་ཚོགས་པའི་འོག་ནས་གྲངས་ཉུང་མི་རིགས་ཀྱི་སྡེ་ཁག་ཅིག་ཆགས་རྒྱུའི་ཐོབ་ཐང་གི་ཆེད་དུ་མ་རེད། ཁོང་ཚོས་རང་ཉིད་རང་གིས་བསད་པ་དེ། རང་དབང་དང་རང་ཐག་རང་གཅོད་ཀྱི་ཐོབ་ཐང་། རྒྱ་གཞུང་གིས་ཁྲིམས་འགལ་གྱི་དབང་སྒྱུར་དེ་མཇུག་བསྡུས་པའི་ཆེད་དུ་རེད། འོ་ན་བོད་གཞུང་གིས་སྲིད་ཇུས་འདིར་ནོར་འཁྲུལ་ཅན་ཞིག་ཡིན་པར་འདོད་མཁན་དང་དེའི་ཕྱོགས་གཏོགས་དག་གིས་ཁོ་ལ་བརྒྱུད་བསྐུལ་བཟོས་པར་འདོད་མཁན་དག་གིས་གཟིགས་ཚུལ་དེ་ཏག་ཏག་མིན་ནམ། །

    Reply
  26. གནས་ཚང་། says:
    ལོ་ 13 སྔོན།

    ད་རེས་ཨ་རི་བས་ལས་ཀ་དྲང་བདེན་ཞིག་གནང་འདུག་ལ། འདི་ནི་ཉེན་བརྡ་ཐེངས་དང་པོ་རེད། ད་ཉེན་བརྡ་ཐེངས་གཉིས་པ་འབྱོར་རྗེས། རྡ་རམ་ས་ལར་རོགས་དངུལ་རེག་གི་མ་རེད་ལ། བོད་པ་གཞན་ཁག་ཅིག་བསྐྱེད་བསྲིངས་གནང་གི་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese