ཁ་སང་དགོང་དྲོ་བོད་མདོ་སྨད་རེབ་གོང་དམེ་སྐོར་སྡེ་བའི་རྒྱལ་གཅེས་དཔའ་བོ་རྟ་མགྲིན་རྡོ་རྗེ་ལགས་ཀྱིས་རང་ལུས་མེར་བསྲེགས་ཀྱིས་སྐུ་གྲོངས་འདུག
ཁ་སང་ཕྱི་ཚེས་ ༢༣ ཉིན་གྱི་དགོང་དྲོ་བོད་ནང་གི་ཆུ་ཚོད་ ༦།༣༠ ཡས་མས་ཙམ་ལ། རྒྱ་གཞུང་གིས་མཚོ་སྔོན་ཞིང་ཆེན་རྨ་ལྷོ་ཁུལ་རྩེ་ཁོག་རྫོང་རྡོ་དཀར་མོ་ཞང་འབོད་པའི་སྲིད་གཞུང་གི་སྒོ་འགྲམ་དུ། རང་ལོ་ ༢༩ ཡིན་པའི་རྟ་མགྲིན་རྡོ་རྗེ་ལགས་ཀྱིས་རང་ལུས་མེར་བསྲེགས་བཏང་སྟེ། རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་སྐུ་གྲོངས་ཡོད་འདུག
འདི་གར་གྲྭ་ཆོས་འབྱོར་ལགས་ཀྱིས་བརྗོད་དོན་ལྟར་ན། རྒྱལ་གཅེས་དཔའ་བོ་ཁོང་ནི་བོད་མདོ་སྨད་རེབ་གོང་ཁུལ་རྡོ་དཀར་མོ་ཞང་དམེ་སྐོར་སྡེ་བའི་ཡིན་པ་དང་། རང་ལུས་མེར་བསྲེགས་སྐབས་ཁོང་གིས་མེ་ཕུང་ཁྲོད་ལག་གཉིས་ཐལ་མོ་སྦྱར་ཏེ། ༸རྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག་ཅེས་འབོད་ཚིག་བསྒྲགས་ཡོད་འདུག
རྒྱལ་གཅེས་དཔའ་བོ་ཁོང་སྐུ་གྲོངས་རྗེས། ས་གནས་སེར་སྐྱ་མི་མང་སྟོང་ཕྲག་བརྒལ་བ་འདུ་འཛོམས་ཐོག ༸རྒྱལ་བའི་ཞབས་བརྟན་གསོལ་འདེབས་དང་མ་ཎི་དབྱངས་སུ་གྱེར་བཞིན། རྒྱལ་གཅེས་དཔའ་བོ་ཁོང་གི་སྐུ་ཕུང་གདན་དྲངས་ཏེ་ཁ་སང་དགོང་མོ་ཞུགས་འབུལ་གནང་ཡོད་འདུག
ད་ལྟའི་ཆར་རྒྱ་གཞུང་གིས་དྲ་ལམ་དང་ཁ་པར་སོགས་བརྒྱུད་ལམ་ཡོངས་རྫོགས་ལ་བཀག་སྡོམ་ནན་མོ་བྱས་ཡོད་སྟབས། རྒྱལ་གཅེས་དཔའ་བོ་ཁོང་ས་གནས་གང་དུ་སྐུ་ཕུང་ཞུགས་འབུལ་ཞུས་ཡོད་མེད་དང་། ཁོང་གི་ནང་མིའི་ཞིབ་ཕྲའི་གནས་ཚུལ་སོགས་ཤེས་རྟོགས་བྱུང་མི་འདུག
གསར་འགོད་པ། ཚེ་རིང་རྒྱལ།
རྒྱྱལ་གཅེས་དཔའ་བོ་ཕོ་མོ་རྣྣམས་ཀྱི་སྙིང་སྟོབས་དང་ལྷག་བསམ་ལ་གུས་འདུད་ཞུ་བ་ཡིན།
་
ད་སྡུག་ག་སྡུག་ག་ད་མེ་སྲེག་མ་གཏོང་ནས་དགའ་གི་བོ
རྒྱལ་གཅེས་དཔའ་བོ་རྟ་མགྲིན་རྡོ་རྗེ་ཁྱེད་ལ་གུས་འདུད་ཡོད་པ་མ་ཟད་ཁྱེད་ཀྱིས་ཐུགས་ཀྱི་བཞེད་དོན་མྱུར་དུ་འགྲུབ་པ་དང་་་་་་་་ཐར་དོན་དུ་ངན་སོང་གནས་རྣམས་མ་ལུས་སྟོང་པ་ཤོག།
བོད་རྒྱལ་ལོ། གཞིས་ལུས་མི་མང་གི་བསམ་བློའི་སྙིང་སྟོབས་ལ་རྗེས་སུ་ཡི་རངས་ཡོད། རང་ཅག་ཕྱི་སྡོད་བོད་མི་ཚོས་ཁོང་ཚོས་རྒྱལ་ཞེན་གྱི་སྙིང་སྟོབས་དེ་དག་མ་ཉམས་པར་བརྟན་སྲུང་བྱ་རྒྱུ་དེ་དོན་ཆེན་ནང་གི་འགངས་ཆེན་ཞིག་རེད།
མེར་སྲེག་རྒྱལ་གཅེས་བརྒྱད་ཅུ་པ་མདོ་སྨད་རེབ་གོང་པ་རྟ་མགྲིན་ཁྱོད་ཀྱང་དལ་བའི་རྟེན་བཟང་མྱུར་དུ་ཐོབ་པའི་སྨོན་ལམ་ཡོད། བོད་རྒྱལ་ལོ། །བདེན་པ་རྒྱལ་ལོ། ཞི་བདེ་རྒྱལ་ལོ། །