སྤྱི་ཟུར་གསེར་རྟ་ཚུལ་ཁྲིམས་འོད་ཟེར་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། དེ་རིང་ཕྱི་ཚེས་ ༢༦ ཉིན་གྱི་བོད་ནང་གི་སྔ་དྲོའི་ཆུ་ཚོད་ ༡༡།༢༥ ཡས་མས་སུ་དཀར་མཛེས་བོད་རིཊ་རང་སྐྱོང་ཁུལ་གསེར་རྟ་རྫོང་མི་རིགས་སློབ་འབྲིང་གི་སློབ་ཕྲུག་རང་ལོ་ ༢༠ ཡས་མས་ཡིན་པའི་རྒྱལ་གཅེས་དཔའ་བོ་དབང་རྒྱལ་ལགས་ཀྱིས། རང་ལུས་མེར་བསྲེཊ་ཀྱིས་༧རྒྱལ་བ་རིན་པོ་ཆེ་བོད་ལ་ཕེབས་དགོས། བོད་མི་རིགས་ལ་རང་དབང་དགོས། ཞེས་སྐད་འབོད་བྱེད་ཞོར་གསེར་རྟ་རྫོང་དཀྱིལ་གྱི་ལམ་ཆེན་གཞན་ཞིག་ནས་རྫོང་གི་གྲོང་ཁྱེར་དཀྱིལ་གྱི་གསེར་གྱི་རྟ་ཡོད་ས་བར་རྒྱུགས་ཏེ་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ངོ་རྒོལ་བྱས་ཡོད་པ་དང་། སྐབས་དེར་ལུས་ཀྱི་མེ་འབར་ཤུགས་ཆེ་བས་སར་འགྱེལ་ཏེ། དེ་མ་ཐག་དམག་མི་དང་ཉེན་རྟོག་པ་འབྱོར་ནས་ཁོང་གི་ལུས་ཀྱི་མེ་བསད་རྗེས་སྨན་ཁང་ནང་ཁྱེར་ཡོད་འདུག་ལ། ད་ཆར་ས་གནས་སུ་དམ་དྲག་ཆེ་བའི་དབང་གིས་ཤི་གསོན་གྱི་གནས་ཚུལ་གསལ་ཁ་མེད་པར་ལྷག་ཡོད་འདུག
རྒྱལ་གཅེས་དཔའ་བོ་དབང་རྒྱལ་ལགས་ནི། གསེར་རྟ་རྫོང་གི་ཁོངས་གཏོགས་མཁན་ལེབ་ཡུལ་ཚོའི་ཁ་ཤུལ་སྡེ་བ་ནས་ཡིན་པ་དང་། ཁོང་གི་ཕ་མ་གཉིས་སྔོན་མ་ནས་འདས་གྲོངས་ཕྱིན་ཡོད་འདུག ཁོང་ལ་སྤུན་མཆེད་མིང་སྲིང་ ༤ ཡོད་འདུག
ཆོས་ཉིད་འོད་ཟེར་ལགས་ཀྱིས་བརྗོད་པ་ལྟར་ན། རང་ལུས་མེར་སྲེག་གཏོང་མཁན་དབང་རྒྱལ་ལགས་ནི་དེ་སྔོན་གྲྭ་པ་ཡིན་དང་། ཁོང་ལ་སྤུན་གཉིས་ཡོད་པའི་ཆེ་བའི་མིང་ལ་ཚེ་སྒྲུབ་འབོད་ཀྱི་ཡོད་འདུག་ལ། ཁོང་གསེར་རྟ་རྫོང་སྟག་རྩེད་ཡུལ་ཚོའི་ཁ་ཤུལ་ཚོ་བ་ནས་ཡིན་འདུག
