དྲག་པོར་དྲག་པོས་རྒོལ་དགོས།

ཟིན་ཐོ་འགའ།

ཐུང་ཐུང་དང་མགྱོགས་པོའི་སྒོ་ནས་བཤད་གིན་ཡོད། ༼ཚིག་གསུམ་བསྡུས་མ་ཡིན།༽

༡། ང་ཚོའི་སུ་ཡིན་རུང་རང་རང་གི་བསམ་ཚུལ་མཚོན་པའི་རྩོམ་ཡིག་དེ་བྲིས་ཚར་ནས་བརྒྱུད་ལམ་ལ་མ་སྤེལ་བའི་སྔོན་ཏག་ཏག་དེར་མ་མཐར་ཡང་རང་ཉིད་ལ་དྲི་བ་གཅིག་གཉིས་རེ་ངེས་པར་དུ་དྲིས་ན་ཆོག་གི་འདོད། དཔེར་ན། ༼དོན་ངོ་མར་ངས་འདི་འདྲ་ཞིག་ཁྲག་བཙུར་སྣག་བཙུར་དུ་བྲིས་ཏེ་སྤེལ་ནས་ཅི་བྱེད་ག༽ ༼འདིའི་རྗེས་འབྲས་དེ་སྡུག་ཕྱོགས་རྐྱང་རྐྱང་ནས་སྨིན་ན་དེའི་འགན་ངོ་མ་སུས་ཇི་ལྟར་འཁུར་ཐུབ་གི་རེད་ལྟ་བུ།༽

༢། ཞི་དྲག་གང་བཤད་ཀྱང་མཐར་གཏུགས་ན་བྱ་བ་འདི་དག་ཐམས་ཅད་ཀྱི་དམིགས་དོན་ངོ་མ་ནི། མི་རིགས་རང་གི་དོན་དུ་རེད། ཐབས་ལམ་དང་བསམ་ཚུལ་མི་མཐུན་པ་མང་པོ་ཡོད་པ་ཡང་མངོན་སུམ་རེད། གཞི་རིམ་ཙམ་མ་རེད། མཐོ་རིམ་མི་སྣའི་གྲས་ན་ཡང་ཡོད་པ་རེད། ཤེས་ཡོན་པ་ཚོའི་སེམས་ན་དེ་བས་ཀྱང་འདུག་སྙམ་པའི་ཚོར་བ་བྱུང་། འོན་ཀྱང་མངོན་སུམ་དུ་གླེང་གིན་མེད་པ་ནི་ཧ་ཅང་གཟབ་ཀྱིན་པ་སྟེ། གཅིག་ནས་བོད་རང་སྟེང་ནས་བསམ་ན་དེའི་རྒྱལ་ཁ་ཐོབ་རེ་ནི་དངོས་ཡོད་དང་མངོན་སུམ་ལ་འགལ་བ། གཉིས་ནས་དམག་འཁྲུག་ནི་སུས་ཀྱང་བློས་བཟོད་པ་ཞིག་མིན་པས་རེད།

༣། ཤེས་གསལ་ལྟར། གོང་དུ་དྲག་པོར་དྲག་པོའི་གདོང་ལེན་བྱ་དགོས་པ་རེད་ཟེར་བ་དེ་ཡང་རྒྱུ་མཚན་གྱི་ལག་མཐིལ་ལ་རྒྱུ་མཚན་བཞག་ནས་བཤད་པ་འདྲ་བོ་རེད། དཔེར་ན། བོད་ནང་གི་མེར་སྲེག་གི་གྲངས་ཀ་ལྟར། ཁོང་ཚོའི་མཉམ་དུ་ལྷ་སའི་གླིང་ནས་རྒྱ་མི་ ༩༠ ཐམ་པ་དོན་མེད་ལ་ནག་མེད་དུ་ཕྱིན་ན་མ་མཐར་ལྷ་སའི་རྒྱ་མི་དགུ་འབུམ་ལ་འཇིགས་སྣང་ཡོང་ངེས་པ་ལྟ་བུ་རེད། དེའི་འཕྲལ་གྱི་དམིགས་ཡུལ་ནི་བོད་ས་ཁུལ་ནས་རྒྱ་མི་ཡང་འགྲོ་བདེ་འདུག་བདེ་མེད་པ་ཞིག་བཟོ་ཆེད་དང་། འཛམ་བུའི་གླིང་གི་ཆབ་སྲིད་ཀྱི་ལས་སྟངས་ཀྱང་ཁྲག་དང་རྣག་མ་ཐོན་ན་མ་གཞི་ནས་ལས་ཤེས་གི་མེད་པའམ་ལས་རིན་མེད་པ་ལྟ་བུའི་རྣམ་འགྱུར་ཞིག་ཡོད་པ་དེ་ལ་བསྟུན་ནས་ལས་ཀ་བྱེད་འདོད་པ་ཡིན་རྒྱུ་རེད།

མི་ཆུང་ལགས།   ཀླུ་མཁར་བྱམས་ལ་ཁ་གཏོང་རོགས།  ཁོང་གི་བསམ་ཚུལ་གྱི་རྒྱབ་ལྗོངས་ཁྱེད་ཀྱིས་མགོ་ཚོས་མི་འདུག   འཛིང་དགོས་ཟེར་དུས་བོད་མི་ཡོད་དོ་ཅོག་གིས་མདའ་མདུང་གྲི་འཁྱེར་ནས་རྒྱུགས་ལབ་ཀྱི་ཡོད་པ་མ་རེད། ་དཔེར་ན་ ལྕགས་ལམ་གཅིག་གཏོར་བ་ལ་ས་ཡ་དྲུག་མི་དགོས།  དེ་འཚེ་བ་ཡིན་པའང་སྒྲུབ་མི་ཐུབ།  འདི་དང་འདི་འདྲ་བའི་ལས་ཀ་མང་པོ་ཁེངས་བསྡད་ཡོད།  

་རང་ལུས་མེར་བསྲེགས་གཏོང་མཁན་ཚོས་ཀྱང་ཇུས་འཐེན་དགོས་པའི་ཚོད་རེད་འདུག   རྒྱ་ནག་པེ་ཅིན་ནང་རང་བསྲེགས་བཏང་ཡོད་པ་ཡིན་ན་   མཉམ་འབྲེལ་རྒྱལ་ཚོགས་ཀྱི་མདུན་ཐང་དུ་བཏང་ཡོད་ན།  ང་ཚོ་ག་པར་སླེབས་ཡོད་་ན???

མི་རྒོད་ལགས།  རྒྱ་ནག་གི་གཞུང་ཚབ་ལ་མཆོང་རྒྱུ་དེ་དོན་དག་ལྟེ་བ་་མ་རེད།  རྒྱ་ནག་གི་གཞུང་ཚབ་ལ་གཅིག་རྒྱུགས་ནས་སྐད་འབོད་རེ་རྒྱག་པ་དེར་ང་ལ་འཐད་པ་མེད།  ལས་འགུལ་ཅིག་སྤེལ་རྒྱུ་ཡིན་ན།  ལས་འགུལ་ནི་སྐར་མ་ཁ་ཤས་རེད། དུས་ཚོད་ཀྱི་90% འཐབ་བྱུས་ཀྱི་སྒང་ལ་གཏོང་དགོས་པ་རེད།

དེ་བས་མིག་མི་འཛུམ་གྱིས་མིག་གཉིས་ཀ་བཙུམས་ནས་བྲིས་པའི་ཚོར་འདུའི་རྩོམ་ཡིག་འདིར་རྒྱབ་ལངས་མཆན་ཞབས་པ་རྣམས་ནས་མནོ་བསམ་ལེགས་པོ་བཏང་ན་མ་གཏོགས་ཆུ་མེད་སའི་རོང་དུ་བསྐྱལ་ཡོང་དཱ།

ད་སྐུ་མཁྱེན། བླ་མས་མཛད་བཟང་ཆུར་མ་བསྐྱུར་རོག་མཁྱེན།

གཞིས་སུ་བཞུགས་པའི་བོད་མི་དཔའ་བོ་དཔའ་མོ་ན་གཞོན་ཚོ་བོད་དོན་ཐོག་རྒྱུན་བསྲིངས་ནས་ཕྱག་ལས་མཛད་དུ་འཇུག་རོག

སྐྱབས་བཅོལ་བོད་མིའི་རྩོམ་འབྲི་བ་རྣམ་པས་རྩོམ་ཡིག་གང་ཞིག་བྲིས་རུང་། རྒྱབ་རྟེན་དང་རྒྱུ་མཚན་ཡོད་པའི་ཐོག་ནས་འབྲི་རྒྱུ་ལས། ཚོར་སྣང་དང་ཐོད་བརྒལ་གྱི་བསམ་ཚུལ་རྐྱང་བས་མི་མང་གི་འདུ་ཤེས་དང་ངོས་འཛིན་དཀྲོགས་སྲིད་པས། རྩོམ་འབྲི་བ་ཚོས་ཞིབ་འདང་རྒྱག་དགོས་པའི་གནད་ཅིག་རེད།

རང་དབང་དང་གུ་ཡངས་ཀྱི་ཁོར་ཡུག་ཁ་ལ་འཁྱེར་ནས། རང་རང་གི་བསམ་ཚུལ་རྐྱང་བ་སྒྲུབ་ཕྱོགས་སུ་འཛིན་པ་ནི། རིས་གཅོད་ཀྱི་ལྟ་ཚུལ་ཞིག་ཅིས་ལ་མིན། བོད་ཀྱི་འཐབ་རྩོད་འདིའི་འཕེལ་ཕྱོགས། ཁ་ཕྱོགས། ནུས་པ་སོགས་ལ་གཞིགས་ནས། གཞི་རྩ་ཡོད་པའི་ཐབས་བྱུས་འདོན་རན་པའི་དུས་ཚོད་ཅིག་ཡིན་པའང་བདེན་པ་རེད།

རེད་དེ། དོན་དངོས་ནི། སུ་གང་གིས་འགྱུར་བ་གཏོང་ཐུབ་ཀྱི་མ་རེད། དེས་ན། བོད་པའི་སྟོབས་ཤུགས་ཀྱི་དོན་དངོས་གང་ཡིན་ནམ། རིག་གནས་སྙིང་སྟོབས་ཤིག་ཡིན་ནམ། དྲག་རྒོལ་བྱེད་སྤྱད་ཀྱི་མཐུན་རྐྱེན་ཚང་ངམ།

གལ་སྲིད། དྲག་རྒོལ་གྱི་ལམ་ལ་ཞུགས་པ་ཡིན་ན། གྲ་སྒྲིག་ཡོད་དམ། ཡང་མིན་ན། གྲ་སྒྲིག་གང་འདྲ་ཞིག་བྱེད་རྩིས་ཡོད་དམ། བོད་མི་རིགས་འདིའི་དཔལ་ཡོན་ཞི་བའི་རིག་གཞུང་གིས་བསྐྱེད་ཡོད་དམ། དྲག་རྒོལ་རྐྱང་བས་བཟུང་ཡོད།

རྒྱ་ནག་གི་རིག་གནས་དང་རྒྱ་གཞུང་གི་སྲིད་བྱུས་ལ་བལྟས་པ་ཡིན་ན། དྲག་པོའི་རྒོལ་ལན་མེད་ན། བསམ་ཤེས་གུ་ཡངས་མེད་པ་ནི། ལོ་རྒྱུས་དང་ད་ལྟའི་རྒྱ་གཞུང་གིས་སྲིད་བྱུས་ཀྱིས་གསལ་བཤད་བྱེད་ཀྱིན་མི་འདུག་གམ།

ཡིན་རུང་། བོད་མི་རིགས་ཀྱི་འཐབ་རྩོད་ལ་དྲག་རྒོལ་རིག་གནས་དང་ལམ་ལུགས་ཤིག་བཟུང་བ་ཡིན་ན། བོད་ཀྱི་རིག་གནས་དང་རྒྱབ་འགལ་དུ་ཆགས་པ་མ་རེད་དམ། དེ་ལས་བོད་རང་གི་ཞི་བའི་རིག་གནས་དང་དེའི་ནུས་སྟོབས་ཀྱིས་བསྐྱེད་པའི་ཞི་བདེའི་འཐབ་རྩོད་འདི་རན་པོ་ཞིག་མ་རེད་དམ།

བསྐུར་འོས་དྲ་གྲོགས་ཡོངས་ལ་ཞུ་རྒྱུ། གོང་གསལ་རྩོམ་ཡིག་འདིར་ཁྱེད་ཚོས་མཆན་མང་པོ་ཞིག་བྲིས་འདུག་པར་དགའ་བསུ་ཞུ། ཡིན་ཡང་རེ་ཟུང་ནི་འུར་ཤོད་དང་། རེ་ཟུང་ནི་སེམས་ཚོར་ཙམ་གྱི་རྗེས་སུ་རྒྱུགས་པ་དང་། ཁ་ཤས་ཀྱིས་གནས་ལུགས་ལྡན་པ་ཡང་བཤད་འདུག ། སྟོབས་ཤུགས་ཅན་གྱིས་དམག་དཔུང་ཞིག་དང་ཆེས་ཉམ་ཆུང་བོད་མིའི་བར་དྲག་པོས་གཡུལ་འགྱེད་ནི་མར་རྡོ་ལ་བཞུས་ན་མར་ཕམ་པ་དང་དེ་བཞིན་རྡོ་མར་ལ་བཞུས་ན་ཡང་མར་ཕམ་པ་ནང་བཞིན་ཡིན་པར་མངོན་སུམ་ཚད་གྲུབ་ཡིན་པ་སྨོས་མི་དགོས་པར་འདོད། གལ་སྲིད་དྲག་པོས་ལས་འགུལ་ཞིག་སྤེལ་ན་ཡང་ཆ་གཞིར་ལྡན་པ་དང་གོ་རིམ་ལྡན་པའི་སྒོ་ནས་སྤེལ་དགོས་པ་ལས་མི་རེ་ཟུང་གིས་སེམས་ཚོར་དང་འབྲེལ་ནས་བྱ་སྤྱོད་འདྲ་མིན་སྤེལ། རེ་ཟུང་གིས་དེར་རེ་བ་འདྲ་བྱས་ནས་བསྡད་ན་སྤྱིར་སྒེར་སུ་ལ་ཡང་ཕན་འབྲས་མེད་ཁར་མིང་ཅན་ངན་པ་ཞིག་ཁུར་རོགས་ལས་གང་ཡང་མི་འདུག །ངས་མིང་ཅན་ངན་པ་ཟེར་དུས་འཇིགས་བསྐུར་དྲག་སྤྱོད་པའི་མི་བྱང་ལ་ཟེར་གྱི་ཡོད། ད་དུང་གྲོགས་ཀླུ་མཁར་བྱམས་ལགས་ཀྱིས་དབུ་མའི་ལམ་གྱིས་ནུས་པར་མ་ཐོན་པའི་གཟིགས་ཚུལ་དང་འབྲེལ་བས་མཆན་ཞིག་བྲིས་འདུག་པ་ལ་ཡང་བསམ་ཚུལ་ཞིག་བཤད་འདོད་བྱུང་སོང་། འོ་ན་ང་ཚོས་དྲག་སྤྱོད་སྤེལ་བ་ཡིན་ན་རྒྱལ་སྤྱིའི་ནང་ནས་ཆེ་མཐོང་དང་རྒྱབ་རྩ་ཡོང་བར་ཕན་ཐོག་ཡོད་དམ་། ཡང་ན་རྒྱ་དམར་གཞུང་གིས་བོད་ཐོག་འཛིན་པའི་སྲིད་ཇུས་ཞི་འཇམ་གཏོང་བར་ཕན་ཐོག་ཡོད། དང་པོ་ལྟ་ན་་དེང་སྐབས་དྲག་སྤྱོད་སྤེལ་བཞིན་པའི་སི་རི་ཡ་དང་། དེ་བཞིན་པ་ཀེ་སི་ཐན་དང་ཨབ་གྷན་ན་སི་ཐན། དེ་བཞིན་ཡུ་གུར་མི་རིགས་ལ་སོགས་པའི་ཡུལ་ལུང་མང་པོ་ཞིག་ནང་དྲག་སྤྱོད་ལས་འགུལ་སྤེལ་གྱིན་ཡོད་པ་རེད། ཡིན་ཡང་རྒྱལ་སྤྱིའི་དང་སྲིད་གཞུང་སོ་སོའི་ནང་ནས་ཁོང་ཚོར་དོན་ཕན་ལྡན་པའི་ཡ་ལེན་ཞིག་སྤྲོད་གིན་ཡོད་དམ། ཡང་མིན་ན་ཨིས་རྒྱབ་དང་ཏྲོན་ནེ་ཤིས་ཡ་ནང་ལོག་ཏུ་བྱུང་བ་ལྟ་བུའི་དྲག་སྤྱོད་ཞིག་སྤེལ་ཐུབ་ན་མངོན་འདོད་ཞིག་འགྲུབ་སྲིད་མོད། དེ་ལྟ་བུ་ནི་མི་འབོར་དང་། སྟོབས་ཤུགས། རྒྱབ་རྩ་སོགས་ཕྱོགས་གང་གི་ཆ་ནས་བསམ་ན་ཡང་ང་ཚོར་བོད་པ་ཚང་ལ་རེ་བ་གང་ཡང་མེད་པར་མངོན་གསལ་རེད། སྟོབས་ཤུགས་ཀྱིས་ཆ་ནས་བཤད་ན་དེ་ལྟ་བུ་མི་མང་ཕོན་ཆེན་དྲག་རྒོལ་ནང་དུ་མཉམ་ཞུགས་ཐུབ་པ་དཀའ་བ་དང་། རྒྱལ་སྤྱིའི་རྒྱབ་རྩ་ཡང་དཔལ་འབྱོར་གྱི་ཁེ་ཕན་དང་འབྲེལ་ནས་ཡོད་དུས་དེ་ལས་དཀའ་བར་སེམས་སོ། མདོར་བསྡུས་ནས་བཤད་ན་ཐང་བདེ་དུས་ཨ་ལ་ཐ་ལ་དང་། འགག་དོགས་སར་ཨོ་རྒྱན་པདྨ་ཟེར་བ་བཞིན་མ་གནང་རོགས་ཞུ་རྒྱུ་ཡིན།

<<འགོ་དྲག་པོས་བརྩམས་ནས་མཇུག་ཞི་བས་སྐྱོང་དགོས >>

བོད་རྒྱའི་དབར་གྲི་དང་མདུང་གཏུགས་ནས་མི་ཤི་རྟ་འགྱེལ་མ་དགོས་པར། ༧ གོང་ས་མཆོག་གིས་བཏོན་པའི་དབུ་མའི་ལམ་ནས་གདོང་དང་གདོང་གཏུག་གིས་དཀའ་ངལ་སེལ་རྒྱུར་ང་ཚོས་རེ་བ་བརྒྱབ་ཆོག་མོད། དེ་ལྟར་ཡོང་མིན་ལ་དུས་བཀག་ཅིག་མེད་ན། ཐ་མར་ང་ཚོ་རྟག་ཆད་ཀྱི་མཐའ་གཉིས་སུ་མ་ལྷུང་ཞིང་། ཐོབ་བྱ་གང་ཡང་མེད་པའི་དབུ་མ་རང་སྣང་བ་ཞིག་ཏུ་འགྱུར་ཉེན་ཆེ།
ཕྱི་ལོ་༢༠༠༣ ཟླ་༨ཚེས་༢༨ཉིན། ༧གོང་ས་མཆོག་ཧྥ་རིན་སིའི་རོལ་ཊར་གསར་ཁང་གི་བཅར་འདྲིའི་སྐབས། ཁོང་གིས་“ འབྲེལ་ལམ་བསྐྱར་གསོ་བྱས་ཏེ་བཟང་ཕྱོགས་ཀྱི་ཁོར་ཡུག་བསྐྲུན་ཡོད། རིང་བོར་མ་སོང་བར་གྲུབ་འབྲས་ཤིག་སོན་པའི་རེ་བ་རྒྱག་གི་ཡོད་ལ། ང་ཚོས་བཟོད་བསྲན་དང་ངང་སྒུག་ཀྱང་བྱེད་དགོས་པ་རེད། འོན་ཀྱང་། ལོ་གཉིས་གསུམ་ནང་གྲུབ་འབྲས་ཤིག་མ་བྱུང་བ་ཡིན་ན། ངོས་ཀྱི་དབུ་མའི་ལམ་ལ་དེང་གི་གཞོན་སྐྱེས་ཚོར་འགྲེལ་བཤད་རྒྱག་རྒྱུ་ཁག་པོ་ཆགས་ཀྱི་རེད། དབུ་མའི་ལམ་ནས་ཚད་མཐོའི་རང་སྐྱོང་གི་དགོས་འདུན་བཏོན་པ་དེར་བོད་ཀྱི་གཞོན་ནུ་ལྷན་ཚོགས་གཙོས་མོས་མཐུན་མེད་པའི་ན་གཞོན་མང་བོ་ཡོད་པ་དང་། ཁོང་ཚོས་རང་བཙན་གཙང་མ་སླར་གསོའི་དགོས་འདུན་འདོན་གྱི་ཡོད་སྟབས། དྲག་པོའི་འཐབ་རྩོད་ལམ་དུ་ཞུགས་སྲིད་པ་རེད་”ཅེས་ལམ་དབུ་མའི་ལམ་གྱི་གྲོས་འཆར་དེར་དུས་ཀྱི་ཚད་བཀག་ཅིག་བཟོས་པ་མ་ཟད། དྲག་པོའི་འཐབ་རྩོད་ཀྱང་འབྱུང་སྲིད་པའི་སྔོན་བརྡ་བཏང་འདུག
ཁོ་བོའི་བསམ་པར། དབུ་མའི་ལམ་ཀྱི་ཚད་བཀག་དེ་འཕྱིས་མེད་ན་སྔ་མེད་ལ། དྲག་པོའི་འཐབ་རྩོད་ཀྱང་སྔ་ཕྱི་ཙམ་རེད་འདོད། གང་ཡིན་ཟེར་ན་དབུ་མའི་ལམ་གྱི་སྲིད་བྱུང་འདིས་བོད་རྒྱའི་རྩོད་རྙོག་གི་མཇུག་བསྡུ་ཐུབ་སྲིད་མོད་གྲོས་མོལ་འགོ་རྩོམ་ཐུབ་ཀྱི་མེད་པ་གསལ་བོ་རེད། དེ་བས་ང་ཚོས་གྲ་སྒྲིག་སྡུག་ས་ནས་བྱས་ཏེ་ལས་འགོ་དྲག་པོས་རྩོམ་པར་སྟ་གོན་བྱ་འོས་པ་དང་། ཆབས་ཅིག་ལས་མཇུག་ཞི་བའི་ངང་བསྡུ་རྒྱུའི་བློ་རྩེ་གཉིས་མ་ཞིག་གཏོང་རན་པ་ཁ་ཚ་དགོས་གཏུགས་རེད་སྙམ།
མ་གཞི་ཞི་མོལ་གྱི་གྲོས་འཆར་གཉོམ་ཆུང་གིས་རང་ལས་སྟོབས་ཆེ་བའམ། དབང་ཤུགས་ཅན་ལ་ཕར་བཏོན་ན། ཧམ་སེམས་ཆེ་བའི་དྲག་སྤྱོད་པ་ཚོས་དེར་ཆ་འཇོག་བྱ་རྒྱུ་ལྟ་ཞོག་སྣང་ཆུང་ཁྱད་གསོད་བྱེད་ཀྱི་ཡོད། དཔེར་ན། མའོ་ཙེ་ཏང་གིས་བོད་དོན་ཀྱི་ཚོགས་འདུ་གལ་ཆེན་ཞིག་གི་སར་“བོད་ཀྱི་གནད་དོན་ཐད། ང་ཚོས་(རྒྱ་བོད་གཉིས་ལ་གོ)འཛིང་རེས་ཤིག་རྒྱབ་ན་ཡག་པོ་ཡོང་ས་རེད། ཁ་དཔེར། ཐེངས་ཤིག་མི་ལ་མ་འཛིང་བར། ཕན་ཚུན་ཆ་རྒྱུས་ལོན་པ་དཀའ་ཞེས་པ་ལྟར། ཕར་ལ་ཚར་ཅིག་མ་རྡུང་བར་དུ་བོད་རྒན་ཚོས་ཡ་བྱེད་མདོག་ཁ་བོ་མ་རེད་ལ། ང་ཚོས་རྔ་མ་གཡུག་ནས་ཕར་ཞི་མོལ་དགོས་སྐོར་ཞུ་བ་འཐེན་དགོས་ན་ཁག་པོ་རེད་”ཅེས་བརྗོད་ཡོད།
ད་ལྟ་ང་ཚོས་རྒྱ་མིར་རྔ་མ་གཡུག་ནས་ཞུ་བ་འཐེན་དགོས་ན་དེ་བས་ཁག་པོ་རེད། མ་གཞི་ནས་མའོ་ཡིས་བརྗོད་པ་ལྟར། བོད་རྒྱའི་བར་གྱི་རྩོད་རྙོག་གི་རྩ་བ་“འཛིང་”དང་“གཏོར”གྱིོ་རྒྱུ་ལས་འབུས་པ་ཞིག་ཡིན་ལ། ཁ་དཔེར་དགྲ་བཙན་པོའི་ཁ་ཡ་བཙན་པོ ། རོ་ཁ་མོའི་ལན་དུ་སྐྱུར་མོ་ཟེར་བ་ལྟར། སྤྱི་འགྲོས་ཀྱི་གོ་རིམ་འདི་བརྒྱུད་ནས་བོད་དོན་གླེང་སློང་བྱས་ན། ཉུང་མཐར་ཡང་བོད་དོན་འདི་དུས་རབས་ཉེར་གཅིག་པའི་ནང་འཕྲལ་མར་ཐག་གཅོད་བྱ་དགོས་པའི་རྒྱལ་སྤྱིའི་དོན་ཆེན་ཞིག་ཆགས་ངེས་པར་སེམས།
སྤྱིར་བརྙས་བཅོས་མྱོང་མཁན་ཞིག་ལ་ཆ་བཞག་ན། བཙན་གནོན་གཏོང་མཁན་ཚོར་རྒོལ་ལན་སློག་རྒྱུའི་སྙིང་སྟོབས་ཡོད་མེད་ལས། མི་ཆོས་དང་ལྷ་ཆོས་གང་ནས་ལན་སློག་ཆོག་མིན་སོམ་ཉི་མི་དགོས། བོད་མི་ཚོས་ཞི་མོལ་གྱི་གྲོས་འཆར་ཁོ་ནར་སྒུག་དགོས་དོན་ཡང་མེད། དཔེར་ན། ལག་ནས་མེ་མདའ་གློད་མ་མྱོང་ལ། ཁ་ནས་ཞི་མོལ་གློད་མ་མྱོང་བའི་ཡྭ་སན་ཨ་ཧྤར་ཐི་མཆོག་ལ་ནོ་སྤེལ་ཞི་བདེ་གཟེངས་རྟགས་རག་ཡོད་ལ།དེ་ཡིས་རྒྱལ་སྤྱིའི་སྟེང་ཞི་བའི་གྲོས་མོལ་དང་དྲག་པོའི་འཐབ་རྩོད་ལ་འཛིན་པའི་ལངས་ཕྱོགས་མཚོན།
ད་ནི་བོད་མི་གཉོམ་ཆུང་ཚོ་འུ་ཐུག་པ་ཡིན་སྟབས། མཇུག་འབྲས་ལ་སྔོན་དཔག་མེད་པར། ཤི་གསོན་གཏིང་ཐག་ཆོད་སླ་བའི་ལམ་ཁ་ཉེ་ཤོས་སུ་ཞུགས་དགོས་པར་སྙམ། ངས་འདི་ལྟར་བརྗོད་པ་མི་སེམས་ཟང་ཟིང་བཟོ་རྒྱུའི་ཆེད་དུ་མ་ཡིན་པར། མའོ་ཡིས་བཤད་པ་ལྟར་འཛིང་རེས་ཤིག་བྱས་ཏེ། རྒྱ་གཞུང་གི་ཁ་ཕོར་དོན་གྱིས་རྒྱུས་ལོན་ངོ་མ་ཞིག་བྱེད་རྒྱུ་དང་། བོད་ཀྱི་ཤི་ཐག་གསོན་ཐག་མགྱོགས་པོར་གཅོད་ཐུབ་ན་བསམ་པའི་གླེང་སློང་གི་ཚུལ་དུ་ཡིན།

ད་ནི་བོད་རྒྱ་ཞི་མོལ་ཅོལ་ཆུང་ངང་ཞི་དབྱིངས་སུ་འཐིམས་ཚར་བ་དང་། བཙན་རྒོལ་རྒྱལ་སྐྱོབས་ཀྱི་དྲག་པོའི་འཐབ་རྩོད་གཟི་བརྗིད་ངང་ཕམ་ཚར་པའི་དེ་རིང་། མི་སེམས་འཁྲུགས་འགྲོ་བར་ཁག་མེད། ཁོ་བོར་མཚོན་ནའང་མཚམས་རེར་དེ་ལྟར་དྲན་ནས་དེ་ལྟར་འབྲི་མྱོང་། ཕྲན་གྱི་རྩོམ་ཡིག་<<འགོ་དྲག་པོས་བརྩམས་ནས་མཇུག་ཞི་བས་སྐྱོང་དགོས >>ཞེས་པ་འདི་ལོ་བཅུའི་གོང་སྟེ། སྤྱི་ལོ་༢༠༠༣་ལོའི་བོད་ཀྱི་དུས་བབ་༼༢༤༣༽སྟེང་བཀོད་ཡོད་ལ། དེ་རིང་མིག་མི་འཛུམ་པ་གང་དེར་སེམས་གསོའམ། རྒྱབ་དཔུང་གི་ཆེད་དུ་འདིར་བཀོད་པ་ཡིན།

དྲག་པོར་དྲག་པོས་རྒོལ་དགོས་ཞེས་པའི་རྩོམ་ཡིག་ལ་རྒྱབ་སྐྱོར་མེད།
གང་ཡིན་ཞེ་ན། འདི་འདྲ་དྲག་རྒོལ་ཞིག་བྱས་ཡོང་ན་ཅི་མ་རུང་སྙམ་པ་དེ་རྒྱ་ནག་གིས་དབང་འཛིན་པ་ཚོའི་མངོན་འདོད་ངོ་མ་དེ་རེད། སྔོན་མར་༢༠༠༨ ལོར་ཞི་རྒོལ་ཆེན་མོ་སྐབས་སུ་རྒྱ་ཡི་དམག་མི་དང་ཉེན་རྟོག་པ་དག་གིས་བོད་ཆས་དང་གྲྭ་གོས་གྱོན་ནས་དྲག་རྒོལ་ནང་དུ་ཞུགས་ཏེ་བོད་པས་འདི་ལྟར་བྱེད་ཀྱི་འདུག་ཟེར་བའི་འཛམ་གླིང་མི་མང་གི་མདུན་དུ་འཁྲབ་སྟོན་ཞིག་བཤམ་པ་དེ་ཁོ་ཚོར་ཁེ་ལས་ཕམ་ཁ་མིན། ད་དུང་གསལ་པོ་ཤེས་དགོས་པ་ཞིག་ལ་གྲི་དང་མེ་མདའ་གང་ཡང་མེད་པའི་མི་ཞིག་དེང་རབས་ཀྱི་མཚོན་ཆ་ལྡན་པའི་དམག་དཔུང་མདུན་དུ་མཆང་པ་ནི་རང་ཤི་རྒྱག་པ་དང་གཉིས་སུ་མེད། དེའི་ཕྱིར་སྤུན་ཟླ་གཞན་གྱི་ཚེ་སྲོག་སྲུང་སྐྱོབ་ཀྱི་ཆེད་དུ་ད་ནས་བཟུང་རང་གཞན་ཚང་མའི་ཚེ་སྲོག་གཅེས་སྤྲས་མཛད་རྒྱུ་ཅི་ནས་ཀྱང་གལ་ཆེའོ། །

ང་ནི་སྲིད་དོན་ལ་རྒྱུས་མངའ་ཡོད་པ་ཞིག་མིན་མོད། མིག་མི་འཛུམ་ཟེར་བའི་རྩོམ་པ་པོ་འདིས་སྤེལ་བའི་རྩོམ་ལ་མོས་མཐུན་རྩ་བ་ནས་མེད་མཁན་ཞིག་ཡིན། གང་ཡིན་ཟེར་ན། ཁོ་རང་དབང་ལུང་པའི་རང་ཤག་དྲོན་མོ་ནས་སྐད་ཆ་རྫིག་པོ་བོད་ནང་གི་གཞིས་ལུས་སྤུན་ཟླ་ཚོར་བཤད་ན་འོས་སུ་མ་མཐོང་ལ། གལ་ཏེ་ཁྱེད་ལ་དེ་འདྲའི་བསམ་ཚུལ་དང་བློས་གཏོང་གི་སྙིང་སྟོབས་ཡོད་ན་དགའ་བསུ་ཞུ་རྒྱུ་མ་ཟད། དང་པོ་ཁྱེད་རང་གིས་རང་ཉིད་བློས་གཏོང་བྱས་ཏེ་འགོ་ཁྲིད་རྒྱུར་རེ་སྐུལ་ཡང་ཞུ་རྒྱུ་ཡིན། ཁྱེད་ཀྱི་བཤད་སྟངས་ཀྱང་འདི་འདྲ་ཞིག་རེད། ད་ནི་ཁྱེད་ཀྱིས་བསམ་བློ་ཞིག་ཐོངས་དང་།

མི་དགུ་བཅུ་ཙམ་གྱིས་རང་ལུས་མེར་བསྲེག་གིས་ཞི་རྒོལ་བྱས་བར་ཁྱབས་སྒྲག་གི་ནུས་བ་ཐོན་ཡོང་ཟེར། མི་ལུས་གསོན་པོར་བསྲེགས་པ་དེར་ཁྱབས་སྒྲག་གི་ནུས་བ་ཙམ་ལས་མེད་ན། བོད་མི་དགུ་བཅུས་རྒྱའི་གཞུང་འཛིན་པ་དགུ་བཅུ་སོད་དང་། ཁྱབས་སྒྲག་གི་ནུས་བ་དེ་བས་ཆེ་བ་ངས་ཁས་ལེན་བྱེད་ཐུབ། ཡིན་ནའང་ང་སྐྲག་ས་དེ་ནི་རྒྱ་གཞུང་གིས་རྒྱུ་མཚན་དེར་ཁག་བཞག་ནས་བོད་མི་ཚོ་ཚང་མ་དུས་གཅིག་ལ་བསད་མི་འོང་ངམ་བསམ་པ་དེ་ཡིན། ཡིན་ནའང་བན་རྒན་ཆོས་ལ་ཆོས་མཚམས་མེད་ན། བན་རྒན་སྨྱོན་པ་ཡིན་ཞེས་བ་བཞིན། ཐུབ་ཚོད་བྱས་ནའང་ཚད་ཡོད་བ་རེད། དཔའ་ལུང་གི་ཁ་ཆེ་ཚོས་བོད་པ་ཚོར་གཅོར་དང་ཐུབ་ཀི་རེད། ཡིན་ནའང་བར་སྐབས་ཤིག་ལ”ཨ ཨ ཤི་རེ་གོ” ཟེར་གི་རེད། དེ་དུས་གཅར་མི་ཉན། ཐུབ་ཀི་མ་རེད་ཅེས་བ་དེའི་དོན་ཡང་མི་འུ་ཐུག་ན་སྲོག་བློས་བཏང་གིས་ཕར་རྒོལ་བྱེད་ཀི་རེད་ཅེས་བ་རེད། དེ་བས་གོང་རྩོམ་འདི་འབྲི་བ་བོར་དངོས་ནས་ཁག་མི་འདུག ངས་ཀྱང་འདིར་མཚུངས་ཀྱི་ཡི་གེ་འབྲི་གི་ཡིན།

བཟང་ལ་བཟང་ལན་མེད་ན་བཟང་བྱེད་མཁན་ཇེ་ཉུང་ཡིན།།
ངན་ལ་ངན་ལན་མེད་ན་ངན་བྱེད་མཁན་ཇེ་མང་ཡིན།།

ད་ཚོད་བཟུང་ན་དགའ།

ངས་བྲིས་པའི་མཆན་ད་དུང་ཡང་བཏང་མི་འདུག་་་་་་གང་ཡིན་ནམ་་

ངས་བཤད་ཀྱིན་པ་ནི། རྩོམ་འབྲི་མཁན་དང་མཆན་འདེབས་མཁན་འདི་དག་ནི་ཕྱོགས་གཅིག་ནས་བཤད་ན་དེང་སང་བོད་ནང་རང་ལུས་མེར་སྲེག་གཏོང་མཁན་གྱི་བོད་མི་དག་མིན་པའི་ངེས་པ་ཅི་ཡོད་ཟེར་བ་ཡིན། དེ་ལྟར་ཡིན་ཚེ། གྲ་སྒྲིག་འདི་དག་སྣང་མེད་དུ་འཇོག་པ་དང་། ཡ་མེད་བྱེད་པ། གོ་ཡང་མ་གོ་ཁུལ་བྱེད་རྒྱུ་བློས་བཟོད་པ་ཞིག་མ་རེད་ཟེར་གིན་ཡོད།

རྩོམ་ཡིག་འབྲི་རྩལ་དང་རྩོམ་པ་པའི་བསམ་བློའི་དཔྱད་ཐབས་ཀྱང་ཚད་མཐོ་བོ་ཞིག་མ་རེད། ཡིན་ནའང་རྩོམ་པ་པོ་འདིས་གང་ཞིག་བཤད་ཀྱི་ཡོད་པའི་བརྗོད་བྱའི་བསྟན་དོན་དེར་མོས་མཐུན་བརྒྱ་ཆའི་རྒྱ་ཡོད། བོད་པའི་བདེན་དོན་འཐབ་རྩོད་བྱེད་པ་ལ་བོད་པའི་རྩ་དོན་འཐབ་རྩོད་ཀྱི་ཁ་ཕྱོགས་དྲག་པོར་བསྒྱུར་དགོས་ཀྱི་འདུག་ཞུ་གི་མེད། བོད་པའི་འཚེ་མེད་ཞི་བའི་འཐབ་རྩོད་ཀྱི་ཁྲོད་དུ་མི་སྒེར་བའི་ནང་དུ་དྲག་པོའི་ལས་འགུལ་རྩོམ་མཁན་དགོས་ཀྱི་འདུག་ཟེར་བ་དེ་ཡིན། དྲག་སྤྱོད་དང་འཚེ་བའི་ལས་འགུལ་སྤེལ་མཁན་གཅིག་གཉིས་ཙམ་མིན་པར་བོད་ཡུལ་སྟོད་སྨད་བར་གསུམ་ནང་མི་མི་ཉུང་བ་ཞིག་ཡོང་དགོས་ཀྱི་འདུག ལྷག་པར་དུ་དྲག་སྤྱོད་ཀྱི་ཁ་ཕྱོགས་དང་ངོ་བོ་ཧ་ཅང་གསལ་བོ་ཡིན་དགོས་ཀྱི་འདུག

དྲག་པོར་དྲག་པོས་རྒོལ་དགོས་བའི་བསམ་ཚུལ་འདི་ཀློག་གིན་ཀློག་གིན་བཙན་ལ་བཙན་གྱིས་འདུལ་བར་ཆོ་ལོ་སྤྲད་པའི་ལོ་རྒྱུས་དེ། འཁྲབ་གཞུང་བཞིན་དུ། གློག་བརྙན་བཞིན་དུ། ཆེས་མཐར་ཐུག་གི་བཙན་རྒོལ་རྒྱལ་སྐྱོབས་སྐབས་ཀྱི་དཔའ་བོའི་གཟུགས་རིས་བཞིན་དུ། གསལ་ལྷང་ངེར། ཁྲ་ལྷམ་མེར་བདག་གི་མིག་ལམ་བརྒྱུད་སྙིང་ཁུང་རུས་བའི་གཏིང་ལ་སྣང་བརྙན་གསར་བ་ཞིག་བསྐྲུན་སོང་།
དྲག་པོའི་ལས་ཀྱི་གནད་དོན་ཐག་མི་ཆོད་ན་ཞི་བས་སྒོ་ནས་བདེན་མཐའ་སེལ་ཐབས་དེ་སྟོན་ཐུབ་པ་གྱིས། ཅི་ཡང་མེད་པར་འདི་ཡང་མ་རེད་ཟེར་ན་ཡུལ་གྱར་བོད་མི་ཚོས་འཇོན་ཚོད་ཞིག་བྱེད་རོགས། འཕྲུལ་ཆས་ཅན་གྱི་དམག་ཤུགས་འདིས་གཉའ་ནས་བཟུང་ཏེ་རྐུབ་ནས་འདེད་ཀྱིན་འདུག་ན། སྙིང་རྗེ་ཆེན་པོའི་ཡིད་ཀྱིས་བཟོད་ཐུབ་རུང་ལན་ཆགས་ཅན་གྱི་ལུས་པོས་བཟོད་དཀའ་བས། གདུག་རྩུབ་འདི། བརྙས་མོད་འདི་རྟབ་རྟབ་པོར་བཟོད་སྒོམ་བྱེད་ཐབས་མ་བྱུང་ན། སྡར་མ་བཞིན་དུ་བྲོས་འགྲོ་སའི་ཐར་ལམ་ཞིག་ཡོད་པ་རེད་དམ། དེར་བརྟེན་དྲག་པོར་དྲག་པོས་རྒོལ་རྒྱུ་བོད་མི་རིགས་ཀྱི་གཉའ་ལ་ལྷུང་བཞིན་པ་རེད། སྲོག་གིས་འདེད་བཞིན་པ་རེད།
དཔུག་ཁག་དེ་སྒྲིག་མི་དགོས་བར་གྲུབ་བཞིན་པ་རེད། བཀག་ཀྱང་མི་ཁོག་པ་ནི་རང་ལུས་མེར་བསྲེག་བྱེད་མཁན་དཔའ་བོ་དཔའ་མོའི་རྗེས་ཀྱི་ཤུལ་ལུས་ནང་མི་ལ་བསུན་བཙིར་བྱེད་ཀྱིན་པའི་སྲིད་ཇུས་ཁྲོད་འབྱུང་སྲིད་པའི་ཨུ་ཐུག་གི་བྱ་སྤྱོད་ཞིག་སྟེ། དྲག་པོར་དྲག་པོས་རྒོལ་འགྲོ་བ་འདི་རེད། ང་རྒྱལ། ཞེ་སྡངས། ཐ་ན་སྙིང་རྗེ་བསམ་པའི་བྱ་སྤྱོད་སྟེང་ནས་ཀྱང་དྲག་རྒོལ་འབྱུང་སྲིད་པས་ན། མཐའ་གཅིག་ཏུ་དྲག་པོར་དྲག་པོས་རྒོལ་ལན་སློག་སྟངས་ནོར་འཁྲུལ་གྱི་བྱ་སྤྱོད་དེ་ལ་ངོས་འཛིན་རུང་ངམ།

དྲག་པོར་དྲག་པོས་རྒོལ་དགོས་བའི་བསམ་ཚུལ་འདི་ཀློག་གིན་ཀློག་གིན་བཙན་ལ་བཙན་གྱིས་འདུལ་བར་ཆོ་ལོ་སྤྲད་པའི་ལོ་རྒྱུས་དེ། འཁྲབ་གཞུང་བཞིན་དུ། གློག་བརྙན་བཞིན་དུ། ཆེས་མཐར་ཐུག་གི་བཙན་རྒོལ་རྒྱལ་སྐྱོབས་སྐབས་ཀྱི་དཔའ་བོའི་གཟུགས་རིས་བཞིན་དུ། གསལ་ལྷང་ངེར། ཁྲ་ལྷམ་མེར་བདག་གི་མིག་ལམ་བརྒྱུད་སྙིང་ཁུང་རུས་བའི་གཏིང་ལ་སྣང་བརྙན་གསར་བ་ཞིག་བསྐྲུན་སོང་།
དྲག་པོའི་ལས་ཀྱི་གནད་དོན་ཐག་མི་ཆོད་ན་ཞི་བས་སྒོ་ནས་བདེན་མཐའ་སེལ་ཐབས་དེ་སྟོན་ཤོག ཅི་ཡང་མེད་པར་འདི་ཡང་མ་རེད་ཟེར་ན་ཡུལ་གྱར་བོད་མི་ཚོས་འཇོན་ཚོད་ཞིག་བྱེད་རོགས། འཕྲུལ་ཆས་ཅན་གྱི་དམག་ཤུགས་འདིས་གཉའ་ནས་བཟུང་ཏེ་རྐུབ་ནས་འདེད་ཀྱིན་འདུག་ན། སྙིང་རྗེ་ཆེན་པོའི་ཡིད་ཀྱིས་བཟོད་ཐུབ་རུང་ལན་ཆགས་ཅན་གྱི་ལུས་པོས་བཟོད་དཀའ་བས། གདུག་རྩུབ་འདི། བརྙས་མོད་འདི་རྟབ་རྟབ་པོར་བཟོད་སྒོམ་བྱེད་ཐབས་མ་བྱུང་ན། སྡར་མ་བཞིན་དུ་བྲོས་འགྲོ་སའི་ཐར་ལམ་ཞིག་ཡོད་པ་རེད་དམ། དེར་བརྟེན་དྲག་པོར་དྲག་པོས་རྒོལ་རྒྱུ་བོད་མི་རིགས་ཀྱི་གཉའ་ལ་ལྷུང་བཞིན་པ་རེད། སྲོག་གིས་འདེད་བཞིན་པ་རེད།
དཔུག་ཁག་དེ་སྒྲིག་མི་དགོས་བར་གྲུབ་བཞིན་པ་རེད། བཀག་ཀྱང་མི་ཁོག་པ་ནི་རང་ལུས་མེར་བསྲེག་བྱེད་མཁན་དཔའ་བོ་དཔའ་མོའི་རྗེས་ཀྱི་ཤུལ་ལུས་ནང་མི་ལ་བསུན་བཙིར་བྱེད་ཀྱིན་པའི་སྲིད་ཇུས་ཁྲོད་འབྱུང་སྲིད་པའི་ཨུ་ཐུག་གི་བྱ་སྤྱོད་ཞིག་སྟེ། དྲག་པོར་དྲག་པོས་རྒོལ་འགྲོ་བ་འདི་རེད། ང་རྒྱལ། ཞེ་སྡངས། ཐ་ན་སྙིང་རྗེ་བསམ་པའི་བྱ་སྤྱོད་སྟེང་ནས་ཀྱང་དྲག་རྒོལ་འབྱུང་སྲིད་པས་ན། མཐའ་གཅིག་ཏུ་དྲག་པོར་དྲག་པོས་རྒོལ་ལན་སློག་སྟངས་ནོར་འཁྲུལ་གྱི་བྱ་སྤྱོད་དེ་ལ་ངོས་འཛིན་རུང་ངམ།

ཛ་དྲག་གི་གནས་ཚུལ་འདི་འདྲའི་སྐབས་སུ། གསོད་ཀྱི་ཡིན། གཏོར་གི་ཡིན། ཤི་ཡི་ཡིན་ཟེར་བའི་བསམ་ཚུལ་ཐོན་ངེས་པ་ཞིག་དང། ཡོང་དགོས་པ་ཞིག་ཀྱང་རེད། མིའི་སྤྱི་ཚོགས་ཤིག་ཡིན་ཙང་དེ་ཆོས་ཉིད་རེད།

ཡིན་ནའང། དྲག་པོར་དྲག་པོས་རྒོལ་དགོས་པའི་ཕར་ཕྱོགས་ཀྱི་དྲག་སྤྱོད་བགྲང་པ་དང་མཉམ། དྲག་པོའི་ལམ་དུ་འབོད་སྐུལ་ཞུ་རྒྱུའི་ཚུར་ཕྱོགས་པ་རྣམས་ད་བར་དྲག་པོར་མ་ཆས་པའི་རྒྱུ་མཚན་འདི་ནི་ཁུངས་མེད་རུ་དཔུང་གི་ནམ་རྒྱུན་གྱི་རྣམ་རྟོག་འོག་ཟགས་ཚར་འདུག དེས་དྲག་པོར་སྐུལ་འབོད་ཀྱི་རྣམ་དཔྱོད་ལ་སོ་ཁ་མེད་པ་རང་བཞིན་གྱིས་གསལ་སྟོན་བྱས་ཡོད་ནའང་རིམ་པར་སྤྲོས་ཆོག
གཞན་གང་ལ་སྐུལ་རྒྱུའི་སྤྱོད་པའི་ཐད་ནས་གསལ་བོར་བཤད་ན། གནའ་ནས་ད་བར་བོད་ཀྱི་ཆབ་སྲིད་པའི་སྡེ་ན་༧གོང་ས་མཆོག་གི་དགོངས་གཞི་དང་འགལ་འགྲོ་སྙམ་པའི་མི་རིགས་སྐྱོབ་ཐབས་ཀྱི་ཐབས་ལམ་གསར་པ་ཡོད་བཞིན་དུ་མ་བཏོན་མཁན་གཅིག་ཀྱང་ཡོད་པ་མ་རེད།

གཉིས་ནས། དྲག་སྤྱོད་གཅིག་པུ་༧གོང་ས་མཆོག་གིས་ད་བར་བཀག་ནས་བསྡད་པ་ཡིན་དུ་ཆུགས་ཀྱང། ཁྱོན་ནས་གཏན་འགོག་སྤུ་ཙམ་མ་བྱས་པའི་སྐད་ཡིག་རིག་གནས་ལ་ཅི་ཙམ་སྦྱངས་ཡོད་མེད་བཙན་བྱོལ་ནང་ཟུར་བལྟས་ལེབ་མཐོང་རེད། ང་ཚོ་བོད་མི་ཚོར་སྐྱོན་ཆེན་པོ་ཞིག་ཡོད་པ་ནི། དེ་རེད་མ་གཏོགས་འདི་བྱེད་རྒྱུ་ཡོད་མདོག་མདོག་བྱེད་པ་འདི་གཤིས་ཀ་ཆགས་ཚར་བ་རེད། གནའ་ནས་ད་བར་དུ་༧གོང་ས་མཆོག་གིས་ང་མེད་པ་ནང་བཞིན་བོད་ཀྱི་འགན་འཁུར་བོད་མི་ཚོས་འཁྱེར་ཐུབ་པ་ཞིག་བྱེད་དགོས་པ་རེད་ཅེས་ཚར་སྟོང་ཕྲག་མང་པོར་གསུངས་ཚར་བ་རེད། ༧གོང་ས་མཆོག་གིས་ཁོང་གི་སྐུ་ཚེའི་རིང་དང་ཡང་ན་ཆོས་ཕྱོགས་ཁོ་ནས་དྲག་ལན་བཀག་བཀག་པར་འདུག་དགོས་ཤར་ཚེ་དདེས་ཀྱང་ཁུངས་མི་འཁྱོལ་བ་གསལ་བོ་རེད། རྒྱུ་མཚན་དེས་ད་བར་ང་ཚོ་དོན་དམ་པར་གློད་བཞག་ཡོད་པ་ཀུན་གསལ་རེད་ལ། སྲིད་དབང་ཡོངས་སུ་རྩིས་སྤྲད་ཟིན་པ་ནས་དེ་བས་ཀྱང་རྟ་བཟང་ན་ཐང་ཆེན་སྟོང་པའི་དཔེ་ལྟར་གྱུར་ཡོད་པ་རེད། ཡིན་ནའང་ལས་དེ་འདྲ་བྱེད་མཁན་དངོས་ཡོད་རྒྱུ་མཚན་གྱིས་མེད་པར་གྱུར་སོང་བ་དང། ལས་དེ་ལྟར་བྱེད་ཐུབ་མཁན་ནམ་མཁའི་མེ་ཏོག་ལྟར་གྱུར་བའི་དཀའ་ངལ་རེད་མ་གཏོགས་སུ་གང་གིས་ད་ནི་རྩ་བ་ཉིད་ནས་བཀག་ཡོད་པ་མ་རེད།

མིག་མི་འཛུམ་གྱིས་ཀྱང་ཡིབ་ནས་འདུག་རྒྱུ་ལས་ཉ་ཉོག་མང་པོ་མེད་པར། ད་ནས་ཚུར་གསོད་ན་ཕར་གསོད་དུ་འགྲོ་ཞེས་དཔུང་ཁག་སྒྲིལ་ན། ཆས་ཤོག་ཅེས་མངོན་གསལ་དོད་པོས་ཀི་རིང་བཏབས་ན། འགོག་མཁན་སུ་གཅིག་ཡོད་པ་མ་རེད། དེ་གསལ་བོ་ཤེས་དགོས་པ་རེད།།

༼ དེ་བཞིན་ཞོར་འཕྲོས་ཤིག་ལ དྲག་སྤྱོད་ཟེར་བའི་ཚིག་འདི་ལ་ཆབ་སྲིད་ཐ་སྙད་སྟེང་ཞིབ་ཆ་འབྱེད་དུ་ཡོད་པ་རེད། ཚུར་ཐུབ་ཚོད་བཙན་གཡེམ་སྲོག་འཕྲོག་ལ་སོགས་བྱས་པར་རྒོལ་ལན་སྤྲད་དེ་བསད་པ་ཡིན་ནའང་དྲག་སྤྱོད་ཟེར་གྱི་ཡོད་པ་མ་རེད། དེ་རྣམས་རིམ་པར་སྤྲོ། ༽

ཤག་སྒང་པ་ཟེར་བ་འདིས་རྒྱང་ཞིག་བསྐོར་ནས་བཤད་འདུག ཞོར་འཕྲོས་སུ་དུས་བབ་ཚང་ལ་ཟུར་ཟ་འདྲ་ཞིག་བྱས་འདུག དྲ་རྒྱ་སོགས་བརྒྱུད་ལམ་གང་ཞིག་ཡིན་ཡང་མཆན་འདེབས་མཁན་མང་དང་མི་མང་གསར་ལམ་དེའི་དམིགས་ཡུལ་དང་ལས་འགན་མ་རེད། ཀློག་པ་པོ་དགོས་པ་རེད། དུས་བབ་དྲ་བར་ཀློག་པ་པོ་གང་འདྲ་ཡོད་མེད་གསར་འགྱུར་ཞིག་སྤེལ་ཏེ་ཆུ་ཚོད་གཅིག་གཉིས་ནང་ཀློག་གྲངས་ཆིག་སྟོང་གཉིས་སྟོང་ཟིན་འགྲོ་བ་དེས་ཁ་གྲག་གི་ཡོད་པ་རེད། ང་ལ་མཚོན་ན་བོད་ཀྱི་དུས་བབ་ཚགས་ཤོག་ཀློག་ནས་ལོ་བཅུ་གྲངས་འགྲོ་བཞིན་ཡོད་ལ། དུས་བབ་དྲ་ཚིགས་འདི་ཉུལ་ནས་ཀྱང་ལོ་གསུམ་བཞི་ཕྱིན་ཡོད། རྩོམ་ཡིག་དང་གསར་འགྱུར་རེ་རེ་བྱས་ཏེ་ཀློག་གི་ཡོད། སོ་སོ་དུས་བབ་ཀྱི་ཀློག་པོ་པོ་སྔ་ཤོས་གྲས་ཡིན་བསམ་ཡོད། ཡིན་ནའང་མཆན་བཏབས་པ་དེ་རིང་དང་པོ་ཡིན། མཆན་འདེབས་མཁན་མང་བ་དེ་ང་རང་གིས་ཡག་པོ་ཞིག་ཏུ་གང་ཡང་མཐོང་གི་མེད། འདི་ཞུ་འདོད་བྱུང་སྟེ་འབད་པས་དེབ་སྐྱེལ་བྱེད་ཁུལ་བྱས་པ་ཡིན། ཞུ་སྟངས་མ་ཤེས་པ་འདྲ་བྱུང་ཡོད་ན་དགོངས་དྭངས་ཞུས་པ་ཡིན།
སྤེན་རྡོར་ནས།

རེད།

ཀློག་པོ་པོའི་དོ་སྣང་དང་དྲ་བདག་ཚོའི་འདོད་པ་བསྐང་དགོས་ན་དུས་ཐོག་རྩོམ་ཡིག་འདི་འདྲ་སྤེལ་དགོས་པ་རེད།

ཁ་སང་ངས་༧གོང་ས་མཆོག་གིས་བཻངྒ་ལོར་དུ་གནང་བའི་ཞལ་སློབ་དྲོད་མོ་རྩོམ་ཡིག་འདིའི་ཁ་གཏད་ཏག་ཏག་ཏུ་འགྲོ་བའི་བཀའ་སློབ་ཚ་པོ་ཚ་པོར་དུས་བབ་ཟིན་བྲིས་དང་། ཁ་བརྡར་དམིགས་ཀྱིས་བཏང་པ་ཡིན། བདག་པོ་མ་ཐོབ་སོང་།

ལར་ནས་དེང་སྐབས་དུས་བབ་ཏུ་མཆན་བྲིས་མཁན་ནི་ང་དང་ཀརྨ་རྡོ་རྗེ་ལས་མེད་བསམས་ཀྱང་། དེ་རིང་ཧོབ་དེར་དྲ་རྒན་མང་དག་ཅིག་ཕེབས་ནས་ཚིག་དམག་འདེབས་ཀྱིན་གྱི་གསང་བའང་འདི་རང་རེད་སྙམ།

རྩོམ་ཡིག་འདི་ལ་མཆན་བཏབ་མང་བས་ཀློག་གིན་ཀློག་སྤྲོ་བ་ཞིག་བྱུང་། དོན་དུ་བསམས་ན་ང་ཉིད་མ་ཐོན་པར་ལོ་གཞོན་ཟ་འཕྲུག་བསླངས་པ་ནི་ཉེས་ཅན་ཉིད་དུ་ཟད་དོ།།

སྒེར་གྱི་བསམ་ཕྱོགས་ཀྱི་ཐད་ནས་མོས་མཐུན་རྩ་ནས་མེད་དོ།།

དུས་བབ་ལ་དྲོད་ཅིག་སྤར་བར་འཐད་སོང་ངོ་།།

སྤྱིར་བཏང་དྲག་པོའི་ལས་སུ་ཞུགས་རྒྱུར་ང་རང་སྒེར་ངོས་ནས་ཀྱང་འདོད་པ་དེ་ཙམ་མེད། ཡིན་ནའང་རས་པ་ཟེར་བ་འདིའི་བཤད་སྟངས་ཁྱོན་ནས་སྣང་བར་འགྲོ་མ་སོང་། སོ་སོའི་བསམ་ཚུལ་དང་མ་མཐུན་ན་ཕར་ཕྱོགས་ནག་པོ་བཟོ་ཐབས་ཀྱི་ཚིག་བེད་སྤྱོད་གཏོང་གི་ཡོད་པ་དེ་ཡག་པོ་རྩ་བ་ཉིད་ནས་མ་རེད། རྡ་རམ་ས་ལའི་ཆབ་སྲིད་པ་ཐབ་ཆགས་ཚོ་དང་གཞུང་ཞབས་རྙིང་པ་ཁོག་སྡུག་ཞེ་འཁོན་ཅན་ཚོས་སྐད་ཆ་བཤད་སྟངས་རང་རེད།
མ་གཞི་བོད་ཕྱི་ནང་གཉིས་སུ་དྲག་པོའི་ལས་འགུལ་བརྩམ་འདོད་ཡོད་མཁན་དང་། རྩོམ་པའི་སྙིང་སྟོབས་དང་བློས་གཏོང་གིས་འདང་བསྡད་ཡོད་པ་ཁྲི་སྟོང་མང་པོ་ཡོད་པ་ང་བཤད་ཐུབ་ཀྱི་ཡོད། ཡིན་ནའང་ཕྱི་ནང་གི་བཀག་རྒྱ་མང་པོ་ཞིག་གིས་བཙུར་བསྡད་ཡོད་པ་རེད། གཞན་དབང་དུ་སོང་སྟེ་སེམས་སྡུག་ཡོད་ཚད་ཁོག་ལ་མིད་ཀྱི་ཡོད་པ་རེད།
གལ་སྲིད་དྲག་པོའི་ལས་སུ་ཞུགས་པ་ཡིན་ན་འཛམ་གླིང་གི་གནས་ཚུལ་ཆེན་པོ་ཆགས་པ་དང་ཀུན་གྱིས་དོ་སྣང་སླེབས་པ་དངོས་ཡོད་རེད། ཡིན་ནའང་དེ་ཙམ་གྱིས་བོད་དོན་ཐག་གིས་གཅོད་ཐུབ་མིན་དོགས་པ་རེད་ལ། གནས་སྟངས་དེའི་འོག་ནས་བོད་དོན་ཐག་གཅོད་ཀྱི་ཉིན་མོ་ཞིག་སླེབས་པ་ཡིན་ཡང་བོད་པར་རྒྱལ་ཁ་ཡོད་པའི་ཐག་གཅོད་ཅིག་དང་། ལྷག་པར་དུ་འཛམ་གླིང་ཐོག་བོད་པ་དང་བོད་མི། བོད་དོན་བཅས་ལ་ངོས་འཛིན་གང་འདྲ་ཞིག་འབྱུང་མིན་བཤད་ཁག་པོ་རེད།

རྩོམ་ཡིག་གི་ནང་དོན་ལ་གཞིགས་ནས་བསམ་བློ་བཏང་ནས་བཤད་པ་ལས། དོན་མེད་དུ་ཁ་བརྡུང་གཏོང་བ་དང་མགོ་འབུར་ཙམ་གྱིས་གཉའ་ནས་གནོན་ཐབས་ཀྱི་རང་རེའི་གཤིས་ཀ་དེ་ད་སྐབས་མིག་ལ་དེ་འདྲའི་མཛེས་པོ་རང་མི་འདུག་པས་དྲ་མཆན་པ་རྣམས་ཀྱིས་ཐུགས་ལ་འཇགས་པར་ཞུ།

འཇམ་གཅེས་ཞུ་བས་ལོ་རྒྱུས་ཀྱི་ནག་ཉེས་སུ་ཆགས་ངེས་པར་བརྗོད་འདུག་པ་ཅུང་ནོར་བཞག ངས་བལྟས་ན། དགྱ་ནག་གི་ངོས་ནས་འོ་ད་ཡིན་ན་བོད་པ་དག་གི་བསམ་བློ་འགྱུར་འོང་གི་འདུག་བསམ་པའི་བརྡ་ལན་ཞིག་རེད་བསམ་གི ཚུར་བོད་མི་ས་ཡ་གཅིག་དང་འབུམ་གཉིས་བསད་པས་མ་ཚད་ལོ་ངོ་བདུན་ཅུ་མ་ཟིན་ཙམ་གྱི་རིང་བསད་པ་དང་བཙོན་འཇུག མནར་སྤྱོད་རིམ་པ་མང་བོ་ཞིག་བཏང་བ་རེད། དེ་ལྟ་བུའི་མི་སྤྱོད་ལས་འདས་པའི་བྱ་སྤྱོད་ཀྱིས་ལོ་རྒྱུས་ལ་འགན་མ་འཁུར་ན། ང་ཚོའི་ངོས་འདི་འདྲའི་སྐད་ཆ་ཞིག་བཤད་པ་ཙམ་གྱིས་ལོ་རྒྱུས་ཀྱི་ཉེས་ཅན་པར་ཆགས་དགོས་ན་ཧ་ཅང་ཁག་པོ་ཡིན་ངེས། དེའི་སྟབས་ཀྱིས་རྩོམ་ཡིག་དང་མཆན་བུ་དག་གི་སྐད་ཆ་ལ་བསམ་བློ་བཏང་ནས་བཤད་ན་མཛེས། དེ་ནི་ངའི་བསམ་ཚུལ་ཙམ་ཡིན། ནོར་ཡོད་ན་དགོངས་དག

རྩོམ་འདི་ལ་བསམ་བློ་གཏོང་རྒྱུ་ཏན་ཏན་ཡོད་ཀི་བསམ་བྱུང་། རྩོམ་ཡིག་འདིའི་རྒྱབ་ལྗོངས་ནི་རང་རེའི་སྤྱི་ཚོགས་ཁྲོད་ཀྱི་མི་ཚང་མ་སངས་རྒྱས་མིན་པར་དྲག་སྤྱོད་ཀྱི་བསམ་བློ་ཡང་ཡོད་ཆོག་པ་གསལ་བཤད་དང་། ཡང་མི་ཚང་མ་འཚེ་མེད་ཞི་བ་མིན་པ་གསལ་སྟོན་གནང་འདུག འདི་ནི་དགྱ་ནག་ལ་བརྡ་ལན་ཞིག་སྤྲད་པ་རེད་བསམ་གི དགྱ་ནག་གི་ངོས་ནས་ཀྱང་དུས་ཚོད་འདི་འདྲ་ཞིག་མ་ཤར་གོང་ལ་བསམ་བློ་ཞིག་གཏོང་དགོས་ཟེར་བ་དེ་རེད། མཐར་ངས་རྩོམ་འདི་ཡག་གི་ཟེར་རྒྱུ་ཡིན།

ཡུན་རིང་ལ་རེ་སྒུག་བྱས་པའི་རྩོམ་ཡིག་ཅིག་དེ་རིང་འདི་རུ་མཇལ་སོང་། འདི་ལྟ་བུ་འབྲི་འདོད་ཡོད་པ་དང་འབྲི་ཤེས་མཁན་གང་མང་མང་ཞིག་ཡོད་ཀྱང་། ད་བར་བཙན་བྱོལ་སྤྱི་ཚོགས་ནང་འདོན་སྤེལ་བྱེད་མ་ཐུབ་པའི་རྩོམ་ཡིག་ཅིག་དེ་རིང་ཀློག་རྒྱུ་རེག་སོང་། རྩོམ་ཡིག་འདིའི་བརྗོད་བྱ་དང་བསམ་བློ། རེ་འདུན། སྙིང་སྟོབས་སོགས་ནི་བོད་ཕྱི་ནང་གཉིས་ཀྱི་བོད་མི་ཁྲི་གི་མངོན་འདོད་ཡིན། ཡ་ཁོག་ནང་ལྷོག་ལྷོག་ཏུ་ལྡིང་བཞིན་པའི་སྙིང་གསོན་པོ་ཡིན། རྩོམ་པ་པོ་འདིར་ཉེས་འདོག་སྣ་ཚོགས་ཡོང་སྲིད་ཀྱང་། དེ་དག་གི་རེ་བ་དང་ཕུགས་བསམ་སོགས་ཀྱང་ཡང་དེ་ལྟར་དུ་གསལ་བོ་ཡིན།

ཁོ་རེ་རང་གི་རང་ལ་ཉམས་གུད་མ་སྟོན་ཨང་འདི་དགྲ་ལ་དགོས་ལེ་རེད་ད་མཆོད་འབུལ་དང་སྨོན་ལམ་མང་ཙམ་རང་རང་སོ་སོས་མཛོད་སྙིང་སྟོབས་ཡོད་ན་ཕྱིར་ཐོན་ནས་རྒྱ་ཡི་གཞུང་ཚབ་མདུན་འཕུར་བཀྲིན་ཆེ།།།།།