སྲིད་སྐྱོང་ལ་སྲིད་ཇུས་གསར་པ་འདི་ཕུལ་ཡོད།

རྒྱ་རྙི་གད་སྙིགས་ནང་གི་ཤེལ་ཆག་ཁྱེད་སྙིང་རྗེ། ཉི་མའི་འོད་ཟེར་ལ་རེ་ཕོག་པ་བརྗེད་ནས་ཁྱེད་ནས་ཁྱེད་རང་ངོས་ན་འོད་ཞིག་འདུག་བསམས་ནས་ཁ་རྒྱག་ལུང་པ་གང་བཤད་ཀྱི་འདུག་མོད། ཚོད་མ་བཟུང་དུས་མི་རྣམས་ཀྱིས་ཁྱེད་གཤིས་དྭངས་མ་མཐོང་སོང་ན་ལྷ་ཡིན་རུང་ཡི་ག་ལོག་གི་རེད་ལ། སེར་པོ་ཡིན་ཡང་ནག་པོར་མཐོང་གི་རེད་གདའ། མི་ཞིག་མ་མཐའི་ཆ་རྐྱེན་ཞིག་ཚང་དགོས་པ་ནི་རྒྱབ་བཤད་ལྐོག་བཤད་མི་བྱེད་པ་དང། ཡར་ཁ་མར་ལ་མི་བསྐྱལ་བ་དེ་རེད། ཡིན་ནའང། ཁྱེད་ཀྱི་འུར་རྒྱག་སྟངས་ལ་བལྟས་ན་སྲིད་སྐྱོང་སྡེ་ཁག་དྲུང་ཆེ་ཆུང་བར་གད་མོ་མི་ཤོར་རམ། དབུས་སྒྲིག་འཛུགས་ཀྱི་དཔལ་འབྱོར་འོད་འཁྱུག་སེ་བཏང་ཡོད་ན། ཨ་རིའི་གྲོས་ཚོགས་འཐུས་མི་ཞིག་གིས་རོགས་དངུལ་བཏང་ཁོངས་ལ་དོགས་པ་ཡོད་ཅེས་ཁ་འཛམ་བུ་གླིང་ལ་འཁོར་ནས་བསྒྲགས་དགོས་དོན་ག་རེ་རེད། དེ་འདྲའི་སྐད་ཆ་ཞིག་ད་བར་བྱུང་མྱོང་ཡོད་པ་མ་རེད། ངོ་ཚ་ནས་བློ་སེང་རང་ཉིད་དང་སྤྱི་འཐུས་རྒྱུན་ལས་དེ་མ་ཐག་ལན་གནང་འདུག ག་རེ་བྱས་སོང་བ་རེད་དམ། བཀའ་ཁྲི་སུས་ཀྱང་མནན་མྱོང་བའི་ཕྱིའི་ཡུལ་གྲུ་ཁག་གི་རྐུབ་སྟེག་མནན་པའི་གྲུབ་འབྲས་འདི་རེད་དམ། ཧཧཧཧ ཁྱེད་དངོས་གནད་གད་མོ་ཤོར་གི ངས་བསམས་ན་ཁྱེད་རང་ཁེའི་ཆེད་དུ་བསྟོད་སྨད་གཏོང་མཁན་ཞིག་རེད་མ་གཏོགས། སྤྱི་པའི་ཆེད་དུ་ང་ཚོ་ནང་བཞིན་བསྟོད་སྨད་གནང་མཁན་ཞིག་ཡིན་ཚོད་མ་རེད། དེ་དག་ཐུགས་དྲན་སོས་སམ། སྔོན་ཁྱེད་རྒྱ་རྙི་ཡང་བཀའ་སྤྱི་གཉིས་ལ་ཚོར་བ་ཆེན་པོས་དྲི་བ་གཏོང་མཁན། གཤེ་གཤེ་གཏོང་མཁན་ཞིག་ཡིན་པ་ང་ཚོ་དྲ་འབུ་ཚང་མར་གསལ་གསལ་རེད། དེ་རིང་སང་ཉིན་ཁྱེད་རྒྱ་རྙི་འདི་ལ་གད་མོ་ཞིག་འདུག་གདའ།།

ངས་ཁྱེད་དྲི་བ་ཞིག་འདྲི། རང་སྲེག་གྲངས ༡༠༠ ལ་སླེབས་ལ་ཉེ། བཀའ་སྤྱི་གཉིས་ནས་ག་རེ་བྱས་སོང། ག་རེ་འཇོན་སོང། གྲུབ་འབྲས་སྤུ་ཉག་ཙམ་ལོན་ཐུབ་འདུག་གམ། ཅིག་ཤོད་དང། མེར་སྲེག་ལ་མེར་སྲེག་རང་སྟེང་གི་ནུས་པ་མ་གཏོགས། བཀའ་སྤྱི་གཉིས་ནས་ག་རེ་བསྐྲུན་སོང། ཅིག་ཤོད་དང། སྐུ་མཁྱེན། ད་མི་འཇོན་ན་འཇོན་གི་མི་འདུག ལས་ཀ་ག་རེ་བྱེད་དགོས་མིན་ཀླད་པར་འཁོར་གྱི་མི་འདུག་ཅེས་ཁ་གསང་དགོས་པ་རེད། དགོངས་པ་ཞུས་ནས་མི་གསར་པ་སླེབས་ན་ཡག་གི་རེད། དེ་མིན་མ་ཡིན་ཡིན་མདོག་བྱས་ནས་འདུག་རྒྱུར་བཀའ་སྤྱི་གཉིས་ངོ་ཚ་ཡི་མི་འདུག་གམ།།།

འཚམས་རེ་ལ་སྲིད་སྐྱོང་བློ་སང་རླུང་ལང་ལུགས་དང་། གླག་ཕྲུག་ཟེར་བས་ཚིག་ངན་བྱེད་ལུགས་ཧ་ཅིང་འདྲ་བོ་འདུག ཁྱོད་བློ་སང་གི་སྤུན་མཚེ་ཡ་ཡིན་ས་མ་རེད་དམ།
དྲྭ་འབུ་ཚོ་ལ་སྡིག་མོ་འཐེན་པ་ལས་བོད་དོན་གླེང་ན་མ་རེད་དམ། ཐོག་མེད་ཀྱི་བརྩོམ་ཡིག་ལ་ཚིག་རེ་འབྲི་ནོན་གྱིས་རྩོད་ཐུབ་ན་རྩོད་ན་ལོས་ཆོག དེ་མི་ཚིག་ངན་བྱེད་པ་དས་ཅི་ཞིག་མཚོན་ཡོད་དཔྱོད་ལྡན་བློ་གྲོས་ཅན་ཚོས་ཤེས་ནུས་པས། བགྲོ་གླེང་ཡག་པོ་གནང་རོགས་ཞུ།

གླག་ཕྲུག
རི་སིལ་ཐོག་མེད་ཀྱིས་མཇུག་འབྲས་ཅི་ཡོང་གི་གསུང་ཚར་འདུག གཟིགས་མི་བྱེད་བར་མི་ལ་ཚིག་ངན་མ་གནང་རོགས། དཔའ་མེད་ན་ལག་ཆ་མང་ཟེར་བ་དང་། བདེན་མེད་ན་ཚིག་ངན་མང་ཟེར་བ་ཁྱེད་ལ་བྱུང་ནི་མ་རེད་དམ།
བོད་ཕྱི་ནང་གཉིས་ག་སྡེབ་ལང་བྱེད་པར་བཀོད་བསྒྲིག་ཐུབ་ན་༨༩ལོ་པེ་ཅེན་གྱི་དྲག་ནོན་བྱེད་པ་བཞིན་མི་བྱེད་པའི་ཁག་དཔྱོད་ལྡན་སུས་ཀྱང་ཤེས་ནི་རེད། བོད་ཀྱི་དཔའ་མཛངས་ཀྱི་དངས་མ་ཅན་གྱི་གཅེས་ཕྲུག་ཚོས་ཚེ་སྲོག་བློས་བཏང་གིས་རྫོགས་པ་ལ་ལྟོས་ན། མི་མང་གིས་ལས་དོན་སོགས་བློས་གཏོང་གིས་སྡེབ་ལང་བྱེད་པ་སླ་ཞེས་ལབ་ན་ཅིས་མི་ཆོག དེ་ཙམ་ཞིག་མི་མང་གིས་བྱེད་ངེས། གལ་ཏེ་དབུ་ཁྲིད་ཚོས་ངོས་ནས་ཡོང་ན།

གལ་སྲིད་གཞིས་བྱེས་གཉིས་ཀའི་བོད་མི་ཚོས་སྡེབས་ལངས་བྱེད་ཐུབ་པ་ཡིན་ནའང་དྲ་འབུ་ཚོས་དེའི་འཇུག་འབྲས་དང་དགོས་པ་ཅི་ཙམ་ཡོད་མེད། རྒྱལ་སྤྱིའི་སྤྱི་ཚོགས་ནང་བོད་ཐོག་ལ་བལྟ་སྟངས་་གང་འདྲ་སླེབས་ཡོང་མིན་སོགས་བསམ་བློ་བཏང་མྱོང་ཡོད་པས། ཡོད་ན་འཇུག་འབྲས་ཀྱི་སྐོར་ནས་ཤོད་ཐོངས། མི་འདུག་གཱ ལས་དོན་གང་ཞིག་ཡིན་ཡང་གྲུབ་འབྲས་སྔོན་ལ་བཤད་རྒྱུ་གལ་ཆེན་རེད། གྲུབ་འབྲས་མེད་པའི་བརྒྱ་བཤད་སྟོང་བཤད་ཀྱིས་ང་ཚོ་ཅི་ཞིག་ཕན་གྱི་རེད། སོམས་དང་། རྒྱ་ནག་གི་དཔོན་གསར་ཚོས་སྔར་ལས་ལྷག་མཁྲེགས་འཛིན་དང་སྡུག་རྩུབ་ཀྱི་སྲིད་ཇུས་གཞིས་ལུས་རྒྱ་ཆེ་མི་མང་གི་ཐོག་བེད་སྤྱོད་བྱེད་ཡོང་བ་ཡིན་ན་ཁྱེད་དང་ང་འདྲ་བའི་དྲ་འབུ་ཚོས་དེའི་འགན་ཁུར་ཐུབ་ཀྱི་རེད་དམ། སྐབས་དེ་དུས་རྒྱལ་ཁབ་སུ་ཞིག་གིས་བོད་སྐྱོབ་ཐུབ་བམ། ཉེ་ཆར་ཨེ་སི་རལ་གྱིས་གྷ་ཛཱ་ནང་མེ་ཤུགས་འཕུར་མདའ་བརྒྱ་ཕྲག་གཡུགས་ནས་དེའི་མི་མང་ལ་དཀའ་ངལ་ཅི་ཙམ་སྤྲད་སོང་། རྒྱལ་ཁབ་སའི་གྷ་ཛ་མི་མང་མྱུར་སྐྱོབ་བྱེད་ཐུབ་སོང་། བྱས་ཙང་། ཤེས་མདོག་དང་མཁྱེན་མདོག་མ་བྱེད། དྲིན་ཆེན་ཚོ།

གངས་སེང་ཟེར་བ་དང་ཆོས་སྐྱིད་ཟེར་བ་ཁྱོད་གཉིས་ཀྱིས་ཤེས་མདོག་མཁས་མདོག་མ་བཤད། སྲང་ལམ་ནང་གི་གད་སྙིགས་བཏུས་ཏེ་རྒྱག་བཤད་བཤད་ན་ལས་རྒྱུ་འབྲས་སུ་རུང་གི་མ་རེད། སྲིད་སྐྱོང་བློ་བཟང་སེང་གེ་གཙོ་བོས་མཛད་གཙོ་རྣམ་པར་ཁྱོད་ལྟ་བུས་སྐྱོན་བརྗོད་དང་འཕྱ་སྨོད་བྱས་ན་དགོད་བྲོ་བོ་རེད།
སྤྱིར་ན་བོད་མིའི་སྒྲིག་འཛུགས་འདི་མང་གཙོ་ཡིན་པ་དང་། བསམ་ཚུལ་དང་སྐྱོན་བརྗོད་ལ་རང་དབང་ཡིན་པ་སུས་ཀྱང་ཤེས་ཀྱིན་ཡོད་ལ། དམར་པོའི་སྲིད་གཞུང་ནང་བཞིན་མ་ཡིན་པར་བཤད་ས་དང་གཏམ་ས་ཡོད་པ་ཞིག་ཡིན་པ་མིག་ལོང་བ་ཚོ་དང་དམར་པོའི་རྗེས་འབྲངས་པ་ཚོ་མ་ཡིན་པ་ཚང་མས་ཤེས་གསལ་ཡིན།
སྲིད་སྐྱོང་སེང་གེ་མཆོག་གིས་འགན་བཞེས་ཏེ་ལོ་ངོ་གཅིག་ལྷག་གི་རིང་ལ་བོད་མིའི་སྒྲིག་འཛུགས་ཀྱི་ལས་དོན་དང་། དཔལ་འབྱོར། སྒྲོམ་གཞི་ཚང་མར་སྔར་ལྷག་གིས་འོད་ལམ་མེ་བའི་མདོག་ཅིག་ཤར་ཡོད་པ་རེད། དེ་མཛད་གཙོ་རྣམ་པའི་དཀའ་ལས་བསྐྱོན་པའི་འབྲས་བུ་རེད།
བཀའ་ཁྲི་སུས་ཀྱང་ཞབས་ཀྱིས་བཅག་མ་མྱོང་བའི་གྲོས་ཚོགས་རྭ་བ་དང་། རྒྱལ་ཁབ་མང་པོ་ཞིག གསར་འགོད་དང་བརྙན་འཕྲིན་བརྒྱུད་ལམ་མང་པོ་ཞིག་ཏུ་བཀའ་ཁྲི་སོགས་མཛད་གཙོ་རྣམ་པའི་གཟུགས་བརྙན་མངོན་ཐུབ་ཡོད། དེ་མཛད་གཙོ་རྣམ་པའི་དཀའ་ལས་བརྒྱབ་པའི་གྲུབ་འབྲས་རེད།
འཛམ་གླིང་གི་སྡིངས་ཆའི་སྟེང་དང་༸གོང་ས་སྐྱབས་མགོན་ཆེན་པོ་མཆོག་གི་རླབས་ཆེན་གྱི་མཛད་རྗེས་དང་འགྲོགས་ཏེ་བོད་དོན་གྱི་གླེང་སློང་ཉིན་རེར་བཞིན་ཚ་རླབས་མཆེད་བཞིན་ཡོད། དེ་མཛད་གཙོ་རྣམ་པའི་དཀའ་ལས་བསྐྱོན་པའི་འབྲས་བུ་རེད།
བོད་རྒྱལ་ཡོངས་དམིགས་བསལ་ཚོགས་ཆེན་གྱི་དགོངས་དོན་ཁག་ལག་ཏུ་བསྟར་དང་བསྟར་བཞིན་པ་ཟུར་བསྟས་ལེབ་མཐོང་ཡིན་པས་རྣ་ཅོག་རྒྱ་སྒོར་གྱིས་བཅད་མེད་ན་གསལ་རིས་ཐང་གསལ་ཆགས་ཡོད།
རྒྱལ་གཅེས་དཔའ་བོ་དཔའ་མོ་རྣམས་ཀྱིས་སྐུ་ལུས་མེ་མཆོད་འབུལ་བཞིན་པའི་རྐྱེན་རྩ་ནི་རྒྱ་གཞུང་གི་མཁྲེགས་འཛིན་པ་ཚོས་སྲིད་བྱུས་ལས་བྱུང་བ་རེད་མ་གཏོགས་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་ཚོས་སྐུལ་བ་ཞིག་ནམ་ཡང་མ་རེད།
དེ་ནི་བོད་མི་ས་ཡ་དྲུག་གི་སྤྱི་དོན་ལ་བློས་གཏོང་གི་བླ་ན་མེད་པའི་ཆོད་སེམས་བརྟན་པའི་དཔའ་རྟགས་ཤིག་རེད་མ་གཏོགས་གནས་སྐབས་ཀྱི་ལན་ལ་རེ་བའི་ངང་ཐུང་གི་བྱ་སྤྱོད་ཅིག་མ་རེད།
བཀའ་སྤྱི་རྣམ་པ་ཚོ་དཔའ་ཁས་ལེན་དང་། མདུང་སྐེད་བཟུང་གིས་སྲིད་ཀྱི་སྡིངས་ཆར་བཞེངས་པ་ནི་ཡང་དག་པའི་མང་གཙོའི་ཁྱད་ཆོས་དང་། མི་མང་གི་མངོན་འདོད་དང་མཐུན་པ་ཞིག་རེད་མ་གཏོགས་ཁྱོད་དང་ང་ལྟ་བུའི་དྲ་འབུ་ལས་ངན་གྱི་སྐྱེ་བ་བླངས་བ་ཞིག་མ་རེད།
འཛམ་གླིང་གི་སྟོབས་ཆེན་རྒྱལ་ཁབ་ཨང་གཉིས་པར་གྲགས་པའི་རྒྱ་གཞུང་གི་ཁ་གཏད་དུ་འགྱིང་དེ་བོད་དོན་འཐབ་རྩོད་ཀྱི་མེ་རི་མཆེད་བཞིན་པ་འདི་ཡང་༸གོང་ས་སྐྱབས་མགོན་ཆེན་པོ་མཆོག་གི་ཐུགས་བསྐྱེད་སྨོན་ལམ་ལས་འཁྲུངས་བའི་སྲིད་སྐྱོང་བ་སོགས་ཀྱི་མཛད་རྗེས་རེད་མ་གཏོགས། སྲང་ལམ་དང་གད་སྙིགས་ཁྲོད་ཀྱི་ཁྱོད་དང་ང་ལྟ་བུའི་སྟོང་བཤད་ལས་གྲུབ་པ་ཞིག་མ་རེད།
སྐྱེས་པ་ཕོ་ཡིན་ན། མགོ་ནག་བོད་ཡིན་ན་ཁ་ནང་དུ་འཁོར་དེ་ཟུག་རྒྱག་བྱེད་པ་ལས་ཁ་ཕྱིར་འཁོར་ཏེ་དཔའ་རྟགས་ངོམ་པའི་དུས་ཚོད་རན་ཡོད་པས་ཁྱོད་རང་ཤི་བོ་མིན་པའི་རྟགས་ཤིག་སྟོན་རོགས།

གླག་ཕྲུག
ཁྱེད་ཀྱི་རྒད་མོ་ལ་གཞན་གྱིས་ཁྲེལ་རྒོད་བྱེད་ས་རེད། ང་ཚོ་ངུ་བའི་དུས་རེད་མ་གཏོགས་རྒོད་པའི་དུས་མ་རེད། སི་རིའི་ཡ་དང་ལེ་བྷེ་ཡའི་ནང་གི་སྡེབས་ལངས་ལ་མགོ་ཁྲིད་མཁན་མེད་ཟེར་བ་ནོར་འཁྲུལ་ཡིན་པ་ཀུན་གྱིས་ཤེས། ངོ་ཚ་རྒྱུ་མེད་པ་པའི་སྐད་ཆ་ཁྱོད་ཀྱིས་མ་བཤད།
གང་ལྟར་ཡང་གཞན་ལ་ལད་བཟློས་དགོས་ནི་མ་རེད། རང་གིས་བསམ་བློ་གཏོང་དགོས་ནི་རེད། ད་བར་དུ་བོད་མི་ཀུན་གྱིས་མི་རེ་ངོས་རེ་ནས་བྱ་རྒྱུ་ཡོད་ཚད་བྱས་པ་རེད། མཉམ་འབྲེལ་གཅིག་སྤུང་གིས་སྣེ་ཁྲིད་མཁན་མ་ཡོད་པས་ད་བར་དུ་ནུས་པ་མ་ཐོན་པ་རེད། དེ་ཙམ་ཡང་མི་ཤེས་པར་ད་དུང་གཏོར་ཤིང་མ་བྱེད། སྐུ་མཁྱེན།

བོད་ཕྱི་ནང་གི་བོད་མི་མང་སྡེབས་ལངས་བྱེད་ཀྱི་ནི་བོད་ཀྱི་སྲིད་སྐྱོང་གིས་ལམ་སྟོན་དང་སྣེ་ཁྲིད་ཀྱིས་སྡེབས་ལངས་བྱེད་རྒྱུ་ཞིག་མ་རེད། སི་རིའི་ཡ་དང་ལེ་བྷེ་ཡའི་ནང་གི་སྡེབས་ལངས་ཡང་མི་མང་རང་ངོས་ནས་སྡེབས་ལངས་བྱས་པ་རེད་མ་གཏོགས་དབུ་ཁྲིད་མཁན་ཞིག་ཡོད་པ་མ་རེད་དོ། ཁྱེད་ཚོས་སྐྱིད་པོ་བཤད་ཀྱིན་འདུག ཧ་ཧཧཧཧཧཧཧཧཧཧཧཧཧཧཧཧཧཧཧཧཧཧ

རྒྱ་རྙི་ཟེར་བ་འདིའང་དངོས་གནས་ཅིག་ཤེས་མ་ཤེས་མཚམས་ནས་སྐད་ཆ་སྦོམ་པོ་བཤད་མཁན་གྱི་གྲས་དེ་རེད། དབུས་བོད་མིའི་སྒྲིག་འཛུགས་ལ་བསམ་འཆར་བཏོན་མ་ཆོག་པ་ག་རེ་ཡིན་ནམ། ཁྱེད་ལ་རྒྱུས་ཡོད་ན། དམིགས་བསལ་ཚོགས་ཆེན་ཐེངས ༢ པའི་གྲུབ་དོན་བཀའ་སྤྱི་གཉིས་ནས་ཕྱག་བསྟར་གནང་ཕྱོགས་ལ་གཟིགས་དང། གད་མོ་ཤོར་ན་དེར་མི་ཤོར་བར་མི་སྒེར་བ་ཞིག་གི་བསམ་ཚུལ་ལ་གད་མོ་ཤོར་ནས་ག་རེ་གནང་ག རང་སྲེག་ཐད་ད་བར་བཀའ་སྤྱི་གཉིས་ནས་ག་རེ་བྱས་ཡོད། བག་ཆགས་ག་རེ་བཞག་ཡོད། གྲུབ་འབྲས་ག་རེ་བླངས་ཡོད། བཀའ་སྤྱི་གཉིས་ལ་ཡིད་ཆེས་བློས་འགེལ་གྱིས་ཉི་མ་རེར་མི་ག་ཚོད་བསྲེགས་ཀྱི་འདུག བཀའ་སྤྱི་གཉིས་ནས་ག་རེ་བྱུང་ཡོད། ག་རེ་བླངས་ཡོད། ཐ་ན་མ་འོངས་པ་རང་སྲེག་འདི་ག་འདྲ་ཞིག་ཆགས་ཀྱི་ཡོད་མེད་ཚིག་གཅིག་གསུང་རྒྱུ་ཡོད་པེ། བཀའ་སྤྱི་གཉིས་ཀྱི་ཀླད་པའི་ནང་འབུ་རྒྱབས་མེད་པཱ། ད་ཅིག་གནང་རོགས། དཔལ་འབྱོར་ཡོད་དཔོན་གནས་ཡོད། མི་མང་ཡོད། ག་རེ་ཐོག་བསྡད་ཡོད། སུས་བཀག་སོང། སྣང་བ་མི་འགྲོ་བའི་སྐད་ཆ་མ་བཤད།
བཀའ་སྤྱི་གཉིས་ཀས་ཁས་བླངས་དམ་བཅས། ངས་འཇོན་ང་ལ་འོས་འཕེན་རོགས་ཞེས་སླེབས་པ་རྐྱང་རྐྱང་རེད། དངོས་སུ་ཞུ་བ་འཐེན་ལྐོག་ནས་པེད་ཤག་སྤྲད་རྐུབ་སྟེགས་ཐོབ་ཚར་ན། ད་ལས་ཀར་འཇོན་དགོས་པ་རེད། ངོ་མ་ཡིན། རང་སྲེག་ཐད་ག་རེ་བྱས་ཡོད། གསར་འགོད་གསལ་བསྒྲགས་རྫིག་པོ་རེ་བཤད་པ་མ་གཏོགས་ག་རེ་བྱས་ཡོད། རྒྱལ་སྤྱིའི་བོད་དོན་རྒྱབ་སྐྱོར་ཚོགས་འདུ་ཉེ་ཆར་འཚོགས་སོང། ག་རེ་བྱུང་འདུག གྲོས་ཚོགས་རིམ་པ་མང་པོ་འཚོགས་པ་རེད། མྱ་ངན་གྲོས་ཆོད་འཇོག་རྒྱུ་མ་གཏོགས་ག་རེ་འཇོན་ཡོད། བདེན་པའི་མེ་ལྕེ་ལ་ནུས་པ་ཚོད་ཐོན་གྱི་རེད། དགོས་འདུན་ཡིག་ཚགས་ནང་ཉར་རྒྱུ་ཙམ་ལས་གཞན་ནུས་པ་ཆེན་པོ་ཞིག་ཐོན་ཐུབ་ངེས་ཀྱི་རེ་བ་དང་གདེང་ཚོད་ཡོད་དམ། ག་རེ་འཇོན་ཡོད། བཀའ་སྤྱི་གཉིས། རང་སྲེག་རེ་རེ་གོ་ན། ངོ་མི་ཚའམ།
ད་བློ་བཟང་སེང་གེ་དང་སྤེན་པ་ཚེ་རིང་གཉིས་ཀྱིས་དབུ་ཁྲིད་དེ་བོད་ལ་གོམ་བགྲོད་དུ་འགྲོ ག་ཚོད་ཤི་ན་ཤི མཚམས་མ་བཞག་པར་འགྲོ བཙོན་ཁང་ནས་བཅུགས་ན་བཅུགས། བོད་ཕྱི་ནང་ནས་གཉིས་གནམ་ས་གཡོ་བའི་ལས་འགུལ་སྤེལ། མགོ་ཁྲིད་ཐུབ་བམ། བཀའ་སྤྱི་གཉིས། བོད་དོན་ཟེར་བ་དེ་དེ་འདྲ་ལས་སླ་བོ་ཞིག་མ་རེད་གདའ། ཁ་རྡུང་བཏང་ནས་བསྡད་ཆོག་པ་ཞིག་མ་རེད་གདའ།།

ཡ་ལགས་སོ་ངས་བོད་ཚང་དྲྭ་གྲོགས་ཚོགས། ད་འདི་འདྲ་ཡིན་འགྲིག་ལེ་རེད་སེམས་ཤུགས་འདུག་ལེགས་སོ་། འདྲི་བ་དང་པོ་དེ་ལས་ཇུས་ག་འདྲ་སེ་སྤེལ་ལམ། གོང་གསལ་མཆན་བུ་ཚོས་དྲག་རྒོལ་བ་ཞི་བའི་གཟེངས་བསྟོད་བྱུང་བ་ཡང་བདེན་པ་རེད། ཡིན་ནའང་མི་འདི་ལ་བྱ་བ་བྱེད་པའི་ཡུལ་ཁོ་རང་ཡིད་ཆེད་འཇོག་སའི་ཁ་ཆེ་ཁྱིམ་མཚེས་རྒྱལ་ཁབ་བྱུང་ཡོད་རེད། རྒྱུ་དེ་དང་། རྐྱེན་ཁོས་བློས་གཏང་གི་རྒྱལ་ཁབ་ཁོ་ནར་དམིགས་པའི་བྱ་བ་བསྒྲུབ་པ་གཉིས་མཉམ་འཛོམས་བྱུང་ནས་བྱུང་བ་རེད། དེ་ང་ཚོར་ག་ནས་རག་ཐུབ་བམ། ངས་བསམ་ན་དཔལ་འབྱོར་གྱི་བསླུ་བ་ཡོང་གི་མ་རེད། བོད་པ་ཚང་དཔལ་འབྱོར་འདུ་རྒྱུར་གང་སར་འཇོན་པོ་ཡོད་རེད། གང་ལ་ཟེར་ན་༢༠༠༨ ལོར་འཛམ་གླིང་ཕྱི་ནང་གི་བོད་པས་བྱ་བཞག་ཆེན་པོ་བྱུང་ཡོད། དེ་ཡང་ལོ་རྒྱུས་ནང་གཅེས་ཉལ་དགོས་པ་ཞིག་རེད། ལས་འགན་དེ་བོད་མིའི་བསྒྲིག་འཛུགས་ཀྱི་གནང་དགོས་པ་རེད་ལ་ གནང་ཡོད་ཤག་རེད། ད་འདི་ལྟ་བུའི་ཞི་དྲག་གཉིས་ལྡན་གྱིས་ལས་ཞིག་འབད་འདོད་ཡོད་ཚེ་དང་ཐོག། ༼གངས་ཕྲུག་གསང་ལས་བློས་གཏོང་ཞི་དྲག་ཚོགས་པ་ཞེས་པ་གཅིག་དགོས་པ་རེད༽

ལས་ཁུལ་དང་པོ།
འཆར་དང་འཆར་བཞིན་པའི་འཛམ་གླིང་རྒྱལ་སྤྱིའི་རྩེད་འགྲན་སྐབས་ལུས་སྲོག་བློས་གཏང་གིས་རྒྱ་ཡི་གཞུང་ཚབ་མདུན་དང་ རྩེད་ཐང་། མི་དམངས་འདུ་འཛོམས་ཆེ་སར་མེ་ཡི་བྱང་སེམས་ཤོག་སྒྲོ་རྐྱང་ནས་འཕུར་དགོས།།

གཉིས་པ་།
ལས་དོན་མ་སྤེལ་གོང་དགོས་པ། རྒྱུ་མཚན། མངོན་འདོད། གསུམ་སྒྲ་བརྙན་བྲིས་གསུམ་གནང་དགོས།

གསུམ་པ།
འཛམ་གླིང་རང་དབང་ནང་ཡོད་པའི་བོད་རིགས་ཙམ་གཟན་མི་་རེ་རེ་ནས་ཉིན་རེ་ས་གནས་དེའི་སྒོར་གཅིག་རེ་ཆད་མེད་ཚོགས་པ་འདིར་གསང་བཏབ་ཀྱི་མ་དངུལ་བརྒྱབ་སྐྱོར་བྱེད་དགོས།
བཞི་པ།
ཞི་དྲག་ལས་དོན་པ་རྣམས་དམ་ཆོས་སྤང་བཞག་གིས་མནའ་བསྐྱལ་དམ་བཅའ་འཇོག་དགོས།
དེ་ནས་རྒྱ་དམར་གྱི་ངོ་མདོང་ས་ག་འདྲ་ཞིག་སྟེང་ལྷུང་གི་འདུག་བལྟ་ཆོག་པ་རེད།།།
རྒྱལ་གཅེས་སེམས་ཤུགས་ཡོད་པའི་བོད་ཕྲུག་དར་མ་རྣམས་སུ་ཐུགས་རྗེ་ཆེ་ཡོད་ལ་ད་ང་ཚོའི་དཔུང་སྟེང་གི་འོས་འགན་ཡང་ཡིན་པ་འདོད་དོ། བཀྲིན་ཆེ།
བོད་བདེན་པ་ཉིད་རྒྱལ་གྱུར་ཅིག།
༧ མགོན་ཡིན་བཞིན་ནོར་བུ་རྒྱལ་གྱུར་ཅིག།
བོད་དཔའ་མཛངས་བདེན་དོན་རྒྱལ་གྱུར་ཅིག།།།།

༄། བཀུར་འོས་སྲིད་སྐྱོང་མཆོག་དང་དབུས་སྐྱབས་བཅོལ་བོད་མིའི་སྒྲིག་འཛུགས་ཀྱི་སྣེ་ཁྲིད་རྣམ་པ་ལགས།

གཞིས་བཞུགས་བོད་རྒྱ་ཆེའི་མི་མང་གི་ངོས་ནས། སྐུ་ལུས་མེར་སྲེག་གིས་རྒྱ་གཞུང་དང་བོད་ཐོག་ཏུ་འཛིན་གྱིན་པའི་གཏིང་ནག་སྲིད་བྱུས་རྩུབ་པོ་ལ། ཞི་རྒོལ་གྱི་སྙིང་སྟོབས་དང་ཆོད་སེམས་ཆེན་པོ་དེ་བོད་མདོ་དབུས་ཁམས་གསུམ་ན། ཇེ་འབར་དུ་འགྲོ་བཞིན་པའི་དུས་འདིར། སྐྱབས་བཅོལ་བོད་མི་རྣམས་ཀྱིས་འཐབ་རྩོད་བྱེད་སྟངས་ཀྱི་ནུས་ཤུགས་གཅིག་ཏུ་ཇི་ལྟར་སྤུངས་རྒྱུ་ཡིན་ནམ།

འཐབ་རྩོད་ཀྱི་གྲུབ་འབྲས་དང་ཁ་ཕྱོགས་མི་རྩོད་ཅིང་། ལྟ་བ་དང་ལངས་ཕྱོགས་གཙུགས་ཆེན་འཛིན་གྱིན་པའི་སྐྱབས་བཅོལ་བོད་མིའི་ཚོགས་པ་ཁག་དང་མཉམ་འབྲེལ་ཇི་ལྟར་བྱེད་རྒྱུ་ཡིན་ནམ། ལྷག་པར་དུ། རང་དབང་དང་མང་གཙོའི་རྨི་ལམ་གྱི་དབྱིངས་སུ་མི་ཐིམ་པར་གཞུང་མང་མཉམ་རུབ་ཀྱིས། བོད་རྒྱའི་དཀའ་རྙོག་འདི་སེལ་ཐབས་སུ་ལམ་ཁ་གང་ཞིག་བཟུང་ཡོད་དམ། འགན་ལེན་གང་འདྲ་བྱེད་རྩིས་ཡོད།

བོད་ཀྱི་འཐབ་རྩོད་འདི། རང་དབང་དང་ཐོབ་ཐང་ལ་འཁྱུད་པའི་མི་རིགས་ཤིག་གི་འཐབ་རྩོད་རེད་དམ། ཡང་ན། ཆོས་ལུགས་ཤིག་གི་རིན་ཐང་དང་དེ་བརྟེན་སའི་སྐད་ཡིག་གི་བདག་དབང་རྩོད་ཀྱིན་ཡོད། མ་གཞི་ནས། བོད་མི་རིགས་ལ་སྲིད་སྐྱོང་ལམ་ལུགས་ཤིག་ཡོད་དམ།

དེང་དུས་སུ། བདེན་པ་དང་ལོ་རྒྱུས་ལ་རྒྱལ་ཁ་ཐོབ་སའི་ཁོར་ཡུག་ཡོད་མེད་གསལ་བཤད་ཅིག་གནང་རོགས་ཞུ། གང་ལགས་ཞེ་ན། བོད་ཀྱི་བདེན་པའི་ཆེད་དུ་བོད་མིས་སྐུ་ལུས་མེར་སྲེག་བཏང་བ་ནི་བདེན་པའི་རྒྱབ་དཔུང་བཙན་པོ་དེ་ཡིན། མ་ཟད། མིའི་རིགས་ཀྱི་ལོ་རྒྱུས་ནང་དུ་བལྟས་རུང་། བདེན་དོན་གྱི་ཆེད་དུ་འདི་ལྟར་བློས་བཏང་བ་ནི། གསུབ་ཏུ་མེད་པའི་ལོ་རྒྱུས་ཀྱི་ཟིན་ཐོ་གསར་བ་ཞིག་བསྐྲུན་པ་དེ་རེད་དེ། བདེན་པ་ལ་ད་དུང་རྒྱལ་ཁ་མི་འདུག་པའི་རྒྱུ་མཚན་ཅི།

ཡང་མིན་ན། བོད་མི་རིགས་ཀྱི་འཐབ་རྩོད་བྱེད་སྟངས་ཀྱིས་མ་འགྲིག་པར་རེད་དམ། འཐབ་རྩོད་བྱེད་ཡུལ་ལ་སྟོབས་ཤུགས་ཆེ་དྲགས་པས་རེད། དང་པོ་ཡིན་ན། རང་ངོས་ནས་མ་འཐུས་པ་ཡིན་པས་གྲ་སྒྲིག་སོགས་བསྐྱར་དུ་བྱས་ནས་གོ་སྐབས་ཡོད་རེད་དེ། གཉིས་པ་ཡིན་ན། ག་འདྲ་ཞིག་བྱེད་རྩིས་ཡོད་དམ།

བཀུར་འོས་སྲིད་སྐྱོང་མཆོག

བོད་མི་རིགས་ཀྱི་སྟོབས་ཤུགས་དང་འཚམ་པའི་སྲིད་བྱུས་གསར་བ་ཞིག་འདོན་རོགས་ཞུ།

རྒྱ་ནག་གི་རིག་གནས་དང་རྒྱ་ནག་གི་སྲིད་བྱུས་ལ་གཞིགས་ནས་ཐབས་བྱུས་གསར་བའི་ཁ་ཕྱོགས་ཤིག་འཛིན་རོགས་ཞུ།

རང་ལུས་མེར་སྲེག་གིས་ཞི་རྒོལ་གནང་མཁན་བོད་ཀྱི་དཔའ་བོ་དཔའ་མོ་རྣམ་པའི་ཞལ་ཆིམས་དང་རེ་འདུན་སོགས་འཕྲོ་བརླག་ཏུ་མ་ཕྱིན་པར་གནང་རོགས་ཞུ།

བོད་རྒྱའི་འཐབ་རྩོད་ཀྱི་ཁ་ཕྱོགས་གང་ཞིག་འགྱུར་ཡོད་མེད་དེ་དོན་དངོས་ཀྱི་རྒྱབ་ལྗོངས་ཡོད་པའི་གསལ་བཤད་ཅིག་གནང་རོགས་ཞུ།

བོད་ནང་གི་ཛ་དྲག་གི་གནས་ཚུལ་བསྡུ་ལེན་དང་ཁྱབ་སྤེལ་བྱེད་སའི་ལྟེ་གནས་ཤིག་གཞུང་འབྲེལ་གྱིས་འཛུགས་རོགས་ཞུ།

གཞིས་བཞུགས་བོད་རྒྱ་ཆེའི་མང་གི་ཞི་བའི་འཐབ་རྩོད་བྱེད་ཕྱོགས་ལ་ཞིབ་འཇུག་ལྟེ་གནས་ཤིག་བསྐྲུན་རོགས་ཞུ།

བཀུར་འོས་སྲིད་སྐྱོང་མཆོག་ལགས། གོང་ཞུས་རེ་འདུན་ཁ་ཤས་ཀྱི་རྒྱབ་ལྗོངས་རྣམས་མཁྱེན་རྟོགས་སླ་བའི་གསལ་བཤད་སོགས་ཀྱིས་རྒྱས་འགེབས་མ་བྱས་པ་ལགས།

ལམ་བསྟོན་ཧ་ཅིང་ཡག་པོ་འདུག གཏིང་ཟབ་པའི་གནད་འགག་འདུག བཙན་བྱོལ་གྱི་བསྒྲིག་འཛུག་ཀུན་གྱིས་མངོན་གསལ་ཏོད་པོས། འཆར་གཞི་གོ་རིམ་ལྡན་པའི་སྒོ་ནས་བོད་གཞི་བྱེས་གཉིས་ག་མཉམ་ལང་བྱེད་ཐབས་ཀྱི་པང་རིམ་བསྒྲིག་ལ་འབད་པ་ལས་ང་ཚོ་ལ་ཅི་ཡང་ལྷག་མི་འདུག་པ་ཤེས་རན། །

རྩོམ་འདིའི་ནང་དོན་སྙིང་བོ།
༡ རང་སྲེག་ལས་འགུལ་ཐད་བཙན་བྱོལ་བོད་མིའི་དབུ་ཁྲིད་སྲིད་སྐྱོང་མཆོག་ལ་འགན་ཡོད་པ་དེ་བདེན།
༢ བོད་གཞིས་བྱེས་གཉིས་ནས་གོ་སྐབས་དམ་འཛིན་གྱིས་ཞི་རྒོལ་སྡེབས་ལངས་བྱེད་དགོས་པ་བདེན།
༣ སྲིད་སྐྱོང་མཆོག་ནས་བོད་ནང་དུ་འབོད་སྐུལ་བྱེད་དགོས་པའང་བདེན།
དེ་བྱས་དུས་སྐད་ཆ་འདི་ཤར་ཁུག་གི་སྐད་ཆ་དང་འདྲ་བོ་འདུག་ལ། ཚིག་གི་ལོ་མས་བརྒྱན་འདུག་པ་མ་གཏོགས་དོན་དག་དེ་རང་རེད་འདོད།