འདི་ལོའི་དཔལ་ས་སྐྱའི་སྨོན་ལམ་ཆེན་མོ་ཐེངས་ཉེར་གཅིག་པ་དེ་ཟླ་སྔོན་མའི་ཕྱི་ཚེས་ ༢༢ ནས་ཟླ་འདིའི་ཚེས་ ༡ བར་ གནས་མཆོག་ལུམ་བྷའི་ཚལ་དུ་ཚོགས་ཡོད་འདུག
ཐུབ་བསྟན་རྒྱལ་མཚན་ལགས་ཀྱིས་གནས་ཆུལ་བཏང་འབྱོར་ལ། ཟླ་སྔོན་མའི་ཕྱི་ཚེས་ ༢༢ ནས་ཟླ་འདིའི་ཚེས་ ༡ བར་གྱི་ཉིན་གྲངས་ ༡༠ རིང་གནས་མཆོག་ལུམ་བྷའི་ཚལ་དུ། སྔར་རྒྱུན་བཞིན་ས་སྐྱའི་སྨོན་ལམ་ཆེན་མོ་ཐེངས་ ༢༡ པ་དེ་ཚོགས་གནང་ཡོད་འདུག འདི་ལོའི་སྨོན་ལམ་ཆེན་མོ་ཚོགས་མགོན་དུ་དཔལ་ས་སྐྱའི་ཁྲི་ཐོག་ཞེ་གཅིག་པ་ཆེན་པོ་སྐྱབས་མགོན་༸གོང་མ་བདག་ཁྲི་རིན་པོ་ཆེ་མཆོག་དང་ཕོ་བྲང་རྣམ་གཉིས་ཀྱི་གདུང་སྲས་རྣམ་པ་གཙོས་པའི་གཞན་ཡང་བླ་སྤྲུལ་དགེ་བཙུན་དབུས་པའི་འདུས་པ་ ༣༦༠༠ ཙམ་ལྷན་ཞུགས་ཀྱིས་འཕགས་པའི་བཟང་པོ་སྤྱོད་པའི་སྨོན་ལམ་དང་མཚན་བརྗོད་སོགས་གསུང་ཡོད་འདུག
ཁ་སང་ཉིན་མཐའ་མར་ས་སྐྱ་གོང་མ་རིན་པོ་ཆེ་གིས་བལ་ཡུལ་གནས་སྡོད་བོད་པ་དང་ཧི་མ་ལ་ཡའི་མི་རིགས་གཙོ་བོ་གྱུར་པའི་ཆོས་ཞུ་ ༤༠༠༠ བརྒལ་བར་ཚེ་དབང་གནང་བ་དང་སྦྲགས། བོད་བསྟན་སྲིད་མི་རིགས་ཀྱི་ཆེད་མི་གྲངས་བརྒྱ་ལ་ཉེ་བས་སྐུ་སྲོག་མཆོད་མེར་ཕུལ་ཡོད་པས་དེ་དག་ལ་གདུང་སེམས་མཉམ་སྐྱེད་ཞུ་རྒྱུ་དང་། དེ་དག་གི་ཆེད་ཚང་མས་ཐུགས་སྨོན་སོགས་རྒྱ་མི་ཆུང་གནང་རོགས་ཞེས་འབོད་སྐུལ་གནང་ཡོད་འདུག
ས་སྐྱ་སྨོན་ལམ་ཆེན་མོ་དེ་ ༡༩༩༢ ལོ་ནས་དབུ་འཛུགས་ཀྱིས་ད་བར་ལོ་ལྟར་གནས་མཆོག་ལུམ་བྷའི་ཚལ་དུ་ས་སྐྱའི་གདན་ས་ཁག་གི་རེ་མོས་ཀྱིས་གོ་སྒྲིག་འོག་ཚོགས་བཞིན་ཡོད་འདུག
ལྟེ་ཁྲག་འཕོ་ས་བོད་རེད། འདུལ་བྱའི་ཞང་ཁམས་བོད་རེད། བོད་དོན་སྐོར་ལ་བཀའ་གསུང་རེ་གནང་བ་བཀའ་དྲིན་ཆེ། བོད་མི་ས་ཡ་དྲུག་གི་བརྒྱ་ཆ་མང་ཆེ་བ་བོད་ནང་དུ་ཡོད་པ་རེད་རྒྱ་ནག་གི་བཙན་གནོན་དབང་རྒྱུར་འོག་ན་བསྡུག་བསྔལ་མྱོང་བཞིན་ཡོད་པ་རེད། བཙན་བྱོལ་ནང་དུ་བོད་མི་ཁྲི་བཅུ་གྲངས་ཤིག་ཡོད་པ་དེ་ཡང་ཕ་ཡུལ་བོད་དུ་ལོག་རྒྱུར་ཉིན་སྒུག་མཚན་སྒུག་བྱས་བསྡད་ཡོད་པ་རེད། བླ་མ་སྤྲུལ་སྐུ་འདི་ཕྱིའི་སྐྱབས་གནས་ཚོས་ཀྱང་བོད་དོན་ལ་ཕྱག་ལས་གནང་རོགས། བོད་དང་བོད་མིའི་བདེ་བ་སྡུག་བསྔལ་སྐོར་ལ་བཀའ་གསུངས་རེ་གནང་རོགས། ཐུགས་རྗེ་ཆེ།
བཀའ་དྲིན་ཆེ་༧གོང་མ་རིན་པོ་ཆེ་མཆོག །ཁྱེད་ནི་འདས་མ་ད་གསུམ་ལ་༧གོང་ས་ཡིད་མཆོག་གིས་ཕྱག་གཡས་པ་བཞིན་ཡིན་པ་ཤེས་ཀྱི་ཡོད།
་་་་་དཔལ་ས་སྐྱའི་ཁྲི་ཐོག་ཞེ་གཅིག་པ་ཆེན་པོ་སྐྱབས་མགོན་༸གོང་མ་བདག་ཁྲི་རིན་པོ་ཆེ་མཆོག་དང་ཕོ་བྲང་རྣམ་གཉིས་ཀྱི་གདུང་སྲས་རྣམ་པ་གཙོས་པའི་གཞན་ཡང་བླ་སྤྲུལ་དགེ་བཙུན་དབུས་པའི་འདུས་པ་ ༣༦༠༠ ཙམ་ལྷན་ཞུགས་ཀྱིས་་་་་་་་་