དེ་རིང་ཕྱི་ཚེས་ ༣ ཉིན་གྱི་བོད་ནང་གི་དགོང་མོའི་ཆུ་ཚོད་ ༧།༤༠ ཡས་མས་སུ་མགོ་ལོག་པདྨ་རྫོང་ནས་གྲྭ་པ་བློ་བཟང་དགེ་འདུན་ལགས་ཀྱིས་རང་ལུས་མེར་བསྲེགས་གནང་ཡོད་འདུག
ཚངས་དབྱངས་རྒྱ་མཚོ་ལགས་ཀྱིས་འདི་གར་གནས་ཚུལ་བཏང་འབྱོར་བྱུང་བ་ལྟར་ན། དོ་དགོང་བོད་ནང་གི་ཆུ་ཚོད་ ༧།༤༠ ཡས་མས་སུ་མགོ་ལོག་པདྨ་རྫོང་སེ་ལེ་ཐང་ཡུལ་ཚོའི་པད་ནག་དགོན་ཀ་དམ་སྤྲོས་བྲལ་གླིང་གི་གྲྭ་པ་རང་ལོ་ ༢༩ ཡིན་པ་བློ་བཟང་དགེ་འདུན་ལགས་ཀྱིས་རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་རང་ལུས་མེར་བསྲེགས་བཏང་སྟེ་སྐུ་གྲོངས་ཡོད་འདུག
རྒྱལ་གཅེས་དཔའ་བོ་ཁོང་གིས་རང་ལུས་མེར་བསྲེགས་གནང་སའི་ས་གནས་ནི། མགོ་ལོག་པདྨ་རྫོང་གི་སུམ་མདོར་པདྨ་འདབས་བརྒྱད་ཀྱི་འཇིམ་བརྙན་ཞིག་ཡོད་པ་དེའི་ཡར་འདབས་ཡིན་པ་དང་། ཁོང་གིས་རང་ལུས་མེ་རུ་བསྒྲོན་རྗེས་ལག་གཉིས་ཐལ་མོ་སྦྱར་ཏེ་སྐད་འབོད་བྱེད་བཞིན་མདུན་དུ་གོམས་པ་ ༣༠༠ ཙམ་རྒྱུགས་ཏེ་སར་འགྱེལ་ཡོད་པ་དང་། སྐབས་དེར་ས་གནས་ཉེན་རྟོག་པ་དང་དམག་མི་བསླེབས་ནས་ཁོང་གི་སྐུ་ཕུང་བཙན་འཁྱེར་རྩིས་བྱས་ཡོད་ཀྱང་། ས་གནས་མང་ཚོགས་ཀྱིས་ཁོང་གི་སྐུ་ཕུང་རྒྱ་དམག་ལ་འཁྱེར་མ་བཅུག་པར་རང་དགོན་དུ་གདན་འདྲེན་ཞུ་བཞིན་ཡོད་འདུག
རྒྱལ་གཅེས་དཔའ་བོ་ཁོང་གི་ཕའི་མིང་ལ་མགོ་ལོག་ལོ་ཁོ་དང་། མའི་མིང་ལ་ས་འགོ་བདེ་དབང་། ཁོང་གི་སྤུན་མཆེད་ཀྱི་མིང་ལ་ཚེ་ཆུང་ཟེར་བ་དང་། རྒྱལ་གཅེས་དཔའ་བོ་ཁོང་ཚང་ལ་ནང་མི་བཅུ་གཅིག་ཡོད་འདུག
ས་གནས་ནས་གནས་ཚུལ་འབྱོར་གསལ་ལྟར་ན། ད་ལྟའི་ཆར་པདྨ་རྫོང་ཡོངས་སུ་ཉེན་རྟོག་པ་དང་དམག་མིས་སྐོར་ཏེ་དམ་དྲག་ཤུགས་ཆེར་བྱེད་བཞིན་འདུག
གསར་འགོད་པ། ཚེ་རིང་རྒྱལ།
རང་ལུས་མེར་སྒྲོན་ཏེ་ཐལ་མོ་སྦྱར་ནསགོམས་པ་༣༠༠(སུམ་བརྒྱ)ཙམ་རྒྱུགས་ཟེར་བ་དེ་ནོར་བ་ཡིན་གྱི་རེད།
ཁྱེད་རང་གི་བསམ་བློ་ཐོངས་དང་། ལུས་ལ་མེ་འབར་བཞིན་དུ་གོམས་པ་སུམ་བརྒྱ་རྒྱུགས་ཐུབ་ཀྱི་ཁག་པོ་རེད། ཕལ་ཆེར་གོམས་པ་གསུམ་ཙམ་ཡིན་གྱི་རེད།
མགོ་ལོག་ལྕག་མོའི་གདུང་རྒྱུད། དཔའ་རྒོད་རྟག་མོའི་གོང་ཡ་ཡིན་། ཟེར་བ་ཞིག་གོ་སྟེ་བདེན་པ་ཡིནངེས་རེད།
ངས་སྙིང་སྨོན་ལམ་ཁྱེད་ལ་ཡོད། །ལྷ་དང་བླ་མས་ཁྱེད་འདྲེན་ཡོང་། ཨོྃམཎི་པདྨེ་ཧཱུཾ
དཔའ་བོར་ན་མོ།
འདི་ལྟར་ཡོད་ཚད་བཞག་ནས་མེ་དཔུང་དུ་ཞུགས་པ་ནི་གངས་རིིའི་བདེ་དོན་ཁོ་ནར་བོླས་བཏང་གནང་བ་ཡིན་པས་ཁྱེད་ལ་ཕྱག་འཚལ་གུས་བཏུད་དོ།།
ཉིན་ཤས་ནས་མེ་རྒོལ་དང་འབྲེལ་བའི་གནས་ཚུལ་མཁོ་སྤྲོད་དུ་དུས་བབ་མགྱོགས་པོར་ཕེབས་པའི་ཚོར་བ་ཞིག་བྱུང་།
རེད།
དུས་བབ་ཀྱི་གནས་ཚུལ་ཁུངས་ལྡན་ཡིན་དགོས་ཤིང་དེ་ལ་གཞི་བཅོལ་བྱེད་མཁན་ཡང་ཡོད་པ་ངས་ཤེས།
གང་ལྟར་ཁྱེད་རང་མགྱོགས་དགོས་ཤིང་ཁྱེད་ལ་འདི་ལྟར་མགྱོགས་པོར་ཕེབས་པའི་ཆ་རྐྱེན་ཡང་ཚང་ནས་ཡོད་པར་མཐོང་།
ད་ལྟའི་དུས་སྐབས་འདིར་དུས་བབ་ཀྱི་གནས་ཚུལ་ནི་ཚོུད་ཉེར་བཞིར་ཞབས་ཞུ་དགོས་པར་ཚོར།
ཐུགས་རྗེ་ཆེ།