རྒྱ་གཞུང་གིས་ཁམས་ནཊ་ཤོད་འབྲི་རུ་རྫོང་དུ་རང་ལུས་མེར་བསྲེཊ་ཀྱིས་ངོ་རྒོལ་གནང་མཁན་བོད་མི་བདུན་ལས་གཉིས་འཛིན་བཟུང་བྱས་སྟབས། བོད་མི་གཞན་ལྔ་ཆུར་མཆོངས་ཏེ་རང་ཤི་བརྒྱབ་ཡོད་འདུག
བོད་ནས་འབྲེལ་ཡོད་མི་སྣ་ཞིག་གིས་ཨེ་ཤ་ཡ་རང་དབང་རླུང་འཕྲིན་ཁང་ལ་གནས་ཚུལ་མཁོ་སྤྲོད་བྱས་པ་ལྟར་ན། ཟླ་འདིའི་ཕྱི་ཚེས་༩ ཉིན་ཁམས་ནགས་ཤོད་འབྲི་རུ་རྫོང་བན་དཀར་གྲོང་སྡེའི་བོད་མི་ ༧ གྱིས། རང་ལུས་མེར་བསྲེཊ་ཀྱིས་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ངོ་རྒོལ་གནང་རྩིས་བྱས་འདུག་ལ། སྐབས་དེར་རྒྱ་གཞུང་ཉེན་རྟོག་པས་ཤེས་རྟོག་བྱུང་སྟེ་ཁོང་ཚོའི་ཁྲོད་ཀྱི་བོད་མི་གཉིས་འཛིན་བཟུང་བྱས་སྟབས། བོད་མི་གཞན་ ༥ ཆུར་མཆོངས་ཏེ་རང་ཤི་བརྒྱབ་ཡོད་འདུག ཉེ་བའི་དུས་ནས་རྒྱ་གཞུང་གིས་ས་གནས་སུ་དམག་མི་འགྲེམས་འཇོག་གིས་བོད་མི་ཚོ་གང་བྱུང་འཛིན་བཟུང་དང་། དེ་སྔ་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་དགུ་འགྲུབ་ལགས་ཀྱི་གྲོང་ཚོའི་མི་ ༣༦ ཙམ་འཛིན་བཟུང་བྱས་པ་སོགས་ས་གནས་སུ་དམ་དྲག་ཤུགས་ཆེར་བྱེད་ཀྱིན་ཡོད་པའི་དབང་གིས། བོད་མི་དེ་དག་གི་མིང་དང་ཞིབ་ཕྲའི་གནས་ཚུལ་མ་ཤེས་པར་ལྷག་ཡོད་འདུག
དེ་བཞིན། ཕྱི་ཚེས་ ༡༠ ཉིན་འབྲི་རུ་རྫོང་ཤག་ཆུ་གྲོང་རྡལ་རྒྱ་ནག་གི་ལས་ཁུངས་ཁག་གི་སྒོ་འགྲམ་དང་། རྩ་ཐང་གི་རྡོ་རིང་སོགས་སུ་བོད་མི་མང་པོ་མཉམ་རུབ་ཀྱིས་བྲིས་པའི་ཡིག་ཆ་མང་པོ་སྦྱར་འགྲེམས་བྱས་ཡོད་འདུག་ལ། དེའི་ནང་ “ ང་ཚོར་རང་དབང་མི་འདུག རང་དབང་ཐོབ་པའི་ཕྱིར་དང་། ཆོལ་གསུམ་བོད་མིའི་རེ་འདོད་འགྲུབ་པའི་ཕྱིར། འཛམ་གླིང་མི་རིགས་ཀྱི་བདེན་མཐའ་གསལ་བའི་ཕྱིར། ༧གོང་ས་མཆོག་བོད་ལ་ཕྱིར་ཕེབས་ཐུབ་ཕྱིར་། པཎ་ཆེན་རིན་པོ་ཆེ་བཙོན་ནས་གློད་གྲོལ་ཐོབ་པའི་ཕྱིར། རྒྱལ་གཅེས་དཔའ་བོ་དཔའ་མོའི་བཀའ་དྲིན་དྲན་ཕྱིར་ཆོལ་གསུམ་བོད་མི་ཡོངས་ནས་རྡོག་རྩ་གཅིག་སྒྲིལ་བྱོས་དང་། ཤི་གསོན་གང་ལ་ཐུག་ཀྱང་རྩོད་ལེན་བྱེད་ངེས་ཡིན། ཚེས་༡༠ རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ ”ཞེས་སོགས་འཁོད་ཡོད་འདུག
ད་དངོས་གནས་རྒྱ་དམར་པོ་འདིས་འདུག་འཇོག་རྒྱུ་ཡིན་ས་མ་རེད། ཆུ་ནང་དུ་སྡེབས་མཆོངས་བརྒྱབ་པ་འདི་ཧ་ཅང་ཉེན་ཁ་ཅན་ཞིག་རེད། གལ་སྲིད་ཆུ་ནང་དུ་སྡེབས་མཆོངས་བྱེད་པ་འདིའང་འཐབ་རྩོད་ཁྲོད་ཀྱི་ངོ་རྒོལ་ལས་འགུལ་ཞིག་གི་ངོ་བོར་གྱུར་ཚེ། ཧ་ཅང་བློ་ཡིད་ལ་ཤོངས་དཀའ་བའི་ཉེན་ཚབ་ཆེན་པོ་ཞིག་འབྱུང་ངེས། གནའ་སྔ་མོ་རྒྱ་དམག་བོད་མདོ་སྨད་ཕྱོགས་སུ་བསླེབས་སྐབས། རྨ་ཆུའི་ནང་བོད་མི་ཁྲི་ཕྲག་མཆོངས་ཏེ་སྡེབས་ཤུ་བརྒྱབ་པའི་ལོ་རྒྱུས་དེ་དག་དྲན་འོང་གི་འདུག ང་དངོས་གནས་སྐྲག་འདར་རྒྱག་ཡོང་གི་འདུག འདི་ནི་ཧ་ཅང་ཉེན་ཁ་ཅན་ཞིག་རེད།