༧གོང་ས་མཆོག་ཨུ་རུ་སུར་ཆིབས་བསྒྱུར་གྱི་ཐོངས་མཆན་སྤྲོད་རོགས།

༸གོང་ས་མཆོག་གི་གསུང་ཆོས་ཞུ་བཞིན་པའི་ཏེ་ལོ་རིན་པོ་ཆེ་གཙོས་ཨུ་རུ་སུའི་ནང་པའི་ཆོས་ཞུ་བ་ ༨༠༠ ལྷག་གིས། དེང་སྐབས་རྒྱ་གར་རྒྱལ་ས་ལྡི་ལིར་འཚམས་གཟིཊ་གནང་བཞིན་པའི་ཨུ་རུ་སུའི་སྲིད་འཛིན་པུའུ་ཊིན་ལཊ་སུ། ༸གོང་ས་མཆོག་ལ་ཨུ་རུ་སུར་ཆིབས་བསྒྱུར་གྱི་ཐོངས་མཆན་སྤྲོད་དགོས་པའི་སྙན་ཞུ་འབུལ་རྒྱུ་རེད།

ཁ་སང་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་ཀེན་བྷི་སིའི་གསོལ་མགྲོན་ཁང་དུ། ༸གོང་ས་མཆོག་གིས་ཨུ་རུ་སུའི་མངའ་ཁུལ་ཁཱལ་མུག་དང་བྷོ་རི་ཡཱ་ཐི། ཐུ་ཝ་བཅས་ཀྱི་དད་ལྡན་ ༡༢༠༠ ཙམ་དང་། བོད་ནས་ཕེབས་པའི་གསར་འབྱོར་བ། ཧི་མ་ལ་ཡའི་རི་རྒྱུད་བཅས་ཀྱི་ཆོས་ཞུ་བ་ ༡༥༠༠ བརྒལ་བར། དུས་ཡུན་ཉིན་ ༤ རིང་གི་རྒྱལ་སྲས་ཆེན་པོ་ཞི་བ་ལྷའི༼སྤྱོད་འཇུག་ཆེན་མོ༽བཀའ་ཁྲིད་གནང་མགོ་བཙུཊ་ཡོད།

ཨུ་རུ་སུའི་ཆོས་ཞུ་བ་ཐུན་མོང་གིས་ཐེངས་འདིར། དེང་སྐབས་རྒྱ་གར་རྒྱལ་ས་ལྡི་ལིར་གཟིཊ་སྐོར་གནང་བཞིན་པའི་ཨུ་རུ་སུའི་སྲིད་འཛིན་པུའི་ཊིན་(Putin)ལཊ་སུ། ༸གོང་ས་མཆོག་ཨུ་རུ་སུར་ཆིབས་བསྒྱུར་གྱི་ཐོངས་མཆན་སྤྲོད་དགོས་པའི་སྙན་ཞུ་ཞིག་འབུལ་རྒྱུ་ཡིན་འདུག་ལ། དེའི་ཐད་ཁལ་མུག་སྤྱི་མཐུན་རྒྱལ་ཁབ་ཀྱི་ནང་པའི་དབུ་ཁྲིད་དང་ཨུ་རུ་སུའི་ནང་པའི་མཐུན་ཚོཊ་གཙོ་འཛིན་ཏེ་ལོ་རིན་པོ་ཆེ་མཆོག་གིས་བརྒྱུད་ལམ་ཁག་ཏུ་བརྗོད་པ་ལྟར་ན། དེང་སྐབས་ཨུ་རུ་སུར་ནང་པ་ས་ཡ་གཅིག་དང་ཕྱེད་ཀ་ཙམ་ཡོད་ཅིང་། འདས་པའི་མི་ལོ་༨ ཙམ་རིང་ཨུ་སུ་རུ་ཁལ་མུག་དང་བྷོ་རུ་ཡཱ་ཐུ། ཐི་ཝ་གཙོས་ནང་པའི་དད་ལྡན་པ་ཚོས་༸གོང་ས་མཆོག་ཨུ་རུ་སུར་ཆིབས་བསྒྱུར་ཐད་གསོལ་འདེབས་ལན་མང་བཏབ་ཀྱང་སྲིད་འཛིན་པུའུ་ཊིན་གྱིས་ཐོངས་མཆེན་སྤྲད་མེད་པ་དང་། ཨུ་རུ་སུའི་ནང་པ་ཚོར་སོ་སོའི་ཆོས་ལུཊ་ལག་བསྟར་དང་ཡར་རྒྱས། ངོ་སྤྲོད་བྱ་རྒྱུའི་རང་དབང་དང་ཐོབ་ཐང་ཡོད་དགོས་པ། ཆོས་དང་ཆབ་སྲིད་གཉིས་མཉམ་བསྲེས་མ་བྱས་ན་ཕན་ཚུན་བར་དཀའ་ངལ་གང་ཡང་མེད་ཅིང་། ༸གོང་ས་མཆོག་གིས་ནང་ཆོས་ཙམ་མིན་པར་ཆོས་ལུཊ་ཡོངས་རྫོཊ་འཆམ་མཐུན་མཉམ་གནས་དང་ཡར་རྒྱས། འགྲོ་བ་མིའི་རིན་ཐང་དང་འཛམ་གླིང་ཞི་བདེའི་སྐོར་གྱི་བཀའ་སློབ་བསྩལ་བ་ཁག་ཨུ་རུ་སུའི་མང་ཚོཊ་ལ་ཕན་ཐོགས་ཆེན་པོ་ཡོད་སྐོར་སོགས་བརྗོད་འདུག

ཐེངས་འདིའི་གསུང་ཆོས་ཐོག་༸ གོང་ས་མཆོག་གིས་ཆོས་ཞུ་བ་ཚོར། ཕ་མེས་ཆོས་ལུཊ་ལ་བརྗེ་སྒྱུར་མ་བྱས་ན་ཡག་པོ་ཡོད་པའི་ཐད་བཀའ་སློབ་བསྩལ་དོན། “དེ་རིང་ཁྱེད་ཚོ་རཱ་ཤི་ཡའི་ཁོངས་ཀྱི་ནང་པའི་རྒྱལ་ཕྲན་ཁལ་མུག་དང་བྷོ་རི་ཡཱ་ཐུ། ཐུ་ཝ། དེ་མིན་ཕྱིས་སུ་རཱ་ཤི་ཡའི་ནང་གི་མི་རིགས་དཀར་པོའི་ནང་ནང་ཆོས་ལ་དོ་སྣང་བྱེད་མཁན་ཕྲན་བུ་ཡོང་གི་ཡོད། ཁྱེད་ཚོར་ལོ་གཅིག་གཉིས་གོང་ནས་ཆོས་འབྲེལ་བྱ་རྒྱུ་བྱས་པ་ལྟར་དེ་རིང་ཆོས་འབྲེལ་བྱ་རྒྱུ་བྱུང་བ་རེད། ཁྱེད་ཚོ་ཕ་མེས་ནས་ནང་པ་ཡིན་མཁན་ཚོས་སོ་སོའི་ཕ་མེས་ཀྱི་རིན་ཐང་ལ་གཞི་ནས་དོ་སྣང་གསར་པ་བྱེད་པ་དེ་ཧ་ཅང་ཡག་པོ་རེད། དེ་སྔ་ནང་ཆོས་ལ་འབྲེལ་བ་མེད་མཁན་མོ་སུ་ཁོ་སོཊ་སུ། དེང་སྐབས་ནང་ཆོས་ལ་དོ་སྣང་བྱེད་མཁན་གང་འཚམ་ཡོང་གི་འདུག དེ་མིན་ས་ཁུལ་གཞན་ནས་ཀྱང་ཡོད་ཀྱི་རེད། དེ་དག་ཕ་མེས་ནས་ཡེ་ཤུའི་ཆོས་བྱེད་མཁན་ཡིན་པ་ལས་ནང་པའི་ཆོས་བྱེད་མཁན་ཆཊ་ཡོད་པ་མ་རེད། ངོས་ཀྱིས་ནམ་རྒྱུན་སོ་སོའི་ཕ་མེས་ཆོས་ལུཊ་རྒྱུན་འཛིན་བྱས་ན་བརྟན་པོ་ཡོང་གི་རེད་ཅེས་བཤད་ཀྱི་ཡོད། ཆོས་ལུཊ་ལ་འགྱུར་བ་གཏོང་རྒྱུའི་ཐོག་བསམ་བློ་ཡག་པོ་གཏོང་དགོས་པ་རེད།  དེང་སྐབས་ནུབ་ཕྱོགས་རྒྱལ་ཁབ་ཡུ་རོབ་དང་ཨ་མི་རི་ཀ་ལྷོ་བྱང་གཉིས་ནང་། དེ་སྔ་ནང་པའི་ཆོས་ལ་འབྲེལ་བ་མེད་ཀྱང་། སྤྱིར་ནང་ཆོས་དང་ཡང་སྒོས་བོད་ཀྱི་སངས་རྒྱས་པའི་ལྟ་གྲུབ་སྐོར་ལ་དོ་སྣང་གསར་པ་ཞིག་ཡོང་གི་འདུག ཁྱེད་ཚོ་ཡང་ཕ་མེས་ནས་ནང་པའི་ཆོས་བྱེད་མཁན་ཆཊ་མེད་ཀྱང་། ནང་ཆོས་ལ་དོ་སྣང་གསར་པ་སླེབས་སྐབས་དེའི་ཐོག་བསམ་བློ་ཡག་པོ་གཏོང་དགོས། སངས་རྒྱས་ཀྱི་ལྟ་གྲུབ་དེ་སོ་སོའི་ཁམས་དང་མོས་པར་རན་པོ་ཞིག་དང་། སོ་སོའི་སེམས་ལ་ཕན་ཐོཊ་ཡོད་པ་ཞིག་ཡིན་ན་སོ་སོའི་རང་དབང་རེད། སོ་སོའི་ཕ་མེས་ཀྱི་ཆོས་ལས་ཆོས་གཞན་ཞིག་ལ་དོ་སྣང་གསར་པ་བསླེབས་པ་ཡིན་ནའང་། སོ་སོའི་ཕ་མེས་ཀྱི་ཆོས་ལ་བརྩི་བཀུར་བྱ་རྒྱུ་ཧ་ཅང་གལ་ཆེན་པོ་རེད། རིཊ་ཁག་གཅིག་གིས་ཆོས་ལུཊ་བརྗེ་བསྒྱུར་བྱས་པ་དེས་ཡང་དག་པ་ཡིན་པའི་རྒྱུ་མཚན་དུ་བྱས་ཏེ། ཆོས་ལུཊ་རྙིང་པ་དེར་བརྩི་བཀུར་མ་བྱས་ན་ཡག་པོ་ཡོད་པ་མ་རེད། ”ཅེས་གསུངས་འདུག  

 ༸གོང་ས་མཆོག་གིས་བོད་ནས་ཕེབས་པའི་ཆོས་ཞུ་བ་སྐོར་ཞིག་ལ། ཁྱེད་ཅག་ལ་སོ་སོའི་མི་རིགས་ཀྱི་ཞེན་ཁོག་དང་སངས་རྒྱས་བསྟན་པར་དད་གུས་ཆེན་པོ་ཡོད་ཀྱང་། དེང་སྐབས་བོད་ནང་ཆོས་འཆད་ཉན་གྱི་གོ་སྐབས་ཁག་པོ་ཆགས་ཡོད་སྟབས། དེ་རིང་འདིར་ཐེངས་གཅིག་བསླེབས་པ་ཡིན་དུས་ཧ་ཅང་གཟབ་ནན་གྱིས་ཉན་དགོས་ཚུལ་སོགས་གསུངས་འདུག

ཡང་༸གོང་ས་མཆོག་གིས་འཛམ་གླིང་ཐོག་ཆོས་དང་མ་འདྲེས་པའི་བཟང་སྤྱོད་ཡར་རྒྱས་གཏོང་ཕྱོཊ་གསུངས་དོན། “ཆོས་ཡོད་ན་བྱམས་བརྩེ་ཉམས་ལེན་བྱ་རྒྱུ་ཡོད་པ་དང་། ཆོས་མེད་ན་བྱམས་བརྩེ་ཡོང་མི་སྲིད་པ་དེ་འདྲ་རྩ་བ་ནས་མ་རེད། ཆོས་ལ་དད་པ་བྱེད་མིན་ལ་ཁྱད་པར་གང་ཡང་མེད་ཀྱང་། སོ་སོ་སྐྱིད་པ་དང་མི་ཚེ་རིང་བ། གཟུཊ་པོ་བདེ་བ་ཞིག་འདོད་ན་ངེས་པར་དུ་སེམས་ལ་ཞི་བདེ་དགོས་ཀྱི་ཡོད། སེམས་ལ་ཞི་བདེ་ཡོང་རྒྱུ་དེ་གཙོ་བོ་བྱམས་བརྩེ་ལ་ཐུག་བསྡད་ཡོད། གནས་སྟངས་དེའི་ཐོག་དེང་སྐབས་ཚན་རིག་པ་དང་བསམ་བློ་བ་མང་པོ་ཞིག་གིས་ཀྱང་དེ་ལྟར་བཤད་ཀྱི་འདུག དེའི་སྟབས་ཀྱིས་ང་ཚོས་བྱམས་བརྩེ་གོང་སྤེལ་གཏོང་རྒྱུའི་ཐོག་འབད་བརྩོན་བྱ་རྒྱུ་ཧ་ཅང་གལ་ཆེན་རེད། བྱམས་བརྩེ་ནི་ཆོས་ལུཊ་ཚང་མའི་སྙིང་པོ་ཡིན་པ་ལས། ཆོས་དད་ཡོད་ན་བྱམས་བརྩེར་དོ་སྣང་བྱ་དགོས་པ་ཞིག་དང་། ཆོས་དད་མེད་ན་བྱམས་བརྩེར་དོ་སྣང་བྱ་མི་དགོས་པ་དེ་འདྲ་མ་རེད། ང་ཚོས་འཛམ་གླིང་འདིའི་མི་དུང་ཕྱུར་ ༧༠ ཀུན་ལ་ཁྱབ་ཐུབ་པའི་ཆོས་དང་མ་འདྲེས་པའི་བཟང་སྤྱོད་ཅིག་ཡོང་ཐབས་ལ་བསམ་བློ་གཏོང་དགོས། ཆོས་པ་ཚོས་ཀྱང་ཆོས་དང་མ་འདྲེས་པའི་བྱམས་བརྩེ་གལ་ཆེན་ཡིན་པ་ངོས་འཛིན་བྱུང་ན། ཆོས་པ་མིང་དོན་མཚུངས་པ་ཞིག་ཡོང་གི་རེད། ང་ཆོས་པ་ཡིན་ཞེས་རྗོད་ཀྱི་ཡོད་ཀྱང་ཆོས་དང་མ་འདྲེས་པའི་བཟང་སྤྱོད་མེད་ན། ཆོས་དེ་མ་རབས་བྱ་རྒྱུའི་ཐོག་ལ་བེད་སྤྱོད་བྱེད་ཀྱི་རེད། ”ཅེས་གསུངས་འདུག

གསུང་ཆོས་དེ་སྐུ་སྒེར་དྲ་ཚིཊ་བརྒྱུད་ཨུ་རུ་སུའི་སྐད་དང་བོད་སྐད། རྒྱ་སྐད། དབྱིན་སྐད། སོག་སྐད་བཅས་ཀྱི་ནང་ཐད་གཏོང་གནང་བཞིན་ཡོད་འདུག སང་ཉིན་ཕྱི་ཚེས་ ༢༦ ཉིན་༸གོང་ས་མཆོག་ལྡི་ལི་བོད་སྒར་བསམ་ཡས་གླིང་གཞིས་ཆཊ་དབུ་བརྙེས་ཏེ་ལོ་ངོ་ ༥༠ འཁོར་བའི་དུས་དྲན་མཛད་སྒོར་ཆིབས་བསྒྱུར་བསྐྱང་རྒྱུ་ཡིན་འདུག