རླུང་འཕྲིན་དང་བརྙན་འཕྲིན་སྤྱོད་ཤེས་བྱོས།

 ཉེ་ལམ་མཚོ་སྔོན་ཞིང་ཆེན་མི་དམངས་སྲིད་གཞུང་ཟེར་བས་གསལ་བསྒྲགས་ཤིག་སྤེལ་ཏེ། ཞིང་ཆེན་ཡོངས་ཀྱི་རླུང་འཕྲིན་དང་བརྙན་འཕྲིན་རིགས་ལ་སྟངས་འཛིན་དོ་དམ་བྱ་རྒྱུ་ཡིན་སྐོར་བཀོད་འདུག

ཟླ་སྔོན་མའི་ཕྱི་ཚེས་ ༢༤ ཉིན་མཚོ་སྔོན་ཞིང་ཆེན་མི་དམངས་སྲིད་གཞུང་གིས་གསལ་བསྒྲགས་ཤིག་སྤེལ་བའི་ནང་། ད་ནས་བཟུང་བརྙན་འཕྲིན་དང་རླུང་འཕྲིན་བརྡ་རྟགས་བསྡུ་ལེན་འཕྲུལ་ཆས་རིགས་གཞུང་གི་ཆོག་མཆན་མེད་པར་གང་འདོད་དུ་འཚོང་འགྲེམས་དང་སྒྲིག་སྦྱོར། བེད་སྤྱོད་སོགས་བྱེད་མི་ཆོག་ཅིང་། དེ་སྔོན་བེད་སྤྱོད་གཏོང་བཞིན་པ་དག་གཞུང་ལ་རྩིས་སྤྲོད་བྱེད་དགོས་པ། གལ་སྲིད་ལྐོག་ནས་བེད་སྤྱོད་གཏོང་བ་དང་། སྒྲིག་ཁྲིམས་དེ་ལག་བསྟར་བྱེད་མཁན་ལ་བཀག་འགོག་དང་བར་ཆད་བཟོ་མཁན་རིགས་ལ་ཉེས་ཆད་ལྕི་མོ་གཅོད་རྒྱུ་ཡིན་པ་སོགས་བཀོད་འདུག