གཟའ་ཉི་མར་ཨོ་སི་ཊོ་ལི་ཡའི་རྒྱལ་ས་སིག་ནེར། ཡུལ་དེའི་བོད་དོན་རྒྱབ་སྐྱོར་ཚོཊ་པ་དང་བོད་རིཊ་ཚོཊ་པ་ ༡༤ ལྷག་གི་སྐུ་ཚབ་རྣམས་འཛོམས་ཏེ་ད་ལོར་བོད་དོན་ལས་སྤེལ་ཕྱོཊ་ཐོག་ཚོགས་འདུ་བསྐངས་འདུག
རྒྱལ་སྤྱིའི་བོད་ཀྱི་དྲ་བརྙན་ཡན་ལག་འབྲེལ་མཐུད་ཁང་གི་གོ་སྒྲིག་འོག ཟླ་འདིའི་ཕྱི་ཚེས་ ༡༣ ཉིན་ཨོ་སི་ཊོ་ལི་ཡའི་རྒྱལ་ས་སིག་ནེ་རུ། ད་ལྟའི་བོད་ནང་གི་ཛ་དྲག་གནས་སྟངས་ལ་དམིགས་ཏེ། ཕྱི་ལོ་ ༢༠༡༣ ལོར་ཡུལ་དེར་བོད་དོན་ལས་འགུལ་ཇི་ལྟར་སྤེལ་དགོས་མིན་ཐོག་བགྲོ་གླེང་ཚོགས་འདུ་ཞིག་བསྐངས་ཡོད་ཅིང་། ཚོགས་འདུ་དེར་ཨོ་སི་ཊོ་ལི་ཡའི་སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་ལགས་དང་། ཨེ་ཊེ་སེ་(ATC) བོད་དོན་ལྷན་ཚོགས་ཚོགས་གཙོ་སྐུ་ཞབས་ཕུ་རོན་ལགས་གཙོས། ཨོ་སི་ཊོ་ལི་ཡའི་བོད་དོན་རྒྱབ་སྐྱོར་ཚོགས་པ་ཁག་བརྒྱད་དང་ས་གནས་བོད་རིགས་མཐུན་ཚོགས་ཁག་ལྔ། ས་གནས་བུད་མེད་ཚོགས་པ་བཅས་ཀྱི་སྐུ་ཚབ་བཅས་ཁྱོན་མི་ ༢༠ ལྷག་མཉམ་ཞུགས་གནང་ཡོད་འདུག
ད་ཐེངས་ཀྱི་ཚོགས་འདུའི་སྐབས་ཚོགས་ཞུགས་པ་ཚོས་ཨོ་སི་ཊོ་ལི་ཡའི་གཞུང་དེ་རྒྱ་གཞུང་དང་འབྲེལ་བ་ཆེན་པོ་ཡོད་སྟབས། བོད་དོན་ཐོག་ཨ་རི་དང་ཡུ་རོབ་ལྟ་བུའི་རྒྱབ་སྐྱོར་བྱེད་ཐུབ་ཀྱི་མེད་ཚུལ་དང་། མ་འོངས་པར་གྲོས་ཚོགས་བོད་དོན་རྒྱབ་སྐྱོར་ཚོགས་པའི་འཐུས་མི་བརྒྱུད་གཞུང་འཛིན་ཚོགས་པར་བོད་དོན་ཞུ་སྐུལ་བྱ་རྒྱུ། ད་ལོའི་ཕྱི་ཟླ་ ༣ ཚེས་ ༡༠ དང་ ༡༡ ཉིན་གཉིས་རིང་ཡུལ་དེའི་གྲོས་ཚོགས་སུ་བོད་དོན་ཞུ་གཏུག་བྱ་རྒྱུ་དང་། ཉིན་དེར་གྲོང་ཁྱེར་ཁེན་བྷིར་ནང་རྒྱལ་ཡོངས་བོད་རིགས་འདུ་འཛོམས་ལས་འགུལ་སྤེལ་རྒྱུ། ད་ལོའི་ཕྱི་ཟླ་ ༦ པའི་ནང་༸གོང་ས་མཆོག་ཡུལ་དེར་ཆིབས་བསྒྱུར་སྐབས་དང་བསྟུན། བོད་དོན་དྲིལ་བསྒྲགས་ལས་འགུལ་ཤུགས་ཆེར་སྤེལ་དགོས་སྐོར་གྲོས་བསྡུར་ཐག་གཅོད་བྱུང་ཡོད་འདུག
གསར་འགོད་པ། དཔལ་ལྡན།
