དེ་རིང་བོད་མིའི་གདུང་སེམས་མཉམ་སྐྱེད་ལས་འགུལ་གྱི་ཉིན་གཉིས་པར་བདག་ཉིད་ཆེན་པོ་གྷན་ངྷིའི་བང་སོའི་མདུན་དུ་འཛམ་གླིང་ཆོས་ལུགས་ཁག་གི་བླ་ཆེན་ཚོས་བོད་པའི་འཐབ་རྩོད་ཁྲོད་ཀྱི་འདས་གསོན་ཡོངས་ལ་སྨོན་ལམ་གསུང་འདོན་དང་། སྲིད་སྐྱོང་མཆོག་དང་སྤྱི་འཐུས་གཙོ་གཞོན་གྱིས་སྣེ་འཁྲིད་དེ་ཞི་བའི་གོམ་བགྲོད་གནང་སོང་།
དེ་རིང་ཕྱི་ཚེས་ ༣༡ ཉིན་སྟེ། བོད་མིའི་གདུང་སེམས་མཉམ་སྐྱེད་ལས་འགུལ་གྱི་ཉིན་གཉིས་པའི་ཞོགས་པའི་ཆུ་ཚོད་ ༡༠།༣༠ ཐོག རྒྱ་གར་རྒྱལ་ས་ལྡི་ལིའི་འཛམ་གླིང་གི་ཆོས་ལུགས་ཆེ་ཁག་ཧིན་རྡུ་དང་ཁ་ཆེ། སིག ཡེ་ཤུ། ནང་པ། རྗེན། རྗིའུ། བྷ་ཡ་སི། བྷ་ཧེ་བཅས་ཀྱི་བླ་ཆེན་རྣམ་པ་དང་། གདན་ས་སེ་འབྲས་དགེ་གསུམ་གཙོས་པའི་རྒྱ་བལ་འབྲུག་གསུམ་ནས་ཕེབས་པའི་དགེ་འདུན་པ་དང་བཙུན་མ། སྲིད་སྐྱོང་བློ་བཟང་སེང་གེ་མཆོག་གིས་གཙོས་པའི་བཀའ་བློན་རྣམ་པ་དང་། སྤྱི་འཐུས་ཚོགས་གཙོ་གཞོན་གཉིས་གཙོས་པའི་སྤྱི་འཐུས་རྣམ་པ། རྒྱ་བལ་འབྲུག་གསུམ་ནས་ཕེབས་པའི་མི་མང་བཅས་རཱ་ཇི་གྷ་ཊི་ (Raj Ghat) ཞེས་པའི་མེས་པོ་དམ་པ་གྷན་ངྷིའི་བང་སོའི་མདུན་དུ་འཛོམས་ཏེ། བོད་བསྟན་སྲིད་ཆེད་ཚེ་སྲོག་ཕུལ་ཟིན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་མྱ་ངན་གུས་འདུད་དང་། ཆོས་ལུགས་ཁག་གི་བླ་ཆེན་ཚོས་བསྔོ་བ་སྨོན་ལམ་གསུངས་སོང་།
དེའི་རྗེས་སྲིད་སྐྱོང་མཆོག་གིས་གཙོས་པའི་བཀའ་བློན་རྣམ་པ་དང་སྤྱི་འཐུས་ཚོགས་གཙོ་གཞོན་གཉིས་གཙོས་པའི་སྤྱི་འཐུས་རྣམ་པས་སྣེ་ཁྲིད་དེ། ཐེངས་འདིའི་ལས་འགུལ་བ་ ༥༠༠༠ ལྷག་རཱ་
སྐབས་དེར་གསར་འགོད་པས་དཔལ་འབྱོར་བཀའ་བློན་ཚེ་རིང་དོན་འགྲུབ་མཆོག་ལ་བཅར་འདྲི་བྱས་པར་ཁོང་གིས། “ ང་ཚོ་ལས་འགུལ་ནང་མཉམ་ཞུགས་བྱེད་རྒྱུ་དེ་ལས་འགན་ཞིག་དང་། དེ་རིང་ང་ཚོས་ལས་འགན་སྒྲུབ་ཀྱི་ཡོད་པ་ཞིག་ལ་ངོས་འཛིན་བྱེད་ཀྱི་ཡོད། བོད་ནང་བོད་རིགས་སྤུན་ཟླ་མང་པོ་ཞིག་གིས་རང་སྲོག་བློས་གཏོང་གནང་གི་ཡོད་པ་རེད། ཛ་དྲག་གི་གནས་སྟངས་དེ་དང་ཁོང་ཅག་གི་མངོན་འདོད་རྒྱལ་སྤྱིའི་ཐོག་སྐྱེལ་ཆེད་ལས་འགུལ་འདི་མི་སྤེལ་ཐབས་མེད་ཆགས་ཡོད། ལས་འགུལ་འདི་འདི་བརྒྱུད་ནས་འཛམ་བུ་གླིང་ལ་ང་ཚོའི་དངོས་ཡོད་གནས་སྟངས་ག་རེ་ཡིན་མིན་བཤད་ཐུབ་ཀྱི་རེད་བསམ་པའི་ཚོར་བ་ཞིག་ཡོང་གི་འདུག ” ཅེས་གསུངས་བྱུང་།
གོ་སྒྲིག་ཚོགས་ཆུང་གི་བོད་སྐད་གསར་འགོད་འབྲེལ་མཐུད་པ་དགེ་བཤེས་སྨོན་ལམ་མཐར་ཕྱིན་ལགས་སུ་བཅར་འདྲི་ཞུས་པར་ཁོང་གིས “ ཐེངས་འདིའི་ལས་འགུལ་དེ་དམིགས་བསལ་ཚོགས་ཆེན་ཐེངས་གཉིས་པའི་རྒྱབ་གཉེར་སྙན་ཐོའི་དགོས་འདུན་གཞིར་བཟུང་། བོད་ནང་རང་ལུས་མེར་བསྲེཊ་གནང་མཁན་རྣམས་ཀྱི་ནང་མི་སྤུན་མཆེད་དང་གཞིས་སྡོད་བོད་མི་རྣམས་ལ་གདུང་སེམས་མཉམ་སྐྱེད་ཆེད་ལས་འགུལ་འདི་སྤེལ་གྱི་ཡོད་པ་རེད།
ཡིན་ནའང་བཀའ་སྤྱི་གཉིས་ཀ་མཉམ་རུབ་ཀྱིས་མི་མང་འདུ་འཛོམས་དང་རྔམ་སྟོན་ཁྲོམ་སྐོར་བྱེད་ཀྱི་ཡོད་པ་འདི་ཙམ་མིན་པར། ཕྱི་རྒྱལ་གྱི་གཞུང་ཚབ་ཁག་ཏུ་བོད་དོན་ཞུ་གཏུག་དང་བགྲོ་གླེང་བཅས་གནང་གི་ཡོད་པ་རེད། བཙན་བྱོལ་ནང་ཡོད་པའི་མི་མང་གིས་དུས་དང་རྣམ་པ་ཀུན་ཏུ་མི་མང་མཉམ་རུབ་ཀྱི་ལས་འགུལ་སྤེལ་བའི་གོ་སྐབས་རྙེད་མ་སོང་བསམ་པ་དང་། བོད་ནང་རང་ལུས་མེར་བསྲེཊ་ཀྱི་གནས་ཚུལ་རེ་རེ་བྱུང་སྐབས། སེམས་ནང་ཚོར་བ་ཆེན་པོ་ཞིག་ཡོང་གི་ཡོད་སྟབས། ད་རེབ་གཞུང་མང་མཉམ་རུབ་ཀྱི་ཐོག་ནས་ལས་འགུལ་སྤེལ་གྱི་ཡོད་པ་རེད།
ཐེངས་འདིར་བཀའ་ཤག་གི་བཀོད་ཁྱབ་འོག་མི་ ༤༥༠༠ ལྷག་གི་ཐོ་འབྱོར་ཡོད་ཀྱང་། རྗེས་སུའང་མི་མང་པོ་འབྱོར་བཞིན་ཡོད་སྟབས་དེ་རིང་མི་ ༧༠༠༠ ལྷག་ཡོད་པའི་ཚོད་དཔག་བྱེད་ཀྱི་ཡོད། ང་ཚོ་དུས་ནམ་ཡང་གཞིས་སྡོད་རྒྱ་ཆེ་མི་མང་དང་མཉམ་དུ་ཡོད། བཀའ་ཤག་གི་སྲིད་སྐྱོང་མཆོག་དང་དང་བཀའ་བློན་རྣམ་པ། བོད་མི་མང་སྤྱི་འཐུས་ཚོགས་གཙོ་གཞོན་གཉིས་བཅས་གོམ་བགྲོད་ནང་མཉམ་ཞུགས་བྱས་པ་ད་རེབ་ཐོག་མ་ཆགས་ཡོད་པ་རེད། གཞིས་གཞུགས་བོད་མི་ཚོར་བྱེས་སྡོད་བོད་མི་ཚོས་དཀའ་ལས་རྒྱག་གི་ཡོད་པའི་རྣམ་པ་མཚོན་ཆེད་དང་། ལྷག་པར་དུ་རྒྱལ་སྤྱི་དང་རྒྱ་གར་གྱི་ངོས་ནས་སྔར་ལས་ལྷག་པའི་བོད་དོན་ལ་དོ་སྣང་དང་བདག་པོ་རྒྱག་རྒྱུའི་རེ་བ་བྱེད་ཀྱི་ཡོད། ” ཅེས་བརྗོད་བྱུང་།
གསར་འགོད་པས་ངྷ་རམ་ས་ལ་ནས་ཕེབས་པའི་དང་བླངས་ལས་འགུལ་བ་ཚངས་དབྱངས་རྒྱ་མཚོ་ལགས་སུ་ཐེངས་འདིའི་ལས་འགུལ་ལ་སེམས་ཚོར་གང་འདྲ་ཡོང་གི་ཡོད་མེད་དྲིས་པར། “ ང་རང་ལ་མཚོན་ན་ཐེངས་འདིའི་ལས་འགུལ་དེ་བཙན་བྱོལ་ནང་ལོ་ ༧ ཕྱིན་པའི་རིང་གི་ལས་འགུལ་ཡག་ཤོས་སུ་མཐོང་གི་ཡོད། རྒྱུ་མཚན་གཙོ་བོ་ང་ཚོ་ཕྱི་སྡོད་བོད་མི་ཚོས་ད་ལྟའི་བོད་ནང་གི་ཛ་དྲག་གནས་སྟངས་རྒྱལ་སྤྱིའི་ཐོག་ཁྱབ་བསྒྲགས་བྱས་ཏེ། རྒྱལ་སྤྱིའི་མི་
མང་གིས་ཤེས་རྟོགས་ཡོང་བར་བྱ་རྒྱུ་དེ་ཡིན་སྟབས། ད་རེབ་གོ་སྒྲིག་དང་ཕྱོགས་ཡོངས་ནས་ཚགས་ཚུད་ཡོང་གི་ཡོད་པའི་རྣམ་པ་མཐོང་གི་འདུག ལྷག་པར་དུ་རྒྱལ་སྤྱི་དང་རྒྱ་གར་ནང་བོད་དོན་ཤེས་རྟོགས་ཡོང་བར་ཕན་ཐོགས་ཆེན་པོ་ཡོང་གི་རེད་བསམ་གྱི་ཡོད། མི་མང་ནང་ལས་འགུལ་འདི་ལྟར་སྤེལ་ཚེ་བོད་ནང་མུ་མཐུད་གནས་ཚུལ་ལྷག་སྲིད་པའི་སྐད་ཆ་བཤད་མཁན་འདུག་མོད། ང་རང་གི་ངོས་ནས་བོད་ནང་གི་ཛ་དྲག་གི་གནས་སྟངས་སེལ་ཆེད་ཕྱི་ཕྱོགས་ནས་འདི་དང་འདི་ལས་ལྷག་པའི་ལས་འགུལ་སྣ་མང་སྤེལ་རྒྱུ་གལ་ཆེན་རེད་བསམ་གྱི་ཡོད ” ཅེས་བརྗོད་བྱུང་།
གསར་འགོད་པ་དོན་གོས་རྒྱ་གར་རྒྱལ་ས་ལྡི་ལི་ནས་སྤེལ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
་་་་་་་་་ རྒྱ་གར་རྒྱལ་ས་ལྡི་ལིའི་འཛམ་གླིང་གི་ཆོས་ལུགས་ཆེ་ཁག་ཧིན་རྡུ་དང་ཁ་ཆེ། སིག ཡེ་ཤུ། ནང་པ། རྗེན། རྗིའུ། བྷ་ཡ་སི། བྷ་ཧེ་བཅས་ཀྱི་བླ་ཆེན་རྣམ་པ་དང་། གདན་ས་སེ་འབྲས་དགེ་གསུམ་གཙོས་པའི་རྒྱ་བལ་འབྲུག་གསུམ་ནས་ཕེབས་པའི་དགེ་འདུན་པ་དང་བཙུན་མ།
སྲིད་སྐྱོང་བློ་བཟང་སེང་གེ་མཆོག་གིས་གཙོས་པའི་བཀའ་བློན་རྣམ་པ་དང་། སྤྱི་འཐུས་ཚོགས་གཙོ་གཞོན་གཉིས་གཙོས་པའི་སྤྱི་འཐུས་རྣམ་པ།
རྒྱ་བལ་འབྲུག་གསུམ་ནས་ཕེབས་པའི་མི་མང་བཅས་རཱ་ཇི་གྷ་ཊི་ (Raj Ghat) ཞེས་པའི་མེས་པོ་དམ་པ་གྷན་ངྷིའི་བང་སོའི་མདུན་དུ་འཛོམས་ཏེ། བོད་བསྟན་སྲིད་ཆེད་ཚེ་སྲོག་ཕུལ་ཟིན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་མྱ་ངན་གུས་འདུད་དང་། ཆོས་ལུགས་ཁག་གི་བླ་ཆེན་ཚོས་བསྔོ་བ་སྨོན་ལམ་གསུངས་སོང་། ་་་་་་་ ཟེར།