སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་ཟབ་སྦྱོང་གསལ་བསྒྲགས།

དེང་སྐབས་རྒྱ་བལ་འབྲུག་གསུམ་ཁུལ་དུ་ཡོད་པའི་བོད་ཀྱི་རིས་མེད་དགོན་སྡེ་ཁག་དང་། དེ་བཞིན་གཞུང་སྒེར་ཚོགས་པ་དང། རྩོམ་སྒྲིག་ཁང་མང་པོར་ཡིག་གཟུགས་རྙིང་པ་ཁག་གི་ནང་ཡོད་པའི་སྔར་ཡོད་ཡིག་ཆ་ཁག་ཡིག་གཟུགས་གསར་པར་བསྒྱུར་སྟངས་མི་ཤེས་པ་དང། ཡིག་གཟུགས་རྙིང་པའི་ནང་ཡོད་པ་དེ་དག་རྒྱལ་སྤྱིའི་གཅིག་གྱུར་བོད་ཡིག་གི་གོ་སར་སླེབས་ཐུབ་མེད་སྟབས་གློག་ཀླད་འདྲ་མིན་ནང་བེད་སྤྱོད་མེད་པ་དང་གཅིག་གྱུར་མེད་པའི་དཀའ་ངལ་འཕྲད་བཞིན་ཡོད་པ་སེལ་ཐབས་དང་། བོད་ཡིག་གི་དཔེ་དེབ་སོགས་རྩོམ་སྒྲིག་དང་ཇུས་འགོད་བྱ་ཐབས་སྐོར་ལ་འབྲེལ་ཡོད་མང་པོས་རེ་སྐུལ་བྱུང་དོན་ལྟར། འདི་ག་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གིས་བདུན་གཅིག་རིང་། ཡིག་གཟུགས་གསར་རྙིང་བརྗེ་བསྒྱུར་སྐོར་དང་། InDesign CS3/ CS4/ CS5/ CS6 ནང་དུ་བོད་ཡིག་དང་འབྲེལ་བའི་དེབ་རིགས་ཇུས་འགོད་བྱ་སྟངས། དཔེ་དེབ་ཀྱི་རྒྱབ་ཤ་དང་དཔེ་གཟུགས་ཆེ་ཆུང་སྣ་ཚོགས་བཟོ་ཐབས་བཅས་ཀྱི་སྐོར་ལ་ཕྱི་ལོ་ ༢༠༡༣ ལོའི་ཟླ་ ༢ པའི་ཚེས་ ༢༦ ནས་ཕྱི་ཟླ་༣ པའི་ཚེས་ ༤ བར་ཟབ་སྦྱོང་ཞིག་སྤྲོད་འཆར་ཡོད་ན། ཟབ་སྦྱོང་དུ་ཞུགས་མཁན་གྱི་ཆ་རྐྱེན་གཤམ་གསལ།

༡། ཟབ་སྦྱོང་དུ་ཞུགས་མཁན་གཞུང་སྒེར་ཚོགས་པ་གང་རུང་གི་རྩོམ་སྒྲིག་དང་འབྲེལ་བའི་ལས་མི་ཡིན་དགོས་པ་ལས་མི་སྒེར་ལ་ས་མིག་མེད།
༢། ཟབ་སྦྱོང་དུ་ཡོང་སྐབས་ཀྱི་ལམ་གྲོན་དང་། སྡོད་གནས། བཞེས་ལག་སོགས་རང་ངོས་ནས་ཐབས་ཤེས་གནང་དགོས།
༣། ཟབ་སྦྱོང་དུ་ཡོང་མཁན་རྣམས་ཀྱིས་ངེས་པར་ཏུ་ལག་འཁྱེར་གློག་ཀླད་(Laptop)མཉམ་དུ་བསྣམ་དགོས།
༤། ཟབ་སྦྱོང་དུ་ཞུགས་འདོད་མཁན་ཚོས་ཕྱི་ལོ་༢༠༡༣ལོའི་ཟླ་༢ ཚེས་༡༥ ཚུན་འདི་གར་འབྲེལ་གཏུགས་ཐོ་འགོད་བྱ་དགོས།

ཟབ་སྦྱོང་སྤྲོད་མཁན། སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་འགན་འཛིན་བློ་བཟང་སྨོན་ལམ་དང།  བོད་ཀྱི་དཔེ་མཛོད་ཁང་གི་དཔར་སྐྲུན་སྡེ་ཚན་གྱི་འགན་འཛིན་དཔེ་དེབ་ཇུས་འགོད་ཆེད་མཁས་སྐུ་ཞབས་ཚེ་རྣམ་ལགས། བོད་ཀྱི་དཔེ་མཛོད་ཁང་གི་རིག་གཞུང་ཉམས་ཞིབ་སྡེ་ཚན་གྱི་ལས་བྱེད་བློ་བཟང་ཡར་འཕེལ་བཅས།

ཚོགས་ཡུལ། རྡ་ས་བོད་ཀྱི་དཔེ་མཛོད་ཁང་གི་ཚོགས་ཁང་།
དུས་ཚོད། ཕྱི་ལོ་༢༠༡༣ ལོའི་ཟླ་༢ ཚེས་༢༦ ་ནས་ཟླ་ ༣ ཚེས་ ༤ བར།
འབྲེལ་གཏུག་བྱ་་ཡུལ། ཆོས་རྗེ་མ་ཡོན་ཏན་རྒྱ་མཚོ། གློག་འཕྲིན། Monlamit2012@gmail.com ཁ་པར།  9418834807

སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གིས།