བཀའ་སྤྱི་གཉིས་ཀྱི་ཉིན་བཞིའི་གདུང་སེམས་མཉམ་སྐྱེད་ལས་འགུལ་མཇུག་བསྒྲིལ་ཏེ། ཁ་སང་སྔ་དྲོ་ལྡི་ལིར་སྤྱི་འཐུས་ཚོཊ་གཙོ་བགྲེས་གཞོན་གཙོས་སྤྱི་འཐུས་ ༣༤ ཙམ་གྱིས་ལས་འགུལ་བསྐྱར་ཞིབ་ཚོཊ་འདུ་ཞིག་བསྐངས་འདུག
བཀའ་སྤྱི་གཉིས་ཀྱིས་སྣེ་འཁྲིད་པའི་རྒྱལ་ས་ལྡི་ལི་ཁུལ་གྱི་དུས་ཡུན་ཉིན་བཞིིའི་རིང་གི་བོད་མིའི་གདུང་སེམས་མཉམ་སྐྱེད་ལས་འགུལ་ཁག་མཇུག་བསྒྲིལ་ཏེ། ཁ་སང་ཕྱི་ཚེས་ ༣ ཉིན་གྱི་སྔ་དྲོའི་ཆུ་ཚོད ༡༠ ནས་ ༡།༣༠ བར་རྒྱལ་ས་ལྡི་ལིའི་བོད་སྒར་བསམ་ཡས་གླིང་མདོ་ཁམས་ཆུ་བཞི་སྒང་དྲུག་ཚོགས་ཁང་དུ། བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་དང་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ཀྱིས་གཙོ་སྐྱོང་འོག ཐེངས་འདིའི་ལས་འགུལ་ཐོག་ཆེད་བཅར་གནང་བའི་བོད་མི་མང་སྤྱི་འཐུས་ ༣༤ ཙམ་ལྷན་འཛོམས་ཐོག ད་ལྟའི་བོད་ནང་གི་ཛ་དྲག་གནས་སྟངས་ལ་དམིགས་ཏེ་མ་འོངས་པའི་ལོ་གཅིག་རིང་བོད་དོན་ལས་འགུལ་ཇི་ལྟར་སྤེལ་དགོས་མིན་དང་། ལས་འཆར་གོ་སྒྲིག་གནང་ཕྱོགས། ད་བར་གྱི་གཞུང་འབྲེལ་ལས་འགུལ་ཁག་ལ་བསྐྱར་ཞིབ་ཀྱི་བགྲོ་གླེང་སྦྱངས་བཤད་ཚོགས་འདུ་ཞིག་བསྐངས་ཡོད་འདུག
གསར་འགོད་པ། དཔལ་ལྡན།
བཀའ་སྤྱི་གཉིས་ཀྱིས་གོ་བསྒྲིགས་གནང་བའི་གདུང་སེམས་མཉམ་སྐྱེད་ཀྱི་ལས་འགུལ་ལེགས་གྲུབ་བྱུང་བར་བཀྲ་ཤིས་བདེ་ལེགས་ཞུ།
སླད་མར་ཡང་འདི་ལྟ་བུའི་ལས་འགུལ་རེ་དུས་ནས་དུས་སུ་སྤེལ་གནང་ཡོང་བའི་རེ་སྐུལ་ཞུ།
དེ་རིང་མི་མང་གི་འཐུས་མི་རྣམ་པ་དངོས་གནས་ལེགས་པོ་གནང་སོང་བས་ཡི་རང་བསྔགས་བརྗོད་ཀྱིས་ཐུགས་རྗེ་ཆེ་ཞུའོ།། ་་་་་ཟེར།
ཐེངས་འདིའི་བཀའ་སྤྱི་གཉིས་ཀྱི་གདུང་སེམས་མཉམ་སྐྱེད་ལས་འགུལ་ཆེ་མཐོང་ཚགས་ཚུད་ངང་ལེགས་གྲུབ་བྱུང་བར་བཀྲིས་བདེ་ལེགས་སོ།།
དེ་རིང་མི་མང་གི་འཐུས་མི་རྣམ་པ་དངོས་གནས་ལེགས་པོ་གནང་སོང་བས་ཡི་རང་བསྔགས་བརྗོད་ཀྱིས་ཐུགས་རྗེ་ཆེ་ཞུའོ།།