ཨ་རིའི་གྲོང་ཁྱེར་ནེའུ་ཡོག་ཏུ་རྟེན་གཞི་བྱས་པའི་བོད་མིའི་སྐུ་ཚབ་དོན་གཅོད་ཁང་མ་འོངས་པའི་ཟླ་ཤས་ནང་རྒྱལ་ས་ཝ་ཤིན་ཊོན་དུ་གནས་སྤོ་བྱ་རྒྱུ་ཡིན་འདུག
ཉེ་ལམ་ཨ་རིའི་སྐུ་ཚབ་དོན་གཅོད་བློ་བཟང་སྙན་གྲགས་ལགས་ཀྱིས་གསར་ལམ་ཁག་ཏུ། དེང་སྐབས་ཨ་རིའི་གྲོང་ཁྱེར་ནེའུ་ཡོག་ཏུ་རྟེན་གཞི་བྱས་ཡོད་པའི་བོད་མིའི་སྐུ་ཚབ་དོན་གཅོད་ཁང་དེ། མ་འོངས་པའི་ཟླ་ཤས་ནང་ཨ་རིའི་རྒྱལ་ས་ཝ་ཤིན་ཊོན་དུ་གནས་སྤོ་བྱ་རྒྱུ་ཡིན་ཚུལ་བརྗོད་ཡོད་ཅིང་། དོན་གཅོད་ཁང་གནས་སྤོ་བྱེད་དོན་ནི་དེ་སྔ་ནེའུ་ཡོག་མཉམ་འབྲེལ་རྒྱལ་ཚོཊ་དང་ཨ་རིའི་ཕོ་བྲང་དཀར་པོ། ཕྱི་སྲིད་ལས་ཁུངས། གྲོས་ཚོཊ་གཙོས་གཞུང་འབྲེལ་ལས་དོན་གལ་ཆེའི་རིཊ་དམིཊ་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་གིས་སྒྲུབ་བཞིན་ཡོད་ཀྱང་། ད་ཆར་དམིཊ་བསལ་སྐུ་ཚབ་མཆོག་ལས་གནས་ནས་དགོངས་ཞུ་གནང་ཡོད་སྟབས། མ་འོངས་པར་ཨ་རིའི་གཞུང་འབྲེལ་བོད་དོན་ལས་ཀ་ཚང་མ་དོན་གཅོད་ཁང་གིས་བསྒྲུབ་དགོས་པ་ཆཊ་ཏེ། དོན་གཅོད་ཁང་རྒྱལ་ས་ཝ་ཤིན་ཊོན་དུ་གནས་སྤོ་བྱ་རྒྱུར་ཐག་གཅོད་བྱུང་བ་ཞིག་ཡིན་འདུག
དོན་གཅོད་བློ་བཟང་སྙན་གྲགས་ལཊ་ཀྱིས་བརྗོད་ན། ཨ་རིའི་སྐུ་ཚབ་དོན་གཅོད་ཁང་ནི་ཕྱི་ལོ་ ༡༩༦༤ ལོར་གསར་འཛུགས་གནང་བ་ཞིག་དང་། ལས་ཁུངས་དེ་ཐོག་མར་གསར་འཛུགས་སྐབས་ཀྱི་དམིཊ་ཡུལ་གཙོ་བོ། ནེའུ་ཡོག་མཉམ་འབྲེལ་རྒྱལ་ཚོགས་སུ་དེ་སྔ་བོད་དོན་གྲོས་ཆོད་ཁག་བཞག་ཡོད་པ་རྣམས་མཇུག་སྣོན་ཡོངས་ཐབས་དང་། རྒྱལ་ཚོགས་ནང་བོད་དོན་ཁྱབ་བསྒྲཊ་དང་རྒྱབ་སྐྱོར་འཚོལ་ཆེད་དུ་ཡིན་འདུག
ད་ཆར་འཛམ་གླིང་རྒྱལ་ཁབ་འདྲ་མིན་ནང་བོད་མིའི་སྐུ་ཚབ་དོན་གཅོད་ཁང་ ༡༡ ཙམ་གསར་འཛུཊ་གནང་ཡོད་འདུག
