༸གོང་ས་མཆོག་གི་ཆིབས་བསྒྱུར།

ཟླ་འདིའི་ནང་༸གོང་ས་མཆོག་གིས་རྒྱ་གར་ལྷོ་ཕྱོཊ་དང་རྒྱལ་ས་ལྡི་ལི། འབྲས་ལྗོངས་བཅས་ཀྱི་ས་གནས་མང་ཚོཊ་ལ་ཆོས་འབྲེལ་དང་བཀའ་སློབ་བསྩལ་རྒྱུ་རེད།  

ཕྱི་ཚེས་ ༦ ནས་ ༢༦ ཉིན་བར་དུས་ཡུན་ཟླ་ཕྱེད་རིང་། ༸གོང་ས་མཆོག་གིས་རྒྱ་གར་ལྷོ་ཕྱོཊ་དང་རྒྱལ་ས་ལྡི་ལི། འབྲས་ལྗོངས་བཅས་སུ་ཆོས་ཕྱོཊ་མཛད་འཕྲིན་ཁག་བསྐྱང་རྒྱུ་ཡིན་པ་ལྟར། དེ་རིང་ཕྱི་ཚེས་ ༤ ཉིན་གྱི་ཉིན་གུང་ཆུ་ཚོད་ ༡༢ སྟེང་། ༸གོང་ས་མཆོག་བཞུཊ་སྒར་ནས་ཆིབས་འཁོར་བརྒྱུད་སེར་སྐྱ་མང་ཚོཊ་ཀྱིས་ཕེབས་སྐྱེལ་ཁྲོད། གྷ་གྷལ་གནམ་ཐང་དུ་ཆིབས་བསྒྱུར་བསྐྱངས་ཡོད་ཅིང་། ཕྱི་དྲོ་གྷ་གྷལ་ནས་མཁའ་ལམ་བརྒྱུད་ལྡི་ལི་དང་དེ་ནས་ལྷོ་ཕྱོཊ་སུ་ཆིབས་བསྒྱུར་བསྐྱང་རྒྱུ་ཡིན་འདུག

རྒྱ་གར་ལྷོ་ཕྱོགས་ཊོམ་ཁུར་གཙུག་ལག་སློབ་གྲྭ་ (Tumkur University) དང་སེ་བྱེས་གྲྭ་ཚང་གི་གོ་སྒྲིག་འོག ཕྱི་ཚེས་ ༦ ཉིན་༸གོང་ས་མཆོག་གིས་ཊོམ་ཁུར་གཙུག་ལག་སློབ་གྲྭའི་ཚོཊ་ཁང་དུ། སློབ་གྲྭ་དེའི་དགེ་ལས་སློབ་ཕྲུག་ཚོར་༼བཅོམ་ལྡན་འདས་ཀྱི་ཤེས་རབ༽ཅེས་པའི་བརྗོད་གཞིའི་ཐོག་བཀའ་སློབ་བསྩལ་རྒྱུ་དང་། ཚེས་ ༩ ཉིན་ལྡི་ལི་བོད་ཁང་དང་ཊོ་ཞེ་ཊ་སྒོམ་སྒྲུབ་ལྟེ་གནས་ཁང་གི་གོ་སྒྲིག་འོག རྒྱལ་ས་ལྡི་ལིའི་བྷུ་ངྷ་ཇཱ་ཡན་ཏེ་སྐྱེད་མོས་ཚལ་ (Buddha Jayanti Park)  དུ། ས་གནས་མང་ཚོགས་སྟོང་ཕྲག་བརྒལ་བར་ནང་ཆོས་ངོ་སྤྲོད་གནང་རྒྱུ་ཡིན་འདུག

ཕྱི་ཚེས་ ༢༦ ཉིན་༸གོང་ས་མཆོག་འབྲས་ལྗོངས་སུ་ཆིབས་བསྒྱུར་གྱིས་ཁུལ་དེར་གསར་བཞེངས་བྱས་པའི་སྟོན་པའི་སྐུ་བརྙན་ཆེན་པོ་ཞིག་ལ་རབ་གནས་མཛད་རྒྱུ་ཡིན་པར་མ་ཟད། སྐབས་དེར་ཡུལ་སྐོར་སྤྲོ་འཆམ་པར་དམིཊ་ཏེ་འཛུཊ་སྐྲུན་བྱས་པའི་༼ནང་པའི་སྤྱི་གླིང་༽ཞིག་ཀྱང་དབུ་འབྱེད་གནང་རྒྱུ་ཡིན་འདུག

དེ་བཞིན། ཕྱི་ཟླ་ ༤ ཚེས་ ༡༣ ནས་ ༡༤ ཉིན་བར་སུད་སི་ཧྥི་རི་བྷག་ཏུ་མང་ཚོཊ་ལ་ཇོ་བོ་རྗེ་དཔལ་ལྡན་ཨ་ཏི་ཤས་མཛད་པའི་༼བྱང་ཆུབ་ལམ་སྒྲོན༽བཀའ་ཁྲིད་དང་འབྲེལ་སྒྲོལ་དཀར་གྱི་བཀའ་དབང་དང་། དེའི་རྗེས་མང་ཚོགས་ལ་༼ཆོས་དང་མ་འདྲེས་པའི་ཚུལ་ཁྲིམས༽ཐོག་བཀའ་སློབ་བསྩལ་འཆར་ཡོད་འདུག  

གསར་འགོད་པ། དཔལ་ལྡན།