ལ་དྭཊ་སུ་དུས་འཁོར་དབང་ཆེན་བསྩལ་རྒྱུ་རེད།

ཕྱི་ལོ་ ༢༠༡༤ ལོའི་ཕྱི་ཟླ་ ༧ པའི་ནང་༸གོང་ས་མཆོག་གིས་ལ་དྭགས་རྒྱལ་ས་སླེ་རུ་དུས་འཁོར་དབང་ཆེན་ཐེངས་ ༣༣ པ་བསྩལ་རྒྱུ་ཡིན་འདུག

དེང་སྐབས་ལ་དྭགས་ཕྱོགས་སུ་གནས་ཚུལ་ཞིག་གླེང་སློང་བྱེད་བཞིན་ཡོད་པ་ནི། ༸གོང་ས་མཆོག་གི་དུས་ཀྱི་འཁོར་ལོའི་བཀའ་དབང་ཐེངས་ ༣༣ པ་དེ། ཕྱི་ལོ་ ༢༠༡༤ ལོའི་ཕྱི་ཟླ་ ༧ པའི་ནང་ལ་དྭགས་རྒྱལ་ས་སླེ་རུ་བསྩལ་གཏན་ཁེལ་ཡོད་ཚུལ་འཆད་བཞིན་འདུག ཡང་མི་ཁག་ཅིག་གིས་༸གོང་ས་མཆོག་གིས་ལ་དྭགས་སུ་དུས་དབང་བསྩལ་རྒྱུར་ཞལ་བཞེས་གཙང་མ་གནང་ཡོད་ཀྱང་། དུས་ཚོད་ད་དུང་གཏན་ཁེལ་ཐུབ་ཡོད་པ་མ་རེད་ཅེས་གླེང་སློང་སྣ་ཚོཊ་ཡོང་བཞིན་འདུག

གནས་སྟངས་དེའི་ཐད་དེ་རིང་ཕྱི་ཚེས་ ༡༨ ཉིན་གྱི་སྔ་དྲོ་གསར་འགོད་པས་ཁ་པར་བརྒྱུད་སྐུ་སྒེར་དྲུང་ཆེ་བྲེ་སང་ལགས་སུ་བཀའ་འདྲི་ཞུས་པར། “ལོ་རྗེས་མར་༸རྒྱལ་བ་རིན་པོ་ཆེ་མཆོག་གིས་ལ་དྭགས་ནང་དུས་འཁོར་དབང་ཆེན་བསྩལ་རྒྱུ་དེ་དངོས་ཡོད་གནས་ཚུལ་རེད། ཡིན་ནའང་། དུས་ཚོད་ཀྱི་ཐག་གཅོད་གནང་རྒྱུར་ལྷག་བསྡད་ཡོད་པ་རེད། ང་ཚོས་དེའི་སྐོར་གྲོས་བསྡུར་གནང་སྟེ་རིམ་བཞིན་མང་ཚོགས་ལ་གསལ་བསྒྲཊ་སྤེལ་རྒྱུ་ཡིན་”ཞེས་གསུངས་སོང་།

༸གོང་ས་མཆོག་གིས་དུས་འཁོར་དབང་ཆེན་ཐེངས་ ༣༢ པ་དེ་རྒྱ་གར་གནས་མཆོག་རྡོ་རྗེ་གདན་དུ་བསྩལ་ཡོད་ཅིང་། སྐབས་དེར་འཛམ་གླིང་རྒྱལ་ཁབ་ ༦༠ ནས་དད་ལྡན་ཆོས་ཞུ་བ་ ༢༠༠༠༠༠ ལྷག་དང་། དེའི་ཁྲོད་རྒྱ་ནག་སྐམ་ས་ཆེན་མོ་ནས་རྒྱ་རིཊ་ཆོས་ཞུ་བ་ ༡༠༠༠ དང་བོད་ནས་ ༨༠༠༠ ལྷག་བཅར་ཡོད་འདུག

གསར་འགོད་པ། དཔལ་ལྡན།