༸གོང་ས་མཆོག་གིས་སུད་སི་གྲོཊ་ཚོཊ་ཚོཊ་གཙོར་མཇལ་འཕྲད་དང་མི་མང་ཁྲི་ཚོ་བརྒལ་བར་ཆོས་འབྲེལ་དང་བཀའ་སློབ་བསྩལ་ཡོད་པ་མ་ཟད། གསར་འགོད་པའི་བོད་མིའི་རང་སྲེག་དྲི་བར་བསྐྱར་དུ་ལན་འདེབས་གནང་འདུག
ཕྱི་ཚེས་ ༡༢ ནས་ ༡༦ ཉིན་བར་༸གོང་ས་མཆོག་གིས་སུད་སི་ཁུལ་དུ་མཛད་འཕྲིན་སྐྱོང་བཞིན་པ་ལྟར། ཚེས་ ༡༢ ༸གོང་ས་མཆོག་གིས་ཡུ་རོབ་བོད་བརྒྱུུད་ནང་བསྟན་ལྷན་ཚོཊ་ཐེངས་གཉིས་པ་ཚོཊ་ཡུལ་གྱི་ཧྥར་ཡེ་བྷར་གྷི་ཚོཊ་ཁང་དུ་ནང་པའི་ཕྱི་ནང་འཐུས་མི་ ༨༠ ཙམ་ལ། འཛམ་གླིང་སྟེང་མི་འབོར་ཐེར་འབུམ་བདུན་ཡོད་པ་ཚང་མས་བདེ་བ་འདོད་ཀྱི་ཡོད་ཀྱང་། མང་པོ་ཞིག་གིས་དངུལ་དང་དཔལ་འབྱོར་བདེ་སྐྱིད་ཀྱི་རྩ་བ་ཡིན་པར་ནོར་འཁྲུལ་ངོས་འཛིན་བྱེད་བཞིན་ཡོད་སྟབས། སེམས་དང་སྲོག་ཅེས་པའི་ཚོཊ་པ་དེས་ཕྱི་དངོས་པོ་ལས་ནང་བསམ་བློའི་རིན་ཐང་ལ་དོ་སྣང་བྱས་ཏེ། སེམས་ཞི་བདེ་བག་ཕེབས་ཐོག་བདེ་སྐྱིད་བསྐྲུན་རྒྱུའི་ལམ་སྟོན་གནང་བཞིན་ཡོད་ཅིང་། ཁོང་ཉིད་འཛམ་གླིང་གང་སར་བསྐྱོད་སྐབས་ནང་ཆོས་སྐོར་འགྲེལ་བཤད་རྒྱག་བཞིན་ཡོད་ནའང་། དུས་ནམ་ཡང་ནང་ཆོས་ཁྱབ་སྤེལ་དུ་གཏོང་རྒྱུའི་དམིགས་ཡུལ་བཟུང་མྱོང་མེད་ལ། མི་རྣམས་ཀྱིས་ཆོས་ལུཊ་གང་ལ་དད་མོས་བྱེད་མིན་གཙོ་བོ་མིན་པར། གལ་ཆེ་ཤོས་ཚང་མ་དྲང་བདེན་དང་བྱམས་སྙིང་རྗེ་ཡོད་པའི་མི་ཞིག་བྱ་དགོས་རྒྱུ་དེ་ཡིན་སྐོར་གསུངས་འདུག
ཉིན་རྒྱབ་༸གོང་ས་མཆོག་གིས་སུད་སི་གཙོས་འཇར་མན་དང་ཧྥ་རན་སིའི་གསར་འགོད་པའི་བོད་མིས་རང་སྲེག་སྐོར་གྱི་དྲི་བར་ལན་འདེབས་གནང་སྟེ། “སྤྱིར་འདི་ཆབ་སྲིད་ཀྱི་དྲི་བ་ཞིག་ཆཊ་ཡོད་ཀྱང་ངོས་རང་བོད་མིའི་ཆབ་སྲིད་ལས་འགན་ནས་རྒས་ཡོལ་ཞུས་ཟིན་པ་ཡིན། འོན་ཀྱང་ང་ཚོས་ཤེས་དགོས་པ་ཞིག་ལ། རང་ལུས་མེར་བསྲེཊ་གཏོང་མཁན་ཚོས་མི་གཞན་ལ་འཚེ་བ་བྱེད་མ་ཐུབ་པ་དེ་འདྲ་མ་རེད། ཁོང་ཚོས་གཞན་ལ་འཚེ་བ་བྱ་རྒྱུའི་ཚབ་ཏུ་རང་ཉིད་བློས་གཏོང་བྱས་ཡོད་པ་རེད། རང་ལུས་མེར་བསྲེཊ་ཐོག་མར་བྱུང་སྐབས་ངོས་རང་ཧ་ཅང་བློ་ཕམ་བྱུང་། དེས་ནུས་པ་ཅི་ཙམ་ཐོན་མིན་ཐད་ངོས་ལ་ཐེ་ཚོམ་ཡོད་པ་སྐབས་དེར་གསལ་བཤད་ཞུ་རྒྱུ་བྱུང་། ངོས་ཀྱིས་ལས་འགུལ་དེ་སྤེལ་དགོས་པའི་བརྒྱུད་སྐུལ་ནམ་ཡང་བྱས་མྱོང་མེད ”ཅེས་གསུངས་འདུག
ཚེས་ ༡༣ ཉིན་༸གོང་ས་མཆོག་གིས་སུད་སི་གྲོང་ཁྱེར་ཧྥོར་བྷག་ཚོགས་ཁང་ཆེན་མོར་རྒྱལ་ཁབ་ ༣༠ ནས་བཅར་བའི་ཆོས་ཞུ་བ་ ༨༠༠༠ བརྒལ་བར། ཇོ་བོ་རྗེས་མཛད་པའི་༼བྱང་ཆུབ་ལམ་སྒྲོན༽བཀའ་ཁྲིད་དང་འབྲེལ་སྒྲོལ་དཀར་གྱི་བཀའ་དབང་བསྩལ་ཡོད་ཅིང་། སྐབས་དེར་༸གོང་ས་མཆོག་གིས་མང་ཚོཊ་ལ་འགྲོ་བ་མིའི་རིཊ་ཚང་མ་བདེ་བ་འདོད་མཁན་དང་སྡུག་བསྔལ་མི་འདོད་གཅིག་མཚུངས་ཡིན་རུང་། ཉོན་མོངས་མ་རིག་པའི་དབང་གིས་སྡུག་བསྔལ་གྱི་དབང་དུ་འགྲོ་བཞིན་ཡོད་པ་དང་། ལྷག་པར་དུ་དེང་སྐབས་ཉོན་མོངས་དབང་གིས་གཞན་ལ་རྫུན་དང་ཁྲག་དོག གནོད་སེམས་བཅངས་ན་མི་འཇོན་ཐང་ཅན་དུ་བརྩི་བ་དང་། གཞན་ཕན་གྱི་བསམ་བློ་ཤུཊ་ཆེན་པོ་ཡོད་མཁན་ལ་བྱབ་ཆུང་དུ་ངོས་འཛིན་བྱེད་པ། སྒྲུབ་པ་ཉམས་ལེན་ཚུལ་བཞིན་བྱས་ན་དེ་ལ་དཔཊ་པའི་སྒྲུབ་རྟཊ་ཐོན་བཞིན་ཡོད་སྐོར་གསུངས་ཏེ། “སྔ་མོ་ང་ཚོ་བོད་ནས་ངོ་ཤེས་ཡིན་པ་རྣམ་རྒྱལ་གྲྭ་ཚང་གི་རིན་ཆེན་རྡོ་རྗེ་ཞུ་བ་ཞིག་ཡོད། ཁོང་གཤེཊ་ནས་ཉིན་བཅུ་ཙམ་རིང་ཐུཊ་དམ་ལ་བཞུཊ་པ་རེད། ཕན་པོའི་དགེ་འདུན་པ་ལོ་ ༩༨ ལ་སོན་པ་ཞིག་ཀྱང་ཉེ་ཆར་གཤེཊ་ཏེ་ཐུཊ་དམ་ལ་བཞུཊ་འདུག རྒྱ་གར་ནང་འདས་པའི་ལོ་ལྔ་བཅུ་རིང་ཐུཊ་དམ་ལ་བཞུཊ་མཁན་ང་ཚོས་ཤེས་རྟོཊ་བྱུང་བ་ཉི་ཤུ་རྩ་གྲངས་ཤིག་ཡོད་པ་རེད། དེའི་ནང་ཁག་གཅིག་བདུན་ཕྲག་གསུམ་བཞི་ཙམ་བཞུཊ་ཀྱི་འདུག ངོས་ཀྱིས་བསྙེན་རྫོཊ་ཞུ་ཡུལ་གླིང་རིན་པོ་ཆེ་མཆོག་ཞག་བཅུ་གསུམ་ཐུཊ་དམ་ལ་བཞུཊ་ཡོད། དགའ་ལྡན་ཁྲི་ཟུར་བློ་བཟང་ཉི་མ་ལཊ་ཉིན་བཅོ་བརྒྱད་བཞུཊ་ཡོད ”ཅེས་གསུངས་འདུག
ཕྱི་ཚེས་ ༡༤ ཉིན་གྱི་ཕྱི་དྲོ་ཚོགས་ཁང་ཆེན་མོ་དེ་རང་ལ་སུད་སིར་གནས་སྡོད་བོད་རིགས་ ༤༥༠༠ ཙམ་ལ་ཟུར་མཇལ་ཐོག དབུ་མའི་ལམ་སྲིད་བྱུས་དང་འཚེ་མེད་ཞི་བའི་སྐོར་ལ་བཀའ་སློབ་བསྩལ་ཏེ། “བོད་རྒྱ་འོག་དང་རྒྱ་ཁོངས་མ་རེད། རྒྱ་ནག་ཅེས་པ་ནི་རྒྱ་མིའི་ལུང་པ་རེད། རྒྱ་མི་རིགས་དང་བོད་མི་རིགས། ཡུ་གུར་མི་རིགས། སོག་པོ་མི་རིགས་བྱས་ནས་ང་ཚོ་སྤུན་ཟླ་མི་རིགས་བརྗོད་རྒྱུ་དེ་མི་རིགས་གཅིག་གྱུར་ཆགས་ཡོད། མི་རིགས་དེ་དག་གོང་བུ་ཆགས་ཡོད་པ་དེ་སྤྱི་མཐུན་རྒྱལ་ཁབ་ཅེས་པ་ཆགས་ཡོད། ང་ཚོ་བོད་སྤྱི་མཐུན་རྒྱལ་ཁབ་ཀྱི་ཁོངས་རེད་མ་གཏོགས་རྒྱ་འོག་མ་རེད “ཅེས་གསུངས་འདུག
སྐབས་དེར་རྒྱལ་སྤྱིའི་བོད་དོན་ལས་འགུལ་ཁང་གི་གོ་སྒྲིག་འོག ༸གོང་ས་མཆོག་གིས་ཚོཊ་ཁང་དེར་བོད་དོན་རྒྱབ་སྐྱོར་གནང་མཁན་སྟེ། དབྱིན་ཡུལ་སྐུ་ཞབས་རོ་བྷ་ཊི་ཕོ་ཌ་ (Robert Ford) ལཊ་དང་། འཇར་མན་མི་སེར་ཡིན་པ་གཙུག་ལག་སློབ་དཔོན་ཤི་ཝར་ཛི་ཤི་ལིངྒ་ལཊ། སུད་སིའི་ལྕམ་སྐུ་སི་གྷི་རི་ཊི་ཧོ་སི་ཨརན་ལཊ། ཧོལ་ལེན་ཌི་ནས་ཡིན་པ་ཐིའོ་ཝན་བྷོ་ཝེན་ལཊ། ཡུ་རུ་གོའི་སྐུ་ཞབས་ཝིལ་ཌར་ཊེ་ལར་ལཊ་བཅས་ལ་བདེན་པའི་འོད་སྣང་གི་ཆེ་བསྟོད་གཟེངས་རྟགས་ཀྱང་བསྩལ་ཡོད་འདུག
ཕྱི་ཚེས་ ༡༥ ཉིན་༸གོང་ས་མཆོག་གིས་མུ་མཐུད་དུ་ལའོ་སེན་ནེ་གཙུག་ལག་སློབ་གྲྭའི་ནང་ (University of Lausanne) ཞི་བའི་ངང་འཚོ་བ་དང་འཆི་བ་ཞེས་པའི་མགོ་བརྗོད་འོག ཚན་རིག་དང་མི་གཞི་བར་གྱི་མཁས་པའི་བགྲོ་གླེང་ཐོག་ལྷན་ཞུཊ། མང་ཚོགས་ལ་ཆོས་དང་མ་འདྲེས་པའི་བཟང་སྤྱོད་ཐོག་བཀའ་སློབ། དེ་བཞིན་སུད་སི་རྒྱལ་ཡོངས་གྲོས་ཚོཊ་ཚོཊ་གཙོ་མཆོག་གཙོས་འབྲེལ་ཡོད་དཔོན་རིཊ་ཁག་ཅིག་ལ་མཇལ་འཕྲད་བཅས་གནང་ཡོད་འདུག
ཚེས་ ༡༩ ནས་ ༢༠ ཉིན་བར་དབྱིན་ཇིའི་ཀེམ་པི་རེ་ཇི་གཙུག་ལག་སློབ་གྲྭར་ཆིབས་བསྒྱུར་གྱིས། འཚེ་མེད་ཞི་བའི་ལམ་ནས་རྩོད་རྙོག་འདུམ་འགྲིག་གནང་ཐབས་ཀྱི་རྒྱལ་སྤྱིའི་མཁས་པའི་བགྲོ་གླེང་ཐོག་ལྷན་ཞུཊ་གནང་རྒྱུ་དང་། ཕྱི་ཚེས་ ༢༠ ཉིན་ཕྱིར་རྒྱ་གར་དུ་ཆིབས་བསྒྱུར་བསྐྱངས་རྒྱུ་ཡིན་འདུག
ཐེངས་འདིའི་ཆིབས་བསྒྱུར་སྐབས་དང་བསྟུན་བོད་མིའི་སྒྲིག་འཛུཊ་སྲིད་སྐྱོང་བློ་བཟང་སེང་གེ་མཆོག་གིས། སུད་སི་གཞུང་གིས་བོད་མིར་རོཊ་རམ་གནང་བར་བསྔཊ་བརྗོད་དང་འབྲེལ། ས་གནས་བོད་མི་ཚོས་ཡུལ་ཁྲིམས་ཡག་པོ་འཁུར་བའི་བོད་མི་ཡ་རབས་ཞིག་བྱ་དགོས་པའི་སྐུལ་མ། དེ་བཞིན་དབུ་མའི་ལམ་གྱི་སྲིད་བྱུས་ངོ་སྤྲོད་དང་སྲིད་བྱུས་དེར་རྒྱལ་སྤྱི་ཙམ་མིན་པར། རྒྱ་ནག་ནང་དུའང་རྒྱབ་སྐྱོར་བྱེད་མཁན་ཇེ་མང་དུ་འགྲོ་བཞིན་ཡོད་སྐོར་གཏམ་བཤད་སྤེལ་འདུག
གསར་འགོད་པ། དཔལ་ལྡན།
