དཔལ་ས་སྐྱ་གོང་མ་རིན་པོ་ཆེ་མཆོག་གིས་ཨ་རིའི་ནེའུ་ཡོག་གྲོང་ཁྱེར་བརྩེ་ཆེན་ཀུན་ཁྱབ་གླིང་ཆོས་ཚོགས་སུ། བོད་པ་གཙོས་ཕྱི་ནང་ཆོས་ཞུ་བ་ ༣༠༠༠ བརྒལ་བར་བླ་མའི་རྣལ་འབྱོར་གྱི་བཀའ་དབང་གནང་འདུག
ཉེ་ལམ་དཔལ་ས་སྐྱ་གོང་མ་བདག་ཁྲི་རིན་པོ་ཆེ་མཆོག་གིས་ཨ་རིའི་ནེའུ་ཡོག་གྲོང་ཁྱེར་དུ་རྟེན་གཞི་བྱས་པའི་བརྩེ་ཆེན་ཀུན་ཁྱབ་གླིང་ས་སྐྱའི་ཆོས་ཚོགས་ནང་། ས་གནས་བོད་རིགས་མང་ཚོགས་གཙོས་ཧི་མ་ལ་ཡའི་རི་རྒྱུད་ཀྱི་ནང་པའི་མི་རིགས་དང་། རྒྱ་རིགས་དད་ལྡན་ཆོས་ཞུ་བ་བཅས་ཁྱོན་མི་ ༣༠༠༠ བརྒལ་བར་བླ་མའི་རྣམ་འབྱོར་གྱི་ཆོས་འབྲེལ་དང་བཀའ་དབང་བཅས་གནང་ཡོད་འདུག
གསུང་ཆོས་ཀྱི་སྐབས་དང་བསྟུན་ས་སྐྱ་གོང་མ་བདག་ཁྲི་རིན་པོ་ཆེ་མཆོག་གིས། མང་ཚོགས་ལ་ནང་པ་སངས་རྒྱས་པའི་ཆོས་ནི་དད་པ་ཁོ་ན་ཙམ་གྱིས་མི་ཆོག་པར་གཞུང་གང་དེའི་བརྗོད་བྱའི་ནང་དོན་རྣམས་ལེཊ་པར་རྟོགས་པའི་ཐོག་ཤེས་ནས་དད་པ་ཐོབ་དགོས་པ་ཞིག་དང་། བོད་གངས་ཅན་གྱི་ལྗོངས་སུ་དུས་འགྱུར་ཆེན་པོ་ཞིག་བྱུང་སྟེ་ད་ཆར་བོད་མི་རྣམས་འཛམ་གླིང་ཡུལ་གྲུ་འདྲ་མིན་ནང་བཙན་བྱོལ་དུ་གྱར་དགོས་བྱུང་ཡང་། ༸གོང་ས་མཆོག་གིས་བླ་ན་མེད་པའི་ཐུགས་བསྐྱེད་དང་བྱིན་རླབས། རླབས་ཆེན་གྱི་མཛད་འཕྲིན་བཅས་ལ་བརྟེན་ནས། དེང་སྐབས་བོད་ཀྱི་ཆོས་དང་རིག་གཞུང་འཛམ་གླིང་གང་སར་དར་ཁྱབ་ཆེན་པོ་འགྲོ་བཞིན་ཡོད་པ། བོད་མི་ཚོས་ཀྱང་སོ་སོ་གང་དུ་ཡོད་མེད་ལ་མ་ལྟོས་པར། སོ་སོའི་གཏིང་ཟབ་ཀྱི་རིག་གཞུང་རིན་ཐང་ངོ་ཤེས་པའི་ཐོག་བོད་མི་ཡ་རབས་ཞིག་བྱ་དགོས་པའི་བཀའ་སློབ་གནང་འདུག
སྐབས་དེར་ཨ་རིའི་སྐུ་ཚབ་དོན་གཅོད་བློ་བཟང་སྙན་གྲགས་མཆོག་གིས་ཀྱང་། དཔལ་ས་སྐྱ་གོང་མ་རིན་པོ་ཆེ་མཆོག་གིས་སྐུ་ངལ་ལ་མ་འཛེམས་པར་ཨ་རིའི་ནང་ཆོས་འབྲེལ་གནང་བར་འཚམས་འདྲི་དང་འབྲེལ། བོད་ནང་སྡུག་བསྔལ་མྱོང་བཞིན་པའི་བོད་མི་ཚོའི་ཐུགས་སྨོན་གང་ལེགས་གནང་དགོས་པའི་སྐྱབས་འཇུག་དང་། ཆོས་ཞུ་བ་ཚོར་ད་ལྟའི་བོད་ནང་གི་ཛ་དྲག་གནས་སྟངས་སྐོར་གསལ་བཤད་དང་། བོད་ནང་གི་བོད་མི་ཙམ་མིན་པར་བཙན་བྱོལ་བོད་མི་ཚོ་ཡང་བོད་དོན་འཐབ་རྩོད་ཐོག་སེམས་ཤུཊ་དང་ལྷག་བསམ་ཆེན་པོར་ཡོད་པར་བསྔཊ་བརྗོད་གནང་སྟེ། བོད་མིའི་ཆོས་དང་རིག་གཞུང་སྲུང་སྐྱོབ་ཐོག་མུ་མཐུད་ཤུགས་སྣོན་རྒྱག་དགོས་པའི་ནན་སྐུལ་གནང་ཡོད་འདུག
དཔལ་ས་སྐྱ་གོང་མ་བདག་ཁྲི་རིན་པོ་ཆེ་མཆོག་གིས་ད་ལོའི་ཕྱི་ཟླ་ ༧ བར་མུ་མཐུད་དུ་ཨ་རིའི་གྲོང་ཁྱེར་དང་ས་གནས་འདྲ་མིན་ནང་མང་ཆོགས་ལ་ཆོས་འབྲེལ་དང་བཀའ་སློབ་གནང་འཆར་ཡོད་འདུག
གསར་འགོད་པ། དཔལ་ལྡན།
